ماذا تفعل لو كان هذا الطفل ( اسلام ) ابنك

[خلود]

ماذا تفعل عندما تعلم أن المدرس قتله لأنه "لم يحل الواجب"

هل انتابك نفس الشعور الذى شعرت به ؟

لم أصدق أن هناك نوع من البشر يتعامل مع طفل جميل برئ بهذه القسوة

مهما كان تصرف هذا الطفل داخل الفصل فهناك عقوبات أخرى مشروعة

تجاوزها هذا الشاب الذى لا يليق بنا أن نطلق عليه لقب مدرس وقدوة لجيل

من الصغار واختار فقط أن يتعامل مع هذا الطفل بكل هذة القسوة والوحشية


هل وصل الفساد الى هذا الحد ؟

ماذا لو كان ابن من ابناء الكبار فى الدوله ؟

ماذا تفعل لو كان هذا الطفل (اسلام ) ابنك ؟

http://up.arabseyes.com/upfiles/Msb00661.jpg

اسلام تلميذ الاسكندريه توفى نتيجه ركله من مدرسه


فــى الجنة مـــع الأبـــرار ان شـــاء اللــََّـه

وربنـــا يصبّر والديك

[lionking]

والله يا خلود هذا الموضوع يثير اشمئزازى لدرجة لا توصف

فكيف لنا ان نلقب هذا الــــــــ ...... بالمدرس والقدوة ولا حتى يمكن ان نلقبه ب انسان

فهو من الهمج ولا يملك اى مقومات تربوية ولا نفسية وليس لديه القدرة على التعامل مع الاطفال او حتى من هم فى سنه

قد اكون متحاملة عليه ولكن هذا ما يليق به من وجهة نظرى

ولو كنت املك ان اصدر حكما عليه لاعدمته فى ميدان عام ليكون عبرة لغيره من الهمج

ولكن هذا كله نتيجة طبيعية وحتمية للفساد الذى نحن فيه الان وها قد وصل الفساد الى اطفالنا وفلذات اكبادنا

ولا نملك الا ان نقول :::::

حسبى الله ونعم الوكيل

فى الحكومة واللى عاملاه فينا الحكومة



وكان الله فى عون اهله والهمهم الصبر والسلوان

[اميرة حبى انا]

ياليون بتقولى متحاملة عليه
ربنا يهده مطرح ماهو قاعد(بالبلدى يعنى)
عشان كلمتين الولد مكتبهمش
يموت
اصلا ولا الواجب له لزمة
ولا المناهج الجديدة ليها لزمة
ولا حاجة ليها لزمة لما ولد زى ده يضيع بسبب انسان معدوم الانسانية
حسبى الله ونعم الوكيل
حسبى الله ونعم الوكيل
حسبى الله ونعم الوكيل

[fagrmasr01]

حسبنا الله ونعم الوكيل
لو انى مكان ابو الولد لن ارفع قضية
والله لن اتوانى عن انى اقتل المدرس
مهما كانت له من قوة او حماية

[محمود التهامي]

السلام عليكم ورحمة الله

قبل ما ابتدي كلامي ياريت تفهوني للاخر ومحدش يفهم كلامي غلط

هو ليه الدنيا كلها مقلوبة على المدرس دا بالذات

عشان حظه العثر اللي خلا الولد دا يموت

وماياما كلنا اتضربنا من مدرسينا اكتر من كدا اشمعنا دا بقا قاتل وسفاح يعني

الولد فعلا مات من ضربة المدرس لكن نفس الضربة مكانتش هتعمل كدا في طفل تاني

يمكن الولد هو اللي ضعيف

دا مش معناه ان المدرس مش غلطان لأ هو غلطان لكن غلطه زي غلط اي مدرس بيمسك عصاية ويضرب تلامذته

وفاة اسلام كانت لانتهاء اجله اللي ربنا جعله على يد هذا المدرس اللي اكيد مكنش ولا عمره ما هيكون قاصدها

مستغرب قوي كل الهجوم دا عليه مع ان كل ام واب فيكم لما بيروح لمدرس يسأل على مستوى ابنه بيقوله انت اكسر وانا هعالج

اشمعنا دلوقتي يعني كل الحال اتقلب

احنا اللي وافقنا وادينا المدرسين تصريح ضمني يضربوا ولادنا يبقا محدش يعترض بقا لما يوصل للنتيجه دي

وياما امهات ضربت ولادها واذيتهم انا اعرف واحده من غيظها من بنتها كانت بتجهز الاكل في المطبخ بنتها عصبتها قامت حدفتها بالسكينة الحمد لله انها جت في رجلها وكان جرح بسيط لكن لو كانت ماتت هل كنا هنقول على الام دي زي ما بنقول على المدرس دا دلوقتي

ارحموه حرام عليكو

دا اولا

اكتر حاجه بقا حرقت دمي هي كلام ام الولد دا في التليفزيون وخلافه

اكتر جملة اتكررت على لسانها ان الكل لازم يتحاسب من فراش المدرسة لحد وزير التعليم

اشمعنا يعني وقفتي عند الوزير ........ فين اللي بعده وللا هو ملوش كبير يعني ؟؟؟؟

يا اما نحمل المسؤولية لصاحبها يا اما نسكت احسن

طبعا هتقولو مين صاحبها - في رأيي المتواضع على الاقل -

المسئول بالنسبالي هو اللي خلا المدارس والمدرسين توصل للحال دا

هو اللي خلى مرتب المدرس ايام ما كنت في ثانويي 140 جنيه

الحمد لله زودوهم شوية بس بقول كام ؟؟؟ 1000 جنيه حتى ؟؟؟؟
طيب سؤال لكل مدام عندها ولدين بس حتى ..... مصروف بيتك الشهري كام ؟؟؟؟؟؟؟؟؟؟؟
والمواصلات والجواز - شبكة و جهاز وشقة - والمدير والشغل والصداع والملل

وبعد كل دا مش عايزين ولا دروس ولا ضرب

عازين ملايكة يعني

اذا اردت ان تطاع فأمر بما يستطاع

[إبراهيم البشبيشي]

أحييك يا مدير على رأيك اللي أنا مختلف معاك في معظم أجزائه .. وإن اتفقت معاك على المبدا الأخير إن 1000 جنيه مايعملوش حاجة النهاردة .:(

[خلود]

يااستاذ محمود بالنسبه للضرب هو اساسا الضرب ممنوع فى المدارس

الحاجه التانيه لما الاهالى تقول لمدرس اضرب مش معناها يموته زى حاله الاخ اياه ده صحيح هى اعمار وانا متفقه

معاك فى دى بس ليه هو حتى لو ضرب يضرب بغرض العقاب يعنى برحمه

طيب تقول انت ايه على مدرس فى مدرسه بنتى غرس سن القلم فى ايد الولد بمنتهى الغباء

لا المدرسين الايام دى مافيش فى قلبهم اى رحمه

واظن حضرتك شفت وقريت عن تحرشهم وطلباتهم الغير معقوله بخلع الولاد والبنات ملابسهم لمجرد تأديبهم

اى تأديب ده

وبتتكلم فى مرتباتهم دول واكلينها ولعه دروس خصوصيه واللى مياخدش درس يتهان وينضرب ويتعاقب

قدام زملاؤه حتى فى الاجازه شغالين ملاحق ومجاميع تقويه

[الباشا تلميذ]

السلام عليكم ورحمة الله


ماياما كلنا اتضربنا من مدرسينا اكتر من كدا اشمعنا دا بقا قاتل وسفاح يعني

الولد فعلا مات من ضربة المدرس لكن نفس الضربة مكانتش هتعمل كدا في طفل تاني

يمكن الولد هو اللي ضعيف

دا مش معناه ان المدرس مش غلطان لأ هو غلطان لكن غلطه زي غلط اي مدرس بيمسك عصاية ويضرب تلامذته

وفاة اسلام كانت لانتهاء اجله اللي ربنا جعله على يد هذا المدرس اللي اكيد مكنش ولا عمره ما هيكون قاصدها




((تعددت الاسباب والموت واحد))
* انا معاك يا أخ محمود ان اسلام عمره انتهى ولو ممتش من ضرب المدرس كان هيموت فى الوقت نفسه لسبب أخر ...
* لكن ده مش معناه ان المدرسين توصل بيهم الهمجيه للدرجه دى لاالعقل ولا المنطق ولا الدين بيقول كده !!
وفى نفس الوقت انت ممكن تضرب ابنك وتعمله عاهه كمان ، لكن لو ابن الجيران ضرب ابنك مش هنقول (جارك) ساعتها مش حتسكت ولا هتقبل مع إننا ممكن نقول ان دول عيال وبيلعبوا ...
* هل الطفل ده لو ابن مسؤل كبير كان الموضوع هيمشى بنفس الطريقه ولا الدنيا كانت هتقوم ومتعدش ...
* والمدرس طول عمره مبيعتمدش على مرتبه لانه واكلها والعه دروس خصوصيه اجباريه ومجاميع اجباريه برضوا فى المدرسه تحت مرئ ومسمع من كل المسئولين وموضوع ضعف مرتب المدرس دى حجه علشان يمصوا دم أولياء الامور ...
النهارده الطفل بيقى لسه داخل سنه اولى ابتدائى وتلاقى المدرسين بتكلمك فى المجاميع سواء المدارس الخاصه أو الحكومبه (يعنى لابقى فيه ذمه ولا أخلاق وبقت السرقه والاستفزاز عينى عينك ونرجع نجيب اللوم على المعيشه والغلاء)
لو كل واحد راعى ربنا وراضا ضميره فى أكل عيشه ربنا هيبركله فى مرتبه ويعيش بيه ملك
وربنا يسترها على اولادنا
ويصبر أهل اسلام ويلهمهم الصبر السلوان .

[خلود]

قوله والله ياسعاده الباشا مش عارفين نقول ايه بس للمدير بتاعنا بس

بكره نور كده يدخل المدرسه ان شاء الله وتجرب وتشوف الى بنشوفه منهم اخوانا المدرسين

دول بقوا جبابره ومفتريين

[محمود التهامي]

دول بقوا جبابره ومفتريين

والله احنا اللي وصلناهم لكدا مش احنا لوحدنا احنا والنظام
وزي ما دينا بيقول
ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ

وعلى فكرة يا جماعه انا مش ببرءه لكني شايف انه خد اكتر من اللي يستحقه
يعني هو بالنسبالي زي اي قاتل قتل حد خطأ
لو حد منكم وهو سايق خبط حد وموته هل هيكون صح انه يتقال عليه كدا ويتهم بكل التهم دي
كل اللي قصدته ان احكامنا تكون عادلة ومنجريش ورا كل كلمة نسمعها في التليفزيون
كام واحد بيموت كل يوم
وكام واحد بيكون السبب
سواء سواق في طريقه او طبيب بعلاج غلط او عملية فاشلة
البلد والدنيا مليانه ليه سيبنا كل دا وجينا على المدرس الغلبان دا وعملنا فيه كل دا
بالنسبة لنور فمن أول يوم هيكون عند كل المدرسين تحذير ان محدش يقربله ولا يمسه بسوء
لكن الأم والأب اللي بيقولو للمدرس اكسره وانا هجبس قياسا باكسر للبنت ضلع
فرأيي انهم هم المتسببين في كل دا ولولا الشماته كنت قولت انهم يستاهلو ويتحملو مسئولية اللي جرى لاولادهم
وعلى رأي المثل
اللي يقول لمراته يا عورة الناس تلعب بيها الكورة

[الفارس]

من أول يوم هيكون عند كل المدرسين تحذير أن محدش يقربله ولايمسه بسوء له ياحضره المدير خايف عليه


كل الى ردو عليك وردو على الموضوع خايفين على أولادهم مش أنت بس كلنا بحب أولادنا ونخاف عليهم . . وعلى رأى المثل اللى بيقول بدعى على أبنى لكن أكره الى يقول أمين
بتقول ليه كل دا . . لا دى مش زى أى حاله قتل خطأ لآن كل واحد منا فكر لو كان دا أبنه كان ممكن يعمل ايه أو ممكن يحصل ليه أيه الموضوع كبير مش بسيط . .
ربنا يحفظ لينا أولادنا جميعا ويبارك فيهم ويحفظهم من كل سوء