المساعد الشخصي الرقمي

مشاهدة النسخة كاملة : هو انتى مصر .. واللا انتى مين؟


fagrmasr01
07-03-2009, 01:52 PM
هو انتى مصر .. واللا انتى مين
وليه سايبة شعبك يعيش حزين

ليه كنتى ام للمؤمنين
وكنتى قبلة للمخلصين

والطيبين
والفرحانين
والوافدين
والتعبانين

ليه نبقى ف شوارعك تايهين
ألامى وضيقتى فى كل حين

والطماعين
طالعين نازلين
والكذابين
والمحتالين

بيفوزوا هم بضحكتك يا نور العين
هو انتى مصر .. واللا انتى مين


ردى عليا .. ردى على ابنك يام البلاد
ليه ضاعت منى فرحتك .. انا والولاد

ليه صبحتى ومن غير ميعاد
انتى فى واد وابنك فى واد
ردى عليا يامصر يام الامجاد
ليه بتحرمينى حلاوة الزاد

ليه تهتى منى سنين وسنين
هو انتى مصر واللا انتى مين

صعبة أتغرب وانا جواكى
صعب اتعذب انا بهواكى
وبتاخدى اعدائى ف حضنك
وانا مش عارف اعيش وياكى

ليه يامايا قلبك علينا ضنين
هو انتى مصر واللا انتى مين
DMR
07-03-2009, 03:02 PM
راااااااااااااائع
بجد كلماته حلوة جدا
انت شاعر بجد :):)
fagrmasr01
07-03-2009, 03:29 PM
يارب ربنا يخليكى يا دى دى
متشكر جدا على تشجيعك
ربنا يبارك لك
lionking
07-03-2009, 03:45 PM
شكرا على موضوعك استاذ جمال بجد اكتر من رائع
~~~~~
~~~~
~~
~
~
هو لية الظلم أية
والخراب اصل الحكاية
وأللى يقدر فيكى يظلم
يبقى ظلمة مالوش نهاية
هو لية لما أنت أمى
ماتشيليش وياية همى
ماتخافيش مرة على





أمتى يجى اليوم علينا
أمتى من عزك ندوق
شيلينا وشيلى بردة همنا
حسيسينا أللى أحنا منك وأنتى بردة مننا
وقتها..مش هايبقى كتير عليكى دمنا
وبعلو صوتنا نقول بجد أنك انت أمنا
fagrmasr01
07-03-2009, 04:12 PM
الله الله الله يا ليون
حلوة اوى

معلش انا لسه بابتدى
لكن بحاول
انما دى رائعة
بتاعتك دى ؟
lionking
07-03-2009, 06:17 PM
الله الله الله يا ليون
حلوة اوى

معلش انا لسه بابتدى
لكن بحاول
انما دى رائعة
بتاعتك دى ؟



لالالالا مش بتاعتى والله دى بتاعة واحد صديق للعائلة

بس الحمد لله انها عجبتك
fagrmasr01
07-03-2009, 06:23 PM
هههههههههههههههههههههههههههههههههههههه
هو انتى خفتى واللا ايه
يبقى الله يكون فى عونى
دا انا مسجل اسمى وعنوانى

بس تعرفى هم سايبينى
يمكن عشان راجل عجوز وعيان

او يمكن عشان شايفين ان الى بكتبه ده
ولا شعر ولا حاجة

ياللا ... ربنا يستر

ارجو تبليغ تحياتى واعجابى الى من كتب لانها فعلا رائعة
lionking
07-03-2009, 07:09 PM
هههههههههههههههههههههههههههههههههههه


لا يا استاذى انت عارف انى مش بخاااااااااااااااااااااااااااااااف


وعلى راى حسن حسنى فى مسرحية كده اوكيه


( اللى بيخااااااااااااف ......يطلع برة)




بس انا رديت عليك بمنتهى التلقائية محبيتش ان حاجة مش ملكى تنسب ليا


بس هيا دى الحدوته




وبعدين حضرتك مش كبير ولا حاجة~~~..

وبعدين هما اللى بالى بالك بيعتقوااااااااا

........
....
..


مش كده ولا ايه



ربنا يجعل كلامنا خفيف عليهم
إبراهيم البشبيشي
07-03-2009, 08:45 PM
رائع يا عم جمال فعلا بلدنا مابقتش هي اللي نفسنا فيها الواحد ما بقاش عارف ياكل ولا يشرب ولا ينام ولا يركب مواصلات ولا يمشي في الشارع و لا يربي عياله ولا حتى يمشي جنب الحيط ويفضل في حاله ودايما في حالة متتابعة من الاستفزازات الغير مبررة بداية بإعلانات التليفزيون - اللي هو المفروض وسيلة ترفيه مش وسيلة لرفع ضغط الدم - وانتهاء بإحباطاتنا اليومية من جراء فشل الإدارة وانتشار الفساد على كل المستويات تقريبا - إلا من رحم ربي - لكن صدقني ليست المشكلة في البلد العظيمة الكبيرة الواسعة الخيرة المترامية الغنية الأبية ذات المجد والتاريخ القديم العريق بلدنا الغالي مصر بل العيب في أهل العيب الذين لا يعرفون الخشا أو العيب .

حسبنا الله ونعم الوكيل .
fagrmasr01
07-03-2009, 08:51 PM
اخى الفاضل الأستاذ ابراهيم

اولاً الف الحمد لله على السلامة
لأنك فعلا وحشتنا كلنا ووحشتنى شخصيا

وانت تعلم اننى من المعجبين بكتاباتك وبطريقة ردودك

والف شكرا على مرورك الكريم

اما حال مصر.. فالى الله نبتهل ان يصلح الاحوال .. لان فعلا طفح الكيل بنا كشعب مستكين
وعلى الله صلاح احوالنا .. وياريت كل واحد فعلا يبدأ باصلاح نفسه
والله المستعان
اكرر شكرى وسعادتى لرؤية رد من اخى الفاضل الاستاذ ابراهيم البشبيشى
واتمنى منك انه تهتم بينا شوية كمان لأننا بنحبك فى الله
اميرة حبى انا
10-03-2009, 04:36 PM
وهى مصر ذنبها ايه
المهم
حلوة اوى يااستاذ جمال
fagrmasr01
13-03-2009, 03:48 AM
معلش يا أميرة
اصلى بحبها اوى والله

الف شكر على اهتمامك بما اكتب وعلى تشجيعك
ربنا يخليكى
fagrmasr01
29-05-2009, 01:17 AM
شكرا للجميع
جزاكم الله عنى خير الجزاء
آمين
فريد
31-05-2009, 11:42 AM
جملية و رائعة يااستاذ جمال
و بعدين بطل تواضع بقى
الكلامات فعلا هايلة
انها كلامات جميلة من قلب صادق
لذلك تحسها بسرعة
تقبل مرورى
بارك الله فيك
fagrmasr01
31-05-2009, 12:44 PM
جزاك الله عنى خير الجزاء يا أستاذ فريد
مرورك وتشجيعك يسعدا قلبى ويجعلانى أشعر بسعادة طيبة


بارك الله فيك وجزاك عنى خير الجزاء
kabo
04-06-2009, 10:30 AM
فعلا جميلة جدا ياأستاذ
fagrmasr01
06-06-2009, 01:41 PM
ربنا يخليك يا محمد
شكرا على الاهتمام وشكرا على التشجيع