محافظ 6 أكتوبر [الأرشيف] - منتدى مدينة 6 أكتوبر

مشاهدة النسخة كاملة : محافظ 6 أكتوبر

stylooo

08-11-2010, 10:12 PM

محافظ 6 أكتوبر
ما هى الانجازات.....؟؟؟؟؟؟
التى عملها للمحافظة و المدينة
فكل من لديه معرفة بالانجازات فلتوضع مع الموضوع
و علينا ذكر السلبيات و الايجابيات ...
أشكركم مقدماً لحسن تعاونكم
منتظرة التفاعل
مع تحيات
فريق الفجر الساطع
الفجر هو الأمل

mohmoud

11-11-2010, 02:42 AM

من الايجابيات انه ظبط مدخل الجهاز فقط ومن السلبيات كتيرة لا تعد ولا تحصي

haneen

11-11-2010, 09:37 PM

اعتقد ان له دور كبير في حل ازمة المواصلات الداخلية والخارجية الى حد جيد في المدينة من حيث توفير التاكسي الا ملوش لازمة الابيض والسوزوكي الاصفر واتوبيسات النقل العام من اكتوبر الى الهرم ووسط البلد رغم قلتها
لكنها بداية جيدة

khaled2010

21-11-2010, 05:33 PM

انا شايف ان دهان مطبات الشوارع الرئيسية مش اهم حاجة
المدينة فيها حاجات مش كويسة كتير اهما مواصلات المساجين اللى بنركبها بين الاحياء

أبو هلال

21-11-2010, 08:45 PM

أنا شايف إن المحافظ كل إهتمامه الظهور في الإعلام وخلافاته مع هيئة المجتمعات العمرانية

هوأصلاً قبل مايجي أكتوبر كان في الجيزة , وترك الجيزة وهي في أسوأ حال و متصلح حال الجيزة إلا بعد ما سبها

وإحنا اللي أبتلانا به

since1990

21-11-2010, 10:17 PM

الغريب فى الموضوع
ان اكتوبر ظلت اكثرمن 20 عام بدون محافظ وكان كل شئ تمام.

mohmoud

21-11-2010, 11:42 PM

انا اوافق على جميع التعليقات السابقة الانة صحيحة

stylooo

22-11-2010, 09:19 AM

هههههههههههه
هذا المتوقع من رجل تعدى من العمر آخره
ماذا يفعل ؟؟؟ لمحافظة شابة بكل المقاييس
و أصبحت هرمة منذ مقدمه
و أخاف أن انطق كلمة عشوائية لانها بفضل إهماله لكل شئ
و فقط الظهور مع البرامج التى تلمعه بدون وجه حق
هو يستحق التغيير لأنه بالى و لا يقدم أى جديد
عايزين نلبس 6 أكتوبر ثياب جديدة شابة واعدة
منتظرة تفاعل الكل

محمود التهامي

22-11-2010, 01:17 PM

يا جماعه براحه شوية على الراجل
دي كل حاجه عال العال
حتى اسألو الارصفة الجميلة اللي بيغيروهالنا كل شهرين
ههههههههههههه
هو فيه رفاهية اكتر من كدا

وبعدين زي ما كلنا عارفين
هو ده النوع المحبوب من المحافظين
فاكرين المحجوب عمل ايه في اسكندرية وخلاها بقت ازاي
وعشان كدا لما جم يكافئوه شالوه
ولما الناس هاجت عليهم خلوه وزير لوزارة مش عارف هي بتعمل اصلا
مدينة 6 اكتوبر كانت تابعه لمحافظة الجيزة
ودلوقتي تابعه لمحافظة 6 أكتوبر
وخدوا بالكوا كويس قوي ان مدينة 6 أكتوبر هي جزء فقط من المحافظة
عشان اغلب عندها خلط كبير في المسألة دي

يعني تابعين للجيزة او لاكتوبر مش فارقة
ماهي كل حته في مصر اكيد تابعه لمحافظة ما

اما المشكلات او الانجازات
فانا عن نفسي مش شايف الا الارصفة اللي عمالين يكسرو فيها
وربنا يستر وميكونش فيها لعب كبيييير قوي
مثلا يعني
لو حكاية تجديد الارصفة كانت مسندة لشركة ما
فازاي بيتم حسابها
مع العلم
ان اغلب الارصفة في الشوارع الداخليه يتم تكسيرها من الجانبين فقط وصبها من الجانبين + طبقة خفيفه من الاسمنت فوق الرصيف
فيبان بعد الانتهاء انه كله مصبوب اسمنت مع انه من الداخل ردش ورمل
اما الارصفة في الشوارع الرئيسية
زي منطقة الحصري والجامعه مثلا فالرصيف بيتشال نهائيا وبيتعمل من جديد

فياترى الشركة اللي بتنفذ التجديدات دي بتتحاسب إزاي

المواصلات كلها وخصوصا الداخلية كانت وما زالت زي الزفت
التاكسي غالي
والنص نقل ارخص 40%
والسوزوكي ضيقة جدا ومش ملتزمة بخط سيرها وبتشتغل مخصوص
والمواصلات الخارجية غير كافية خصوصا في اوقات الذروة
ومازال الميكروباص هو شريان المدينة

والاختناقات المرورية في المدينة اللي المفروض انها جديدة وكثافتها محدودة جدا بقت كارثية
والمطبات والتكسيرات الكتير في الاسفلت اللي قدام الحي الرابع غبية جدا

المشاكل كتير والحلول سهلة وكتيرة بس مين يسمع ومين يشوف بجد

ورغم ان محافظة 6 أكتوبر مواردها أكثر من محافظة الجيزة
لكني شايف ان د/ فتحي سعد كان أكثر نجاحاً في الجيزة عن أكتوبر

أبو هلال

22-11-2010, 07:03 PM

محافظة أكتوبر في موسوعة جينيس لأنها المحافظة الأولى في العالم بدون عاصمة !!

لأن المحافظ شاغله الشاغل الصراع مع جهاز مدينة أكتوبر على السيطرة على مدينة أكتوبر

إن كان موضوع فيه خير تصارع كلا الطرفين أن ينسبوه لأنفسهم

وإن غير ذلك كلاهما يرمي المشكلة على الطرف الأخر.

والمحافظ يعاقب سكان مدينة أكتوبر بذنب الجهاز ويجعل الإدارة المركزية للخدمات في الشيخ زايد

أبو هلال

22-11-2010, 07:05 PM

المجاري طافحة في ميدان الحصري من 4 أيام
ونخاف نصلي هناك من النجاسة

mohmoud

23-11-2010, 12:41 AM

حسبي الله ونعم اوكيل

محمد المصري

23-11-2010, 02:03 AM

انا هاشارك بموضوع كنت عاملة من فترة

ازمة المواصلات بمدينة 6 أكتوبر بالصور (http://www.vb.6ocity.net/showthread.php?t=13581&pagenumber=)

http://www.vb.6ocity.net/showthread.php?t=13581

أبو هلال

23-11-2010, 07:36 PM

المجاري طافحة منذ عامين بصفة مستمرة حول الإدارة التعليمية وعيادة التأمين الصحي في الحي السادس وكذلك منطقة السوق
وتكلموا عن إنتشار الأمراض بلا حرج
يعني عند السوق والعيادات والمدارس ,هل هناك أماكن أفضل من هذه

EmmRan

25-11-2010, 11:26 AM

المواصلة الرسمية في اكتوبر، وتعتبر علم من اعلام اكتوبر، ومظهر غير آدامي ولاحضاري بالمرة، ومشوه شكل المدينة.
ميدان الحصري اللي بقا زحمة ومتكربس ويخنؤ، ومحدش فكر في حل، مثلا إنهم يشيلو البنزيمة اللي في الميدان ويحطوها في مكان تاني.

fagrmasr01

25-11-2010, 01:38 PM

فتحى باشا سعد يهوى الظهور والمظاهر فقط
ولا بيحل ولا بيربط فى اى شئ ... هو عايز بس يعلن ولائه للكبار وكفاية عليه كدا وخلاص

stylooo

25-11-2010, 11:44 PM

صراحة الموضوع ساخن جدا
و لهذا أرجو من الإدارة التثبيت
ربما هناك مسئول يهمه أمر المواطن المطحون
فى 6 أكتوبر فيعالج تلك المشاكل
و هيا بنا أيها الرجال نقول كل السلبيات التى
منيت بها 6 أكتوبر منذ مقدم هذا المحافظ
الذى نرى فى عهده إهمال و طفح مجارى و مواسير المياه الحلوة مكسورة
و نذهب للجهاز يقول أنا لا ذنب لى أذهبوا للمحافظة
نحاول الوصول للمحافظ الباب مقفول و ممنوع إلا بميعاد سابق
أين أنت يا عمر بن الخطاب
زمان فتحى سعد
انتظرونا فى القادم

محمد المصري

26-11-2010, 01:02 AM

stylooo

26-11-2010, 01:59 PM

احنا فى اكتوبر بنعانى من مشكلة المياة

المية بتقطع كتييييييييييير

وكتييييييييير بنشتكى بسبب المشكلة دى ولا حياة لمن تنادى

مع ان اللمفروض اننا مدينة جديدة

فين التخطيط الصح

ولا احنا مبنقدمش ومعندناش تخطيط اصلا

ليه كل الانجازات تنحصر فى تغيير رصيف المدينة كل سنة اقصد كل كام شهر

دا حتى الرصيف اتجدد وبعدها بشهر اتشال خالص وبيتعمل من الاول

ولا المواصلات الغير ادمية بالمرة

اغلب السواقين عمرهم صغير جدا

اتمنى النظر فى مشاكل السكان اللى ملهاش حل دى

المياة والمواصلات والنظافة

دول من اهم السلبيات فى المدينة

يثبت

و سلبيات كتير و العداد تعب من العد
تعالوا يوم الأحد مدرسة الطلائع هناك لجنة انتخاااااب
التى بجوار دار الأمين للايتام الحى الخامس أمام مرور 6 أكتوبر
و عايزة أشوف زملائى بالمنتدى

المرشحين هيكونوا موجودين
نحاول كسب وعود منهم
للارتقاء بالمحافظة
و خاصة مدينة 6 أكتوبر

هههههههه
منتظراكم
سلام
يا أحلى أعضاء

stylooo

26-11-2010, 02:01 PM

شكراً مديرنا الهمام

و منتظرين تفاعل الاعضاء
الموضوع حيوى و يمسنا جميعاً

أبو هلال

26-11-2010, 02:05 PM

مدينة أكتوبر أصبحت مدينة تحت الحصار

من بعد الساعة 1,30 ظهراً حتى الساعة 7 مساءً مستحيل تخرج أو تدخل أكتوبر إلا في 3 ساعات سواء طريق المحور أو الدائري

ولو حاولت التوجه في الأجازات إلى الواحات التابعة للمحافظة فأنت مجنون لأن الطريق ليس له مواصلات ولا خدمات اللهم إلا بنزينة واحدة في طريق طوله 450 كيلومتر

أما كثير من موظفين الجهاز فليس لهم إهتمام إلا جمع الإتاوات من المحلات إلا من رحم ربي وقليل ماهم

khaled2010

05-01-2011, 05:33 PM

اهم حاجة دهان المطبات والشوارع الداخلية كلها مكسرة كما لو ان اكتوبر بقت عشوائيات
بجد حاجة تقرف انا لو مسكت المحافظة دى هتبقى افضل من بكتير

وائل نصار

03-03-2011, 10:23 PM

يوجد ايجابيات كثيرة مثل تلوين الشوارع وتركيب الاشارات الضوئية واحتكار سائقى السرفيس من اكتوبر الى رمسيس او جهات كثيرة وايضامن الايجابيات لايوجد امن فى الشوارع الا للجان المرور للاستفادة