تسجيل الدخول

مشاهدة النسخة كاملة : بابا .............. يابابا


خلود
19-02-2009, 08:56 PM
بمنتهي البراءة ...
سأليتني …
بنتي نور ....
ف أربع خمس امور

مش ف كتاب القراءة ....
قالتلي .. بابا بابا ..
مش إنت .. يا بابا ..
بتكتب أغاني ..
وتقول أشعار ..
أنا سمعت ..
الشيخ يا بابا ...
بيقول إنك يا بابا …
ها تروح النار ...
زي الوحشين يا بابا ...
الحراميين الكفار ....


قوللي يا بابا .


يعني إيه إستعمار ....
يعني إيه نيل ...
يعني إيه هرم ..
ومين اللي حط ...
النسر فوق العلم ...
يعني إيه يا بابا ...
إستفتاء ….
و يعني إيه إنتخاب ...
ويعني إيه حر ...
ويعني إيه نصاب….
يعني إيه إختلاس ..
ويعني إيه هجاص ..
ويعني إيه خصخصة ..
يعني إيه يا بابا ....
دستور ….
يعني إيه معارضة ..
ويعني إيه مظاهرة .


وليه النهاردة ...
خدنا أجازة ...
م المدرسة .....
قوللي يا بابا ....
يعني إيه قهر ..
وفين …
خط الفقر ...
ويعني إيه حظ ..
ويعني إيه زهر ...
يعني إيه يا بابا ...
حريه …..
يعني إيه إنسان ..
ويعني إيه سرطان ...
يعني إيه يا بابا ...
خربوها ….
ومين دول يا بابا ..
ولاد القطقوطة


ومين دي ...
سمارة يا بابا ....
وإزاي يا بابا ...
ضاعت من قلبك ...
يا بابا .....
إنت معايا ....
فيه يا بابا ناس ...
بتقول كفايه ...
وفيه كمان عساكر ...
مسكين عصايا ...
وبنات متعورين ...
وتانين …
ماشين بيضحكوا ...
هما دول إسرائلين ..
.....


ويعني إيه ...
ويعني إيه ...


قولتلها ….
نور …..
ممكن أسألك سؤال
قالتلي ….
إتفضل يا بابا ...
قلتلها ….
هيه قناة Space toon ...
رقم كام …..
وخدتها .....
عشان تنام


وطبعا بابا مش عارف يرد وشغلها سبيس تون
تقريبا العرب فيه شويه منهم كدا
إبراهيم البشبيشي
19-02-2009, 09:23 PM
يا ربنا .. هو فيه كده

الواحد عمره ماكان متخيل ان

في يوم من الأيام هايقف قدام

عيل من عياله ومايعرفش يجاوب

هيقول ايه بس ؟

حسبي الله ونعم الوكيل .

تسلم ايدك يا خلود
fagrmasr01
19-02-2009, 09:32 PM
منهم لله
وصلونا فى مرحلة من مراحل العجز الرهيب
فعلا مش بس مش عارفين نعمل حاجة
لا والله
وصلنا كمان مش عارفين حتى نقول

حلوة اوووى اوى يا رائعة المنتدى
خلود
19-02-2009, 10:26 PM
http://up.arabseyes.com/gif/gJJ71562.gif
fagrmasr01
19-02-2009, 11:38 PM
خلود يا رائعة المنتدى
فتحتى موضوع شيق بعبارات قوية ومعبرة وتفتح الشهية للأخذ والرد
فهل بوكيه الورد .. موصى عليه بعلم الوصول لقفل باب المناقشة
والا فيه محاذير ؟
اميرة حبى انا
20-02-2009, 01:15 AM
حلوة ياخلود
تسلم ايدك
وناوية على ايه
خلود
20-02-2009, 01:47 AM
فهل بوكيه الورد .. موصى عليه بعلم الوصول لقفل باب المناقشة

بوكيه الورد تعبير عن شكرى لمروركم على موضوعىواصلى بحب الورد جدا وبحب اشوفه وبتلكك علشان استمتع بجماله
والا فيه محاذير

مظنش عندنا محاذير احنا فى عصر الديمقراطيه

اميره انا مش ناويه على حاجه خالص