الاهلى يفوز على الترجى التونسى

[fagrmasr01]

فاز الاهلي المصري على الترجي التونسي 2-1 الاحد في القاهرة في ذهاب الدور نصف النهائي لمسابقة دوري ابطال افريقيا لكرة القدم.
وسجل محمد فضل (38) واحمد فتحي (68) هدفي الاهلي, وأسامة الدراجي (72) هدف الترجي.
ويلتقي الفريقان ايابا في 16 اكتوبر تشرين الاول الحالي في تونس.

[lionking]

لالالالالالالالالالالالا

بس برده الاهلى كان وحش اووووووووى

وهنتبهدل فى الماتش الجاى
:1: :1: :1:

[fagrmasr01]

فعلا يا ليون
الاهلى مكانش فى الفورمة امبارح وربنا يستر فعلا على الاهلى فى الماتش الجاى

[abo trieka elking]

يعنى يا جماعة لما الاهلى يلعب حلو كل ده ويكسب كل المكاسب دى
ويلعب وحش مرة من نفسه
ده اذا كان لعب وحش اصلا
يبقى نهاجمه ونقول هيتبهدل
مين يقف فى صفهم اذا احنا جماهير الاهلى اللى بنحبه قلنا عليه كده
ان شاء الله مافيش بهدلة ولا حاجة
وهنكسب باذن الله
زى ما اتعودنا من النادى العظيم
زى ما حصل قبل كده مع الصفاقسى التونسى فى 2006
الاهلى لسه هيمتعنا بمفاجأته
بس دعواتكم ليه

[خلود]

لا انا سمعت ان الاهلي لعب حلو
بس الحظ كان معاند معاه
وان شاء الله الاهلي يفوز هناك كمان

[fagrmasr01]

ابو تريكة الجميل

كلنا طبعا بندعى للأهلى بالنصر واحنا كلنا من عشاق الفانلة الحمراء ومع الأهلى قلباً وقالباً

الأهلى هو قلعة الرياضة فى مصر والعالم العربى كله بلا منافس ولا منازع

وانا اهو يا صديقى كتبت ردى بالخط الأحمر .. تشجيعاً للأهلى العظيم
يارب ينصر الأهلى ويوفقه

[fagrmasr01]

خلود ..
كلنا طبعا نتمنى للأهلى الرائع ان يفوز بإذن الله
وباذن الله نحتفل وتحتفل مصر كلها بفوز الأهلى فى تونس
وفى جميع مبارياته جوا وبرا مصر باذن الله