من غير زعل

[اميرة حبى انا]

السلام عليكم ورحمة الله وبركاته
قبل مااقول اى حاجة
انا دخلت المنتدى ده واشتركت فيه وبجد هو غير كل المنتديات
اللى فيه اسرة اخوات اصحاب
المهم اللى فى المنتدى ده مش موجود فى كتير من المنتديات
لما تجيلى النهاردة بس
غير اللى قبل كده
رسالتين من 2 اعضاء مش عايزين يدخلوا المنتدى تانى يبقى اكيد فى حاجة غلط
المهم ليه مش عايزين يدخلوا
1-الردود عبارة عن هجوم وكأننا فى حرب وهنا هنصلح اللى مش عارفين نعمله فى الواقع
2-الردود المبالغ فيه والمحرجة جدا لاصحاب بعض المواضيع
3-فى اعضاء بيدخلوا يحطوا مواضيعهم ويخرجوا من غير رد على مواضيع حد ولا حتى رد على ردود الناس على مواضيعهم
اللى اعرفه عن المنتديات ان فى احترام فى حب اخوى فى حب للمنتدى وخوف عليه فى كل واحد يخاف على مصلحة التانى ويحط نفسه مكان اللى بيهاجمه او اللى ممكن يسببله احراج
وانا بقولها انا كمان
انا عن نفسى فعلا مكنتش بفوت يوم الا لما ادخل المنتدى كل شوية يعنى اكتر من 5 مرات يوميا ووالله كنت بدخل اول مااصحى من النوم والله العظيم قبل ماافطر وقبل ماانام
لكن دلوقتى وفى الفترة الاخيرة وبعد مالقيت الردود والاعتراضات والهجوم والاحراج انا بالبلدى كده نفسى اتسدت وبدخل مش زى الاول ولا بنفس الحماس ولا باشارك بمواضيع زى الاول ولا برد الا كل يومين تلاتة
كلامى مش موجه لشخص معين
ولا قصدت بيه انى اضايق او ازعل حد
بس انا فعلا زعلانة جدا على الناس اللى زعلت وعلى اللى وصلناله ده
الاحباب
نصل الهوى
اذا كانت ردودكم هتضايقنى بلاش تردوا
انا بس حبيت اقولكم اللى حصل
ومعنديش استعداد بجد اتضايق اكتر من كده
واذا شفتم ان الكلام ده هيزعل حد او يزعلكم منى تقدروا تحذفوه طبعا بدون تردد حذف نهائى
وللمرة التانية انا مشتركة فى منتديات كتير وبأكد لكم كلكم ان المنتدى ده فى حاجة حلوة اوى غير كل المنتديات اللى اعرفها
ياريت نحافظ عليها

[محمود التهامي]

ياريت اللي عنده مشكله يحطها في مكانها

فيه قسم مخصوص للشكاوى والمتقرحات ومحدش هيشوف المشكلة ولا صاحبها غير الادارة

والناس الزعلانه دي تقولنا زعلانه ليه

اما بقا لو كل مشكلتهم هي ردود باقي الاعضاء عليهم فاعتقد دا حقهم

يعني كل واحد حقه يقول اللي يشوفه

ومحدش ينفع يجبره يغير رأيه في حاجه

انا مش بحب الشاي اشربه ليه ؟؟؟؟؟؟؟

اللي عنده القدرة على عرض فكرة او موضوع ياريت يكون عنده المقدرة على الدفاع عنها او تحمل خطأه ان كان رأيه لا يحتمل الصواب

وحتى ان كانت فكرته صحيحه فلن يراها الجميع كذلك ولا يمكننا ان نجبر احد على الاعتراف بشيء او اقراره دون اقتناع

[fagrmasr01]

أميرة
معاكى حق
وانا شخصيا باعترف انى ممكن اكون تسببت فى احراج بعضكم
حتى انى طلبت حذف الموضوعات التى فيها احراج
وقلت انها الموضوعات الصفرية
اسف بجد
واعتذر
فعلا منتداكم اخوة
وفعلا انتم اكثر من كلمة طيبين
سماح

[fagrmasr01]

أنا شخصيا مستعد للاعتذار العلنى لكل من ضايقته او احرجته
ولن اقول انسحب لانى احبكم فعلا
ولكن .. معلش سماح

[اميرة حبى انا]

محمود انا قلتلك لو ردك هيضايقنى متردش
واللى عايز يقول رأيه يقوله من غير مايجرح حد متهيألى سهلة
ولا هو احنا لازم نضايق الناس
على فكرة انا اقنعت الناس انها متسيبش المنتدى عشان ردود مستفزة ويتجاهلوها
بس انت استفزتنى انا
واستفزتنى اوى كمان
واتفضل حضرتك بما انك المدير انقل الموضوع مكان ماتحب
بس دى مكنتش شكوى
والردود المستفزة اللى بتضايق وتحرج الناس مش كوباية شاى
وفى اسلوب للردعلى المواضيع حد لو مش عجبانا احسن من اللى بيحصل بكتير
وانا اللى مش هدخل تانى الا لما تخلى اعضاء منتداك يردوا على بعض من غير مايضايقوا بعض
سلااااااااااااااااااااااااااااااااااام

[محمود التهامي]

للأسف يا عم جمال الاعتذار هنا هيتفهم غلط وهنبقا احنا اللي غلطانين زي كدا ما بنبقا غلطانين لما بنطالب الحكومة بمطالب عادية جداااااااااااا
هقولها تاني
كل واحد حر في رأيه
واللي مش هيتحمل نقد يبقا ميكتبش
دي أول حاجه اتعلمتها لما مسكت ورقه وقلم

[محمود التهامي]

اوكي اميرة

هنركب فلاتر بعد كدا على كيبوردات الاعضاء تشوف ايه يعجب وايه ميعجبش

ولما قولت على قسم الشكاوى مكنش ليكي لكن كان للناس الزعلانه متهيألي يكون افضل من الرسايل الخاصة

وبالنسبة لاختيار الاسلوب فلو كان فيه حاجه شاذة وفجه قوي كدا كان حد بلغنا عنها من ايونة تبليغ اللي في كل المواضيع

لكن نعاقب واحد على عشان كتب رأيه في كلام حد مش معقوله وهنشوف الرد المستفز دا على اي اساس بقا

لو عندك برنامج يقيس قوة ومعدل الاستفزاز ابعتيهولي

احنا بشر يا ناس
ولو فيكو حد مبيغلطش يقوللي

[fagrmasr01]

لو ان كلماتى او ردودى انا التى تسببت فى هذا كله
فانى أعتذر ..واستغفر الله العظيم لذنبى
ومستعد للاعتذار العلنى

اميرة هى قيمة عالية جدا فى هذا المنتدى
ومعها كل الحق ان تنتقد ما يضايقها
اخى المدير
نصيحتى . او فلنقل رجائى..
تمسك بها وبمن هم مثلها
فانها وبمنتهى الصدق .. قيمة رائعة

وأما عن انى قد أكون ضايقت حد بكلمة او شعر او رد او نقد
فقد نقل لنا سيدنا رسول الله صلى الله عليه وسلم
مقولة سيدنا عيسى عليه وعلى نبينا الصلاة والسلام
من كان منكم بلا خطيئة فليرجمها بحجر

وأنتظر رسائلكم هنا فى نفس منتداكم الذى يشرفنى الاستمرار فيه ان تصافت النفوس

أكرر أسفى وارجو أن يصلح الله ما بينكم
وأن يغفر لى زلاتى ولكم ولسائر المسلمين
آمين

[محمود التهامي]

أكيد يا فجر انت مزعلتش حد ولا عمر كلامك الجميل قوي دا ما هيزعل حد
واكيد مش محتاج للاعتذار

بس ياريت زي ما قولت اللي عنده مشكلة يبلغني بيها ونشوف اذا كانت فعلا مشكلة وتستحق ام انها .....

[الطاوس الحزين]

معلش يا اميرة ...


عالم المنتدى به اناس مختلفين فى اشياء كتيره فلازم نلتمس العذر للجميع ...


بس انت اهدى كده ... شويه والناس هتفهم طباع بعضهاا


ومش معنى كلامى ...نصـ الهوى ـل اننا مش نعارض ونختلف ابدا


ولكن ممكن نختلف ولكن باسلوب جميل




واخيرااا


الصلح خير



زى ما بتقول جدتى ده المصارين بتتخانق مع بعض



كبرووو يا شباب



بالهدوء كل حاجة تتصلح



اتفضلى اميرة احلى عصير ليمون


http://akhawat.islamway.com/forum/uploads/post-29230-1176588067.jpg



اسمحولى اهدى ورده لاميرة و نصـ الهوى ـل



http://aryam20004.jeeran.com/ورده%20وش%20حلاتها.gif



معلش الفلوس مش جابت الا الورده دى ... اتصرفواااا :p

احنا اخر الشهر

[محمود التهامي]

انا عن نفسي هاخد المنديل اللي عليه الوردة

[الباشا تلميذ]

ياجماعه ياريت كلنا نهدء ونحافظ على الجو الاسرى اللى بدئنا بيه المنتدى ده
ماظنش ان اى حد دخل المنتدى ده ومحسش بالجو الاسرى الموجود فيه
بطلب من الجميع أن نحافظ على هذا الجو الاسرى الجميل
ونفضل نشارك بكل الود والحب
والمفروض أن الكل يعلم بأن المشاركه اللى بيشاركها أى عضو إذا كان (موضوع ، حوار ، مشكله) فالكل بيساهم بالرأى البناء
ياريت أو رجاء الكل يستعيذ بالله من الشيطان الرجيم ونعود الى الروح الاسريه ونحافظ عليها .

وشكــــــــــرا لكــــــــــــم جميعــــــــــــا ،،،

[اميرة حبى انا]

متشكرة اوى ياليلى على كلامك الجميل
ومتشكرة اوى يامحمود على ردك الاجمل
ويااستاذ فجر انا مكتبتش اسم حد وبصراحة كده مش كل مااكتب او اعترض على حاجة تاخدها على نفسك
زى ماحصل قبل كده
انا مجبتش سيرتك ولا سيرة اى حد فى اى حاجة كتبتها
محمود
معرفتش اوصلك ان الرد والتعبير عن الرأى ممكن يكونوا بأسلوب جميل
يعنى انا ممنعتش حد يقول رده ولا رأيه انا كنت معترضة على الاسلوب اللى بيتقال بيه الرد
ومطلبتش منك تعاقب حد زى مانت كاتب فى ردك عليا
ومش معنى ان حد يقول رأيه يضايق بيه حد تانى
انتم هنا ماشيين بمبدأ ده رايئ وانا حر فيه
وانا كمان كونى اطالب بابداء الاراء
واخد بالك بقول ابداء الاراء مش منعها
باسلوب الطف واجمل من كده
فده رايئ وانا حرة فيه
ومش هتنازل عنه
ومعنديش اى استعداد ادخل مواضيع اقرا ردودها دمى يتحرق عشان الاسلوب مستفز
اصلها مش ناقصة ومش طالبة بصراحة
الاستفزاز فى حياتى وحرقة الدم كتير وانا مش داخلة نت اتضايق زيادة
وبالنسبة للرسالة الخاصة اللى بعتهالى او حولتهالى
فانا بكرر انا مجبتش سيرة حد ولا كتبت اسم حد معين
وخصوصا اللى مكتوب فى الرسالة دى لانى اقدر احله كويس اوى من غير تدخل من حد
اعضاء المنتدى الكرام
الاستاذ محمود مدير المنتدى
الاستاذ محمد مدير المنتدى
بما انى شفت حاجة مش عجبانى ومسببالى وجع دماغ وحرقة دم
وبما ان ملهاش حل عشان كل واحد ده رايه وهو حر فيه
اعلن الانسحاب التام من منتداكم العظيم
كانت اوقات جميلة بنقضيها فى اضافة وقراءة والرد على المواضيع
ربنا يوفقكم
واترككم فى رعاية الله

[محمود التهامي]

<< وانا كمان كونى اطالب بابداء الاراء
واخد بالك بقول ابداء الاراء مش منعها
باسلوب الطف واجمل من كده >>

الموضوع كبر وزاد عن حجمه قوي
لكن عموما ياريت توضحيلي نقيس حدة الردود ومدى استفزازها ازاي
يا جماعه اللي مش عاجبه موضوع او رد فيه في كل المواضيع ايقونة تبليغ عن مشاركة سيئة
حد بلغنا بحاجه وماستجبناش

[خلود]

الموضوع كبر ليه كده مكنش له لزوم تكبرو بالشكل ده

اميره مغلطتش لما طالبت بردود مفيهاش زعل لحد وباسلوب لطيف

ثم لو هنتكلم بالحق بقى هى مشرفه عامه يعنى لما تشوف او توصل لها شكوى من احد الاعضاء

يبقى ده مسئوليتها

ياريت الاداره تعالج الموضوع بالحكمه اللى تعودناها منهم

الردود فى بعض الاحيان كان فيها حده زى ما يكون صاحبها ماسك عصايه وراء ضهره

اميره اه صاحبتى بس ده مش تحيز لها ولا حاجه دى كلمه حق وقلتها واجرى على الله

على فكره الحاجات دى بتحصل فى معظم المنتديات وبتبقى زوبعه فى فنجان وبتعدى

وتانى هنقول ياريت روح الاخوه ترجع تانى لمنتدانا اللى كلنا بنحبه وبنفضله على باقى المنتديات وده اكيد بفضل

ادارته ومشرفينه واعضائه

[lionking]

ايه يا جماعة بس اهدوا وصلوا ع النبى

المشكلة كبرت اووى منغير داعى :( فين الحكمة والكياسة فى حل المشاكل اللى زى دى.:p:p.. وبعدين كل اللى طلبته اميرة كان عادى ومش محتاج كل الهيصة دى

وبعدين يا اميرة مش المفروض انك تنسحبى كده علطول الحاجات دى بتحصل فى كل المنتديات وفى الحياة عامة

مش كده ولا ايه;);)

وبعدين انا اللى حببنى فى المنتدى انى حسيت انكم اسرة واحدة .......... ميصحش بقى الحاجات الصغيرة تخلينا نزعل من بعض ونبعد عن بعض

ياريت لو تحاولوا تتخطوا المشكلة الصغننة دى ونحافظ على المكان الجميل ده زى ما هو بل نخليه احسن كمان


وانا اسفة انى تدخلت فى الموضوع بس ده عشان صعبان عليا اللى بيحصل ده

وبعدين يا اميرة لو انسحبتى من المنتدى مين اللى هيسال الاسئلة الجامدة فى كرسى الاعتراف

ده انت تخصص يا قمر

[RMR]

السلام عليكم ورحمة الله وبركاته
ايه يا جماعة اللى حصل انا اغيب يومين الاقيكم متخانقين:eek:
انا رأيي ده حاجة عادية ودليل على الحب... مفيش حياه من غير مشاكل ومفيش اخوات من غير خناق بس المهم الصلح فى الاخر.
واكيد حان وقت الصلح اميرة لازم ترجع للمنتدى ولو فيه مشكلة تتحل بالهداوة ومش كل رأى يتقال يتاخد بحساسية
واذا كنت عابزة رأيي يا اميرة فى الموضوع فان احنا منقدرش نحكم آراء الاخرين كل واحد حر فى رأيه وبعدين احنا ممكن نتجاهل الرد المستفز واذا زاد الموضوع عن حده انا اقترح نعمل استفتاء على قفل رصيد الشخص ده علنى وبالاسم
واكيد الموضوع مش كبير اوى كدة وإلا مكنش عدد الاعضاء كتير وحبهم الكبير ده للمنتدى وفعلا هو منتدى جميل جدا وانا بشكر فيه وبقول انه منتدى محترم
واخيرا يا اميرة معتقدش ان من الاخوة انك على الاقل تسيبينا وسط مشكلة ملهاش حل ده انسحاب فى رأيي سلبى... الاخوة لازم يساعدو بعضهم لحل المشاكل ولا احنا مش مهمين خلاص بالنسبالك
اتمنى الا يكون كلامى زعلك او فيه تعدى بس فعلا عايزة المشكلة تتحل وتبقي وسط اخواتك والمنتدى ميفقدش حد من اعضائه الذين يعطوه روح جميلة وعلافكرة الردود المستفزة هتغير الجو بدل ميبقى كله حلو حلو د احنا حتى نزهق;)

[خلود]

على فكره بقى اميره تعتبر من اوائل المشتركين و فى المنتدى ده وميصحش نفرط فى وجودها بينا

ومش هنتازل عنها كده بكل سهوله وانا من هنا وباسم اخواتى البنات بأطالب الاداره :-

سرعه حل الازمه وفك المشكله ورجوع اميره بأى شكل من الاشكال

لانه واجب علينا كأسره واحده الا نترك احدا من افراد الاسره

ان يتركنا ويطلع بره وقد تعودنا على وجوده بيننا

بكتاباته ومشاركاته وخفه دمه

الاخ محمود اتوجه اليك بطلبى هذا بسرعه رجوع اميره

واتصرف انت بقى ومتزعلش منى ردك كان قاسى جدا ومش

لها هى وبس

والخلاف فى الرأى لا يفسد للود قضيه

[fagrmasr01]

برغم اننى أصدرت قرارى بوقف نفسى عن المشاركة لحين انتهاء المشكلة
لكن استسمحكم ان يطالب الجميع بعودة أميرة
أميرة من أعلى القيم فى المنتدى
ولا يجوز التفريط فيها مهما كان
أقول هذا وأستغفر الله العظيم لذنوبى
واعود لحالة الإيقاف التى فرضتها على نفسى لحين انتهاء المشكلة

[lionking]

معقول يا اميرة مدخلتيش فعلا

انا مكنتش مصدقة ان ده هيحصل انا كنت فاكراكى اقوى من كده بكتير

وبعدين يا استاذ نصــ الهوى ــــل اسمحلى

فى ردود فعلا بتكون مستفرزة واعتقد ان من حق المشرف او الادارة لما يشوف حاجة زى دى يا اما يوقف النقاش فى الموضوع او يلغيه خالص ( يقفله نهائى او لمده معينة ثم يعاد فتحه)


على فكرة انا مشتركة فى اكتر من منتدى ومن ضمنهم منتدى جامد جدااا من شروطه

عدم الرد بكلمات مختصرة( جزاكم الله خيرا........ عطرتم صفحتنا............الخ ) فهمت قصدى
يعنى اللى فتح موضوع يكون اده ويناقشه ويستحمل النقاش مش يرد باختصار


واللى بيرد باى حاجة منهم الادارة بتنذره مرة وبعدين بتقفل عليه وطبعا انت فاهم بقى موضوع الاى بى بتاع الاعضاء

ارجوا من الادارة كلها محاولة انهاء الموقف اللى المفروض انه مش بهذا الحجم وياريت كل حاجة ترجع زى الاول واحسن


وانت يا اميرة ماينفعش تسيبى الدنيا كده مرة واحدة وتمشى

[lionking]

برغم اننى أصدرت قرارى بوقف نفسى عن المشاركة لحين انتهاء المشكلة
لكن استسمحكم ان يطالب الجميع بعودة أميرة
أميرة من أعلى القيم فى المنتدى
ولا يجوز التفريط فيها مهما كان
أقول هذا وأستغفر الله العظيم لذنوبى
واعود لحالة الإيقاف التى فرضتها على نفسى لحين انتهاء المشكلة


الاستاذ جمال

طبعا اميرة مش قصدها انت من الكلام اللى اتقال

وياريت انت متحرمناش من مشاركاتك الجميلة واراءك الاكثر من رائعة

وفكر فى الغاء حالة الايقاف اللى حطيت نفسك فيها

وانا حاسة ان المشكلة دى هتنتهى قريب بس مينفعش اننا نسيب المنتدى ونقعد نتفرج......... بالعكس احنا لازم نكون انشط من الاول ونحافظ على المكان ده

وعلى راى اللى قال

مش كده ولا ايييييييييييييييه:p:p:p:p

[خلود]

والله ياليون ياختى احنا اتنشينا عين بس جامده اوى

اتحسدنا ولا ايه مش عارفه

كل شويه حد يزعل من حد ونقعد نصالح وشغلانه كده:rolleyes::rolleyes::rolleyes:

طيب جمال زعلان ليه هى اميره مقالتش اسامى حد

وفارض على نفسه عزله ومش بيدخل ده اعتصام يعنى ولا ايه

مش فاهمه

يااستاذى الفاضل انت زعلت حد ردك فيه حاجه تزعل

عموما ياريت كلنا نحاول نفض لموقف بروح الاخوه اللى بينا وفى الاخر احنا اخوات كلنا

[محمود التهامي]

شوفتو بقا ان الموضوع ما يستاهلش كل دا زي ما قولت

اميرة شافت مشكله وكان المفروض تحلها ومعاها صلاحيات كمشرفة عامة انها تتصرف دا اولا
ثانيا يا خلود انت بنفسك قولتي ان الاختلاف في الرأي لا يفسد للود قضية يبقا هي زعلت وانسحبت ليه بقا
ثالثا هي بتطالبنا بحسن التصرف اللي شايفة انه مش موجود مع انها هي نفسها اساءت التصرف لما اتعاملت مع الأمر بالطريقة دي
كان عندها حلول كتير وهي مانفذتش اي حل منها
رابعا اللي عنده مشكلة مع اي حد زي ما قولت وبقول كل مرة يبلغنا بيها وفيه كذا طريقة لكن معلش الشكاوى الجانبية دي مش هنلتفت بيها يعني لو حد مضايقاه يبلغني انا او استاذ محمد طالما المشرفين مش قادرين يتعاملو مع الموقف
خامسا عمرنا كادارة ما اتعاملنا مع حد او ردينا على حد كاداريين والله يشهد يعني لو ضايقت حد من حقه يرد ويدافع ويقول كل اللي يريحه طالما في حددود الأدب لكن هنتقمص ونمسك لبعض على الكلمة يبقا معلش دا لعب عيال واحنا هنا مش في حضانة وكلكم فوق الـ 16 سنة وفيه منكم كتييير اكبر مني يعني مفيش حد قاصر ووجودكم هنا معناه ان تمتلكو من الذكاء والفكر ما يسمح لكم بالتعامل مع الناس بمختلف انواعها وشخصياتها وزي ما فيه ناس محترمة مجاملة فيه برضه نوعيات تانية ابسط ما يقال عنها انها تعاني من جنون اضطهاد ومشاكل نفسية مش مسؤوليتنا اننا نعالجها
وقبل ما حد يعترض ويزعل على كلامي
كلامي مش موحه لاميرة وكل كلامي اللي فات مكنش ليها او عليها
عتابي الوحيد ليها هو سوء تصرفها لما وصلتها مشكلة دا ان كان فيه مشكلة
هي بتقول انه في اتنين زعلانين من ردود ناس معينه عليهم ولحد دلوقتي معرفناش مين اللي زعلان وزعلان من مين
مش كان من ابسط حقوقنا عشان نتعامل مع مشكلة انننا نعرفها
اميرة سابت المشكلة الاساسية ومسكت في كلامي انا
هعيدها تاني اللي عنده مشكلة يقول ويبلغنا بيها فيه ايقونة للتبليغ بمشاركة سيئة وفيه قسم للشكاوى
ومفيش ولا شكوى وصلتني من أي حد
يبقا مطلوب مني احل ايه ....؟؟؟؟؟؟

[fagrmasr01]

اخوتى واخوانى فى الله ورسوله
أكرر ان عزلتى كانت
لخشيتى ان يكون أحد ردودى او موضوعاتى استفزت احد أو أشعار سخيفة
وان كنت كررت الاعتذار
لانى فعلا والله العظيم بحبكم كلكم
ومن كرم اخلاقيات أميرة انها لم تحرج احد باسمه
وانا اصدرت قرارى بايقافى لحين انتهاء المشكلة
لانى بحب جدا هذا المنتدى ومن فيه
الان مشكلتنا كلنا رجوع أميرة المنتدى
والعفو من شيم الكرام يا أميرتنا كلنا

اللهم انك عفو كريم تحب العفو فاعف عنا .. آمين

ننتظر مفاجأة من أميرة
ومن الادارة
ومن اصحاب أميرة
انهم يقنعوها بالعودة

وكما قال المدير
هى المشرفة العامة
تلغى الموضوع المحرج ومحدش هيزعل
او تلغى الرد المستفز

وكلى يقين ان محدش ينفع يزعل من اميرة
وياست أميرة
اعتبرينى اخوكى العجوز
وباستسمحك
متحرميش الناس دى منك
ويابخت من قدر وعفى

واتقرب اليكى بحبك لسيدنا رسول الله
ان تعفى وتصفحى وتبتسمى وترجعى

ياللا ادخلى وصلى على حبيبك وحبيبنا وحبيب القلوب
سيدنا النبى صلى الله عليه وسلم
اخوكى العجوز - فلاح بشتيل

[lionking]

هههههههههههههه

صحيح يا نصل مين الناس دول اللى قلبوا الدنيا كده

ع العموم مش مهم نعرفهم
اهم حاجة ان اميرة متسيبش الدنيا وتمشى والاهم من ده كله انها عرفت دلوقتى اننا كلنا بنحبها اد ايه

وبعدين يا اميرة استغلى سلطاتك يا قمر كمشرفة الغى واقفلى وقصى كل اللى يزعلك.....

ده حقك

وعلى فكرة احنا كشعب متعودين على كده

المهم انت ادخلى بقى وطمنينا عليكى احسن فعلا وحشتينا بجد

ولعلمك لو مدخلتيش هعمل انا وخلود وباقى البنات مظاهرة وهنبهدل الدنيا

مش كده ولا ايه يا خلود



اوعى تكسفينى يا خلوووووود

:):confused::):p:confused::rolleyes::rolleyes:

[اميرة حبى انا]

ياريت اللي عنده مشكله يحطها في مكانها

فيه قسم مخصوص للشكاوى والمتقرحات ومحدش هيشوف المشكلة ولا صاحبها غير الادارة
هو ده مكانها لانى حطاها للنقاش وعشان كل الناس تعرف وعشان كل واحد عارف هو بيعمل ايه

والناس الزعلانه دي تقولنا زعلانه ليه
الناس الزعلانة قالت هى زعلانة ليه
قالتلى انا الا لو كنت انا مش عاجبة حضرتك

اما بقا لو كل مشكلتهم هي ردود باقي الاعضاء عليهم فاعتقد دا حقهم

يعني كل واحد حقه يقول اللي يشوفه

ومحدش ينفع يجبره يغير رأيه في حاجه

انا مش بحب الشاي اشربه ليه ؟؟؟؟؟؟؟
محدش منع حد من الرد كل اللى كان مطلوب الرد بطريقة احسن من كده ومتهيألى مش صعب على حد انه يرد او يعترض باسلوب جميل
وموضوع الردود بطريقة مش حلوة مش كوباية شاى

اللي عنده القدرة على عرض فكرة او موضوع ياريت يكون عنده المقدرة على الدفاع عنها او تحمل خطأه ان كان رأيه لا يحتمل الصواب

وحتى ان كانت فكرته صحيحه فلن يراها الجميع كذلك ولا يمكننا ان نجبر احد على الاعتراف بشيء او اقراره دون اقتناع
اه يعنى اللى عاجبه الرد باسلوب وحش عاجبه واللى مش عاجبه يتفلق مش كده



الاعتراض ياسيادة المدير العام كان على اسلوب الرد مش بطالب بوقف الردود لانى انا قلتها قبل كده فى موضوع مش من حق حد يمنع حد ولا يعدل على كلام حد لكن لما تبقى فى ناس متخصصة فى الردود المستفزة زى مااتقالتى باللفظ تبقى مشكلة

[اميرة حبى انا]

للأسف يا عم جمال الاعتذار هنا هيتفهم غلط وهنبقا احنا اللي غلطانين زي كدا ما بنبقا غلطانين لما بنطالب الحكومة بمطالب عادية جداااااااااااا
مش كل كلمة تتقال ندخل فيها الحكومة
احنا فى منتدى مش فى حرب
هقولها تاني
كل واحد حر في رأيه
كل واحد حر فى رايه لكن مش حر يضايق الناس ويستفزها
واللي مش هيتحمل نقد يبقا ميكتبش
فى نقد بناء سعادتك مش نقد باسلوب يطفش الناس ويخليها تقول مش هندخل تانى
دي أول حاجه اتعلمتها لما مسكت ورقه وقلم


ده للتوضيح بس

[اميرة حبى انا]

اوكي اميرة

هنركب فلاتر بعد كدا على كيبوردات الاعضاء تشوف ايه يعجب وايه ميعجبش
لا مش محتاج فلاتر ولا حاجة متتعبش نفسك بيبقى واضح يعنى ايه الرد اللى ممكن يضايق الناس

ولما قولت على قسم الشكاوى مكنش ليكي لكن كان للناس الزعلانه متهيألي يكون افضل من الرسايل الخاصة
لا ممكن رسايل خاصة وتليفون لما تبقى صاحبتى واخويا وزمايل صاحبتى فى الشغل يعنى ناس مش صغيرة ومبتقولش اى كلام

وبالنسبة لاختيار الاسلوب فلو كان فيه حاجه شاذة وفجه قوي كدا كان حد بلغنا عنها من ايونة تبليغ اللي في كل المواضيع

لكن نعاقب واحد على عشان كتب رأيه في كلام حد مش معقوله
محدش قالك تعاقب حد كل اللى كان مطلوب ان الناس تقرا الموضوع وتعمل بالى مكتوب فيه من غير هجومك الغير عادى ده
وهنشوف الرد المستفز دا على اي اساس بقا
مستفز لابعد الحدود

لو عندك برنامج يقيس قوة ومعدل الاستفزاز ابعتيهولي

احنا بشر يا ناس
ولو فيكو حد مبيغلطش يقوللي


كلنا بشر وبنغلط ونبطل غلط لما حد ينبهنا مش نهاجمه ونتريئ عليه

[اميرة حبى انا]

أكيد يا فجر انت مزعلتش حد ولا عمر كلامك الجميل قوي دا ما هيزعل حد
واكيد مش محتاج للاعتذار

بس ياريت زي ما قولت اللي عنده مشكلة يبلغني بيها ونشوف اذا كانت فعلا مشكلة وتستحق ام انها .....



استاذ جمال تانى بقول لحضرتك انا مذكرتش اى اسماء
وبالتالى حضرتك مش محتاج تعتذر

[محمد المصري]

السلام عليكم ورحمة الله وبركاتة

طبعا كل الناس اللى دخلت الموضوع شافت الموضوع والردود وواضح من الردود ان المشكلة صغيرة جدا جدا

وعتابى عليكم جميعا اعضاء ومشرفين واداريين

باختصار

تعالوا نفسر معنى كلمة منتدى


المنتدى هو مكان يجتمع فيه الأعضاء لتبادل الخبرات
وهو معناهـ في كلمتين اثنتين

{المنفعه المتبادله}

فعلينا جميعا ان نساهم بكل ما نستطيع للمشاركه حتى ولو بكلمة شكر

فربما يكون العضو الذي تساعدهـ اليوم يساعدك غداً إبدا بما تعرفه وتجنب السلبيه والكسل

وتذكر دائما كم أخذت كثير وكم مطلوب منك قليل

لذلك علينا جميعا ان نسعى الى ما ذكر اعلاة وهو
{المنفعه المتبادله}

وتبادل الخبرات كل فى مجال عملة

اما بالنسبة الى الردود المستفزة

فعلينا جميعا ان نتذكر

قبل ان تفكر فى الكتابة عليك تقبل النقد حتى وان كان جارح واخذ النقد بصدر رحب
وكلامى هذا موجة الى جميع الاعضاء واولهم انا

والى اميرة تحديدا

لديكي كامل الصلاحيات من تعديل وحذف ونقل واتوجية انذار

فلماذا لا نستعمل هذة الصلاحيات عند حدوث متث هذة المشاكل


وتعالوا جميعا نضع حد الى هذة الخلافات الصغيرة

التى تبعدنا عن هدفنا الاساسى والذى دخلنا هذا المكان من اجلة

الا وهو المنفعة المتبادلة

ارجوا ان تكون كلماتى بسيطة وغير جارحة لاحد

اخوكم / محمد

[اميرة حبى انا]

معلش يا اميرة ...


عالم المنتدى به اناس مختلفين فى اشياء كتيره فلازم نلتمس العذر للجميع ...


بس انت اهدى كده ... شويه والناس هتفهم طباع بعضهاا


ومش معنى كلامى ...نصـ الهوى ـل اننا مش نعارض ونختلف ابدا


ولكن ممكن نختلف ولكن باسلوب جميل




واخيرااا


الصلح خير



زى ما بتقول جدتى ده المصارين بتتخانق مع بعض



كبرووو يا شباب



بالهدوء كل حاجة تتصلح



اتفضلى اميرة احلى عصير ليمون


http://akhawat.islamway.com/forum/uploads/post-29230-1176588067.jpg



اسمحولى اهدى ورده لاميرة و نصـ الهوى ـل



http://aryam20004.jeeran.com/%d9%88%d8%b1%d8%af%d9%87%20%d9%88%d8%b4%20%d8%ad%d 9%84%d8%a7%d8%aa%d9%87%d8%a7.gif



معلش الفلوس مش جابت الا الورده دى ... اتصرفواااا :p

احنا اخر الشهر

متشكرة اوى وميريسيه على انك عرفتى الغرض من انى حطيت الموضوع ده
شكرا

[اميرة حبى انا]

الموضوع كبر وزاد عن حجمه قوي
انت اللى كبرته باسلوبك فى الرد على فكرة
لكن عموما ياريت توضحيلي نقيس حدة الردود ومدى استفزازها ازاي
كان ممكن الموضوع يجيب نتيجة ايجابية لو مكنتش سعادتك هاجمته كانت الناس هتقراه وتعمل بالى فيه لانى معتقدش حد عايز يطفش حد وزى ماقلتلك كل واحد عارف هو بيعمل ايه
يا جماعه اللي مش عاجبه موضوع او رد فيه في كل المواضيع ايقونة تبليغ عن مشاركة سيئة
حد بلغنا بحاجه وماستجبناش

بلغونى انا يا سيادة المدير ولتانى مرة
ولا انا مش عاجبة حضرتك

[اميرة حبى انا]

الموضوع كبر ليه كده مكنش له لزوم تكبرو بالشكل ده

اميره مغلطتش لما طالبت بردود مفيهاش زعل لحد وباسلوب لطيف
كويس انك فهمتى كده

ثم لو هنتكلم بالحق بقى هى مشرفه عامه يعنى لما تشوف او توصل لها شكوى من احد الاعضاء

يبقى ده مسئوليتها
برضو كويس انك فهمتى كده

ياريت الاداره تعالج الموضوع بالحكمه اللى تعودناها منهم

الردود فى بعض الاحيان كان فيها حده زى ما يكون صاحبها ماسك عصايه وراء ضهره
لتالت مرة كويس انك فهمتى كده

اميره اه صاحبتى بس ده مش تحيز لها ولا حاجه دى كلمه حق وقلتها واجرى على الله
مش محتاجة واسطة على فكرة الصحوبية ملهاش دخل

على فكره الحاجات دى بتحصل فى معظم المنتديات وبتبقى زوبعه فى فنجان وبتعدى
بتعدى عشان بتتعالج عادى مش الادارة هى اللى تعترض على العلاج
وتانى هنقول ياريت روح الاخوه ترجع تانى لمنتدانا اللى كلنا بنحبه وبنفضله على باقى المنتديات وده اكيد بفضل

ادارته ومشرفينه واعضائه

شكرا لتدخلك ياخلود

[fagrmasr01]

أنتظرنا الفرج وفرجنا بدخولك
فلا تحرمى أحبابك من العفو والصفح الكريم
وانتى فعلا اهل له
(( فمن عفا وأصلح فأجره على الله )) صدق الله العظيم

نتعلم منك وده مش عيب
ونغلط وتصلحى لنا ,, وانتى اختنا
وتسامحى .. لأنك الكريمة خلقاً ومقاماً

اللهم انك عفو كريم تحب العفو فاعف عنا آمين
بيدك ان توجهى من تشائين .. وكل أهلك فى المنتدى بنتقبل منك .. فلا تحرمينا من عودة كريمة لمنتداكى وأهلك وأحبابك

اخوكى العجوز الفلاح جمال

[اميرة حبى انا]

شوفتو بقا ان الموضوع ما يستاهلش كل دا زي ما قولت

اميرة شافت مشكله وكان المفروض تحلها ومعاها صلاحيات كمشرفة عامة انها تتصرف دا اولا
الموضوع ده كان معمول عشان الحل ياسيادة المدير العام الموضوع اللى معجبش حضرتك وسيادتك لو راجعت الردود هتلاقى ان سيادتك الوحيد اللى هاجمته
ثانيا يا خلود انت بنفسك قولتي ان الاختلاف في الرأي لا يفسد للود قضية يبقا هي زعلت وانسحبت ليه بقا
عشان مبحبش وجع الدماغ ومبحبش الكلمة دى
كل واحد حر فى رايه بس فى هنا كلمة زيادة
حتى لو هيخنق صاحب الموضوع لدرجة انه يسيب المنتدى
ثالثا هي بتطالبنا بحسن التصرف اللي شايفة انه مش موجود مع انها هي نفسها اساءت التصرف لما اتعاملت مع الأمر بالطريقة دي
كان عندها حلول كتير وهي مانفذتش اي حل منها
اشمعنا لما كتبت كل واحد يحط المواضيع فى مكانها ومحدش يسئ لحد بالكلام كان ردك شكر ليا وارجع لموضوع عاجل لكل الاعضاء يبقى عادى لما اعرض المشكلة امام كل الناس
رابعا اللي عنده مشكلة مع اي حد زي ما قولت وبقول كل مرة يبلغنا بيها وفيه كذا طريقة لكن معلش الشكاوى الجانبية دي مش هنلتفت بيها يعني لو حد مضايقاه يبلغني انا او استاذ محمد طالما المشرفين مش قادرين يتعاملو مع الموقف
فعلا المشرفين طلعوا اى كلام
مع ان مافيش غيرى اصلا
خامسا عمرنا كادارة ما اتعاملنا مع حد او ردينا على حد كاداريين والله يشهد يعني لو ضايقت حد من حقه يرد ويدافع ويقول كل اللي يريحه طالما في حددود الأدب لكن هنتقمص ونمسك لبعض على الكلمة يبقا معلش دا لعب عيال واحنا هنا مش في حضانة وكلكم فوق الـ 16 سنة وفيه منكم كتييير اكبر مني يعني مفيش حد قاصر ووجودكم هنا
وعشان انا مش بتاعة لعب عيال
واكبر بكتير من 16 سنة
واكبر منك ومن ناس كتير هنا
لما اشوف رد ناس مستفزة واحط الموضوع للنقاش كان المفروض تحترم ده ومتردش عليا بالهجوم الفظيع ده
معناه ان تمتلكو من الذكاء والفكر ما يسمح لكم بالتعامل مع الناس بمختلف انواعها وشخصياتها وزي ما فيه ناس محترمة مجاملة فيه برضه نوعيات تانية ابسط ما يقال عنها انها تعاني من جنون اضطهاد ومشاكل نفسية مش مسؤوليتنا اننا نعالجها
مشفتش النوعية دى هنا الا اذا كنت سعادتك تقصدنى انا فمتهيألى حضرتك عارفنى شخصيا كويس ومسمعتش عنى انى اتعالجت نفسيا من جنون الاضطهاد قبل كده
وقبل ما حد يعترض ويزعل على كلامي
الحمدلله كلام سيادتك كله يزعل
الحمدلله
كلامي مش موحه لاميرة وكل كلامي اللي فات مكنش ليها او عليها
عتابي الوحيد ليها هو سوء تصرفها لما وصلتها مشكلة
انا اتصرفت بالطريقة المناسبة وممكن ابعت لحضرتك رابط منتدى او 10 زى ماتحب وتشوف وتعرف ان المشاكل اللى من النوع ده بتتحل علنا عشان الناس متعملش فى بعضها كده
دا ان كان فيه مشكلة
هي بتقول انه في اتنين زعلانين من ردود ناس معينه عليهم ولحد دلوقتي معرفناش مين اللي زعلان وزعلان من مين
هو انت لسه مش مقتنع ان فى مشكلة
مش كان من ابسط حقوقنا عشان نتعامل مع مشكلة انننا نعرفها
تانى واضح انى مش عاجبة سعادتك انا عرفت المشكلة وحبيت اعالجها معجبتش
اميرة سابت المشكلة الاساسية ومسكت في كلامي انا
لا انت اللى سيبت المشكلة وهاجمت اللى كتبت المشكلة وزعلت الناس اللى كانت زعلانة اكتر
هعيدها تاني اللي عنده مشكلة يقول ويبلغنا بيها فيه ايقونة للتبليغ بمشاركة سيئة وفيه قسم للشكاوى
ومفيش ولا شكوى وصلتني من أي حد
يبقا مطلوب مني احل ايه ....؟؟؟؟؟؟


مش مطلوب منك اكيد اكتر من اللى انت قلته عشان انا شبعت كلام منك

[اميرة حبى انا]

انا دخلت بناء على طلب الاخت خلود
قالتلى ادخلى شوفى الردود
وبرضو يامحمود باشا لحد اخر رد
ردودك مستفزة جدا
وانا اسفة انى طرحت المشكلة كان المفروض اسيب اللى يزعل يزعل واللى يمشى يمشى
انا لسه عند موقفى لان لسه ردودك زى ماهى
وصدقنى اصحاب الردود اللى ضايقت الناس لما يشوفوا ردودك انت دى عمرهم ماهيبطلوا ولا المشكلة هتتحل
ولاخر مرة هستعمل صلاحياتى واقفل باب المناقشة فى الموضوع اللى كبر وبقى بايخ اكتر من اللازم
ومن دلوقتى الموضوع ده
موضوع مغلق
اشوفكم على خير