المساعد الشخصي الرقمي

مشاهدة النسخة كاملة : التخاريف ... سبب ف جنانى


fagrmasr01
19-02-2009, 01:14 PM
انا أول مرة أحس بحالى
سارح فيكى بكل خيالى

وباحلم وأفرح
وأجرى وأمرح
ابنى بهمة برجى العالى
افرش شقة لابنى الغالى

رحت جريت
لحـد البيت
لقيتنى محقق كل أمالى
وكل حقى ف ثانية جالى

لكن جيرانى
خلونى أعانى
عملوا مشاكل يومى التالى
قال رافضين يسمعوا موالى

رحت شكيت
طبعاً وحكيت
راحوا فتحوا لى ديوان الوالى
وضباطه بيحترموا ف سؤالى

والوالى يكتب
ووزيره يحسب
صرفوا لى ضعف جميع أموالى
وضعف كمان الى عمى وخالى

أيه رأيكوا لو أحلم تانى
لوحدى مش لأن أنانى
لكن أصل انا خوفى عليكوا
تخاريفى سبب ف جنانى
مين الجانى ؟
الفارس
19-02-2009, 01:19 PM
سلامتك ياعم جمال . . خلى بالك من نفسك مافيش حاجه مستاهله
fagrmasr01
19-02-2009, 01:27 PM
شكرا فارس
الله يسلمك
خلود
19-02-2009, 01:32 PM
والوالى يكتب
ووزيره يحسب
صرفوا لى ضعف جميع أموالى
وضعف كمان الى عمى وخالى


يعنى هما رجعوا لك فلوسك يعنى

طيب رشه جريئه كده على اخواتك الغلابه احنا اخر الشهر مش قلت لك موظفين حكومه غلابه

بس بجد جميله
fagrmasr01
19-02-2009, 02:12 PM
معلش ارجو السماح.. سامحينى .. تخاريف
متشكر لتكرمك بالمرور والتعليق
ربنا يكرمك ويخليكى
إبراهيم البشبيشي
19-02-2009, 08:19 PM
ههههههههههههههههه جميل قوي موضوع التخاريف ده يعني الواحد يعيش حياة تانية جنب حياته من غير ما يقوم حتى من مكانه
fagrmasr01
19-02-2009, 09:01 PM
بصراحة .. لم يعد متاحاً لنا
فى هذا البلد الآمن
غير كده
التخاريف
او
ع الاقل
هو ده رأيى يا ابراهيم
إبراهيم البشبيشي
19-02-2009, 09:17 PM
والله يا عم جمال موضوع التخاريف ده مش هو المشكلة المشكلة ان حتى الاحلام بقت بحساب
fagrmasr01
19-02-2009, 09:37 PM
ربنا يستر وميحطوش عليها ضرائب او رسوم زى ضريبة المبيعات او حتى حقوق الملكية الفكرية
lionking
06-08-2009, 01:00 PM
والوالى يكتب
ووزيره يحسب
صرفوا لى ضعف جميع أموالى
وضعف كمان الى عمى وخالى

أيه رأيكوا لو أحلم تانى
لوحدى مش لأن أنانى
لكن أصل انا خوفى عليكوا
تخاريفى سبب ف جنانى
مين الجانى ؟



حلوة اوى يا جمال


بس عايزينك تحلم تانى ومتخافش علينا من التخاريف


احنا ادها وادووووووووود


:50 (36): :50 (36): :50 (36):
DMR
06-08-2009, 01:39 PM
أيه رأيكوا لو أحلم تانى
لوحدى مش لأن أنانى
لكن أصل انا خوفى عليكوا
تخاريفى سبب ف جنانى
مين الجانى ؟
احنا أد التخاريف دي بس انت اكتب و احنا معاك دائما
تسلم ايدك يا استاذ جمال
ربنا يديك الصحة و طول العمر
و يشفيك يا رب
آمييييييييييييييييين
fagrmasr01
07-08-2009, 01:36 AM
شكرا يا ليون على مرورك الكريم
على تخاريفى فى موضوع قديم
شكرا ليكى
ومنى اليكى
انا باهدى تحية والف سلام
واتمنى تكون تخاريفى تمام


شكراً جزيلا ليون ..
مرورك يجعل الصفحة تتألق
شكراً يا دائمة التألق
fagrmasr01
07-08-2009, 01:41 AM
شكرا دى دى على التشجيع
دا مرورك يشهد له الجميع


شكراً دى دى على كلماتك
والفين شكر على دعواتك
ربنا يسعد لك أوقاتك
وتتهنى دايماً بحياتك