المساعد الشخصي الرقمي

مشاهدة النسخة كاملة : تعالى ياهيثم


خلود
19-08-2010, 06:26 PM
السلام عليكم ورحمة الله وبركاته
رجعنا تانى

وكرسى تانى

وضيف جديد

واكيد اكيد

اقامة سعيدة

لمدة اسبوع

مين معانا

haytham69


منورنا والله
اتفضل حضرتك اقعد وخد راحتك خااااااااااااالص
عشان تجاوب وانت (http://www.vb.6ocity.net/showthread.php?t=2362) مرتاح على الاخر

:Dاتفضل:D

http://www.vb.6ocity.net/imgcache/6093.imgcache.jpg (http://www.vb.6ocity.net/imgcache/6093.imgcache.jpg)

يارب اكون (http://www.vb.6ocity.net/showthread.php?t=2362) وفقت فى اختيار (http://www.vb.6ocity.net/showthread.php?t=2362) كرسى مناسب :D:Dيريح حضرتك:D
:pنورتناااااااااااااااا:p
haytham69
19-08-2010, 08:04 PM
ده كرسي اعدام ياخلود مش اعتراف...:)

بس يلا انا جاهز

وان شاء الله مكونش ضيف تقيل (بالرغم من ان وزني مش خفيف ) :)
اميرة حبى انا
19-08-2010, 11:50 PM
يا اهلا يا اهلا
بضيفنا الجديد
اقعد انت بس
واحنا هنريحووووووك
هههههههههههه
نورتنا ونورت الكرسى جدا
هنجهزلك اسئلتنا بعد الترحيب واجابتك على الاسئلة الثابتة
haytham69
20-08-2010, 12:28 AM
اه يعني فيه اسئلة ثابتة...طيب اروح اشوفها و اجي اجاوب.
اميرة حبى انا
20-08-2010, 12:30 AM
لا الاسئلة هى اللى هتجيلك هنا يافندم
خلود
20-08-2010, 01:48 AM
الاسئله الثابته بعد الترحيب بيك من اعضاءنا الافاضل

يلا يااجمل اعضاء اتفضلوا رحبوا باخونا هيثم على كرسى الاعتراف

علشا نحط له اسئلتنا الثابته وبعدها ربنا يقدركم انتم بقى عليه
haytham69
20-08-2010, 04:28 AM
الأجابة على الأسئلة الثابتة






الاسئلة الثابتة
1-الاسم؟


هيثم
2- السن؟


41 بعد كم يوم
3-احساسك ايه وانت (http://www.vb.6ocity.net/showthread.php?t=743)قاعد على الكرسى؟


حاليا و لظروف مالهاش دعوة بالكرسي انا على أخري
4- مين اقرب (http://www.vb.6ocity.net/showthread.php?t=743)انساااااااان او انسااااااانه ليكى؟


صديق عمري خالد
5-ايه احلامك؟


الستر و راحة البال
6-كام مره حسيتى انك ملكيش لزمه فى الحياه؟


نادرا و بكون زعلان
7- كااااااام مره مقدرتيش تكتمى دموعك؟


دموع الرجال غالية جدا و قليلة بس لما بتنزل بتريح
8-حلمتى حلم واتحقق؟؟


الحمد لله كل احلامي ربنا بيحققها

9- ماذا (http://www.vb.6ocity.net/showthread.php?t=743)تعني لك الصداقة؟ ومين اقرب (http://www.vb.6ocity.net/showthread.php?t=743)صديق ليك في الحياة؟ ومين اقرب (http://www.vb.6ocity.net/showthread.php?t=743)صديق ليك جوه المنتدى (http://vb.6ocity.net/)؟


الصداقة اني اقدر اكون كتاب مفتوح ادام صديقي و اقرب صديق ليا هو خالد واعرفه من 83 و يعتبر اكثر من اخ لي. جوه المنتدى الجميع اخواني.
10-كل شخص مننا جواه نسبة حزن ياترى (http://www.vb.6ocity.net/showthread.php?t=743)نسبة الحزن جواك كام في المية؟
99 في المية
11- مين اقربلك وبتحس انه فاهمك اكتر والدك والا والدتك ؟؟؟
امي الله يرحمها..ابي فاهمني زيادة عن اللزوم ( دكتور نفساني)
12- ايه الموضوع (http://www.vb.6ocity.net/showthread.php?t=743)اللي اتكتب في المنتدى (http://vb.6ocity.net/) هنا واتمنيت بينك وبين نفسك (http://www.vb.6ocity.net/showthread.php?t=743)انك تكون (http://www.vb.6ocity.net/showthread.php?t=743)صاحب (http://www.vb.6ocity.net/showthread.php?t=743)الموضوع؟؟؟


معنديش اجابة
13- لو حبيت شخص مش حاسس (http://www.vb.6ocity.net/showthread.php?t=743)بيك ياترى (http://www.vb.6ocity.net/showthread.php?t=743)تعمل ايه ؟؟؟؟


الحب ده رفاهية مقدرش عليها
14- هاقولك كلمات (http://www.vb.6ocity.net/showthread.php?t=743)توجهيها لاشخاص في منتدانا
- مواضيعك ممتازة


جميع الأداريين الله يبارك فيهم
- انت فين وغايب عننا ليه


جميع من لم يدخل المنتدى من فترة
- المنتدى (http://vb.6ocity.net/) وحش من غيرك


جميع الأعضاء الغائبين
- رأيك (http://www.vb.6ocity.net/showthread.php?t=743)بيعجبنى


خلود و اميرة حبي انا و محمود التهامي
- انت شخصية محبوبة جدا فى المنتدى (http://vb.6ocity.net/)


كل من كان قلبه على المنتدى
- انت دمك خفيف (http://www.vb.6ocity.net/showthread.php?t=743)اوى


كل الأعضاء
- انت شخصية قوية تتحمل الصعاب

مفيش اجابة للاسف


15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟


اكيد بس من غير قصد و بعدها طلبت السماح و الحمد لله سامحني

16- هل حد ظلمك لدرجة انك قلت مش ممكن اسامح؟؟؟


ايوة و فعلا مش حسامح ومحتفظ بحقي في الاخرة
17- لو هتسافر مكان (http://www.vb.6ocity.net/showthread.php?t=743)ومطلوب منك تاخد شخصين بس معاك (http://www.vb.6ocity.net/showthread.php?t=743)تختار (http://www.vb.6ocity.net/showthread.php?t=743)مين؟؟؟


زوجتي و أخوها

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟


صعب الا ادام صديق عمري خالد
20- ايه البلد اللي تحب تزورها؟؟ ولو ماكونتش مصري (http://www.vb.6ocity.net/showthread.php?t=743)كنت تتمني تكون (http://www.vb.6ocity.net/showthread.php?t=743)من اى بلد؟؟؟


احب ازور تركيا و لو مكنتش مصري كنت اكيد حكون امريكي

ايه السؤال اللي كنت تتمنى انى ماسألوش ؟؟؟[/URL] [URL="http://www.ebnmasr.net/forum/images/smiles/megalol.gif"] (http://www.ebnmasr.net/forum/images/smiles/megalol.gif)


كل الأسئلة مهضومة مفيهاش مشكلة
fagrmasr01
20-08-2010, 11:54 AM
المنتدى كله منور والكرسى منور .. والف أهلا بيك يا هيثم
سامحنى على التأخير ... انا غصب عنى بادخل الفترة دى قليل شوية نظرا لحالتى الصحية
لكن حبيتك من خلال عدد من مشاركاتك شفت فيها انك فعلا أخ طيب ورقيق الإحساس واتمنى من ربنا عز وجل انه يديم اخوتنا لله وفى الله الى يوم ان نلقاه

احييك وارحب بيك على الكرسى وباذن الله جاى لك بالسؤالات على طول
أخوك جمال - فجر مصر
lionking
20-08-2010, 01:23 PM
يا اهلا يا اهلا بيك يا هيثم

انت منورنا والله



بس يعنى يا خلود مش حرام عليكى اعدام فى رمضان !!!!!!!!!!

ده بدل ما تجيبيله كرسى بارد زى ده


http://www.vb.6ocity.net/imgcache/6107.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12822995531.jpg)

ولعلمك ده لو قعد هنا...... هما 5 دقايق ويعترف بكل حاجة

ولا نتعب قلبنا ولاحاجة

ع العموم يا هيثم نتمنى لك اعداما موفقا وممتعا باذن الله

على ايدك يا خلووووووووود

ههههههههههههههههه

منور يا هيثم
lionking
20-08-2010, 01:26 PM
تصدق يا هيثم

انا كل كرسى اعتراف ادخل اسال السؤال ده

- ايه البلد اللي تحب تزورها؟؟ ولو ماكونتشمصري (http://www.vb.6ocity.net/showthread.php?t=743)كنت تتمنيتكون (http://www.vb.6ocity.net/showthread.php?t=743)من اى بلد؟؟؟


احب ازور تركيا و لو مكنتش مصري كنت اكيد حكون امريكي




واول مرة حد يجاوب اجابة عقلانية غيرى
طبعا الكل بيحب مصر ولو مكانش مصرى كان هيتمنى يبئه مصرى

بجد احييييييييييييييييييييييييييييك على ردك الواقعى
محمود التهامي
20-08-2010, 01:56 PM
اسف يا باشا ع التأخير

منور الكرسي
وباين خلود متوصية بيك ع الاخر
ههههههههههه

بداية جميلة وربنا يعينك على اللي جاي
haytham69
20-08-2010, 02:02 PM
أشكركم على الترحيب و شكرا على الكرسي يا lionking بس اللي متعرفيهوش عني اني بموت في الجو ده و الكرسي بتاعك حيخليني انام و مش حعترف بحاجة :)

الله الشافي أخي جمال و احلى شي الأخوة في الله و يشرفني و يسعدني.

وبالنسبة لسؤال لو مكنتش مصري..افسرلك ليه. مش عشان حبا في امريكا أو سياستها (ماليش في السياسة أوي بس الصح صح و الغلط غلط) لكن لأني قضيت طفولتي هناك و شربت اللغة يعني لهجتي امريكية و لي اخ و أخت امريكان و لذلك مرتبط جدا بالثقافة الامريكية و اعشق حياتها.

بس الحمد لله ان ربنا خلقني مصري و بحب مصر لأبعد حد.

تحياتي لكم جميعا و جمعة مباركة.
haytham69
20-08-2010, 02:03 PM
شرفت و نورت محمود باشا.
خلود
20-08-2010, 03:05 PM
منور ياهيثم كرسى الاعتراف

ويارب يارب متضايقش مننابقى ومخافش الحكم مش هيتنفذ دلوقتى هنسيبك تخلص رمضان كله او ترد على كل الاسئله وبصراحه

ده احنا بنحب نقوموا معاك بالواجب بس

وجايه لك باسئلتى

انتظرنى
haytham69
20-08-2010, 03:09 PM
يلا مستني الأسئلة و عندكم حتى 30 أو 29 اغسطس بعدها...............مسافر بس أوعدك لو لسة فيه أسئلة أرد من هناك على اد مقدر.

تحياتي
خلود
21-08-2010, 01:42 AM
هيثم انا جيت ومعاى شويه اسئله يارب تعجبك


يلا سمى كده بالله واتفضل رد

انت انسان يعتمد عليه و لالا؟

مين اكتر انسان حاسس انه بيوقف جمبك ؟

عمرك الدنيا جت عليك ومعرفتش تعمل لها حاجه ؟

عمرك حسيت إنك ملكش مكان فيها وهيا مش بتعتك ؟

عمرك حبيبك بعد عنك وإنتا فى أمس الحاجه ليه ؟

عمرك حسيت إن حبيبك بيعد عنك وهو مبين غير كده ؟

عمرك شفت عمرك بيضيع أدامك وإنت واقف مش عارف تعمل إيه ؟

عمرك شفت نفسك إنسان تانى غير إلى تعرفه ؟

عمرك حبيتي تبكى ودمعتك مرضيتش تنزل ؟

عمرك إحتجت حبيتك وملقتيهوش معاك فى وقت ما إنتي محتاجه اوى ؟

عمرك حسيت إن أهم وأحب أصحاب ليك مش معاك ؟

عمرك حلمت إنك تسافر ويوم ما جت ساعة الرحيل حسيت إنك مش عاوز تسيب بلدك ؟

عمرك حبيت تحارب الدنيا وفجأه لقيت إنك ضعيف أوى أدمها ؟

عمرك حسيت إنك كنت فى الدنيا ديب وفجأه بقيت فرخه ؟

عمرك حسيت إنك محبط ومش عارف ليه ؟

عمرك لقيت حاجه غلط ولما جيت تصلحها خربتها أكتر ؟

عمرك شفت حبيبتك بترضيك وإنت مش عارف ترضيها ؟

عمرك وثقت فى حد وخانك وجرحك ؟

عمرك إديت سرك لحد وسابك فى الدنيا ومشى ؟

عمرك حبيت تتغيير والتغيري محبكش ؟

عمرك حلمت ترجع زى الاول ؟

عمرك حبيت تبقي تافه ؟

عمرك حبيت عشتك وعشتك محبتكش ؟

عمرك لقيت حبيبتك منفضالك وإنت مش عارف تنفض لها ؟

انسان اتعرفت عليه و مندمتش و لو لثانيه انك عرفته وواحد او واحدة بس بس

انسان غير حياتك كلها لللاسوء

انسان غير حياتك كلها للاحسن

لو فى يوم حبيبك قال لك انا بحبك اه لكن سهل انساك هيكون احساسك ايه ؟ و هيكون ردك عليه ايه ؟

اخبار ثقافه الضرب ايه معاك؟ يعنى الضرب اولا عندك و لا اخر ما ممكن تلجاي له الضرب ؟

ايه اكتر حاجه بتتمناه دلوقتى ؟

اوصفلى حالتك العاطفيه فى خمس كلمات

فى ليله من الليالى حسيت ان الدنيا معدش فيها خير ايه رايك فى الجمله دى ؟

انسان حبيته اكتر من نفسك بقى حته منك اسمه اتحفر فى قلبك صورته مبتفارقش عنيك

انسان اشتريته بالغالى و باعك بالرخيص خانك بعدما وعدك بالامان و السعاده و الراحه و كل

حاجه حلوه

تقول لمين مش هاممنى اللى فات بس اللى جاى هو اللى خايف منه خايف على نفسى من



الضياع خايف عليا من الوحده و عدم الثقه

تقول لمين من كتر الحب اللى حبتهولك خلاص كرهتك

بيعنى لك بكره ايه فى حياتك

هل انتي ضعيف امام شىء ما او شخص ما
لو حد قالك انه بيحبك وانت مبتحبوش هتعمل ايه؟؟ وهترد عليه ازاي؟؟ وهل هتتعامل معاه تاني؟؟ ولو اتعاملت معاه كصديق بس هو مش متقبل الوضع دا ودايما بيلمح لانه بيحبك هتعمل ايه؟؟
/ كم مرة انخدعت في حياتك؟؟ وامتى اكتر مرة حسيت انك انكسرت فيها من جواك؟؟
/بتخاف من الضلمة؟؟ههههههههههههههه
/ لو مثلا مثلا كان معاك الفانوس السحري والمفروض يتحققلك تلات امنيات ايه هي الامنيات دي؟؟وهل بتفضل تحقق امانيك عن طريق فانوس سحري ما تيجي واحدة واحدة؟
من يستحق الاوسمة التالية من أعضاء منتدانا :

وسام العضو النشيط




وسام العضو الذكى

وسام العضو المرح

وسام صاحب احسن موضوع




وسام صاحب احسن ردود

وسام صاحب احسن صور

وسام صاحب اطيب قلب

وسام صاحب اشرس قلب

وسام العضو المشاغب




وسام العضو الحاد







يارب تعجبك اسئلتى
fagrmasr01
21-08-2010, 01:58 AM
واتفضل كام سؤال ع الماشى كدا ..
يعنى من نوع فاتح الشهية بس
او تقدر تسميها
مقبلات

موقعك المفضل على النت ايه .. غير المنتديات
ايه القناة الفضائية الى بتحب تشوف فيها الاخبار .. قناة عربى وقناة كمان E بما انك متربى فى امريكا
ايه هى جريدتك المفضلة ( عربى و E )
الممثل / الممثلة المفضلين
الكاتب الصحفى الى بتحب تقرا له
الشاعر الى تحب اشعاره
ايه هى الحكمة الى بيحس هيثم انها جواه فى اغلب المواقف
لو جلست مع الناس دى .. هاتقول لهم ايه :
اوباما
هيلارى كلينتون
بيل جيتس
جورج دبلو بوش
حسنى مبارك
عمرو موسى
مفتى الجمهورية
شيخ الازهر الجديد
البابا بندكت
البابا شنودة
نور الشريف
يسرا
محمد حسنين هيكل
خلود
أميرة حبى انا
ليون كنج
محمود التهامى
haytham69
21-08-2010, 04:36 AM
أجابة على أسئلة الأخت خلود:



انت انسان يعتمد عليه و لالا؟
يعتمد عليا
مين اكتر انسان حاسس انه بيوقف جمبك ؟
مفيش حد
عمرك الدنيا جت عليك ومعرفتش تعمل لها حاجه ؟
الحمد لله بيسهلها ربنا
عمرك حسيت إنك ملكش مكان فيها وهيا مش بتعتك ؟
كثير..الدنيا بقت غابة
عمرك حبيبك بعد عنك وإنتا فى أمس الحاجه ليه ؟
نفسي اقول اه او لا..بس ماليش اللي اقدر اقول عليه حبيب
عمرك حسيت إن حبيبك بيعد عنك وهو مبين غير كده ؟
نفس الاجابة السابقة
عمرك شفت عمرك بيضيع أدامك وإنت واقف مش عارف تعمل إيه ؟
مهو العمر بيضيع في الروتين اليومي و ادينا ماشيين
عمرك شفت نفسك إنسان تانى غير إلى تعرفه ؟
الانسان له عدة وجوه..عشان يعرف يعيش بس مش نفاق ..لأ..تكيف مع الواقع
عمرك حبيتي تبكى ودمعتك مرضيتش تنزل ؟
كثير..


عمرك إحتجت حبيتك وملقتيهوش معاك فى وقت ما إنتي محتاجه اوى ؟
اعتقد الأجابة قلتها بالنسبة للحبيب
عمرك حسيت إن أهم وأحب أصحاب ليك مش معاك ؟
طبعا..بحكم غربتي
عمرك حلمت إنك تسافر ويوم ما جت ساعة الرحيل حسيت إنك مش عاوز تسيب بلدك ؟
الى حد ما و ساعات ابقى فرحان اني ماشي..اعذروني
عمرك حبيت تحارب الدنيا وفجأه لقيت إنك ضعيف أوى أدمها ؟
الحمد لله...لأ
عمرك حسيت إنك كنت فى الدنيا ديب وفجأه بقيت فرخه ؟
نادرا
عمرك حسيت إنك محبط ومش عارف ليه ؟
كثير أوي
عمرك لقيت حاجه غلط ولما جيت تصلحها خربتها أكتر ؟


هههههههه حصل

عمرك شفت حبيبتك بترضيك وإنت مش عارف ترضيها ؟
---------------------
عمرك وثقت فى حد وخانك وجرحك ؟
مرة أو مرتين..الحمد لله
عمرك إديت سرك لحد وسابك فى الدنيا ومشى ؟
حصل بس كنت لسة عبيط و صغير مفهمتش الا متأخر
عمرك حبيت تتغيير والتغيري محبكش ؟
تعرفي..ساعات أنا و خالد صاحبي نقول الله يسامح أهالينا..ربونا كويس..كان نفسنا نتغير للأوحش عشان نعرف نتعامل مع الزمن اللي احنا فيه
عمرك حلمت ترجع زى الاول ؟
نفسي ارجع زي قبل غربتي
عمرك حبيت تبقي تافه ؟
التافه ده العين مش بتبقى عليه و بيكون مرتاح J
عمرك حبيت عشتك وعشتك محبتكش ؟
كلام فلسفي كبير..بس لأ الحمد لله
عمرك لقيت حبيبتك منفضالك وإنت مش عارف تنفض لها ؟
هههههه ايام الثانوي لما كان فيه حبيبة..كنت أنا اللي بنفض هههههه
انسان اتعرفت عليه و مندمتش و لو لثانيه انك عرفته وواحد او واحدة بس بس
خالد حبيب قلبي..صديق عمري
انسان غير حياتك كلها لللاسوء
كانت انسانة..مش انسان..الله يسامحها
انسان غير حياتك كلها للاحسن
اكيد فيه ناس حتقول الرسول عليه الصلاة و السلام ومش غلط بس انا الصراحة حياتي زي مهي متغيرتش
لو فى يوم حبيبك قال لك انا بحبك اه لكن سهل انساك هيكون احساسك ايه ؟ و هيكون ردك عليه ايه ؟
بس يجي الحبيب و بعدين نتفاهم
اخبار ثقافه الضرب ايه معاك؟ يعنى الضرب اولا عندك و لا اخر ما ممكن تلجاي له الضرب ؟


ضرب مين بالضبط؟

ايه اكتر حاجه بتتمناه دلوقتى ؟
أني اخلص الأسئلة و انام لان عندي مشوار الصبح الساعة 8
اوصفلى حالتك العاطفيه فى خمس كلمات
تعبانة ( كلمة واحدة)
فى ليله من الليالى حسيت ان الدنيا معدش فيها خير ايه رايك فى الجمله دى ؟
فعلا..الناس اتغيرت و البركة و الخير بقوا عملة نادرة
انسان حبيته اكتر من نفسك بقى حته منك اسمه اتحفر فى قلبك صورته مبتفارقش عنيك
أمي الله يرحمها
انسان اشتريته بالغالى و باعك بالرخيص خانك بعدما وعدك بالامان و السعاده و الراحه و كل حاجه حلوه
مفيش.....
تقول لمين مش هاممنى اللى فات بس اللى جاى هو اللى خايف منه خايف على نفسى من الضياع خايف عليا من الوحده و عدم الثقه
انا



تقول لمين من كتر الحب اللى حبتهولك خلاص كرهتك
مفيش الحمد لله واللي يحب ميقدرش يكره



بيعنى لك بكره ايه فى حياتك
قلق
هل انتي ضعيف امام شىء ما او شخص ما


ضعيف امام الدموع



لو حد قالك انه بيحبك وانت مبتحبوش هتعمل ايه؟؟ وهترد عليه ازاي؟؟ وهل هتتعامل معاه تاني؟؟ ولو اتعاملت معاه كصديق بس هو مش متقبل الوضع دا ودايما بيلمح لانه بيحبك هتعمل ايه؟؟


مش عارف اقول ايه بس واللهي حصل و حاصل معايا..حاولت بأكثر من طريقة غير مباشرة و لما منفعش قلت بوضوح..مفيش فايدة



/ كم مرة انخدعت في حياتك؟؟ وامتى اكتر مرة حسيت انك انكسرت فيها من جواك؟؟


أنكسرت يوم وفاة أمي الله يرحمها



/بتخاف من الضلمة؟؟ههههههههههههههه


بخاف
/ لو مثلا مثلا كان معاك الفانوس السحري والمفروض يتحققلك تلات امنيات ايه هي الامنيات دي؟؟وهل بتفضل تحقق امانيك عن طريق فانوس سحري ما تيجي واحدة واحدة؟


1-أمي ترجع


2-يكون معي فلوس كثيرة اريح كل اللي اعرفهم


3-الصحة



من يستحق الاوسمة التالية من أعضاء منتدانا :
وسام العضو النشيط



وسام العضو الذكى

وسام العضو المرح

وسام صاحب احسن موضوع



وسام صاحب احسن ردود

وسام صاحب احسن صور

وسام صاحب اطيب قلب

وسام صاحب اشرس قلب

وسام العضو المشاغب



وسام العضو الحاد



أرجو انك ما تحرجيني انا اقل واحد ممكن يحكم على أي حد هنا بحكم اني جديد جدا في المنتدى.
اللي اعرفه ان اكثر المشاركين هم انتي و اميرة و أ. جمال و أ. محمود التهامي و أ. محمود عبدالله و lionking و ala7bab
وارجو أني اكون جاوبت كويس J
haytham69
21-08-2010, 04:48 AM
fagrmasr

موقعك المفضل على النت ايه .. غير المنتدي (http://vb.6ocity.net/)ات
موقعي انا

ايه القناة الفضائية الى بتحب تشوف فيها الاخبار .. قناة عربى وقناة كمان E بما انك متربى فى امريكا
مبشوفش تلفزيون الا نادرا..كل اخباري من النت

ايه هى جريدتك المفضلة ( عربى و E )
مبقراش جرايد الا على النت و بالنسبة للعربي..البيان (اماراتية)
الانجليزي ..مفيش

الممثل / الممثلة المفضلين
الممثلين العرب..الكوميدين زي عادل امام و محمد سعد ( بيضحك ساعات) و هنيدي
ممثلات..مفيش

الكاتب الصحفى الى بتحب تقرا له
مبقراش لحد الصراحة

الشاعر الى تحب اشعاره
ولا ليا في الشعر
ايه هى الحكمة الى بيحس هيثم انها جواه فى اغلب المواقف
حكمة يعني مثل؟ انا بحب الامثال الشعبية..
الكذب ماهوش رجلين و القناعة كنز لا يفنى أهمهم
لو جلست مع الناس دى .. هاتقول لهم ايه :
اوباما : ياريت تنفذ اللي كنت وعدت العرب به قبل انتخابك
هيلارى كلينتون: اقعدي في البيت وخلي بالك من جوزك
بيل جيتس: شكرا على نعمة الكمبيوتر
جورج دبلو بوش: الله يجحمك
حسنى مبارك: الله يعينك
عمرو موسى: مبقتش تيجي سيدي كرير ليه
مفتى الجمهورية: الله يعينك
شيخ الازهر الجديد: الله يعينك
البابا بندكت..والله ماعرفه
البابا شنودة: الله يعينك
نور الشريف: ----------
يسرا: ----------------
محمد حسنين هيكل: ----------------
خلود: منورة
أميرة حبى انا: منورة
ليون كنج: غيري الأسم ده بقى J
محمود التهامى: انت اللي حببتني في المنتدى..شكرا.
خلود
21-08-2010, 10:53 PM
بجد اجاباتك جميله اوى ياهيثم بس فيها مراره جامده جدا ونبره حزن فظيعه

اتمنى ربنا يوفقك ومش قادره اقول لك تستقر فى بلدك بصراحه مفيهاش ما يدعو للاستقرار

ربنا يوفقك ياهيثم وسعدت بصراحتك الجميله والتلقائيه فى الاجابه

تقبل تحياتى
fagrmasr01
21-08-2010, 11:02 PM
شكرا هيثم على اجاباتك الجميلة
وشكرا على رابط الموقع الانجليزى بتاعك
haytham69
22-08-2010, 06:06 AM
العفو و شكرا ليكم انتم انكم اديتوني الفرصة اكون من اسرتكم
fagrmasr01
24-08-2010, 12:32 PM
اسرة منتدانا ترحب بيك أخ عزيز وغالى يا هيثم
ونتمنى ان يستمر التواصل حتى بعد سفرك باذن الله
كلنا هنا اخوانك ونحبك لله وفى الله
haytham69
25-08-2010, 10:44 AM
أشكرك و ان شاء الله يتم التواصل.
lionking
25-08-2010, 11:19 AM
تعالى يا هيثم بئه عايزاك تهدى كده وتجاوب على الاسئلة دى


ايه هواياتك او هوايتك ؟؟
انت اهلاوى ولا والعياذ بالله بتشجع فرق تانية ؟؟

تهدى الاغنيات دى لمين

اشوف فيك يوم ع اللى انت عملته فيا ...

انا ابن بلد انا بفهم فى الاصول

يا نور عينى


مصدومة



ممكن بئه تعرفنا على هيثم فى 4 كلمات ؟؟؟

مين اقرب شخص ليك ؟؟

هل فقدت صديق ؟؟؟


رايك ايه فى سياسة حكومتنا المصونة ؟؟؟

انت مع التغيير ولا التورييث ؟؟

طبعا انت مصرى بس ممكن تقولى ايه مزايا المصرى بصراحة وواقعية عشان ما اتخنقش ؟؟


يعنى ايه رجولة ؟؟


انت زعلان من اسمى ليـــــــــــــه ؟؟

ايه رايك فى التعليم الحكومى ؟؟

نفسك فى ايه دلوقتى حالا ؟


هلف لفة فى المنتدى وارجعلك تانى
haytham69
26-08-2010, 05:31 PM
حلوة الاسئلة دي و لحظة ارد عليهم.
haytham69
26-08-2010, 05:47 PM
تعالى يا هيثم بئه عايزاك تهدى كده وتجاوب على الاسئلة دى


ايه هواياتك او هوايتك ؟؟

هواياتي الكمبيوتر-تصميم و ادارة المواقع و المنتديات- الموبايلات-سباق السيارات-السباحة

انت اهلاوى ولا والعياذ بالله بتشجع فرق تانية ؟؟
هه انا عضو في نادي الزمالك من 83 بس علاقتي بالنادي اني بجدد اشتراكي و ارجع كل سنة لنفس السبب. يعني مبشوفش النادي الا يوم تجديد الاشتراك. و مبفهمش أي شيء في الكرة. و اقعد اضحك على الناس المتعصبين. للعلم كل اهلي اهلاوية حتى اختي.

تهدى الاغنيات دى لمين

اشوف فيك يوم ع اللى انت عملته فيا ...
مش متذكر حد.الحمد لله

انا ابن بلد انا بفهم فى الاصول
أي امرأة

يا نور عينى
زوجتي

مصدومة
البشر الطماعة


ممكن بئه تعرفنا على هيثم فى 4 كلمات ؟؟؟
طيب اكره الكذب امين
مين اقرب شخص ليك ؟؟
خالد
هل فقدت صديق ؟؟؟
كثير بحكم الغربة

رايك ايه فى سياسة حكومتنا المصونة ؟؟؟
ماليش في السياسة بس احب اني اوضح للجميع ان أي خطأ في ي مكان الناس على طول تروح و تلوم اكبر منصب وده مش صح. ياجماعة احنا 85 مليون. مش هينة العملية ابدا.

انت مع التغيير ولا التورييث ؟؟


مش لازم نقول توريث لو جمال مسك. يمكن يكون فعلا فاهم و يكون فيه فايدة لنا. بلاش نفكر من زاوية توريث. البدائل ايه؟ مين اللي مرشح نفسه؟ دعونا لا نطلب التغيير بدون تفكير او يكون تفكيرنا ان التغيير حيصلح كل شيء.

طبعا انت مصرى بس ممكن تقولى ايه مزايا المصرى بصراحة وواقعية عشان ما اتخنقش ؟؟
المصري عطوف و حنين و جدع و راجل وقت اللزوم ومش خاين بطبعه.
افتخر اني مصري و لا اتهاون في أي شخص يغلط علينا

يعنى ايه رجولة ؟؟
الوقف الى جانب من يحتاج

انت زعلان من اسمى ليـــــــــــــه ؟؟


Lion يعني male
هل انتي male
طبعا لا...

ايه رايك فى التعليم الحكومى ؟؟


التعليم في كل مكان في العالم اصبح سيء جدا و اتكلم عن الامارات و مصر و امريكا
نفسك فى ايه دلوقتى حالا ؟
انزل حمام السباحة لغاية الفطور
خلود
30-08-2010, 02:25 AM
منور الكرسى ياهيثم

معلشى المنتدى ميح اليومين دول والاعضاء قليله الدخول

عارف انت بقى رمضان ومشاغله

بس بجد احييك على اجاباتك الرائعه الصريحه
haytham69
30-08-2010, 03:20 PM
ولا يهمك و اشوف و شكم على خير. سفري بعد 3 ايام ان شاء الله. تحياتي لجميع الأعضاء.
خلود
30-08-2010, 03:43 PM
ولك تحياتى هيثم وتحيات كل الاعضاء وان شاء الله نتقابل هناك برضو وتدخل وتشاركنا وتطمنا عليك ان شاء الله



http://www.vb.6ocity.net/imgcache/6310.imgcache.jpg