المساعد الشخصي الرقمي

مشاهدة النسخة كاملة : تعالوا معايا رحلة لشرم الشيخ


lionking
16-08-2010, 01:52 PM
ازيكم يا وحشين اصدى يا حلوين
:36_1_5[1]: :36_1_5[1]:
معلش الواحد صايم ومدروخ

مين عايز يطلع رحلة لشرم الشيخ
:50 (14): :50 (14): :50 (14):
طبعا انا اكيد هحكيلكوا عن شرم اوعوا تفهمونى غلط وحد يفتكر ان فى رحلة وبتاع ونشبط بئه

وخصوصااللى ف بالى

يلا يا جماعة مين قال جااااااااااااااااى
محمود التهامي
16-08-2010, 02:10 PM
وخصوصااللى ف بالى


لأ .... أميرة مش بتحب شرم
هههههههههههههههههههههه
lionking
16-08-2010, 02:13 PM
لأ .... أميرة مش بتحب شرم
هههههههههههههههههههههه





ههههههههههههههههههههههه

لا يا محمود لما اميرة هتيجى معايا يبقى اكيد اكيد هتحب شرم

خليك فى حالك بس انت

انت جاى ولا ايه؟؟؟؟
محمود التهامي
16-08-2010, 02:21 PM
لأ أنا عايز اروح
مطروح
أو اسكندرية

بس على شهر اكتوبر وللا نوفمبر كدا
عشان مش بحب الزحمة

هي شرم زحمة صحيح وللا ايه ؟؟؟
lionking
16-08-2010, 02:31 PM
لأ أنا عايز اروح
مطروح
مطروح اوكى مفيش مشكلة
أو اسكندرية
لأ بئه
اسكندرية ايه بس يا تهامى
دى اتلغت من زمااااااااااااااااااااان

بس على شهر اكتوبر وللا نوفمبر كدا
عشان مش بحب الزحمة

ههههههههههههههههه

هي شرم زحمة صحيح وللا ايه ؟؟؟





شرم تحفة جدااااااااااا ومش زحمة خالص

وستايل جدااااااااااااا وشيك اخر 3 او 4 حاجات فى الدنيا

انت بس جهز الميكروباص وهناخدك معانا

اهو يبقى اسمك شفت شرم برده عشان متقولش حارمينك من حاجة

:36_1_5[1]: :36_1_5[1]: :36_1_5[1]:
إبراهيم البشبيشي
16-08-2010, 02:42 PM
طب كل واحد بقى يجهز بطاقته لو هتدخلوا الشرم بميكروباص :36_1_57[1]:
الفارس
16-08-2010, 10:39 PM
هى الرحله هتطلع امته . .
lionking
17-08-2010, 01:02 PM
منورين والله يا جماعة ابراهيم والفارس

متستعجلش يا فارس الرحلة مش هتستنى اكتر من كده

هنبدا الرحلة حاااااااااااااالا
lionking
17-08-2010, 01:48 PM
اولا يا جماعة لازم نعرف شوية معلومات عن شرم الشيخ

طبعا شرم موجوده فى جنوب سيناء
وتعتبر شرم من اهم المنتجعات السياحية فى مصر والعالم لما تتميز بيه من مناظر طبيعية ومحميات وجبال وخاصة الغوص ورؤية الاسماك

المحميات الطبيعية في شرم هى رأس محمد ونبق. وأمام شرم الشيخ توجد جزيرتا تيران وصنافير

المهم اننا لازم نعرف ان شرم محتاجة شواااااااااال فلوس عشان تقدر تستمتع بيها وبكل ما فيها من نشاطات


طبعا الفنادق كتير والمنتجعات اكتر

انا هتكلم عن المنتجع اللى كنا فيه لان هو ده اللى اعرفه

المنتجع اسمه كورال هيلز 4 نجوم

غرف شيك وتكييف و2 بسين ومطعم

دى صورة للريسيبشن عشان تتفرجوا ع الاجانب مش الفندق

http://www.vb.6ocity.net/imgcache/6049.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12820403271.jpg)



ودى صورة للغرف بعد ما تتظبط وتتروق

http://www.vb.6ocity.net/imgcache/6050.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12820403272.jpg)


http://www.vb.6ocity.net/imgcache/6051.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12820403273.jpg)



http://www.vb.6ocity.net/imgcache/6052.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12820411871.jpg)



http://www.vb.6ocity.net/imgcache/6053.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12820411872.jpg)




http://www.vb.6ocity.net/imgcache/6054.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12820411873.jpg)


ارتاحوا بئه من المشوار
واتغدوا

عشان نبدا الجولة الاولى فى شرم

وهى بالنسبة لنا كانت
الغواصة


هحاول اشيلنا من الصور واوريهالكم

ومنغير زنننننننن
lionking
17-08-2010, 05:21 PM
بصوا بئه يا شباب

الغواصة دى عبارة عن حاجة زى اليخت كده وموجوده الغواصات فى مكان محدد امام نادى الرياضات المائية

طبعا ليها تيكيت التيكيت للفرد 150جنيه وطبعا مفيش حاجة اسمها اطفال الا الطفال فعلا اللى هما تحت 6 سنوات مبدئيا عشان نتفق ومحدش يروح يشتكى

لما بتجهز الغواصة بنكون كلنا عارفين اسمها واسم القبطان وبنركب كلنا,,,
واحنا رايحين..... بنمشى على ممشى خشبى طويييييييييييل فوق البحر وبنركب ,,,,,وطبعا كله فى الشمس مع ان فيه تند صغننة بس احنا رايحين نصيف وناخد التان ونعمل فورمة شرم
ههههههههههههههههه

طبعا معانا السواح كتييييييييير مستغربين وجودنا اصلا معاهم

المهم
تبدا الغواصة فى التحرك ويبدا الهواء العليل يداعب خصلات شعر الاجانب ههههههههههههه

بنفضل ماشيين لحد مكان معين وييجى القبطان ويطلب مننا النزول اسفل الغواصة نبدا كلنا فى التحرك الى السلم الداخلى للغواصة وبننزل وكل واحد ياخد مكانه وطبعا قاعدين والتكييف شغال وكله تمام

بس نصيحة بئه اللى مجربش نفسه فى البواخر قبل كده ياريت ياخد دوا بتاع الدوار لان انا تعبت جدا ومكنتش اعرف الموضوع ده

المهم يبدا القبطان يلف بينا حول الشعب المرجانية وطول ما احنا ماشيين بنلاقى اشكال والوان من السمك الملون والشعب المرجانية غريبة الشكل وكمان شفنا ناس بتعمل دايفينج ونازلين للاعمااااااااااق

الرحلة دى بتستمر حوالى 3 ساعات

رحلة جميلة وممتعة وفيها كمية مناظر طبيعية مشفناهاش قبل كده واعتقد مش موجوده غير فى شرم

انا بصراحة حاولت ارفع الصور بس للاسف الموقع بيقولى ان الصورة كبيرة وطبعا انا مش عارفة اعمل ايه
وماحبيتش اجيب صور من النت

بس برده هحاول

المهم يعنى ان دى اول حاجة عملناها فى شرم وبصراحة كان يوم جمييييل جداااااااااا
fagrmasr01
17-08-2010, 07:29 PM
كنت نفسى احجر معاكوا
لكن
يظهر الرحلة مشيت خلاص
ياللا ترجعوا بالف سلامة باذن الله
ليون المتألقة دائما ...
تحية كبيرة اوى لموضوعك .. ولكل تفانينك الجميلة
الفارس
18-08-2010, 12:05 AM
ايه الجمال دا انا لسه فى الغواصه

ومنتظر نكمل الرحله

بصراحه واضح انها رحله جميله اووووووى ياليون
lionking
20-08-2010, 02:17 PM
ايه يا جمال بس يلا مستنينك تيجى معانا الرحلة دى هنروح نعمل سنوركلينج مش عارفة اترجمها ازاى بس هيا كده ومش هتتفهم لو قلتها حاجة تانية

فاااارس انت لسة فى الغواصة يا ابنى

تعالى تعالى رايحين على السنوركلينج وهيعجبك مووووت

بص بئه

برده من عند نادى الرياضات المائية

بس المرة دى بتحجز سنوركلينج وتقريبا المبلغ للفرد 250 جنيها مصريا وانا مش فاكرة لان جوزى هو اللى بيدفع انا مليش دعوة انا بتفسح وبس

المهم يعنى زى ما احنا عارفين الاطفال تحت 6 سنوات

المرة دى هنركب http://www.vb.6ocity.net/imgcache/6108.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12823003291.jpg)

ده مخصص للرياضتين اللى هما الغطس والسنوركلينج بس بيطلع بحاجة واحدة منهم بس
يعنى كلنا لازم نكون حاجزين غطس او سنوركلينج

وطبعا شايفين الجزء الخلفى من اليخت اللى لونه ازرق ... المكان ده مخصص لنزولنا للبحر وصعودنا

وكالعادة بيحفظونا اسم اليخت وانا شخصيا كنت راكبة يخت اسمه سميرة

بنحفظ ليه بئه

عشان لما بنبدا السنوركلينج بيكون فى يخوت تانية حواليك والناس بتعوم وبتدخل على اماكن بعض .... فلما يحين وقت التحرك يقوم الجارد اللى معانا ينادى على اسم اليخت نقوم نتجه لليخت بتاعنا

المهم
الجولة دى بتاخد اليوم كله

وقبل ما نطلع اليخت بنروح ناجر الزعانف والنظارة http://www.vb.6ocity.net/imgcache/6109.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12823009511.jpg)


الرحلة دى بتكون لاكتر من جزيرة واشهرهم جزيرة تيران وراس محمد وطبعا المبلغ ده شامل الذهاب والعودة والغداء على اليخت السياحى


طبعا اول ما طلعنا اليخت كان برده مليان اجانب وكانوا كلهم المان الحمد لله
وكاناو بيبصولنا بخوف فظيع والرعب كان مموتهم لدرجة انهم سالوا الغطاس اللى معاهم هما المحجبات دول هينزلوا الميه والراجل مشكورا جه بلغنا ....
المهم اتحرك اليخت الساعة 9 صباحاً ومشينا مشوااااااااااااااار طويل وبقينا فى عرض البحر وطبعا الجو تحفة والشمس تجنن ولما قربنا من اول جزيرة وجزيرة هنا مش اللى بنشوفها فى الافلام الاجنبى اللى هيا رمل ونخل ..لالالا الجزيرة هنا يعنى تجمع كبير من الشعب المرجانية وبيكون موجود مجموعة كبيرة من الاسماك الملونة اللى مش هتشوفوها غير فى شرم

وقف اليخت ونزلوا الغطاسين وربطوا الحبل فى اماكن معينة والناس لبست الجاكيت والزعانف والنظارة وانطلقنا فى البحر
طبعا السنوركلينج هو عملية طفو على الميه يعنى بتفرد جسمك على الميه وبما انك لابس النظارة اللى فيها انبوبة للتنفس بتنزل وشك فى المية وتبدا تظبط النفس وتعيش بئه مع السمك والشعب المرجانية وصدقونى مفيهاش خوف خالص ولا حاجة اسمها هنغرق والكلام ده
ولما الناس بتزل البحر الغطاسين بيكونوا متواجدين حوالينا واللى مش عارف يتحرك بيساعدوه وبنفضل فى كل جزيرة حوالى نص ساعة او ساعة مش فاكرة بالظبط لانى مكنتش بحسب الوقت
على فكرة الاطفال سهل جدا نزولهم السنوركلينج مدام لابسين اللايف جاكيت والنظارة

ولا يخلص الوقت بينادوا علينا ونرجع لليخت تانى ونتحرك تانى
ونوصل لجزيرة تانية وهكذا لغاية وقت الغداء .. والوقت ده بيكون فى على الساعة 2 ولما بتكون المسافة بين الجزيرة الحالية والتالية بعيدة وهتاخد وقت

انا عمرى بصراحة ما تخيلت انى ممكن اشوف السمكة اللى اسمها نيمو عارفين كلنا الفيلم ده انا بئه شفت نيمو ده فى الحقيقة ومكنتش مصدقة ....

ودى صور للاسماك اللى ممكن تشوفوها هناك

http://www.vb.6ocity.net/imgcache/6110.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12823024181.jpg)



http://www.vb.6ocity.net/imgcache/6111.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12823024182.jpg)


وعلى فكرة ممكن تشتروا كاميرا للتصوير تحت الماء وهيا كانت بحوالى 70 جنيه بس هيا استعمال مرة واحدة بس

http://www.vb.6ocity.net/imgcache/6112.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12823025741.jpg)

وبعد ما خلصنا رحلة السنوركلينج كنا الحمد لله اتصاحبنا على الاجانب وقعدنا واتكلمنا معاهم عن الاسلام ووريناهم ان احنا ودودين جداا ومش كل المسلمين اسمهم بن لادن

اجهزوا بئه عشان بالليل هنروح نقعد فى مكان تحفة اسمه
الميركاتو
:smilie: :smilie: :smilie:
محمود التهامي
20-08-2010, 02:24 PM
ليون ليون

هو مش السنوركيلينج هو الغطس ؟؟؟
واللي بيجي منها Snorkeler يعني غطاس ؟؟؟
وللا ايه بالظبط عشان مش فاهم
محمود التهامي
20-08-2010, 02:26 PM
وللا دا نوع يعني والديفينج Diving نوع تاني
lionking
20-08-2010, 03:37 PM
استغفر الله العظيم يا رب

السنوركلينج يا محمود بنكون على الميه من فوق .... لو بتعرف تعوم دى حاجة اسمها FLOATING يعنى الطفو..... يعنى تعوم على وش الفتة اصدى الميه وتستكشف ما هو تحت السطح يعنى الحاجت القريبة من السطح


لكن الDIVING بنغطس تحت لغاية القاع وليها تدريبات قبل ما تعملها
fagrmasr01
21-08-2010, 01:47 AM
ليوووووون
انا جيت اهو
ياللا خدينى معاكوا .. انا جاهز للدايفنج والسنوركلينج
ومعايا طبعا اللايف جاكت كمان ..
لانى
بصراحة يعنى

مومكن يعنى
باقول مومكن ...... مومكن اغرق
خلوا بالكوا معايا اوووووى
وياريت كمان كام يورو فكة لجميع أطقم الغواصين كووولهم
عشان يخلوا بالهم معايا
الفارس
21-08-2010, 10:36 AM
ايه الجمال دا ياليون

بصراحه الرحله معك ممتعه جدا جدا

ياله منتظرينك تكملى رحلتنا وبسرعه ,,,
lionking
22-08-2010, 03:13 AM
ليوووووون
انا جيت اهو
ياللا خدينى معاكوا .. انا جاهز للدايفنج والسنوركلينج
ومعايا طبعا اللايف جاكت كمان ..
لانى
بصراحة يعنى

مومكن يعنى
باقول مومكن ...... مومكن اغرق
خلوا بالكوا معايا اوووووى
وياريت كمان كام يورو فكة لجميع أطقم الغواصين كووولهم
عشان يخلوا بالهم معايا







ههههههههههههههههه منورنى يا جمال
ومنور شرم والله
بس متخافش احنا دلوقتى رايحين مكان جميل اوى مفيهوش ولا غرق ولا خوف خالص


لكن بالنسبة لليورو ما اوعدكش الصراحة
هههههههههههههه
lionking
22-08-2010, 03:15 AM
ايه الجمال دا ياليون

بصراحه الرحله معك ممتعه جدا جدا

ياله منتظرينك تكملى رحلتنا وبسرعه ,,,




تسلم يا فارس
شرم منورة بيك

حاضر يا باشا نكمل الرحلة حالا
lionking
22-08-2010, 03:29 AM
دلوقتى يا شباب رايحين مكان جميل اوى

اسمه ال ميركاتو

المكان ده عبارة عن مول تجارى وموجود برده فى الهضبة وقريب اوى من مكان تحفة تانى اسمه الف ليلة وليلة

المول ده على طراز اوروبى رائع ومتوفر فيه محلات شيك جدااا وماركات عالمية

منها مذر كير .. أديداس .. تمبر لاند ... ميلانو ... فيرجيناميغا ستور

والمغربى وداماس

وماك دونالدز وهارديز وكوستا كافيه وسيلانترو
وكافيهات كتير اوى

موجود فيه كمان مكان للعب الاطفال مراجيح وزحاليق وطبعا دول فرى منغير فلوس وفى كمان جزء فيه العاب الفيديو جيم

ومتواجد فيه مجموعة من الصناعات اليدوية
من سجاد يدوى ولوحات فنية وادوات نحاس واعتقد ان اسعارها كويسة

ودى شوية صور للمكان
http://www.vb.6ocity.net/imgcache/6132.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimg%3D574)


http://www.vb.6ocity.net/imgcache/6133.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimg%3D575)



http://www.vb.6ocity.net/imgcache/6134.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimg%3D576)


http://www.vb.6ocity.net/imgcache/6135.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimg%3D577)


http://www.vb.6ocity.net/imgcache/6136.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimg%3D578)




http://www.vb.6ocity.net/imgcache/6137.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimg%3D579)



http://www.vb.6ocity.net/imgcache/6138.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimg%3D580)
fagrmasr01
23-08-2010, 10:36 PM
بصراحة يا ليون .. الرحلة ممتعة اووى
انا حاسس ان ابتديت اعيشها من طريقة وصفك والصور الروعة
كملى كملى .. فعلا مشوقة جداااااااا
Miss Robe
23-08-2010, 11:53 PM
انا بقة رحت دهب كانت اجمل مصيف رحنه فى حيااااااااااااااتى

انصحكوة تجربوة خصوصا للى ليهم فى الغطس اخويا كان بيتعلم واحنا هناك وكان عايش حياته الصراحة وبيصورة تحت الميه صور السمك تجنن

يلا اذهبوة على ضماتنى

على فكرة يا لوكة الرحلة الجاية شرم اكيد ابقا اتفق انا وانتى يا بنتى ونروح ونسيب العالم دى الى لسه هتفكر
الفارس
24-08-2010, 01:24 PM
بصراحه ياليووووووووووون

الرحله معك ممتازه وشيقه جدا

ونتمنى نكون معك دايما فى كل رحلاتك

وياريت تكمليها علشان احنا منتظرينك تكملى الرحله
lionking
25-08-2010, 11:22 AM
بصراحة يا ليون .. الرحلة ممتعة اووى
انا حاسس ان ابتديت اعيشها من طريقة وصفك والصور الروعة
كملى كملى .. فعلا مشوقة جداااااااا




ميرسى يا جمال
الحمد لله ان الوصف عاجبك
يلا اتشجع بئه وخد الاسرة الكريمة واتجه
lionking
25-08-2010, 11:24 AM
انا بقة رحت دهب كانت اجمل مصيف رحنه فى حيااااااااااااااتى

انصحكوة تجربوة خصوصا للى ليهم فى الغطس اخويا كان بيتعلم واحنا هناك وكان عايش حياته الصراحة وبيصورة تحت الميه صور السمك تجنن

يلا اذهبوة على ضماتنى

على فكرة يا لوكة الرحلة الجاية شرم اكيد ابقا اتفق انا وانتى يا بنتى ونروح ونسيب العالم دى الى لسه هتفكر




ايه يا قمر انتى
واحشانى والله

طب بقولك ايه ما تحكيلنا عن دهب اصل انا لسة ما رحتهاااااش
هستنى رحلتك لدهب وبالتفصييييييل

ههههههههه وانا هستناكى الرحلة الجاية ان شاء الله
lionking
25-08-2010, 11:28 AM
بصراحه ياليووووووووووون

الرحله معك ممتازه وشيقه جدا

ونتمنى نكون معك دايما فى كل رحلاتك

وياريت تكمليها علشان احنا منتظرينك تكملى الرحله




ربنا يخليك يا فارس
ده وجودك هو اللى ممتاز وممتع
وليك عليا يا عم كل رحلة ليا احكيهالكم بس الواحد خايف من الحسد
:36_1_7[1]: :36_1_7[1]: :36_1_7[1]:
بص بئه انا هكمل الرحلة ان شاء الله بس مش دلوقتى عندى ظروف ملغبطة مقللة دخولى المنتدى
:50 (27): :50 (27): :50 (27):
ادعيلى ان الظروف دى تخلص وانا اكمل بئه واحكيلك ع السفاااااااااااااااااااااااارى
وما ادراكم ما السفارى والعشا البدوى
tasbi7
25-08-2010, 02:19 PM
انا عاوزه اجي معاكم:storm_9851674069753