كل سنة واحنا بروح أكتوبر

[fagrmasr01]

http://www.vb.6ocity.net/imgcache/7099.imgcache.gifتم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 593*388.http://www.vb.6ocity.net/imgcache/7100.imgcache.jpg (http://www.vb.6ocity.net/imgcache/7100.imgcache.jpg)


كل سنة واحنا طيبين * وبيوم أكتوبر محتفلين

والسنة الجاية يابلدى * نكون ف بلدنا فرحانين



فى اكتوبر نفتكرك يا شهيد * نحكى حكايتك ونقول ونعيد
نحكى وفخورين عن أمجادك * وعقل الوطن فرحان وسعيد



كل سنة واحنا أحرار * ومنورين فى وسط الدار
وبلدنا ترفع لينا راسنا * والحرية هنا تطرح أزهار



ونحكى عن شعبنا وزعامته * عن السادات بطل بشهامته
عن عبد العاطى و الصيادين * الى اصطاد الدبابات وكرامته



عن عبور بارليف بجسارة * ومهندسين وعقول جبارة
نروى ف خيبة ديان ومائير * وعن الى اصطادوا الطيارة



وحكاوى كتير ياما هانحكى * خلت اسرائيل فى يوم تبكى
وعن بطولات شعب إتوحَد * هلال وصلبب مرضيش يشكى



كل سنة وانتى يابلدى * متصانة لحفيدى وولدى
حتى لو ظالمانى سماح * وحتى لو أضحى بكبدى

يا اكتوبر رمز الفرحة * يامصر ياعروسة بطرحة
مهما كان تعيشى يامصر * وترجعى حرة وناجحة

[اميرة حبى انا]

كل سنة وانتى يابلدى * متصانة لحفيدى وولدى
حتى لو ظالمانى سماح * وحتى لو أضحى بكبدى
ياسلام ع الجمال
تسلم ايدك والله

[fagrmasr01]

كل سنة وانتى يابلدى * متصانة لحفيدى وولدى
حتى لو ظالمانى سماح * وحتى لو أضحى بكبدى
ياسلام ع الجمال
تسلم ايدك والله



يارب يخليكى يا أميرة ويكرمك
متشكر جدا على تقديرك الجميل
يارب ميحرمنيش ربنا أبداً من تشجيعك
اللى فعلا بيسعدنى يا أميرة

[DMR]

وعن بطولات شعب إتوحَد * هلال وصلبب مرضيش يشكى

نفسي الوحدة دي ترجع و نشوفها بعنينا بش مجرد حكاوي من الناس اللي كانو عايشين في الفترة دي
تسلم ايدك يا استاذ جمال
و كل سنة و انتو طيبين
دعواتكم لي

[مصطفى مامون]

تسلم ايدك يااستاذ وتسلم لنا ابداعاتك دايما وفعلا احنا محتاجين روح اكتوبر

[fagrmasr01]

وعن بطولات شعب إتوحَد * هلال وصلبب مرضيش يشكى
نفسي الوحدة دي ترجع و نشوفها بعنينا مش مجرد حكاوي من الناس اللي كانو عايشين في الفترة دي
تسلم ايدك يا استاذ جمال
و كل سنة و انتو طيبين
دعواتكم لي



والله معاكى حق يا دى دى
وحدتنا كمصريين هى اساس كل نجاح وكل انتصار
يارب تعرف قياداتنا السياسية والدينية يعيدوا لنا وحدة الصف والانتماء لمصر زى زمان

دى دى الرائعة
ربنا يخليكى .... متشكر جدا على مرورك وتشجيعك اللى دايما بيسعدنى جدا .. ربنا ميحرمنيش ابدا يارب من انك تنوريلى صفحاتى بمرورك العاطر دايما

يارب يوفقك ويكرمك ويسهل لك كل امورك
يارب يسعد أيامك ويملا حياتك فرح وهنا وطاعة وسعادة
اللهم آمين

[fagrmasr01]

تسلم ايدك يااستاذ وتسلم لنا ابداعاتك دايما وفعلا احنا محتاجين روح اكتوبر



ربنا يبارك لك يا مصطفى
متشكر جدا على تشجيعك ياصديقى الطيب
مرورك على كلماتى له تقدير خاص فى نفسى يا شاعرنا المبدع
وفعلا اتمنى من كل قلبى وعقلى ان روح أكتوبر ترجع تانى .. روح الاتحاد والتضحية وروح الانتماء لتراب هذا الوطن .. الانتماء اللى ضاع بين فساد ورشاوى وسوء استغلال للمناصب .. وبين رجال الاعمال والثروات اللى مالهمش اى حافز غير تجميع الاموال .. مهما كان المقابل

مصطفى .. شاعرنا الكبير
الله لا يحرمنى ابدا من مرورك الجميل
ربنا يخليك يا درش