السلام عليكم يامنتدى الاخوة و الاحباب

[فريد]

1408
1413
السلام عليكم يامنتدى الاخوة و الاحباب
السلام عليكم سامحونى على طول الغياب
واحشتونى و احشتونى واحشتونى بجد
كل جمعة و كل سبت و كل خميس و حد
واحشتونى و بشكر كل واحد كل واحدة
ايده ليها فى الغياب مد
و سال عنى حتى لو كان مبينا جذب و شد
واحشتونى بجد اخوة و اخوات
بنين و بنات رجالة و ستات
و بكن ليكم كل حب و كل ود
اصل انتم مش اى حد
انتم اخوة بجد
محدش بيزعل من حد
ولا سبت يخاصم حد
و لا عليق يخاصم ورد
عشان كده انا بحبكم بجد
ومش مستنى تعليق و لا رد
يامنتدى الاحباب يااحلى صحبة و اجمل حب وود
1409141014111412

[محمد المصري]

اية الكلام الجميل دة

بجد انت كمان واحشنا جدا

ان طال غيابك بالقلب فاكرينك

نورت المنتدى من جديد

ياريت تطمنا عليك ديما

اخوك / محمد ابوزيد

[اميرة حبى انا]

يارب الكلمات اللى فى منتهى الرقة والروعة دى
تكون بداية عودتك بينا مرة تانية
ونهاية فترة الغياب الطويلة
اكيد كلنا مفتقدينك اخ عزيز علينا
وفى انتظارك دايما

[fagrmasr01]

يا ألف نهار ابيض
والله العظيم قلبى فرحان برجوعك يا عم فريد يا غالى .. بجد وحشتنا كلنا ووحشتنى انا اوى يا شاعرنا المبدع الجميل

بالله عليك متغيبش تانى عننا هنا يا عم فريد
وتعالى نور منتدانا بإبداعك وبكل شعر جديد
فريد ياطيب القلب والنية بنتمنى منك نستزيد
تعالى شاركنا إبداعك ونقول لك هل من مزيد


من حقنا ان يتم نقلها الى قسم الابداعات يا إدارة

[اميرة حبى انا]

تنقل لقسم ابداعات الاعضاء

[fagrmasr01]

الف شكر
على سرعة الاستجابة
ربنا يخليكى لينا يا مديرتنا النشيطة

[خلود]

الله عليك يااستاذ فريد

وحشتنا اوى اوى وياريت نلاقى كلام يعبر عن مدى اشتياقنا لوجودك الجميل وكلماتك الرائعه
مش قادره اقول غير الف الف حمدا لله على سلامه رجوعك لنا ويارب يارب متغيبش تانى ابدا

http://www.vb.6ocity.net/imgcache/7346.imgcache.jpg

[lionking]

http://www.vb.6ocity.net/imgcache/7346.imgcache.jpg (http://www.vb.6ocity.net/imgcache/7346.imgcache.jpg)

حمد الله على سلامتك يا فريد
وبجد وحشتنا كلنا ووحشتنا ابداعاتك وكلماتك الجميلة المعبره

ياريت فعلا ماتغيبش عننا تانى

[فريد]

السلام عليكم
والله مش عارف اقول ايه على حسن الاستقبال ده
ربنا يبارك فيكم
و دائما اخوة فى الله
بس ياجماعة انا عندى مشكلة
مليش نفس اخش اكتب او ارد او اعمل اى حاجة
حتى لو فكرت اكتب اى حاجة القى الكلام
كلام صعب مش عارف انا الا عندى المشكلة و لا ايه بالظبط
لكن برضه هاحاول

[خلود]

لازم تحاول يافريد

كلنا نفسنا مسدوده والله وزهقانين وقرفانين ولكن مش هنبطل ندور على اى حاجه نكتبها ونعملها

صدقنى حال البلد سادد نفسنا كلنا بس بنيجى هنا نحاول نخرج شويه من القرف اللى شايفينه فى الشغل ومذاكره الولاد والغلا

يااااااااااااااه يافريد لو كتبت مش هبطل يبقى الاحسن كده تيجى وتنورنا وتكتب لنا اى حاجه جواك منك هتعجبنا اوى اوى بس متحرمناش من وجودك ويانا خالص لانك بجد بتوحشنا جدا

http://www.vb.6ocity.net/imgcache/7704.imgcache.gif

[فريد]

تمام يافندم
حاضر ياسيادة المشرفة العام