اه منك ياامة

[فريد]

ليه يا امتنا يلى كنتى رافعة زمان راية العروبة و رايتنا
يلى كنتى بتحكى و تتحاكى عننا و عن حضارتنا و اصالتنا
حبناكى ماحبتينا
اديناكى حرمتينا
رفعناكى نزلتينا
علمناكى نكرتينا
و بديونك حوطيتنا
ولما اغتنيتى بالشلوت ادتينا
فى الازمات فكرانا
وفى الهنا تنسينا
تاكلى الحلو كله و الفتات تدينا
تطلبى منا نبعت لك
اطبائنا مهندسينا
سواقينا مدرسينا
عمالنا و فلاحينا
للاسف يطببوكى
للاسف يعلموكى
للاسف يهندسوكى
و من بعد الصحرا يخضروكى
تكييف تتكيفى واحنا الشمس تشوينا
تجبينا تشغلينا تشقينا تعذبينا
وعشان اجنبى بالجزم تدسوينا
واخرتها فى نعوش ترجعينا
وحقوقنا تنكريها و تنكرينا
اه منك ياامة
ناكرة و لا فكرة لا خال ولا عمة
اه منك ياامة
تموتى تموتى فى الهيصة و اللمة
اه منك ياامة
اما اتخمينا فيكى حتة خمة
اه منك ياامة

[fagrmasr01]

فعلا يا صاحبى .. اتخمينا بصحيح .. لكن .. هنعمل ايه بس .. الحب ف القلب يا صاحبى

[فريد]

صح ياعم جمال الحب فى القلب
مهما قلنا و كتبنا احنا منهم و هما منا
بس الواحد صعبان عليه
ميبقاش مقابل الحب ؟؟؟؟؟؟؟؟؟؟؟؟؟؟

[خلود]

ايه يافريد ده

ايه الحلاوه والكلام الجميل ده

بجد حلوه اوى وكلامها جميل جدا
بس انت قاسى اوى عليها ولكن مش قادره اقول غير ان كلامك للاسف صح جدا جدا

تسلم ايدك وربنا يخلى لك موهبتك الجميله اللى سمعتنى احلى كلام فى الدنيا

[الرومنسى]

اخى بجد اشكرك على الطرح الجميل وعلى كلماتك التى ترمز بشموخ فى عالم الحرية المنقوصة لدينا
لكنى أسف لاختلافى معك
لان العيب فينا وليس فى أمتنا
لانها من احتوانا داخلها
فشكرا لها
اذا كان البعض اساء لنا
فهذا ذنبنا
فى شكرا لك لان كلماتك تجبرنى على ان اكون تلميذ فى مدرستك

[فريد]

ايه يافريد ده

ايه الحلاوه والكلام الجميل ده

بجد حلوه اوى وكلامها جميل جدا
بس انت قاسى اوى عليها ولكن مش قادره اقول غير ان كلامك للاسف صح جدا جدا

تسلم ايدك وربنا يخلى لك موهبتك الجميله اللى سمعتنى احلى كلام فى الدنيا




ربنا يكرمك ياخلود
مش عارف اقولك ايه
شكرا على كلامك الجميل
و دايما منورة كلاماتى المتواضعة

[فريد]

اخى بجد اشكرك على الطرح الجميل وعلى كلماتك التى ترمز بشموخ فى عالم الحرية المنقوصة لدينا
لكنى أسف لاختلافى معك
لان العيب فينا وليس فى أمتنا
لانها من احتوانا داخلها
فشكرا لها
اذا كان البعض اساء لنا
فهذا ذنبنا
فى شكرا لك لان كلماتك تجبرنى على ان اكون تلميذ فى مدرستك



اهلا بيك يارومنسى
انا يشرفنى جدا معرفتك
و انا لست اختلف معك انما هو طرح من وجهة نظر مختلفة
ربما وجهة نظرى لانى شفت ده بعينى
و ربما لسماعى من الاخرين
و ربما الاسباب كثيرة
لكنها فى النهاية وجهة نظر
اشكرك مرة اخرى
و دائما اراك لى خير