رجاء هام الى جميع الأعضاء

[fagrmasr01]

اخواتى وإخوانى الاحباب أعضاء منتدانا الحبيب
احييكم بتحية الاسلام المباركة الطيبة
السلام عليكم ورحمة الله وبركاته
لى عندكم ملاحظة و رجاء أخوى .. وأرجو من الله ان تتقبلوا ملاحظتى .. وان تستجيبوا لرجائى

من خلال حبى للمنتدى الذى نتشرف بعضويته ونحب جميعاً ان يتطور وينمو ليصبح بإذن الله عملاق المنتديات العربية لما فيه من أعضاء يتميزون بأخلاقيات راقية وبما فيه من إدارة متعاونة وكذلك المشرفين المتميزين حقاً وصدقاً

ملاحظتى .. البعض يكتب أحيانا خمسة او ستة موضوعات فى يوم واحد مما يجعل المنتدى فى بعض الايام تزيد موضوعاته الجديدة عن عشرين موضوع او اكثر مما يجعل متابعة الاعضاء للموضوعات عمل مرهق جدا وخصوصا ان أغلبنا يحترم ان من كتب موضوع فهو يستحق ان نتابع كل موضوع وان نرد عليه

كما ان بعضنا يكتب الموضوع ويتركه فلا يتابع الردود والمشاركات التى يتم إضافتها من باقى أعضاء المنتدى سواءً كانت رد أو تقدير او موافقة او معارضة لما جاء فى موضوعه

رجائى هو ان يكتفى كل منا بكتابة موضوع او اثنين فقط فى اليوم
على ان يلتزم كل صاحب موضوع بمتابعة المساهمات التى تتم فى موضوعه والاستجابة الى الردود التى تصل اليه

شاكراً لكم جميعاً حسن تعاونكم
وجزاكم الله خير الجزاء

[اميرة حبى انا]

ياااااااااااااااااااا رب
يسمعوا منك يااستاذ جمال
فى مواضيع كتير محدش شافها اصلا بسبب الخمس وست مواضيع فى يوم واحد
لا وايه
وفى نفس القسم كمان
والله ده فى مصلحة الجميع
بس اللى يسمع ويعمل بكده

[fagrmasr01]

يارب ربنا يخليكى يا أميرة
متشكر جداً لكلمتك القيمة الجميلة
منتحرمش منك يا سعادة المشرف العام الطيبة
شكرا على الدعم
ربنا يجازيكى عنا خير الجزاء
آمين

[lovelorn_3000]

اقتراح جميل يا استاذ جمال شكرا

وانا موافق

[fagrmasr01]

اخى الكريم لوف لورن
الف شكر على تأييدك ودعمك للفكرة
واتمنى ان الجميع يساعدوا فى تنفيذها
جزاك الله خير

[خلود]

والله يااستاذ فجر ياريت يسمعوا وعوا علشان بجد فيه مواضيع جميله جدا بتتحط فى المنتدى هنا ولا حد بيشوفها

ولا

بتاخد حقها من العرض والمناقشه لان كل يوم مواضيع تنزل مش 1 ولا 2 ساعات بيبقى اكتر من 5 مواضيع

احنا فى بدايه المنتدى ده نزلنا شويه مواضيع جميله بجد ولا حد شافها اساسا

وحتى الجديد مش بياخد حظه من المناقشه والعرض والرد عليه مش لاحقين بصراحه نرد

تسلم ايدك يااستاذ جمال

[اسامة22]

اقتراح جميل يااستاذ/جمال أفندي
واجب النفاذ فعلا وياريت ادارة المنتدي
تتخذ اجراء حاسم ويصبح من قوانيين المنتدي
وان يكون للعضو في اليوم الواحد مشاركتين فقط
شكرا ياأستاذ/جمال أفندي
يانوارة المنتدي .... وحبيب أعضائة

[DMR]

ده فعلا موضوع مهم جدا و انا موافقه على رأيك يا استاذ جمال
و شكرا ايضا لاهتمامك بالمنتدى

[fagrmasr01]

خلود .. أسامة .. دى دى

اولا الف شكر على اهتمامكم بما أبديته من ملاحظة ورجاء

والف الف شكر على محبتكم واخوتكم
يارب يبارك لى فيكم جميعا ويكرمكم بعظيم فضله وبواسع كرمه وعفوه
آمين

[fagrmasr01]

أتمنى من كل قلبى ان كل أحبابى
يراجعوا ملاحظتى وان ينتبهوا الى رجائى
رجاء الأخ الى اخوانه وأحبابه
والله ولى التوفيق

[الباشا تلميذ]

رأى سديد من استاذ جليل
شكرا لك تنويهك وتنبيهك هذا يا أستاذ جمال
وجذاك الله خيرا

[fagrmasr01]

ربنا يبارك فيك يا باشا ويكرمك .. ويجازيك عنى خير الجزاء
آمين

[fagrmasr01]

أتمنى على الاخوة المشرفين تثبيت هذا الموضوع لاننا فى فترات كثيرة نحتاج الى تكرار الملاحظة سواء الى اعضاء جدد او لبعض الاخوات والاخوة الذين لم يلاحظوا هذا الرجاء

شكرا لكم تعاونكم

[mervat_u]

بمناسبه استاذ جمال ............واقتراحه تركيز موضوعين لا اكثر للاعضاء احب اشكره لاهتمامه واحب اشكر جميع الاعضاء المتميزين سائلين الله ان يوفقهم جميعا ويسدد خطاهم وان دل هذا فانما يدل علي الوجهه المشرفه لمصر والحمد لله انتم نموذج جيد للمصرين .............واوعدكم قريبا ان اشارك بموضوعات لها قيمه
لكم مني اجمل التحيات ...........

[fagrmasr01]

أشكرك اخت ميرفت على كلماتك الطيبة وعلى تأييدك

وبرغم ان الموضوع مهم
الا اننى استغرب لعدم تثبيته برغم تكرار احتياجنا اليه

هل هناك شروط خاصة لتثبيت الموضوعات

[اميرة حبى انا]

لا مافيش شروط
غير ان فى موضوع مثبت
موجود فيه اماكن المواضيع
ومكتوب فيه اللى حضرتك كاتبه ده واكتر
وعلى فكرة مش انا اللى ثبت الموضوع الموجود
شكرا لاهتمام حضرتك

[fagrmasr01]

فى موضوع مثبت
موجود فيه اماكن المواضيع
ومكتوب فيه اللى حضرتك كاتبه ده واكتر

شكرا جزيلا
لم اكن اعرف ان هناك موضوع مثبت بهذا الشأن

[ام العيال]

جازاك الله خيرا اخى الفاضل على التنبيه
ربنا يكرمك بكرمه يارب لان الموضوع ده فعلا مهم
لفايدة الجميع

[ah-mo]

والله يا استاذ الفكره حلوه وجميله بس انا في اعتقادي اننا بنتكلم عن فئه معينه وهي العاملين الذين لا يستطعيو الجلوس امام النت سوي ساعات قليه وماذا عن الشبه متفرغين من الطلبه والاخوي ربات البيوت ؟؟؟
كذلك ارجو ان يزدهر المنتدي بكافه الاراء والافكار والمعلومات
واخير هذا مجردرائي هذا راي شخصي ولكني فيالنهايه مع الاغلبيه
ربنا يوفق الجميع

[fagrmasr01]

الاخت ام العيال ... شكرا جزيلا
استاذ احمد مختار .. شكرا جزيلا

وكل عام وحضراتكم بخير

[أبو على المصرى]

جارى التنفيذ يا باشا
http://up.dvd2arab.com/uploads/eaa1f071ed.gif (http://www.vb.6ocity.net/%5Burl=http://www.Dvd2Arab.com%5D%5Bimg%5Dhttp://up.dvd2arab.com/uploads/eaa1f071ed.gif%5B/img%5D%5B/url%5D)

[مصطفى مامون]

كلام تمام وانا حسيت انى عملت كده فبعتذرعن اللى حصلوشكرا على العتاب الغير موجه حقيقى انت صح