شرطه المنتدى

[خلود]

http://www.vb.6ocity.net/imgcache/7921.imgcache.jpg


كتير مننا بيشوف حاجات مضايقاه زى رد مش كويس أو موضوع مش كويس أو تجاوز معين أو موضوع مكرر ولم ينتبه إليه المشرفين
فأنا حبيت بعيدا عن الشكوى على الخاص أو ما شابه يكون فى موضوع مخصص لكده يعنى إللى عنده أى حاجه مضايقاه يدخل ويقول من غير زعل أو إحراج لاننا بكده بنكون حريصين ع المنتدى وتواجدنا فيه وده هيكون بمثابة الشرطة ويا ريت الموضوع يتثبت ويقوم الإشراف بالإطلاع عليه كل فتره علشان نعالج المشكلات
تقبلوا تحياتى

http://www.vb.6ocity.net/imgcache/7922.imgcache.jpg

[lionking]

انا تقبلت تحياتك يا خالتى

يعنى اللى زعلان او حاجة مضايقاه يكتب هنا ...؟؟ طب وهما مين افراد الشرطة يا خالتى ولا احنا مش المفروض نعرفهم ولا هما سريين يا قمر

[fagrmasr01]

الفكرة رائعة يا خلود
ياريت يتم تفعيلها بنشرها على اوسع نطاق
وتبليغ الجميع بها




فريق
النجاح والإمتياز
بإذن الله نصنع نجاحنا بالإرداة والتحدى

[خلود]

ماشى ياليون وشكرا على ردك الجميل

بصى ياستى هى فكره الموضوع لو حد زعلان من حد او حاجه معينه مضايقه حد هيجى هنا وبدل الشكوى فى رساله وشغلانه هيقول ياجماعه انا زعلان من فلان لانه قال او عمل كذا او فيه مثلا موضوع مكرر المشرفين مخدوش بالهم منه

كده يعنى

هنلاقى تفاعل مع الموضوع ولا كله تمام والحمد لله مافيش اى مشاكل

[خلود]

شكرا على ردك ياجمال وعلى تفاعلك الجميل

ونورت ياحاج

[الرومنسى]

شكرا على موضوعك القيم سيادة
مدير أمن منتدى 6 أكتوبر
بس خلى بالك ليخدوكى بالليل
انا عينتك وأعطيتك الرتبة ومليش دعوة

[خلود]

ايه ده هما بيخدوا مدير الامن بالليل ليه

ربنا يستر

ابقى خلى بالك من عيالى يامحمد

ومتنساش مدارسهم وسندوتشاتهم

[الرومنسى]

فى عنيه يا سيادة اللواء
انا هشيلمهم فى عنيه
بس المهم فيه مصروف
وبط فى الثلاجة

[فريد]

انا مش معترض على الموضوع و لا حاجة
بس ليه الشرطة نسائية
هو احنا مبقاش ورانا غيركم و لا ايه

[الرومنسى]

خلى بالك يا فريد
تمشى فى الشارع تتطس فيهم
تروح البيت تتطس فيهم
تنام يجولك فى احلامك
تتجوزهم يخربو بيتك
نعمل ايه بس

[صلاح الشريف]

خلود
ديما الجديد عندك
الفكرة ممتاذة ياستاذة

[الدلوعة]

ممكن اكون ظابط فى شرطة المنتدى

[الرومنسى]

يا باشا انتى مش ظابط فى المنتدى
انتى تبقى مدير أمن قلبى قبل المنتدى
دك الساعة ياختى

[شذا]

موضوع ظريف جدا ممكن التحق بشرطه المنتدى واقبض على المدعو رومانسى ده اللى زهقنا وعامل قلق وازعاج مستمر بالمنتدى

[الرومنسى]

ماشى يا شذا
والله ارفع عليكى قضية
وبعدين عوزين نقبض على خلود
وصلت الالفية الثامنة
الف مبروك

[خلود]

الله يبارك فيك يامحمد بس هو الناس بيتقبض عليهم لما يجوا يفرحوهم ولا ايه

مش فاهمالك خالص

عامه قضيه شذا هتخسرها يعنى هتخسرها
وبلاش نفسر بقى

[nogafoda]

ايه الاحقاد دي كلها
هما الستات مضايقنكم قوي كده
بس قاعدين علي قلبكم برضه

[nogafoda]

وادي اول شكوه مني في الرومانسي وفريد الي حطين نقرهم من نقر الستات
يعني نعمل ثوره يعني علشان تسكتم

[قموره]

لا يانوجا مش نعمل ثوره

دول مفروض يتحبسوا كام يوم كده فى سجن المنتدى علشان هنا زهقونا خالص

[الرومنسى]

المشكلة فى حاجة يا خلود
انتى ونوجا وقمورة
لما يكون السجن السجنيين فيه هما
اميرة ونوجا وشذا وقمورا
الواحد يتسجن مدى الحياة وهو مستريح نفسيا
عرفتو ليه بقى بركتلك بالالفية هنا يا خلود

[محمود التهامي]

ايه الاحقاد دي كلها
هما الستات مضايقنكم قوي كده
بس قاعدين علي قلبكم برضه


خدي بالك يا نوجا
دا مبارك بجلالة قدره قام من على كرسيه
فبلاش الثقة الجامدة دي
هههههههههههههههههههههه

[nogafoda]

انت الي مش واخد بالك يا استاذ محمود
ان الي قوم مبارك من علي الكرسي
هي الي خرجت ادم من الجنه
وهي برضه ست
احنا جامدين قوي
هههههههه

[الرومنسى]

هع هع هع هع هع
فى الاخر ايه انضربت بالقباقيب
صح واللى لا

[قموره]

لا ايه ده يارومانسى قباقيب ايه

دى الست دى ملكه متوجه وانتم متقدروش تعيشوا من غيرها

[شذا]

صدقتى الاخت الغاليه اموره

هما بس بيحبوا يعاكسوا الستات كده بكلامهم ده

[قموره]

ياترى هنستدعى شرطه المنتدى لمين

حاسه حد اسمه فريد هنجيب له الشرطه

لانه مختفى بقاله ايام

[lionking]

ياترى هنستدعى شرطه المنتدى لمين

حاسه حد اسمه فريد هنجيب له الشرطه

لانه مختفى بقاله ايام




صح يا قمورة

احنا نقدم بلاغ لمديرة الامن

ونطلب ضبط واحضار الافندى الغايب ده

[fagrmasr01]

هو حتى الأمن كمان بئا ليه مديرة ؟!!!!!!

على ايامنا احنا .. زمان بئا .. كان مدير الأمن

وعلى رأى مدبولى الله يرحمه

يرحم زمان وليالى زمان
ساعات ألف .. وأزف عرايس
وساعات اروح مسجون فى لومان

مع الاعتذار لكل المعتقلين
سواء فى سجون المنتدى
او حتى فى كوالالمبور