- لحظه وداع وكنها سكرت الموت -

[RSS]

رفعت كفي .. ماقدرت ارفـع الصـوت



لو كـان فالخاطـر .. كـلام ٍ كتمتـه



http://uploaded.m0dy.net/663393/m0dy.net-01282448922.jpg



لحظه وداع / وكنهـا سكـرة المـوت

ضاع الطريق.. اللي من اول رسمتـه




ضاع الطريق وصرت في الدرب مبهوت

مدر ي وش اللي فاتني مـا اغتنمتـه !




العمر مرّ .. وراح مع فايـت الفـوت

صحيح ضعت وضاع حلـم ٍ حلمتـه




http://uploaded.m0dy.net/663393/m0dy.net-11282448922.gif



الا انت ياللي قربـك لروحـي القـوت

لو غبت / يبقى وسمك اللـي وسمتـه




يبقى كما نقش ٍ على الصخر منحـوت

حفظتـه .. بشكلـه ولونـه وسمتّـه




مهما الفراق اوجـاع والبعـد ممقـوت

اصبح مصير ٍ من غـلاك / احترمتـه




دمع النصر لو طاح من عين جالوت

عين العقل دمع ٍ تكنّـه / حشمتـه




http://uploaded.m0dy.net/663393/m0dy.net-21282448922.gif



ذخرت لك يافرحـة العمـر .. تابـوت

فيـه الغـرام اللـي بديتـه / ختمتـه




يبقى الغصن لو مابقى فالغصـن تـوت

تحـرك انسـام الذعاذيـع .. صمتـه




http://uploaded.m0dy.net/663393/m0dy.net-01282449408.gif



سكّت .. وانا مـن موادعـك مكبـوت

شي ٍ تجاهلتـه .. وشـي ٍ فهمتـه !




حبل الرجاء من جور الايـام مفلـوت

ياليت قلبـي عـن غرامـك عصمتـه









/


نااار البحررر:big_boss: