المساعد الشخصي الرقمي

مشاهدة النسخة كاملة : اوعى تصدقى



fagrmasr01
19-03-2009, 02:36 AM
اوعى تصدقى يا حبيبتى انى ممكن يوم ابيعك
لو جابوا برد ليالى الشتا بدلوها لى مكان ربيعك
عمرى ما هعرف انساكى
ولا روحى تقدر تسلاكى
يالى الفؤاد داب ف هواكى
وروحى سكونها ف رضاكى

القلب تفرح دقاته
اللحن تكمل نغماته
بقربك ياحب حياته
ودك هناه وابتساماته
انتى جزء منى وانا جزء منك ، لا لا لأ جميعك


يا ام الضفاير ذهب مكسية توللى حرير
يا ام الغناوى عجب يامعطرة الأسـاطير
عاشق بعين المحب وعشقى ليكى سفير
ولو يحكمونى انا هخدك على جناحى واطير

لو كل الدنيا دى تنسى احلام الحب ف يوم
كان قلبى يقدر ينسى حبك ويعيش محروم

lovelorn_3000
19-03-2009, 03:37 AM
ايه الشعر الجميل ده

ربنا يخليك لينا

وتنعشلنا مشعرنا ديما

fagrmasr01
20-03-2009, 01:15 AM
الف شكر يا لاف لورن على مرورك الكريم وتشجيعك الطيب
شكراً جزيلاً
جمال

ام الاء
20-03-2009, 03:27 AM
الكلام جميل تسلم ا يدك
لكن عجبنى الكلام عن الشعر والضفاير
ياترى الشعر ده طبيعى

fagrmasr01
20-03-2009, 08:10 AM
ألف شكر يا أم الاء على تشجيعك الجميل الطيب

وشعرها الذهبى طبيعى طبعاً .. طبيعى جداً


المشكلة اللى بجد يا أم الاء إنى بحبها جداً

مع إنها مش مراتى أم أولادى

لكن حبها حلال والله العظيم

وعشان كده باتغزل فيها فى كل وقت

لانى باعشقها عشق غير طبيعى

والناس كلها عارفين اسم حبيبتى

وحضرتك أكيد عارفة إسمها من خلال أشعارى السابقة

لأنى كتبت عن حبها كتير اوى

طبعا عارفة .. صح؟

مفيش حد ميعرفش اسم معشوقتى ومحبوبتى

مصر

ربنا يحرسها ويحمى ولادها

أشرف صالح
25-03-2009, 02:02 PM
أهو انت كده خدت الكلام من جوايا ( عشره على عشره )

fagrmasr01
25-03-2009, 02:23 PM
أستاذ اشرف صالح
الف الف شكر على اهتمامك بالمرور على موضوعاتى
وربنا عز وجل يجازيك عنى خير
وعلى فكرة .. انا من المعجبين جدا بكتابات حضرتك
ربنا يخليك

DMR
25-03-2009, 03:59 PM
بجد مش عارفة اقول ايه
بجد اشعار جميلة جدا
شكرا جزيلا استاذ جمال

fagrmasr01
25-03-2009, 04:03 PM
دى دى
انا الى مش عارف اشكر حضرتك ازاى
بصراحة مرورك أسعدنى
وتشجيعك الجميل دا له أثر كبير فى النفس
الف شكر دى دى
ربنا يجازيكى عنى خير

اميرة حبى انا
25-03-2009, 05:25 PM
ايه الروعة دى
ايه الحب ده كله
بس هى تستاهل

fagrmasr01
25-03-2009, 05:43 PM
ربنا يخليكى يا أميرتنا
مرورك بيسعدنى .. وتشجيعك يساعدنى
ربنا ميحرمناش يا صاحبة السمو يا أميرتنا النشيطة

lionking
25-03-2009, 06:09 PM
الله الله الله

بجد رائعة بجد

يا بختها يا استاذ جمال اللى مكتوبلها الكلام الجميل ده

تسلم ايدك

ومتحرمناش من شعرك واحاسيسك الرائعة دى

fagrmasr01
25-03-2009, 06:24 PM
ليون .. الف شكر على تشجيعك المستمر

وانا ف الحقيقة بحبها جداً

مع إنها مش مراتى أم أولادى

لكن حبها حلال والله العظيم

وعشان كده باتغزل فيها فى كل وقت

لانى باعشقها عشق غير طبيعى

والناس كلها عارفين اسم حبيبتى

وحضرتك أكيد عارفاها من خلال أشعارى السابقة

لأنى كتبت عن حبها كتير اوى

طبعا عارفة .. صح؟

مفيش حد ميعرفش اسم معشوقتى ومحبوبتى

مصر

ربنا يحرسها ويحمى ولادها

الفارس
25-03-2009, 06:31 PM
ماأروع وأجمل كلماتك ياعم جمال . . بعد كلامك الى بتكتبه بيبقى صعب نكتب بعده
لكن على أد مابنقدر نعبر بالى حاسينه بنكتبه فى ردودنا بكلمات بسيطه . . تسلم أيدك

الباشا تلميذ
25-03-2009, 07:29 PM
والله مش عارف اقول ايه بعد اللى قريته
شاعر مليئ بالاحاسيس والمشاعر الجميله
رائعــــــــــــــــــــــــــــــــــه
تسلم ايدك ياستاذنا

خلود
25-03-2009, 11:33 PM
ماذا اقول بعد كل ما قيل



اقول عثـــــــــــــــــــــــــــل ورائعـــــــــــــــــــــــــــــه جدا

fagrmasr01
26-03-2009, 01:59 PM
الفارس .. صديقى العزيز
الف الف شكر على مرورك وعلى تشجيعك الجميل
ربنا يبارك لك ويكرمك

fagrmasr01
26-03-2009, 02:01 PM
الباشا .. الرائع
الف الف شكر على مرورك وتشجيعك
بجد بجد بانتظر تعليقك باستمرار
زى ما انا باستمرار بتعجبنى كل موضوعاتك
ربنا يخليك يا باشا ويكرمك يارب

fagrmasr01
26-03-2009, 02:03 PM
خلود الرائعة
مرورك على اللى باكتبه بيخلى الصفحة منورة
وتعليقك الجميل دا
بيسعدنى جدا جدا
ربنا يارب يخليكى ويكرمك ويبارك فيكى
وميحرمنيش من هذا المرور الكريم وهذا التشجيع الذى يعطينى دائماً حافز على ان استمر