المساعد الشخصي الرقمي

مشاهدة النسخة كاملة : يلا يا.........دى دى اقعدى على الكرسى


خلود
07-03-2009, 01:43 AM
http://www.raeealneag.net/vb/images/bsm.gif




http://img258.imageshack.us/img258/9476/besm50mc1.gif





الله يسعــــــد أوقاتــــكم بكل خيــر وحـــــب وسعااااده..,..





عدنا ويسبقنا الشوق لإستضافة ضيوف اعزاء





نتشرف بجلوسها على مقعدالمنتدى




http://www.tameemi.com/vb/uploaded/198_1191618130.gif







http://up111.arabsh.com/s/tinknre2ji.jpg




وده احلى عصر قبل الاسئله علشان يهدى الاعصاب



http://up111.arabsh.com/s/dbt1d5malm.gif


شخصية أعتبرها ضمن





لائحة الأقلام المميزة بمعنى





مميـــزة فعلا





شخصيته تتصف باالتواضع و العطاء





تميزت بهدوئها، جديتها،انتقائها للمواضيع القيمة الهادفة





محبة لنشر النافع والمفيد





ومع ذلك لا تكاد تسمع لها همسا رغم تميز قلمها ورقيه،،،





ما زالت نجمة من خلال إبداعاتها وتألق قلمها صادق المشاعر، صدوق اللهجة








التى تركت لنا بصمة فى كل مكان وهى الاخت الفاضلة


http://www.w6w.net/album/35/w6w_200505201633435997d7c1a2d1.gif






صديقتى واختى دى دى



يلا نورينا بقى وعايزين اسئله جميله وفظيعه واجابات اجمل وافظع
fagrmasr01
07-03-2009, 02:04 AM
الف اهلا وسهلا بشخصية المنتدى

ارجو قبول اطيب التهانى

وأرق الأمانى


لكن بصرررراحة

انا من اول لحظة

وبقولها لحضرتك بصراحة

حسيت بالغيرة منك

من الاحتفال الرائع الى عملته لك خلود فى صفحة الإستقبال

كرسى روعة

وورد

وبخور

وكمبيوتر

واضح اوى ان الى عنده اصحاب هنا بياخد امتيازات

انما بصراحة
تستاهلى واكتر
ولو كنت انا بعرف اعمل الحاجات دى كنت بجد عملتها لأنك تستحقى كل تقدير

والله ينور على حضرتك يا خلود .. فعلا شئ رائع يثبت تميز حضرتك وذوقك الرائع

ياللا يا دى دى استعدى
اعدلى الكرسى
واعلنى
بدء المحاكمة

وأتمنى لك من الله التوفيق

جمال( فجر مصر)
خلود
07-03-2009, 10:28 AM
استاذنا الفاضل

اخجلتم تواضعى معلشى ظروفك جت معاى كده والكرسى مكنش معاه عصير بس ملحوقه المره الجايه نعوضها لك

ونجيب لك 4 عصير ولا يهمك

ويلا يادى دى ادخلى بسرعه كده ويلا ياعضاء منتدانا هاتوا لنا الاسئله وتعالوا علشان خلاص ابتدينا والاسبوع بيجرى
lionking
07-03-2009, 10:33 AM
يا اهلا يا اهلا

منوره والله يا دى دى

وعشان خاطر الاحتفال الجميل اللى عملته خلود ده

هتشوفى اسئلة لها العجب

شىء لا يصدقه عقل


استنى عليا بس شوية اخف من دور البرد وهتشوفى بقى


هتشوفى اللى عمرك ما شفتيه




وخليكى فاكرة ( خلود هيا السبب فى اللى هيحصل ده )
خلود
07-03-2009, 10:52 AM
هتشوفى اللى عمرك ما شفتيه

مع ليون مش هتعرف تغمض عينيك




وخليكى فاكرة ( خلود هيا السبب فى اللى هيحصل ده )

حبيبتى ياليون واضح جايه تهدى النفوس

دى دى انا ماليش دعوه ولا اعرفها هى مين دى اصلا
fagrmasr01
07-03-2009, 11:29 AM
يلا يا دى دى
اتفضلى العصير بالهنا والشفا

منتظرين نشوف اعلان حضرتك
لبداية الاسئلة

منتظرررررررررين
رحاب محسن
07-03-2009, 12:36 PM
أ هلا بيكى نورتى الكرسى
و أهم حاجة فعلا أن أعصابك تبقى هادية
أنا هابدأ الأسئلة :
1- حلم حلمتى وأنت نايمة ونفسك يتحقق ؟
2- حاجة عملتيها وندمتى عليها طول عمرك؟
3- لو صديقة كدبت عليكى وبعديها جت تتأسفلك هتسمحيها ؟
4- خبر وحش سمعتيه ومكنتيش متوقعة أبدا أنك تسمعيه؟
5- خبر حلو سمعتيه ومكنتيش متوقعة أبدا أنك تسمعيه ؟
6- بتتمنى أيه فى حياتك ؟
خلصت الأسئلة
و أنا طيبة مردتش أكتر، بس المهم تجاوبى عليهم بصراحة
DMR
07-03-2009, 12:50 PM
بسم الله الرحمن الرحيم
انا مكنتش متوقعة اني هعد على الكرسي
شكرا يا خلود على الاحتفال الرائع ده و العصير و الكرسي و الورود و العصير كان طعمه حلو اوي و فعلا هدى اعصابي جدا
انا عدلت الكرسي يا استاذ جمال علشان المحاكمة
هتشوفي اسئلة لها العجب
شكرا لكي يا ليون على الطمأنينه دي كلها
هههههههههههه
fagrmasr01
07-03-2009, 01:17 PM
اهلا بحضرتك
بكل صدق .. اسعدتينا بقبولك الكرسى
و
نورتى بجد

وبما انك عدلتى الكرسى واستعديتى
نبدأ بسم الله الرحمن الرحيم

الحالة الاجتماعية
تخصصك العملى


هل بتحبى عملك ( ان كنتى عاملة ) واللا تأدية واجب؟ بصررراحة

هل تؤمنى بانك لازم تدربى من هم معك على ما تقومين به من عمل ام تفضلى ان تحتفظى لنفسك بالسر ؟

هل تفضلى انجاز عملك لوحدك ( عزف منفرد ) ام بالعمل الجماعى ( فعليا بتعملى ايه منهم ؟)

أفضل كتاب قرأتيه
أفضل قصة أعجبتك
افضل صحيفة تقرأينها

من هو الكاتب الذى يعجبك اسلوبه فى الصحافة
من هو/ هى المطرب/المطربة المفضلة لديكى ( اذكرى لنا 3 بالترتيب )
من هو/ هى الممثل/الممثلة المفضلة لديكى ( اذكرى لنا 3 بالترتيب )
من هو/ هى المذيع /المذيعة المفضلة لديكى ( اذكرى لنا 3 بالترتيب )

أفضل برنامج اذاعى تستمعى اليه
أفضل برنامج تلفزيونى تفضلين مشاهدته
ما هى القناة الفضائية التى تهتمى بمتابعتها
ما هو افضل مواقع تهتمى بزيارتها ولو على فتات

ماذا يعجبك هنا فى منتدى اكتوبر ، وماذا يزعجك هنا
هل انتى مدمنة نت ومنتديات

ما هو رايك فى كل من : فى ملا يزيد عن خمسة كلمات
غاندى
لينكولن
ناصر
السادات
مبارك
الفريد نوبل

من هو / هى العضو ( أو الأعضاء ) الذى تتابعى باستمرار موضوعاته وتهتمى بالرد
ما هى افضل موضوعات قرأتيها فى المنتدى ( اذكرى لنا ثلاثة )

من وجهة نظرك من هو / هى العضو ( أو الأعضاء ) الطيب
من وجهة نظرك من هو / هى العضو ( أو الأعضاء ) العنيف
من وجهة نظرك من هو / هى العضو ( أو الأعضاء ) المسالم
من وجهة نظرك من هو / هى العضو ( أو الأعضاء ) المثقف
من وجهة نظرك من هو / هى العضو ( أو الأعضاء ) المشاكس
من وجهة نظرك من هو / هى العضو ( أو الأعضاء ) المتميز فى موضوعاته
من وجهة نظرك من هو / هى العضو ( أو الأعضاء ) المتميز فى الردود على المواضيع

هل لكى اتجاه سياسى معين .. وما هو اتجاهك
ايه رأيك فى عزوف الناس عن المشاركة وحالة اللامبالاة الحاصلة هذه السنوات


اكتفى اليوم بهذه المداخهلة
واحتفظ بحقى فى توجيه الأسئلة
بعد اذنك طبعا
ربنا يقويكى ويعينك
DMR
07-03-2009, 01:18 PM
بسم الله الرحمن الرحيم
ده نورك و الله
انا اعصابي هاديه جدا علشان العصير بتاع خلود
ابدأي الاسئلة
حلم حلمتيه و انتي نايمة و نفسك يتحقق؟
ج1 حلمت اني طلعت من الاوائل في الثانويه
حاجة عملتيها و ندمتي عيها طول عمرك؟
ج2 اني كنت بصدق اي حاجة بسرعة جدا و مكنتش اتخيل ان ممكن حد يكون بيكذب
لو صديقة كذبت عليكي و بعديها جت تتاسفلك هتسامحيها ؟
ج3 اكيد هسامحها و لو مجتش انا برده هسامحها لانها صديقتي
خبر وحش سمعتيه و مكنتيش متوقعه ابدا انك تسمعيه ؟
ج4 الحمد لله مكنش فيه خبر وحش ابدا
خبر حلوسمعتيه و مكنتيش متوقعه ابدا انك تسمعيه ؟
ج5 اني اعدت علي الكرسي الجميل ده و الترحيب بتاع خلود و الاستاذ جمال و ليون
بتتمني ايه في حياتك ؟
ج6 اتمني اني ابقى سعيدة دايما
اجاباتي كانت بصراحة و انتي طيبة بجد
انا منتظرة بقيه الاسئلة:):):):):)
DMR
07-03-2009, 01:54 PM
اهلا بحضرتك
اهلا بك
بكل صدق .. اسعدتينا بقبولك الكرسى
و
نورتى بجد
و انتو كمان اسعدتوني و ده نوركم

وبما انك عدلتى الكرسى واستعديتى
نبدأ بسم الله الرحمن الرحيم
بسم الله الرحمن الرحيم نبدأ الاجابات

الحالة الاجتماعية
تخصصك العملى
طالبة


هل بتحبى عملك ( ان كنتى عاملة ) واللا تأدية واجب؟ بصررراحة
بصررراحة انا بحب الدراسة جدا (الدراسة هي عملي )

هل تؤمنى بانك لازم تدربى من هم معك على ما تقومين به من عمل ام تفضلى ان تحتفظى لنفسك بالسر ؟
اكيد اساعد زميلاتي اذا احتاجوا الى اي شئ

هل تفضلى انجاز عملك لوحدك ( عزف منفرد ) ام بالعمل الجماعى ( فعليا بتعملى ايه منهم ؟)
بالعمل الجماعي

أفضل كتاب قرأتيه
روايات شارلوك هولمز
أفضل قصة أعجبتك
قصص ميكي
افضل صحيفة تقرأينها
الاهرام

من هو الكاتب الذى يعجبك اسلوبه فى الصحافة
ابراهيم عيسى
من هو/ هى المطرب/المطربة المفضلة لديكى ( اذكرى لنا 3 بالترتيب )
بصراحة انا مش بهتم بالمطربين بس بسمع سامي يوسف
من هو/ هى الممثل/الممثلة المفضلة لديكى ( اذكرى لنا 3 بالترتيب )
الهام شاهين ـ يسرى ـ حسين فهمي
من هو/ هى المذيع /المذيعة المفضلة لديكى ( اذكرى لنا 3 بالترتيب )
منى الشاذلي ـ دينا عبد الرحمن ـ شريف مدكور

أفضل برنامج اذاعى تستمعى اليه
تفسير القران مع الامام القرطبي

أفضل برنامج تلفزيونى تفضلين مشاهدته
صباح دريم
ما هى القناة الفضائية التى تهتمى بمتابعتها
دريم
ما هو افضل مواقع تهتمى بزيارتها ولو على فتات
منتدى 6 اكتوبر و مواقع العاب

ماذا يعجبك هنا فى منتدى اكتوبر ، وماذا يزعجك هنا
يعجبني روح الاخوة و يزعجني الخلاف بين الاعضاء
هل انتى مدمنة نت ومنتديات
نعم

ما هو رايك فى كل من : فى ملا يزيد عن خمسة كلمات
غاندى
مناضل يحب الوطن و يساعد الفقراء
لينكولن
بصراحة مسمعتش عنها قبل كده

ناصر
( جمال عبد الناصر ) زعيم عربي موحد العرب
السادات
حقق السلام بين مصر و اسرائيل
مبارك
بلاش نتكلم في السياسة
الفريد نوبل
مخترع الدناميت و لكن اساء الناس استعماله

من هو / هى العضو ( أو الأعضاء ) الذى تتابعى باستمرار موضوعاته وتهتمى بالرد
كل الاعضاء
ما هى افضل موضوعات قرأتيها فى المنتدى ( اذكرى لنا ثلاثة )
احلى لعبه لابو تريكة ـ الرسم على الايادي لقمر ـ المرأة التي ابهرت العالم لأم الاء


من وجهة نظرك من هو / هى العضو ( أو الأعضاء ) الطيب
خلود
من وجهة نظرك من هو / هى العضو ( أو الأعضاء ) العنيف
من غير زعل دي وجهه نظر ( ابراهيم البشبيشي )
من وجهة نظرك من هو / هى العضو ( أو الأعضاء ) المسالم
الطاووس الحزين
من وجهة نظرك من هو / هى العضو ( أو الأعضاء ) المثقف
اميرة
من وجهة نظرك من هو / هى العضو ( أو الأعضاء ) المشاكس
لا يوجد
من وجهة نظرك من هو / هى العضو ( أو الأعضاء ) المتميز فى موضوعاته
ام الاء
من وجهة نظرك من هو / هى العضو ( أو الأعضاء ) المتميز فى الردود على المواضيع
فجر مصر

هل لكى اتجاه سياسى معين .. وما هو اتجاهك
لا
ايه رأيك فى عزوف الناس عن المشاركة وحالة اللامبالاة الحاصلة هذه السنوات
حالة سيئة جدا و ارجو ان تمحى


اكتفى اليوم بهذه المداخهلة
و لحد نهاية الاسبوع
ههههههههه
واحتفظ بحقى فى توجيه الأسئلة
بعد اذنك طبعا
اكيد ده حقك
ربنا يقويكى ويعينك
شكرا على الاسئلة فعلا ممتعة جداا
fagrmasr01
07-03-2009, 02:00 PM
وانا .. وانا .. وانا

كنت كاتبها استعجل الرد على مداخلتى يا سعادة البيه

لكن فى نفس اللحظة لقيت الرد
أحيى نشاطك والتزامك بجد
الف شكر
DMR
07-03-2009, 02:59 PM
شكرا لك على هذا التقدير يا استاذ جمال
fagrmasr01
07-03-2009, 03:44 PM
فعلا اشكر لك نشاطك وهمتك ..
وربنا يبارك لك يارب

وللعلم فان لينكولن
هو الرئيس السادس عشر لأمريكا
وهو صاحب قرار الغاء الرق ( العبودية )

واسمحى لى بسؤالين ... تحت الحساب يعنى

من هو مثلك الأعلى .. القدوة التى تقلدينها

منصب تتمنى ربنا يوفقك وتوصلى له

هل تحبى ان تكونى مشاركة فى السياسة بجانب عملك المستقبلى باذن الله

ايه اكثر مادة بتحبيها فى الدراسة .. والسبب

ايه اكثر مادة مش بتحبيها فى الدراسة .. والسبب

لو فى ايدك ان تمنحى شهادة تقدير فلمن تمنحينها :
لمين فى المدرسة من زملائك وزميلاتك .. والسبب
لمين فى المنتدى .. والسبب
لمين من الشخصيات العامة .. والسبب

لو فى ايدك كارت احمر تديه لمين :
لمين فى المدرسة من زملائك وزميلاتك .. والسبب
لمين فى المنتدى .. والسبب
لمين من الشخصيات العامة .. والسبب

بتشجعى مين فى كرة القدم ( الفريق اللى بتشجعيه واللاعب اللى بتحبى تتفرجى عليه)

هل تحبى الشعر . من هو شاعرك المحبب
وهاتى لنا من شعره بيت ( مش من شعر راسه .. من قصايده طبعا )
ما هى هواياتك فى وقت الفراغ والاجازات

هل يمكنك وصف نفسك بانك : ( من فضلك .. ضعى نعم او لا او مقبول )

هادئة
دبلوماسية
مثقفة
عاطفية
حساسة
رحاب محسن
07-03-2009, 04:38 PM
شكرا لأجاباتك وصراحتك معانا :)
DMR
07-03-2009, 05:05 PM
فعلا اشكر لك نشاطك وهمتك ..
وربنا يبارك لك يارب

وللعلم فان لينكولن
هو الرئيس السادس عشر لأمريكا
وهو صاحب قرار الغاء الرق ( العبودية )
شكرا على المعلومات

واسمحى لى بسؤالين ... تحت الحساب يعنى
طبعا اتفضل

من هو مثلك الأعلى .. القدوة التى تقلدينها
ابي و امي

منصب تتمنى ربنا يوفقك وتوصلى له
رئيسة لمدة اسبوع لاصلاح البلد

هل تحبى ان تكونى مشاركة فى السياسة بجانب عملك المستقبلى باذن الله
نعم

ايه اكثر مادة بتحبيها فى الدراسة .. والسبب
بحب الرياضيات جدا .... لان فيها الغاز كتييير

ايه اكثر مادة مش بتحبيها فى الدراسة .. والسبب
العربي ...... علشان مش بحب النحو

لو فى ايدك ان تمنحى شهادة تقدير فلمن تمنحينها :
لمين فى المدرسة من زملائك وزميلاتك .. والسبب
لصديقتي شيرين .... لانها متفوقة جدا و مؤدبه و ملتزمة
لمين فى المنتدى .. والسبب
في كتيييير
حضرتك طبعا .... قمر ... اميرة... ام الاء......الطاووس الحزين ...ليون ..... ابراهيم البشبيشي .... خلود .....الاحباب .... الباشا تلميذ...رحاب محسن..... Rmr
لمواضيعهم المميزة و الردود الرائعة و هناك الكثير و ممكن اكون نسيت حد
لمين من الشخصيات العامة .. والسبب
البرادعي .....لوصوله للمركز الرائع الان و جهده من اجل هذا المركز

لو فى ايدك كارت احمر تديه لمين :
لمين فى المدرسة من زملائك وزميلاتك .. والسبب
لجميع من يغش في الامتحانات ... لان الغش صفة غير لائقة بالانسان
لمين فى المنتدى .. والسبب
المنتدي متميز و لا يوجد كروت حمراء على اي عضو
لمين من الشخصيات العامة .. والسبب
لجميع من لا يهتم باولاده .... لانه هكذا يخلق جيل فاشل مدمر لمجتمع

بتشجعى مين فى كرة القدم ( الفريق اللى بتشجعيه واللاعب اللى بتحبى تتفرجى عليه)
انا بصراحة مش متابعة الكورة
هل تحبى الشعر . من هو شاعرك المحبب
وهاتى لنا من شعره بيت ( مش من شعر راسه .. من قصايده طبعا )
لا اهتم اوي بالشعر بس بحب اقرا منه بسيط اوي
ما هى هواياتك فى وقت الفراغ والاجازات
الرسم

هل يمكنك وصف نفسك بانك : ( من فضلك .. ضعى نعم او لا او مقبول )

هادئة مقبول
دبلوماسية نعم
مثقفة مقبول
عاطفية لا
حساسة لا
fagrmasr01
07-03-2009, 05:14 PM
الف شكر يا دى دى
كلما تحدثتى .. كلما ازداد تقديرى الشخصى لكى
بارك الله فيكى
DMR
07-03-2009, 05:40 PM
شكرا لك يا استاذ جمال
lionking
07-03-2009, 06:06 PM
بسم الله الرحمن الرحيم



نبدأ بقى والله المستعان


1) انت بتحبى تخصصك اللى بتدرسيه ولا دخلتيه تنسيق؟؟


2) لو معاك باقة من الشوك تهديها لمين هنا فى المنتدى؟؟


3) لو سنحت لك الظروف وهتقابلى حد من المنتدى هتختارى مين؟؟ وليـــــــــــــــــــــــه؟؟


4) ايه رايك فى الناس اللى بتتكلم فى الدين ومش بتعمل بيه؟؟


5)ايه رايك فى موضوع السحر والاحجبة والحاجت دى؟؟


6) ايه رايك فى زواج النت؟؟


7) هل هناك حب حقيقى فى حياتك الحالية ؟؟ غير ربنا وماما وبابا( ماشى)


8) ايه رايك فى الاختلاط فى المدارس ؟؟


9) ايه رايك فى البنت المدخنة( سجاير,,, شيشة .... )؟؟


10) كم جزء من القرآن قدرتى تحفظى؟؟


11) ليه بتحبى الهام شاهين؟؟






كفاية كده احسن انا تعبانة والبرد قاتلنى بكرة ان شاء الله اكمل بقى
fagrmasr01
07-03-2009, 06:19 PM
ايه الجمال دا يا ليون
مش انا قلت لك انك
طيييييييييييييييييبة

الله يعينك علينا يا دى دى
DMR
07-03-2009, 06:22 PM
بسم الله الرحمن الرحيم




نبدأ بقى والله المستعان
نستعين عالشقا بالله


1) انت بتحبى تخصصك اللى بتدرسيه ولا دخلتيه تنسيق؟؟
انا لسة مدخلتش جامعة


2) لو معاك باقة من الشوك تهديها لمين هنا فى المنتدى؟؟
لا احد ...


3) لو سنحت لك الظروف وهتقابلى حد من المنتدى هتختارى مين؟؟ وليـــــــــــــــــــــــه؟؟
اميرة ... علشان اقنعها تيجي تاني المنتدى و تشاركنا بافكارها


4) ايه رايك فى الناس اللى بتتكلم فى الدين ومش بتعمل بيه؟؟
ده حرام طبعا .....لان الله يقول في صورة الصف ( يا ايها الذين امنو لما تقولون ما لا تفعلون كبر مقتا عند الله ان تقولوا ما لا تفعلون )


5)ايه رايك فى موضوع السحر والاحجبة والحاجت دى؟؟
حرام طبعا


6) ايه رايك فى زواج النت؟؟
لن يكون عن حب حقيقي و قناعة


7) هل هناك حب حقيقى فى حياتك الحالية ؟؟ غير ربنا وماما وبابا( ماشى)
لا


8) ايه رايك فى الاختلاط فى المدارس ؟؟
مش كويس خالص


9) ايه رايك فى البنت المدخنة( سجاير,,, شيشة .... )؟؟
بتدمر حياتها و صحتها


10) كم جزء من القرآن قدرتى تحفظى؟؟
8 اجزاء و الحمد لله


11) ليه بتحبى الهام شاهين؟؟
علشان حبييت مسلسل قصة الامس





كفاية كده احسن انا تعبانة والبرد قاتلنى بكرة ان شاء الله اكمل بقى
ربنا يشفيك ان شاء الله
و شكرا على الاسئلة
و انا منتظرة الباقي
DMR
07-03-2009, 07:46 PM
يا جماعة فين الاسئلة انا مستنيه من بدري
fagrmasr01
07-03-2009, 08:24 PM
بسم الله .. ماشاء الله على الهمة والنشاط يا ولاد
دى دى ماشاء الله عليكى ..
خليتى الكرسى يتحرك بنشاط جميل
ربنا يحرسك ويحميكى

قولى لنا يا دى دى


هل تواظبى على حضور طابور الصباح بالمدرسة وما فائدته بالنسبة لكى

هل لكى نشاط فى المدرسة غير انك بتحضرى

حضرتك عضوة فى نشاط اجتماعى .. وما هو

حضرتك عضوة فى نادى رياضى .. وما هو نشاطك فيه

هل تؤمنى بمبدأ المقاطعة فى الدفاع عن سيدنا البنى عليه الصلاة والسلام .. وهل تقاطعين المنتجات الهولندية والدانماركية

هل تؤيدى مبدأ ان يتحاور الاسلام مع الاديان

هل تحبين الرحلات ، وما هى اجمل الاماكن التى زرتيها

هل لديكى اصدقاء كثيرين ام قليلين ولماذا فى الحالتين

هل تحبين دراسة التاريخ عموما
وتاريخ مصر خصوصا

هل تتابعى الموضة ( فاشيون ) باستمرار

هل تتابعى مسلسلات معينة وما هو اخر مسلسل تابعتيه

هل انتى عضوة فى منتديات اخرى

فى أيام الدراسة .. هل لكى دور محدد فى خدمة المنزل واللا كله على ماما بحجة المذاكرة

معلش .. حضرتك الى فتحتى شهيتنا للأسئلة

ربنا يعينك
إبراهيم البشبيشي
07-03-2009, 08:34 PM
أهلا بالجميع ..

أولا : أحيك يا d d على ردك الصريح بشأن العضو العنيف بالمنتدى ويا رب نوصل كلنا لنفس درجة الصراحة اللي بتتمتعي بها .

ثانيا : أحب أسالك سؤال

أيه رأيك - وبصراحة - بما أنك طالبة في نظام التعليم في مصر .؟ ويا ترى شايفة أنه ممكن - التعليم يعني - يكون طريق حقيقي لإعداد شباب مصر للحياة العملية الحقيقية ؟ .

وأخيرا : أشكرك يا d d على ردودك الممتعة في موضوع كرسي الاعتراف بجد الموضوع بقى له طعم جديد .
DMR
07-03-2009, 08:45 PM
بسم الله .. ماشاء الله على الهمة والنشاط يا ولاد
دى دى ماشاء الله عليكى ..
خليتى الكرسى يتحرك بنشاط جميل
ربنا يحرسك ويحميكى
ربنا يخليك يا استاذ جمال

قولى لنا يا دى دى


هل تواظبى على حضور طابور الصباح بالمدرسة وما فائدته بالنسبة لكى
بواظب بس هو مش مفيد اساسا

هل لكى نشاط فى المدرسة غير انك بتحضرى
لا ... لعدم وجود الانشطة

حضرتك عضوة فى نشاط اجتماعى .. وما هو
لا

حضرتك عضوة فى نادى رياضى .. وما هو نشاطك فيه
لا...... لعدم اشتراكي في نوادي

هل تؤمنى بمبدأ المقاطعة فى الدفاع عن سيدنا البنى عليه الصلاة والسلام .. وهل تقاطعين المنتجات الهولندية والدانماركية
نعم..... لان هذا سيسبب خسارة كبيرة للدول اليهوديه التي اساءت للرسول (صلى الله عليه و سلم)

هل تؤيدى مبدأ ان يتحاور الاسلام مع الاديان
نعم ...

هل تحبين الرحلات ، وما هى اجمل الاماكن التى زرتيها
احبها جدا ... و اجمل رحلة كانت لمركز سوزان مبارك للعلوم ــ الذي به عرض ثلاثي الابعاد ــ
و رحلة القريه الفرعونيه

هل لديكى اصدقاء كثيرين ام قليلين ولماذا فى الحالتين
قليلين ... لأن معظم اللي في المدرسة مش بيحبوا يصاحبه المحترمين

هل تحبين دراسة التاريخ عموما
وتاريخ مصر خصوصا
لالا ابدا.... ده عقدتي في الدراسة و خصوصا التاريخ الفرعوني

هل تتابعى الموضة ( فاشيون ) باستمرار
بحب امشي على الموضة بس اطبقها على الدين الاسلامي

هل تتابعى مسلسلات معينة وما هو اخر مسلسل تابعتيه
في الاجازة و اخر مسلسل كان بنت من الزمن ده

هل انتى عضوة فى منتديات اخرى
لا ده اول منتدي لي و مشتركتش في منتدى اخر

فى أيام الدراسة .. هل لكى دور محدد فى خدمة المنزل واللا كله على ماما بحجة المذاكرة
اكيد لي دور بس بعد ما اخلص مذاكرة

معلش .. حضرتك الى فتحتى شهيتنا للأسئلة

ربنا يعينك
شكرا على الاسئلة يا استاذ جمال
DMR
07-03-2009, 09:04 PM
أهلا بالجميع ..
اهلا بك

أولا : أحيك يا d d على ردك الصريح بشأن العضو العنيف بالمنتدى ويا رب نوصل كلنا لنفس درجة الصراحة اللي بتتمتعي بها .
شكرا لك يا ابراهيم

ثانيا : أحب أسالك سؤال
اتفضل

أيه رأيك - وبصراحة - بما أنك طالبة في نظام التعليم في مصر .؟ ويا ترى شايفة أنه ممكن - التعليم يعني - يكون طريق حقيقي لإعداد شباب مصر للحياة العملية الحقيقية ؟ .

نظام متدهور جدا يعني مادة الكمبيوتر دخلت في المجموع و مفيش مدرسين اصلا... لا يوجد اهتمام بالاساسيات
هو ممكن يكون طريق حقيقي لاعداد شباب مصر للحياة العلميه الحقيقية ...... لكن الحقيقه الحاليه ..التعليم لا يوجد به هدف و كله غش و مجردحصول على شهادة و هنالك شباب يتخرجوا و لا يجيدون القراءة و يحصلون على الشهاده بالغش
و شباب اليوم لا يفكر في كيفيه المذاكرة و لكن يفكروا في كيفيه الغش و اختراع وسائل للغش
وأخيرا : أشكرك يا d d على ردودك الممتعة في موضوع كرسي الاعتراف بجد الموضوع بقى له طعم جديد
انا اللي بشكرك على الاسئلة و مستنيه المزيد
DMR
08-03-2009, 08:45 PM
فين الاسئلة يا جماعة
فين اسئلتك يا خلود ......
خلود
08-03-2009, 09:10 PM
حاضر يادى دى صبرك على
اميرة حبى انا
09-03-2009, 02:41 AM
متشكرة يادى دى انك اخترتينى العضو المثقف
والله يابنتى انتى فهمانى غلط
هههههههههههههههههههههههههههههه
وحشتــــــــــــــــــــــــــــــــــــونى
يلا يادى دى ياحبيبتى كام سؤال كده استفتاح لحد مااجيب الباقى


1-الاسم؟
2- السن؟
3-احساسك ايه وانت قاعد على الكرسى؟
4- مين اقرب انساااااااان او انسااااااانه ليكى؟
5-ايه احلامك؟
6-كام مره حسيتى انك ملكيش لزمه فى الحياه؟
7- كااااااام مره مقدرتيش تكتمى دموعك؟
8-حلمتى حلم واتحقق؟؟

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
10-كل شخص مننا جواه نسبة حزن ياترى نسبة الحزن جواك كام في المية؟

11- مين اقربلك وبتحس انه فاهمك اكتر والدك والا والدتك ؟؟؟

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
13- لو حبيت شخص مش حاسس بيك ياترى تعمل ايه ؟؟؟؟
14- هاقولك كلمات توجهيها لاشخاص في منتدانا
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا فى المنتدى
- انت دمك خفيف اوى
- انت شخصية قوية تتحمل الصعاب
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟

16- هل حد ظلمك لدرجة انك قلت مش ممكن اسامح؟؟؟
17- لو هتسافر مكان ومطلوب منك تاخد شخصين بس معاك تختار مين؟؟؟

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
19- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

20:D ايه السؤال اللي كنت تتمنى انى ماسألوش ؟؟؟http://www.ebnmasr.net/forum/images/smiles/megalol.gif http://www.ebnmasr.net/forum/images/smiles/megalol.gif
:D:D:D:D:D:D:D:D:D:D:D
DMR
09-03-2009, 11:18 AM
متشكرة يادى دى انك اخترتينى العضو المثقف

والله يابنتى انتى فهمانى غلط
هههههههههههههههههههههههههههههه
بجد هي دي الحقيقة
وحشتــــــــــــــــــــــــــــــــــــونى
و انتي اكتر
يلا يادى دى ياحبيبتى كام سؤال كده استفتاح لحد مااجيب الباقى



1-الاسم؟
دي دي لا افضل قول اسمي
2- السن؟
14
3-احساسك ايه وانت قاعد على الكرسى؟
خايفة جدا
4- مين اقرب انساااااااان او انسااااااانه ليكى؟
صديقتي
5-ايه احلامك؟
اصبح مهندسة معماريه مشهورة
اكون ام مثاليه
6-كام مره حسيتى انك ملكيش لزمه فى الحياه؟
الحمد لله ولا مرة
7- كااااااام مره مقدرتيش تكتمى دموعك؟
مرة
8-حلمتى حلم واتحقق؟؟
انا لما بصحى من النوم باكون نسيت الحلم


9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
كتمان السر
صديقتي شيرين في المدرسة
لسةمتعرفتش على اصدقاء جوة المنتدى
10-كل شخص مننا جواه نسبة حزن ياترى نسبة الحزن جواك كام في المية؟
20%


11- مين اقربلك وبتحس انه فاهمك اكتر والدك والا والدتك ؟؟؟
ماما


12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
كل المواضيع المميزة
13- لو حبيت شخص مش حاسس بيك ياترى تعمل ايه ؟؟؟؟
اناقشه في الموضوع
14- هاقولك كلمات توجهيها لاشخاص في منتدانا
- مواضيعك ممتازة ام الاء ــ خلود
- انت فين وغايب عننا ليه اميرة
- المنتدى وحش من غيرك قمر
- رأيك بيعجبنى استاذ جمال
- انت شخصية محبوبة جدا فى المنتدى اميرة
- انت دمك خفيف اوى ليون كنج
- انت شخصية قوية تتحمل الصعاب استاذ ابراهيم البشبيشي
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟
لا مظلمتش حد


16- هل حد ظلمك لدرجة انك قلت مش ممكن اسامح؟؟؟
اتظلمت بس مش لدرجة اني مسامحتهوش
17- لو هتسافر مكان ومطلوب منك تاخد شخصين بس معاك تختار مين؟؟؟
بابا و ماما


18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
سهل ـ كل اللي في البيت
19- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟
تركيا ـ مصرية


20:D ايه السؤال اللي كنت تتمنى انى ماسألوش ؟؟؟http://www.ebnmasr.net/forum/images/smiles/megalol.gif http://www.ebnmasr.net/forum/images/smiles/megalol.gif
:D:D:D:D:D:D:D:D:D:D:D:D
كل الاسئلة
هههههههههههههههههههههههه
ههههههههههه
اميرة حبى انا
09-03-2009, 05:20 PM
ايه يابنتى الاجابات الجامدة دى
ميرسيه اوى ليكى انك اخترتينى مرتين
وشكرا على اجاباتك الجميلة
خلود
10-03-2009, 12:10 AM
انا جيت دى دى ومش هتقل عليكى كام سؤال كده على الماشى

ايه رأيك فى الحب من على النت وياترى ممكن يحصل لك ؟؟

لو حبيتى انسان اكتشفتى انه بيحب صاحبتك هتعملى ايه ؟؟؟؟

لو اتقدم لك اتنين واحد غنى لكن وظيفته يعنى مش من مستوى تعليمك العالى

وشاب متعلم مثقف ووظيفته حلوه لكن ظروفه يعنى مش ولابد تختارى مين ؟؟؟؟؟؟؟

مريتى بحب مدرس لك قبل كده وبصراحه ؟؟؟؟؟؟؟

من وجهه نظرك احسن سن لزواج الراجل واحسن سن لزواج البنت ؟؟؟؟؟؟؟

واخر سؤال بزمتك حد اتعمل له احتفال زيك كده على الكرسى؟؟؟؟؟؟؟؟

وكفايه كده عليكى علشان بس انتى حبيبتى
DMR
10-03-2009, 04:03 PM
انا جيت دى دى ومش هتقل عليكى كام سؤال كده على الماشى
اهلا و سهلا نورتي النت



ايه رأيك فى الحب من على النت وياترى ممكن يحصل لك ؟؟
حب مش حقيقي و ممكن يكون خداع
هو مش ممكن يحصلي لأني مش هبحث على الحب من النت


لو حبيتى انسان اكتشفتى انه بيحب صاحبتك هتعملى ايه ؟؟؟؟
اكيد هزعل جدا بس كل واحد و نصيبه


لو اتقدم لك اتنين واحد غنى لكن وظيفته يعنى مش من مستوى تعليمك العالى


وشاب متعلم مثقف ووظيفته حلوه لكن ظروفه يعنى مش ولابد تختارى مين ؟؟؟؟؟؟؟
شاب متعلم مثقف و ما دامت وظيفته حلوة
مش لازم يكون غني


مريتى بحب مدرس لك قبل كده وبصراحه ؟؟؟؟؟؟؟
لا الحمد لله


من وجهه نظرك احسن سن لزواج الراجل واحسن سن لزواج البنت ؟؟؟؟؟؟؟
الراجل من سن 30 لـــ 35
البنت من سن 20 لـــ 30



واخر سؤال بزمتك حد اتعمل له احتفال زيك كده على الكرسى؟؟؟؟؟؟؟؟
بصراحة لا
و انا مبسوطة جداااااااا بالاحتفال العظيم ده


وكفايه كده عليكى علشان بس انتى حبيبتى
شكرا على اسئلتك
DMR
10-03-2009, 05:45 PM
ايه يا جماعة فين الاسئلة
فين باقي اسئلتك يا اميرة
انا مستنياكم
fagrmasr01
11-03-2009, 10:30 PM
دى دى .. حوارك واضح وردودك جميلة

بصراحة .. خليتى للكرسى معنى جميل

باذن الله يوم الجمعة ترشحى لنا الى يقعد ع الكرسى بعدك

باقى بكرة الخميس بكامله لو حد يحب يسأل دى دى

ربنا يخليكى

والف شكر اليكى
RMR
12-03-2009, 06:22 PM
السلام عليكم ورحمة الله وبركاته
فعلا يا دى دىمنورة الكرسى ،والاسبوع عدى بسرعة
عندى ليكي كام سؤال
ما هى اكلتك المفضلة؟
ما هو شرابك المفضل؟
ما هو لونك المفضل؟
هل تفضلى ايام الدراسة ام الاجازة ؟ولماذا؟
كنت تفضلى تبقى الاخت الكبيرة ولا الصغيرة ؟ ولماذا؟
هل كل ايجاباتك فى كرسى الاعتراف حقيقة ولا لأ؟
كفاية عليكي السؤالين دول
ومستنيين نشوف مين هيعد على الكرسى بعدك
DMR
12-03-2009, 07:30 PM
شكرا يا استاذ جمال على هذا التقدير العظيم
و انا محتارة اختار مين للكرسي :confused::confused::confused::confused:
DMR
12-03-2009, 07:48 PM
[السلام عليكم ورحمة الله وبركاته
و عليكم السلام و رحمة الله و بركاته
فعلا يا دى دى منورة الكرسى ،والاسبوع عدى بسرعة
ده نورك و الله
عندى ليكي كام سؤال
اتفضلي
ما هى اكلتك المفضلة؟
محشي ورق عنب و كبسة سعودي
ما هو شرابك المفضل؟
عصير فراولة
ما هو لونك المفضل؟
الروزي
هل تفضلى ايام الدراسة ام الاجازة ؟ولماذا؟
ايام الدراسة ..... لمقابلة اصدقائي و اني احب العلم
كنت تفضلى تبقى الاخت الكبيرة ولا الصغيرة ؟ ولماذا؟
انا الاخت الصغرى .... و احب نفسي هكذا ......لان كل شيئ يحدث يلقى اللوم على الكبرى
هل كل ايجاباتك فى كرسى الاعتراف حقيقة ولا لأ؟
حقيقية الحمدلله
كفاية عليكي السؤالين دول
شكرا
ومستنيين نشوف مين هيعد على الكرسى بعدك
ان شاء الله
إبراهيم البشبيشي
12-03-2009, 09:20 PM
متشكرين قوي يا دي دي على اجاباتك الحلوة ويا ريت بسرعة تلحقي تختاري لنا زائر الكرسي القادم .. لكن

بعد ما الناس تخلص اسئلتها :d:d:d
DMR
12-03-2009, 10:41 PM
بجد انا مبسوطة جدا اني اعدت على الكرسي و الاحتفال الرائع اللي عملتوه :rolleyes::rolleyes:
و بجد كان وقت ممتع جدا
و انا اللي متشكرة يا استاذ ابراهيم على الاسئلة الحلوة :):)
و ان شاء الله اختار الزائر القادم بأذن الله
بس بجد انا محتارة :confused::confused:
إبراهيم البشبيشي
12-03-2009, 10:50 PM
بلاش الحيرة فكري في العضو اللي نفسك تساليه كام سؤال زي بتوع أميرة وعلى طول هوب تقومي مختاراه .

شوفتي الحكاية سهلة ازاي ؟

يالا بأه اختاري .. وبراحتك عالآخر ... :):):):)
fagrmasr01
13-03-2009, 01:19 AM
نورتى الكرسى يا دى دى
بجد نورتى
الله يعينك وتختارى
جمال