تسجيل الدخول

مشاهدة النسخة كاملة : سمية اشرف متخافيش


fagrmasr01
16-10-2010, 10:30 AM
كلماتى تحذير .. اوعاك تستهر بالعرض

ولسانى سفير .. حانوطى راسك ف الأرض



ياللى ضربت بنات الناس

انا شرفى مايقبل ينداس

بنتنا حرة وحاعرف اصونها

ولو هاضرب راسك بالفاس



ياللى ضربت البنت وفاكر

انك راجل ..لا انت الفاجر

حتى لو تملك صواريخ

راح تعرف انك مش قادر



انا شرفى حاصونه ياحكومة

وتهديدكوا مالوهش لزومة

ياللى ضربت بناتنا برجلك

راح نكسر راسك بالشومة



فى الجامعة ياظالم ياجبان

وتضربها وتمنعها كمان

أقسم ان التار راح ناخده

مش هانخاف م الامريكان



شفنا إهانتك فاكر كدا راح تصبح ضابط

وبتضرب بنتنا ولا عندك أخلاق ولا رابط

وبتمنع عنها الاسعاف لجل تموت الحرة

عايش متحامى فى بدلة يا نذل يا هابط



مش راح تحميك منى الدبورة

شفناك فيديو صوت مع صورة

وأقسم مش هارتاح ولا هاسكت

غير وانت رقبتك مكسورة



بناتنا خط احمر .. احمر غالى بلون الدم

شعبنا كله بيحمى العرض مش هانطاطى ولا نهتم

مهما تزيدوا فى طغيان الأمن

مش هاتدوقوا طعم الأمن



إهداء

الى سمية أشرف ..

والى كل بناتنا فى كل مكان

... متخافوش ...

احنا لسنا جوانا نخوة

.. لسا انا ابوكى وراجل ...

واعرف اخد تارك منهم

... وابنى اخوكى ...

مش هاسيبهم لو حتى بالدم يضحى

.. اوعى تخافى ...

ارفعى راسك بنتى يا حرة

وحياة شرفك لازم تبئا حياتهم مُرة
اميرة حبى انا
16-10-2010, 01:48 PM
تحية وشكر من كل بنات مصر
لهذه الكلمات القوية الرائعة
متهيألى لو اللى عمل فى سمية كده قرأها هيخاف
الله ينور يا استاذ
تستحق اكتر من تقييم
fagrmasr01
16-10-2010, 02:05 PM
شكرا يا أميرتنا ربنا يخليكى
بس بجد الشرطة تجاوزت كل الحدود باعتدائها الفظيع على اعراضنا كمان
حتى لو احنا بنموت .. مش هانسيب اعراضنا ... ومش هانفرط فى كرامة بناتنا
لازم بجد نحاول نوصل رسالة قوية لكل الجبناء اللى بيستقووا القلب بالبدلة والمناصب .. ورسالتنا مش بس أشعار.. مفروض نتحرك فى كل الاتجاهات
لازم يعرفوا ان بناتنا خط احمر بلون دمنا
DMR
16-10-2010, 05:35 PM
كلماتك قوية جدا و معانيها جامدة جدا و اثرت في نفسي جدا
لازم يعرفوا ان بناتنا خط احمر بلون دمنا
الجملة دي عجبتي الى ابعد الحدود
يا سلام لو كل انسان شاف الكلام ده و اتأثر بيه بجد البلد ممكن تتصلح
ربنا يخليك يا استاذ جمال و يجازيك خير الجزاء و يبارك فيك
:50 (31):
fagrmasr01
16-10-2010, 05:47 PM
كلماتك قوية جدا و معانيها جامدة جدا و اثرت في نفسي جدا
لازم يعرفوا ان بناتنا خط احمر بلون دمنا
الجملة دي عجبتي الى ابعد الحدود
يا سلام لو كل انسان شاف الكلام ده و اتأثر بيه بجد البلد ممكن تتصلح
ربنا يخليك يا استاذ جمال و يجازيك خير الجزاء و يبارك فيك
:50 (31):



بالفعل يا دى دى انتوا اغلى عندنا من دمائنا .. واى لمسة تؤذى بنت من بناتنا نفديها بروحنا مش مجرد شعارات .. وباذن الله سيكون لشعب مصر وقفة تجبر الطغاة على التراجع فى تفكيرهم الأسود .. وتمنعهم باذن الله من تكرار التعرض لبناتنا .. انتوا شرف مصر وانتوا اغلى من النور لعينينا
ربنا يارب يحرسكم ويحميكم من كل ظالم
اللهم آمين
lionking
17-10-2010, 03:32 PM
جميلة فعلا يا جمال
تسلم ايديك

وربنا معاهم بجد
fagrmasr01
17-10-2010, 03:38 PM
جميلة فعلا يا جمال
تسلم ايديك
وربنا معاهم بجد


ربنا يخليكى يا ليون ,, شكرا لمرورك وتقديرك ,, وباذن الله ربنا معاهم واحنا كلنا كمان لازم نكون معاهم باذن الله
بالفعل لازم تكون بناتنا خط احمر لا يجوز القبول بتجاوزه مهما كلفتنا الكلمة دى
خلود
18-10-2010, 12:51 AM
والله معلم فى الشعر صحيح

وكأنك ماسك بندقيه مش قلم بتدافع بيه عن بنتى واختى واختك

جميله اوى ياجمال

شكرا وتسلم وربنا يديك الصحه
fagrmasr01
18-10-2010, 06:04 PM
والله معلم فى الشعر صحيح
وكأنك ماسك بندقيه مش قلم بتدافع بيه عن بنتى واختى واختك
جميله اوى ياجمال
شكرا وتسلم وربنا يديك الصحه


ربنا يخليكى يا خلود ... فعلاً كنت حاسس انى عايز امسكه أربيه بإيدى أنا والله العظيم علشان ميتجرأش ولا هو ولا غيره تانى على بناتنا
وكتبتها وانا حاسس انى فعلا بدافع عن بنتى واختى وعنك وعن أميرة وليون وعن كل بنت فى مصر
بجد لازم تكون بناتنا خط احمر لا يجوز القبول بتجاوزه مهما كلفتنا الكلمة دى
زهرة الياسمين
20-10-2010, 10:52 PM
كلماتك تعويض حقيقي لكل اهانة بتتعرض ليها بناتنا
تسلم ايدك أستاذنا

أنا بفكر أعمل يافطات في مصر كلها اكتب عليها
بناتنا دول اخواتكم حافظوا عليهم
والامضاء
أمهات مصر

ايه اللى بيحصل فيكي يامصر
فين الرجالة؟ وراحت فين النخوة؟
fagrmasr01
21-10-2010, 02:38 PM
كلماتك تعويض حقيقي لكل اهانة بتتعرض ليها بناتنا
تسلم ايدك أستاذنا

أنا بفكر أعمل يافطات في مصر كلها اكتب عليها
بناتنا دول اخواتكم حافظوا عليهم
والامضاء
أمهات مصر

ايه اللى بيحصل فيكي يامصر
فين الرجالة؟ وراحت فين النخوة؟

اشكرك على مرورك وتكريمك للموضوع بتعليقك الطيب
وباذن الله مصر لسا فيها نخوة ولسا فيها رجالة بدليل الانتفاضة اللى حصلت فى أماكن كتير
وباذن الله مش هانسيب تار بناتنا ولو فى اخر لحظة فى عمرنا
ahmedabdelziem
01-12-2010, 10:37 PM
ارفعى رأسك بنت ياحره
وحياه شرفك لازم تبئا حياتهم مره


مش لاقى تعليق يكفى هذه الكلمات
الرومنسى
05-12-2010, 02:52 AM
جميلة جدا
لكن يا ريت نحس
نرجع الاصالة جوانا
نرجع الكرامة من تانى
بلاش وانا مالى
تعبت
نشجب نستنكر ندين
fagrmasr01
07-12-2010, 03:58 PM
ارفعى رأسك بنت ياحره
وحياه شرفك لازم تبئا حياتهم مره


مش لاقى تعليق يكفى هذه الكلمات


انااللى مش لاقى بجد يا أحمد كلمة تعبر عن فرحتى بإعجابك بكلماتى
ربنا يحفظ بنات وششباب مصر يارب
ربنا يبارك لك ويكرمك ويجازيك عنى خير
fagrmasr01
07-12-2010, 04:00 PM
جميلة جدا
لكن يا ريت نحس
نرجع الاصالة جوانا
نرجع الكرامة من تانى
بلاش وانا مالى
تعبت
نشجب نستنكر ندين



أشكرك جزيل الشكر يا شاعرى الجميل
شكرا بجد اسعدتنى بمرورك وتعليقك
اللى بجد بيعبر عن الروح الأصيلة
لرجولة ونخوة ولاد بلدنا
ربنا يحفظ بنات وشباب مصر يارب
ويكرمك ويجازيك عنى كل خير
fagrmasr01
21-01-2012, 04:05 PM
أعيد رفعها .. الى كل ندل بيضرب واحدة ست او بنت او بيسحلها او بيعمل نفسه راجل عشان لابس بدلة ميرى

بناتنا خط احمر يا حكومة

كتبتها قبل ثورة يناير بمائة يوم
وموعدنا باذن الله يوم عيد الثورة ... هانعيد الثورة