المساعد الشخصي الرقمي

مشاهدة النسخة كاملة : سلطان العالم أنا


fagrmasr01
05-09-2010, 12:58 PM
سلطان العالم أنا ليكى

وإمبراطور بحر عينيكى

انا تاج الأفراح برموشك

وفرح الدنيا بيفرح بيكى

لما أناديكى

وفيكى وليكى .. أهيم حواليكى

وقلبى بيضحك .. يوم ما الاقيكى

ولما احكى لكل الدنيا .... عليكى

ويوم ما أحلم وأنا سرحان فيكى

وانا باحكيكى

وابعت نبضات قلبى بحبى اليكى

أو أبعت روحى فى يوم تناجيكى

تشتاق للغنوة فى لمس ايديكى

وألحان الكون بتغنى مع أغانيكى

والروح ترويكى

ترسم على ايدك ضحكة أطفال

ونجرى ونلعب وفى اسعد حال

ورمشك ضحكة وإسمك موال

واعيشك ولو ثانية ليالى طوال

وأحن إليكى

أضحك وبسمتى جواكى

وانا سلطان العالم وياكى

والإمبراطور وأنا بأهواكى

ونبضة قلبى .. بتتمناكى

مهما تغيبى انا باستناكى

وبأحن أنا دايماً لرضاكى

ياللى تاج الإمبراطورية هواكى

والصولجان هو رموش العين

أجمل ضحكاتى بسمة مُحَياكى

قلبى يحبك قبل السنين بسنين


كتبتها الى صورتها .. والى روحها التى أحيا بها ومعها أجمل واقوى وأسعد نبضات الحب .. نبضات لم ينبض بها قلب قبل قلبى .. ومن المستحيل ان يحياها قلبى مع غيرها
اميرة حبى انا
05-09-2010, 03:50 PM
منتهى الروعة طبعا
وتشبيهات جميلة جدا لاحاسيس الحب اللى مش موجودة دلوقتى
شكرا على الكلمات الرائعة
وحمدلله على السلامة
fagrmasr01
06-09-2010, 06:17 PM
الاروع من كل كلامى هو مرورك يا أميرتنا الغالية
تشجيعك لكلماتى يسعدنى جدا يا أميرة
ربنا يخليكى وتشجعينا يارب باستمرار
خلود
06-09-2010, 06:45 PM
جميله فعلا ياجمال

انت دائما مبدع كعادتك ياشاعر المنتدى الجميل
fagrmasr01
06-09-2010, 07:12 PM
اشكرك الف شكر يا مشرفتنا الرائعة

يارب ميحرمنيش اا من مرورك الجميل وتشجيعك الطيب

الف شكر يا خلود الرائعة
ahmedabdelziem
03-12-2010, 11:26 PM
انت رائع
كان من هوايتى تحليل الشعر
ولكن امام كلماتك الجميله
لا استطيع ان اقول سوى انك احسنت
كلمات رائعه واحساس صادق وشعر عذب
الى المزيد يأبى الغالى
ابو اسامه
04-12-2010, 01:35 AM
سلمت يداك .. كم هى عذبه تلك الكلمات التى تحمل بداخلها نبض صادق
شكرا لك أخى جمال مشرف القسم .. تقبل مرورى من بين هذه الورود .
ابو اسامه ...
fagrmasr01
04-12-2010, 01:51 AM
انت رائع
كان من هوايتى تحليل الشعر
ولكن امام كلماتك الجميله
لا استطيع ان اقول سوى انك احسنت
كلمات رائعه واحساس صادق وشعر عذب
الى المزيد يأبى الغالى



بارك الله فيك يا احمد وجزاك عنى كل خير
مرورك على كلماتى أسعدنى جدا .. ربنا يخليك يا احمد
الف شكر على رقة مجاملتك الجميلة
fagrmasr01
04-12-2010, 01:53 AM
سلمت يداك .. كم هى عذبه تلك الكلمات التى تحمل بداخلها نبض صادق
شكرا لك أخى جمال مشرف القسم .. تقبل مرورى من بين هذه الورود .
ابو اسامه ...


يارب يخليك يا أبو اسامة ويكرمك ... تعليقك الكريم يعتبر فعلا وردة اضعها على صدر كلماتى
جزاكم الله عنى كل خير
الرومنسى
05-12-2010, 01:20 AM
ما اجملك فى رسم محبوبتك
كم هى ارع السعادة فى الحب
ترسم على ايدك ضحكة أطفال

ونجرى ونلعب وفى اسعد حال

ورمشك ضحكة وإسمك موال

واعيشك ولو ثانية ليالى طوال
لك منى كل شكر
بجد شاعر رائع
fagrmasr01
07-12-2010, 03:49 PM
انا الذى يجب ان يشكرك جزيل الشكر وأُحييك بأطيب تحية
يا صديقى العزيز .. ربنا يخليك .. متشكر جدا على المجاملة اللطيفة منك
فمرورك فعلا يُسعِدُنى
وعلى الإبداعِ يُساعِدُنى

شكرا جزيلاً يا شاعرى الجميل