مخالفات صريحة..اروح لمين؟

[haytham69]

السلام عليكم،

كنت ساكن في فيصل و لكن ازدحم بشكل غريب و أصبح الناس اللي يأتوا لزيارتي يقولوا أنت ساكن في الأرياف.
سمعت عن اكتوبر و حصلت شقة ممتازة في الحي الرابع. حسيت ان المنطقة راقية و فيها عمارات و فلل حلوة. ساكن امامي المخرج تيسير عبود. كل شيء كان جميل لغاية ما صاحب العمارة قرر يبيع الجراج لأحد الغفراء بالمنطقة. الغفير أشترى الجراج و قلبه سكن و بعدين عمل فرشة للخضار و الفاكهة امام مدخل الجراج. الصراحة منظر مخزي و مقرف. لم أترك فيصل و أدفع دم قلبي هنا لأجد الأرياف ورايا ورايا.
سألت و عرفت أن الترخيص في اكتوبر لا يرخص الا بوجود جراج أسفل العمارة. اذن ليس من حق صاحب العمارة بيعه على انه سكن و لا أنا غلطان؟
ايضا..هذه الفرش لا تليق بالمكان هذا و أعتقد انه يجب ان يتم ازالتها و الا سيقوم جميع الغفراء و البوابين بعمل فرشة مثله و تتحول المنطقة لسوق.
شوفوا الصور التي تعبر عن الواقع الذي اعيشه.
هذا غير اولاد الغفير اللي 24 ساعة موجودين في الشارع امام الخضار و الفاكهة و يراقبون اللي طالع و اللي نازل. لو مريتم في اي وقت تجدوهم جالسين و جايبين اصحابهم و عاملينها سهرة.

أروح أشتكي فين مع العلم اني مسافر بعد 5 ايام بس نفسي ارجع الاقي العمارة أصبحت عمارة و ليست سوق.

http://www.vb.6ocity.net/imgcache/6297.imgcache.jpg

http://www.vb.6ocity.net/imgcache/6298.imgcache.jpg

http://www.vb.6ocity.net/imgcache/6299.imgcache.jpg

http://www.vb.6ocity.net/imgcache/6300.imgcache.jpg

http://www.vb.6ocity.net/imgcache/6301.imgcache.jpg


لكل الصور الرجاء الذهاب لهذه الصفحة:

http://haythamghareeb.com/imam/

[محمد كمال]

حضرتك هتعمل شكوى بالكلام الجميل اللي قولته ودعمها بالصور

و تقدمه الى جهاز مدينة 6 أكتوبر

وتقدم الشكوى باسم السيد المهندس / رئيس جهاز مدينة 6 أكتوبر

و الجهاز هيقوم باللازم

بس طبعاً تحتفظ بصورة من الشكوى ورقم الوارد علشان تتابع بيها

و بالتوفيق ان شاء الله

[haytham69]

أشكرك و الجهاز مكانه اللي في طريق دوار جهينة صح؟

[محمد كمال]

تمام كده

الجهاز مكانه أمام نادي 6 أكتوبر

وبعد ميدان جينهة وانت قادم من القاهرة

وبالتوفيق ان شاء الله

[haytham69]

للاسف مش حقدر اشتكي. سكان العمارة سلبيين و خايفين يعملوا مشكلة مع الغفير و انا الكل بما فيهم الوالد نصحوني بعدم عمل مشكلة معه لأني اسافر و ممكن يعملي شيء في شقتي او ما شابه..اليوم حسيت بالندم اني سكنت في اكتوبر و كمان حسيت ان قعدتي في مصر طولت. الواحد لو مش مرتاح في ملكه (سكنه) يبقى مش مرتاح خالص.
يعني لو قدمت شكوى لازم يقولوا له مين اللي اشتكى؟ مش مفروض ان اللي هو عامله ده مخالفة واضحة حتى مش محتاجة شكوى؟
تخيلوا سكان العمارة كل واحد بيفكر ينقل بالرغم من اننا في العمارة من 3 سنوات فقط و كل ده من ازعاج الغفير. الله لا يسامح صاحب العمارة اللي طمع في المال و باع الجراج و الروف و بقينا قاعدين في عزبة!

[محمد كمال]

يا باشا شكوى بإسم اي حد غير السكان

بطاقة واحد صاحبك أو جارك في مكان تاني

مش لازم الشكوى تكون باسمك

[haytham69]

أشكرك و الله على المساعدة أ. محمد. الصراحة أستفدت منك كثير.

[محمد كمال]

اشكرك على ردك الجميل

و احنا تحت أمرك في اي وقت