RSS
10-11-2010, 10:01 AM
المناقشه دى استفزتنى اوى...بدون ذكر اسم الموقع او اسم الشابين..ولكن..اقروا معايا كدا وشوفوا..وقولوا رايكوا...
الموضوع اسمه الى مواليد التسعينات عيشوا عيشه اهلايكوا شويه..
ودا التوبيك...
اقتباس:
العيال اللى قاعدين ع الفيس بوك يتريقوا على كلمة إنجازات مبارك وحملة الحزب الوطنى
وعد فأوفى ... والشباب الكول اللى مغرق نفسه حركات إشى 6 إبريل واشى 9 مارس
وكلهم خلاص مش عاوزين الرئيس مبارك، واضح ان كلهم مواليد التسعينات بعد افتتاح
دريم بارك وتشغيل شبكة المحمول ..أحب اقولهم عيشوا عيشه اهاليكم شويه ..و
اسمحولى معلهش ازعجكم شويه وافكركم اهاليكم كانوا عايشيين ازاى قبل مبارك.
شارعنا كان فيه 3 عربيات فقط لا غير ومنهم سيارة والدى الرهيبة ال 128 وكنت كل يوم
انزل بالمفتاح للعيال فى الشارع ينقلوها علشان يلعبوا كورة (ملحوظة كنا نسكن شارع
رئيسى يمر فيه اليوم مترو الأنفاق).
عمارتنا كان فيها تليفونين واحد فى الدور الثانى وواحد عندنا فى الخامس وكانت العمارات
الثلاث تتناوب عليهما لدرجه فكرنا يوما ان نضع عدة على السلم برة.
اصحابى فى الصيف كانوا ينزلوا كل يوم 9 صباحا يتنقلوا من طابور لطابور على بقالين
المنطقة لحد كل واحد ما يرجع لابوه بعلبتين سجاير سوبر ( ملحوظه الحمد لله ابى لم
يكن مدخن) اجدع بقال كان عنده 3 اصناف جبنه بيضه وجبنه رومى وحلاوه ... الجبنه
النستو جت بعد 81.
وكانت العائلة كلها بتستحمى بصابونة واحدة هى هى بس كل كام شهر يغبروا اسمها و
كان عند البقال مفيش أنواع هو يا صابون وش يا صابون مواعين يا رابسو للغسيل .
وكنت سيادتك لما تيجى تتجوز تحجز ثلاجة و تحجز بوتاجاز وتحجز قطن علشان المراتب و
يا عالم تستلمهم قبل الجواز والا بعد ما تخلف .... ويقال إن والدى استلم البوتاجاز يوم
ولادة اخويا الأصغر و الانبوبه بعدها ب 6 شهور.
مصر كلها كانت بتتمرجح و تركب عربيات التصادم فى ملاهى ادهم لان السندباد فتحت 85
و طبعا دريم بارك فتحت 98 مصر كلها كانت بتصيف فى مكانين لا ثالث لهما .. شارع خالد
ابن الوليد و جمصه .... مين ينسى حفلات عمر فتحى فى جمصة.
المشروب الرسمى للشعب المصرى كان عصير القصب و اسباتس ده كان للضيوف و كل
اللى بتبرقعوا فيه دلوقت ده جه بعد 81.
كان بيفتح الساعه 5 و يقفل الساعه 12 و يسهر شويه يوم الخميس و القنوات كانوا اتنين
القناه الخامسه و القناه التاسعه بعد كده سموهم الاولى والتانية ... وكان برنامج الاطفال
الوحيد يوم الجمعه صباحا .
التلفزيون القديم كان شغال بالمكثف فكنت تفتحه و تستنى ربع ساعه على ما يولع و لما
جه التليفزيون الترانزيستور اللى تفتحه يشتغل على طول كنا حنتجنن.
وكان كل شارع فيه مخبأ علشان الغارات فى الحرب و كل عماره كانت بانيه سد طوب كده
قدام الباب قال يعنى القذيفه لو جت مش حتدخل العمارة و كان لون الزجاج ( معظمه )
مازال ازرق من أثار حرب اكتوبر .
و كانت الكهرباء مقطوعة معظم فترات النهار و المياه كذلك و حراره التليفون من المعجزات.
وأخيرا كانت مصر لم تحقق اى بطوله رياضيه افريقيه و رصيد ميداليه واحده اوليمبيه من
قبل الثوره .... و كل ما حققته مصر من بطولات فى كره القدم و الاسكواش و المصارعة
ووووو جاء بعد 1986 .
أصدقائى مواليد التسعينات أتمنى أن أكون قد قدمت لكم فكرة مبسطة عن الحياة فى بر مصر قبل افتتاح دريم بارك .
دى اول رد على مشاركته...انسان بيفهم
اقتباس:
هو فى لسه منك يا عم هشام الصادق
. دا أنا كنت فاكر أنهم مستخبيين وراء سد الطوب إللى كان امام العماره بتاعتكم من الفضيحه
بتاعت الوضع المخجل إللى أنت بتدافع عنه
. يا راجل بالزمه انت مش مكسوف من الكلام إللى انت كاتبه داه . . ايه يا سيد الكلام إللى أنت
كاتبه داه . انت فاكر ان محدش هيقرأ الكلام داه إلا جيل التسعينات عشان كده بتستخف بعقولهم
لحداثة سنهم لكن الجيل ده عنده ثقافه اكتر منك يا بتاع. . عصير قصب و علب سجاير وصابون
بريحه وجبنه ليستون ورابسو على تليفونات
على تليفزيونات . قال وميداليه رياضيه . هو داه اكبر همك ومبلغ علمك . عشان شوية إقطاعيين
جدد أمثالك استولو على مال الشعب وشغلوه فى السوق بالجشع و نزلولك شوية شاى مخلوط
بنشارة الخشب على شوية سمنه منتهية الصلاحيه . وغرقو السوق بالأغذيه الفاسده وحتى لبن
الأطفال لم يسلم من غشهم ... كده خلاص بقى مصر تقدمت ونهضت واصبحت دوله من ضمن
الدول الثمان الصناعيه .. والله العظيم ان هذا الكلام لم اسمعه فى حياتى وادقق فيه إلا منك و من
بعض العواجيز الفلاحين بتوع المساطب من مواليد العشرينات . بس دول معزورين لأنهم بسطاء
وتطلعاتهم على قد بسطاتهم ولم يعلمو مدى التطور الذى الحق بالبرازيل وإيران وتركيا والكوريتين
وماليزيا واندونيسيا وقطر والأمارات .... بينما نحن تراجعنا حتى سقطنا فى الهاويه بعد ما كنا
نتقدمهم بعشرات السنين . لكن أنت تدعى الثقافه . فما عزرك لكى تتطلع . وبعدين إنجازات الدول
لا يجب ان تقاس على حساب شوية شاى وسكر وصابونه بريحه وعلبة سمنه
انسان تانى زى الاولانى بيهيص فى الهيصه
اقتباس:
شوف حضرتك
لا شىء وليد الصدفة ابدا
اعداء مصر دارسين كل شىء بدقة
المعارضة اللى هى يد اعداء مصر ضد مصر و المصريين و مبارك اللى واقف لهم بالمرصاد و مانع عن مصر بلاوى متلتلة و عن العرب و عن المنطقة كلها بما فيها الافعى الايرانية
عاملين احصائيات عن كل شىء
و عرفوا ان الشباب دلوقت بيمثلوا نصف سكان مصر شباب اللى تحت الثلاثين
فراهنوا عليهم
اولا لان كل المصريين بيحبوا مصر
بس الجهل خيبة و الغباء خطيئة حسب المثل الانجليزى ما بيقول يعنى
الاخوان بيشتغلوا على المتدينين و يلقطوهم فى الجامعه
و طلاب ثانوى اللى بيروحوا دروس دينية بيجندوهم بدرى
و فيه عائلات بيشتكوا ان بناتهم حالهم بينقلب بعد ما يروحوا لتلقى دروس دينية
لان فيه ناس وظيفتها تجنيد الشباب و تشكيهم بطريقة تحرضهم ضد الحكومة و تزرع فيهم الحقد على المجتمع و تزرع فيهم انه لا شىء اسمه دولة او قانون و انه هناك فقط خلافة وولى وما الى ذلك
الباقيين بيشتغلوا لعيهم برضو
بواسطة فروع الجماعة اللى بدون لحية او بالجينز اللى مسميين نفسهم 6 ابريل و 9 مارس و كفاية و جمعية التغيير و غيرهم
طيب
الشباب دول اصلا ابيض فى السياسة
لما يلاقوا ناس بيقولوا لهم انتم سعد زغلول و مصطفى كامل
و ان مبارك سىء و الحكومة فاسدة و ان صمر كانت مثل امريكا و اوروبا و مبارك خللاها زى افغانستان يبقى هيصدقوهم
خاصة فى ظل انشغال الاعلام الحكومى سنوات عديدة فى اعلانات السمنة و الصابون
طلع جيل ميال للعنف و التطرف و التعصب الدينى
طلع جيل لا يقرا الا صحف المعراضة مواقع الجماعه المحظورة
طلع جيل لا يقتدى و لا يرفع الا صور خومينى و حسن نصر الله و خالد مشعل
طلع جيل لا يعرف قيمة سيناء و لا نصر اكتوبر المجيدة
جيل زى حضرتك ما وصفته
لا يعرف اى شىء الا ما تلقنه له المعارضة = السم فى العسل مثلما تفعل قناة الجنزيرة بالضبط
لا يعرفون حقيقة ما يحاك ضد مصر
لا يرون الصورة كاملة
لا يعرفون الخبايا و الخفايا
لا يعرفون كيف استلم مبارك مصر خرابة
و كيف تحولت الى جنة و ستتحول لجنة اكثر و اكثر
انسان ساخر مرارته بتجيب اخرها
اقتباس:
ابو قصبة اللي كاتب المقال ده .....انا عشت من 80-98 كل اللي بيقولة ده بغباوة اهلة ممكن يكون قصدة ان في 18 سنه في عهد القائد والزعيم المفدي طويل العمر إسم الله عليه كانوا معيشنا في قحط؟
شعب جاحد ناكر
شاب تانى مفروس
اقتباس:
ايوا واحنا مش هننكر برضو
ربنا يخليك لينا يا ممرجحنا يا مزحلقنا
يا مأكلنا الجبنه النستو
واحده لطيفه :11ap:
اقتباس:
المشكله بجد انه غبى
كل الشعب المصرى مكنش بيقول جبنه نستو
كان بيقول جبنه نستون
مواطنه مقهوره..
اقتباس:
لية كاتب المقال نسي الانترنت ؟
يعني الريس يتعب ويجيب لنا انترنت وشوية مواليد التسعينات يستخدموه بالجحود ده ؟
لا ياريس انا من مواليد الثمانينات وحضرتك بالنسبة للشعب زي الشمعدان زي مابتحبة بيحبك كمان وكمان بس ليا عتب عليك كبنت بتعاتب ابوها ....
حضرتك وفرت الكاكولا بدل عصير القصب بس باين ولاد الاية نسيوا يحطوا الجادون في الغطاء ....
اكبر عيلة بتشرب بيبسي في مصر هي عيلتنا معقولة مفيش واحد يطلع له جادون ؟
ياريت ياريس يبقي شعار الحملة السنة دي الجادون ....
جادون عزك.... قصدي يدوم عزك
من ابنائك ابناء الثمانينات نانسي بنت عاشق حسني مبارك
الباجور منوفيه
بنوته
اقتباس:
هوا وانا بقرا الكلام من اوله كنت متوقع انه واحد بيتريق لكن الحمد لله ان فيه شباب واعي مربوش لحيتهم وممشيوش في مظاهرات وبيحبو اسرائيل عشان كل ما ابعد عن الطريق القويم وافكر ابقى معارض يرجعوني ويعرفوني الريس عملنا ايه خصوصا اني من مواليد 90 وممكن يتضحك عليا
ربنا يخلي الريس للمنتخب كمان وكمان بس ياريت يا ريس تمشي شحاتة عشان بيستقصد لعيبة الزمالك وكده كده طول مانتا موجود منتخبنا كويس والبركة في دعم الاستاذ جمال والاستاذ علاء
مش مشرف على فكره..:D
اقتباس:
ينقل الى قسم الفرفشة
دا دماغ الشباب..شويه مقتنعين بالنبى حرسه وصاينه وضامنه..
شوويه بيطبقوا نظام ادعوله ادعوله..يخرب بيت ابوه...
انا والله نقلتها لانى كنت هموت م الضحك..مع حذف العدييييييييييييييييييد من البوستات المسخره بقلة ادب هههههههههه
انتوا تبع انهى نظام بقى؟؟
منقـــول
الموضوع اسمه الى مواليد التسعينات عيشوا عيشه اهلايكوا شويه..
ودا التوبيك...
اقتباس:
العيال اللى قاعدين ع الفيس بوك يتريقوا على كلمة إنجازات مبارك وحملة الحزب الوطنى
وعد فأوفى ... والشباب الكول اللى مغرق نفسه حركات إشى 6 إبريل واشى 9 مارس
وكلهم خلاص مش عاوزين الرئيس مبارك، واضح ان كلهم مواليد التسعينات بعد افتتاح
دريم بارك وتشغيل شبكة المحمول ..أحب اقولهم عيشوا عيشه اهاليكم شويه ..و
اسمحولى معلهش ازعجكم شويه وافكركم اهاليكم كانوا عايشيين ازاى قبل مبارك.
شارعنا كان فيه 3 عربيات فقط لا غير ومنهم سيارة والدى الرهيبة ال 128 وكنت كل يوم
انزل بالمفتاح للعيال فى الشارع ينقلوها علشان يلعبوا كورة (ملحوظة كنا نسكن شارع
رئيسى يمر فيه اليوم مترو الأنفاق).
عمارتنا كان فيها تليفونين واحد فى الدور الثانى وواحد عندنا فى الخامس وكانت العمارات
الثلاث تتناوب عليهما لدرجه فكرنا يوما ان نضع عدة على السلم برة.
اصحابى فى الصيف كانوا ينزلوا كل يوم 9 صباحا يتنقلوا من طابور لطابور على بقالين
المنطقة لحد كل واحد ما يرجع لابوه بعلبتين سجاير سوبر ( ملحوظه الحمد لله ابى لم
يكن مدخن) اجدع بقال كان عنده 3 اصناف جبنه بيضه وجبنه رومى وحلاوه ... الجبنه
النستو جت بعد 81.
وكانت العائلة كلها بتستحمى بصابونة واحدة هى هى بس كل كام شهر يغبروا اسمها و
كان عند البقال مفيش أنواع هو يا صابون وش يا صابون مواعين يا رابسو للغسيل .
وكنت سيادتك لما تيجى تتجوز تحجز ثلاجة و تحجز بوتاجاز وتحجز قطن علشان المراتب و
يا عالم تستلمهم قبل الجواز والا بعد ما تخلف .... ويقال إن والدى استلم البوتاجاز يوم
ولادة اخويا الأصغر و الانبوبه بعدها ب 6 شهور.
مصر كلها كانت بتتمرجح و تركب عربيات التصادم فى ملاهى ادهم لان السندباد فتحت 85
و طبعا دريم بارك فتحت 98 مصر كلها كانت بتصيف فى مكانين لا ثالث لهما .. شارع خالد
ابن الوليد و جمصه .... مين ينسى حفلات عمر فتحى فى جمصة.
المشروب الرسمى للشعب المصرى كان عصير القصب و اسباتس ده كان للضيوف و كل
اللى بتبرقعوا فيه دلوقت ده جه بعد 81.
كان بيفتح الساعه 5 و يقفل الساعه 12 و يسهر شويه يوم الخميس و القنوات كانوا اتنين
القناه الخامسه و القناه التاسعه بعد كده سموهم الاولى والتانية ... وكان برنامج الاطفال
الوحيد يوم الجمعه صباحا .
التلفزيون القديم كان شغال بالمكثف فكنت تفتحه و تستنى ربع ساعه على ما يولع و لما
جه التليفزيون الترانزيستور اللى تفتحه يشتغل على طول كنا حنتجنن.
وكان كل شارع فيه مخبأ علشان الغارات فى الحرب و كل عماره كانت بانيه سد طوب كده
قدام الباب قال يعنى القذيفه لو جت مش حتدخل العمارة و كان لون الزجاج ( معظمه )
مازال ازرق من أثار حرب اكتوبر .
و كانت الكهرباء مقطوعة معظم فترات النهار و المياه كذلك و حراره التليفون من المعجزات.
وأخيرا كانت مصر لم تحقق اى بطوله رياضيه افريقيه و رصيد ميداليه واحده اوليمبيه من
قبل الثوره .... و كل ما حققته مصر من بطولات فى كره القدم و الاسكواش و المصارعة
ووووو جاء بعد 1986 .
أصدقائى مواليد التسعينات أتمنى أن أكون قد قدمت لكم فكرة مبسطة عن الحياة فى بر مصر قبل افتتاح دريم بارك .
دى اول رد على مشاركته...انسان بيفهم
اقتباس:
هو فى لسه منك يا عم هشام الصادق
. دا أنا كنت فاكر أنهم مستخبيين وراء سد الطوب إللى كان امام العماره بتاعتكم من الفضيحه
بتاعت الوضع المخجل إللى أنت بتدافع عنه
. يا راجل بالزمه انت مش مكسوف من الكلام إللى انت كاتبه داه . . ايه يا سيد الكلام إللى أنت
كاتبه داه . انت فاكر ان محدش هيقرأ الكلام داه إلا جيل التسعينات عشان كده بتستخف بعقولهم
لحداثة سنهم لكن الجيل ده عنده ثقافه اكتر منك يا بتاع. . عصير قصب و علب سجاير وصابون
بريحه وجبنه ليستون ورابسو على تليفونات
على تليفزيونات . قال وميداليه رياضيه . هو داه اكبر همك ومبلغ علمك . عشان شوية إقطاعيين
جدد أمثالك استولو على مال الشعب وشغلوه فى السوق بالجشع و نزلولك شوية شاى مخلوط
بنشارة الخشب على شوية سمنه منتهية الصلاحيه . وغرقو السوق بالأغذيه الفاسده وحتى لبن
الأطفال لم يسلم من غشهم ... كده خلاص بقى مصر تقدمت ونهضت واصبحت دوله من ضمن
الدول الثمان الصناعيه .. والله العظيم ان هذا الكلام لم اسمعه فى حياتى وادقق فيه إلا منك و من
بعض العواجيز الفلاحين بتوع المساطب من مواليد العشرينات . بس دول معزورين لأنهم بسطاء
وتطلعاتهم على قد بسطاتهم ولم يعلمو مدى التطور الذى الحق بالبرازيل وإيران وتركيا والكوريتين
وماليزيا واندونيسيا وقطر والأمارات .... بينما نحن تراجعنا حتى سقطنا فى الهاويه بعد ما كنا
نتقدمهم بعشرات السنين . لكن أنت تدعى الثقافه . فما عزرك لكى تتطلع . وبعدين إنجازات الدول
لا يجب ان تقاس على حساب شوية شاى وسكر وصابونه بريحه وعلبة سمنه
انسان تانى زى الاولانى بيهيص فى الهيصه
اقتباس:
شوف حضرتك
لا شىء وليد الصدفة ابدا
اعداء مصر دارسين كل شىء بدقة
المعارضة اللى هى يد اعداء مصر ضد مصر و المصريين و مبارك اللى واقف لهم بالمرصاد و مانع عن مصر بلاوى متلتلة و عن العرب و عن المنطقة كلها بما فيها الافعى الايرانية
عاملين احصائيات عن كل شىء
و عرفوا ان الشباب دلوقت بيمثلوا نصف سكان مصر شباب اللى تحت الثلاثين
فراهنوا عليهم
اولا لان كل المصريين بيحبوا مصر
بس الجهل خيبة و الغباء خطيئة حسب المثل الانجليزى ما بيقول يعنى
الاخوان بيشتغلوا على المتدينين و يلقطوهم فى الجامعه
و طلاب ثانوى اللى بيروحوا دروس دينية بيجندوهم بدرى
و فيه عائلات بيشتكوا ان بناتهم حالهم بينقلب بعد ما يروحوا لتلقى دروس دينية
لان فيه ناس وظيفتها تجنيد الشباب و تشكيهم بطريقة تحرضهم ضد الحكومة و تزرع فيهم الحقد على المجتمع و تزرع فيهم انه لا شىء اسمه دولة او قانون و انه هناك فقط خلافة وولى وما الى ذلك
الباقيين بيشتغلوا لعيهم برضو
بواسطة فروع الجماعة اللى بدون لحية او بالجينز اللى مسميين نفسهم 6 ابريل و 9 مارس و كفاية و جمعية التغيير و غيرهم
طيب
الشباب دول اصلا ابيض فى السياسة
لما يلاقوا ناس بيقولوا لهم انتم سعد زغلول و مصطفى كامل
و ان مبارك سىء و الحكومة فاسدة و ان صمر كانت مثل امريكا و اوروبا و مبارك خللاها زى افغانستان يبقى هيصدقوهم
خاصة فى ظل انشغال الاعلام الحكومى سنوات عديدة فى اعلانات السمنة و الصابون
طلع جيل ميال للعنف و التطرف و التعصب الدينى
طلع جيل لا يقرا الا صحف المعراضة مواقع الجماعه المحظورة
طلع جيل لا يقتدى و لا يرفع الا صور خومينى و حسن نصر الله و خالد مشعل
طلع جيل لا يعرف قيمة سيناء و لا نصر اكتوبر المجيدة
جيل زى حضرتك ما وصفته
لا يعرف اى شىء الا ما تلقنه له المعارضة = السم فى العسل مثلما تفعل قناة الجنزيرة بالضبط
لا يعرفون حقيقة ما يحاك ضد مصر
لا يرون الصورة كاملة
لا يعرفون الخبايا و الخفايا
لا يعرفون كيف استلم مبارك مصر خرابة
و كيف تحولت الى جنة و ستتحول لجنة اكثر و اكثر
انسان ساخر مرارته بتجيب اخرها
اقتباس:
ابو قصبة اللي كاتب المقال ده .....انا عشت من 80-98 كل اللي بيقولة ده بغباوة اهلة ممكن يكون قصدة ان في 18 سنه في عهد القائد والزعيم المفدي طويل العمر إسم الله عليه كانوا معيشنا في قحط؟
شعب جاحد ناكر
شاب تانى مفروس
اقتباس:
ايوا واحنا مش هننكر برضو
ربنا يخليك لينا يا ممرجحنا يا مزحلقنا
يا مأكلنا الجبنه النستو
واحده لطيفه :11ap:
اقتباس:
المشكله بجد انه غبى
كل الشعب المصرى مكنش بيقول جبنه نستو
كان بيقول جبنه نستون
مواطنه مقهوره..
اقتباس:
لية كاتب المقال نسي الانترنت ؟
يعني الريس يتعب ويجيب لنا انترنت وشوية مواليد التسعينات يستخدموه بالجحود ده ؟
لا ياريس انا من مواليد الثمانينات وحضرتك بالنسبة للشعب زي الشمعدان زي مابتحبة بيحبك كمان وكمان بس ليا عتب عليك كبنت بتعاتب ابوها ....
حضرتك وفرت الكاكولا بدل عصير القصب بس باين ولاد الاية نسيوا يحطوا الجادون في الغطاء ....
اكبر عيلة بتشرب بيبسي في مصر هي عيلتنا معقولة مفيش واحد يطلع له جادون ؟
ياريت ياريس يبقي شعار الحملة السنة دي الجادون ....
جادون عزك.... قصدي يدوم عزك
من ابنائك ابناء الثمانينات نانسي بنت عاشق حسني مبارك
الباجور منوفيه
بنوته
اقتباس:
هوا وانا بقرا الكلام من اوله كنت متوقع انه واحد بيتريق لكن الحمد لله ان فيه شباب واعي مربوش لحيتهم وممشيوش في مظاهرات وبيحبو اسرائيل عشان كل ما ابعد عن الطريق القويم وافكر ابقى معارض يرجعوني ويعرفوني الريس عملنا ايه خصوصا اني من مواليد 90 وممكن يتضحك عليا
ربنا يخلي الريس للمنتخب كمان وكمان بس ياريت يا ريس تمشي شحاتة عشان بيستقصد لعيبة الزمالك وكده كده طول مانتا موجود منتخبنا كويس والبركة في دعم الاستاذ جمال والاستاذ علاء
مش مشرف على فكره..:D
اقتباس:
ينقل الى قسم الفرفشة
دا دماغ الشباب..شويه مقتنعين بالنبى حرسه وصاينه وضامنه..
شوويه بيطبقوا نظام ادعوله ادعوله..يخرب بيت ابوه...
انا والله نقلتها لانى كنت هموت م الضحك..مع حذف العدييييييييييييييييييد من البوستات المسخره بقلة ادب هههههههههه
انتوا تبع انهى نظام بقى؟؟
منقـــول