- "رجعنى لحياتى .." -

[RSS]

هات عمرى اللى خدته..رجعنى لحياتى..
م القلب اللى خنته..بدعى عليك يوماتى..
الإحساس نكرته ..
والغرام هجرته..
امسح ذكرياتى..


رجعلى اللى فات..هاتلى عمرى قبلك..
احيلى اللى مات.. قبل ماكنت أحبك..
هات اللى أنت خدته..
واللى عشانك سيبته..
أنا سلمتك قلبى ..لقيتك تعبته..


رجع عمرى اللى أنت خدته..
هات قلبى اللى قطفته..
مليتنى بالوهم ووصفته..
عشت حبك لما شفته..
قولت عنو غرام عشقته..
ياريت ماشفتك ولا عرفته..


طمعتنى بحبك أعيش..
ووصفت جنه ماتتنسيش..
صحيت على الوهم المزيف..
لا جنه ولا أحلام..مافيش..


خليت حياتى عمر راح..
حبيت ماخدتش غير جراح..
رجعلى نفسى وكبريائى..
خلينى أسيطر ع اللى باقى..
لو لسه حاجه فاضله بينّا..
نفترق من غير تلاقى..


هات قلبى اللى خدته..
من مطرح ماسبته..
خليتك ملكته..وبصدك هلكته..


انا ضيعت عمرى ع اللى مايستاهلش..
يعرف إمتى ياخد..يدى ماأفتكرش..
رجع عمرى وأبعد ..
كأنك ماجتش




منقـــول