المساعد الشخصي الرقمي

مشاهدة النسخة كاملة : نؤيد سيادتك لفترة جديدة ( احمد فؤاد نجم )


lionking
15-10-2010, 09:01 PM
نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده في أيده الخلاص


نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
لكن يعني ما دمنا شعب انتساب
و دايما وأبدا فى حالة غياب
متعملش لينا يا ريس حساب
دي عزبة سيادتك و فيها أنت حر
و دستور ما دستورشى مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
و ايه يعني تهري جتتنا البلاوي
يوماتي كوارث، فضايح، رشاوي
كفايا علينا القعاد في القهاوي
بنستنى لما الوريث ييجي دوره
http://www.vb.6ocity.net/imgcache/7265.imgcache.jpg (http://www.facebook.com/photo.php?fbid=488725957463&set=o.10150291881470142)
محمد المصري
15-10-2010, 09:23 PM
لمست جرحا داميا فى نفسى

الله عليها من كلمات

باحس بيها فى كل حرف من حروفها

بجد رائعة تسلم ايدك ياليون
ويسلم لنا الكاتب الكبير احمد فواد نجم
fagrmasr01
15-10-2010, 09:24 PM
عمنا أحمد فؤاد نجم بجد مش ممكن يكون شاعر وبس.. دا فعلا نبض الشعب واحساسه بطريقة بجد جميلة اوووووى
بجد حلوة اوى يا ليون
إختيار رائع رائع رائع
lionking
15-10-2010, 09:38 PM
ربنا يخليك يا جمال
lionking
15-10-2010, 10:11 PM
معلش يا محمد
دى لمست كل جراح المصريين
الفارس
16-10-2010, 09:17 AM
دا اكيد اى حد بيقرأها بتلمس جرح وجراح كل مصرى

تسلم ايدك ياليووووووووووون

بجد رائعه
محمود عبد الله
16-10-2010, 09:25 AM
و الله الراجل ده موهوب فحت
موضوع عالى الجودة و الله
اميرة حبى انا
16-10-2010, 01:51 PM
لا حول ولا قوة الا بالله
آخرة الغلب ده ايه بس يا ربى
:50 (8)::50 (8)::50 (8):
خلود
18-10-2010, 12:53 AM
امسحى دموعك يااميره

نصر الله قريب

ربنا يزيح الغمه عننا ويولى من يصلح
فريد
03-11-2010, 02:49 PM
احمد فؤاد نجم
يلها من كلامات
واقساها من عبارات
ولكنها حقيقة هذه الحيات
تحياتى لكى ياليون اختيار موفق جدا
و التوقيت ايه