- "شهادة وفاه.." -

[RSS]

غبت وماجتش..
ومتنسيتش..
بالغرام بستنى فيك..

آهات وويل..وعذاب طويل..
بس الأمل.. هوّن كتير..
أيام مريره وإنتظار..
بالوهم بشوفلك أعذار..

مش عايزه أصدق غير رجوعك..
لحظة ماتحضنى بشوقك..
ومافيش ف بالى إلا سيرتك..
ولا ف خيالى إلا صورتك..
بستنى طيف..
بستنى وهم..
بستنى حلم..

بستنى حبك..

قلب دايب م الحرمان..
مالوش نصيب ويا النسيان..
مستنى ترجع زى زمان..
مهما انتظرت..و قده كمان..

وأقول يادنيا ليه معانداه..
اكيد عمايلك صعبه معاه..
عايز يجينى.. وليه مانعاه..
وتتعبيه بأمور شغلاه..
دا غير الغربه اللى محوطاه..
مش سيباه يبعت ولا آه..
وفيه محرومه بتستناه..

الليله جه مرسال بهواه..
جايب رساله صعبه معاه..
يطلب فيها إن انا انساه..
فيها كلام من مر آساه..
مش قادره أفهم من معناه..
غير إن انا.. مش فارقه معاه..
اللى سنين عشت استناه..

وخلاص باع..
وجوابه دا يعنى وداع..
مات الحب ف قلبه ماقلشى ولا عرفنى ابكى عليه..
وفضل طول الوقت مخبى سابنى اتمنى واحلم بيه..
كنت بعيش ف الجنه بحبى وهوه ف ناره بقسوه راميه..
بحسب إمتى ح يرجع جنبى مااتصورتش إنه نسيه..
الحب اللى ضاع..
م القلب اللى باع..
نهايتى معاه..سلبنى الحياه..
وجوابه بوداع..
شهادة وفاه





منقـــول