المساعد الشخصي الرقمي

مشاهدة النسخة كاملة : اين الشهر العقاري و كيف أسجل؟


haytham69
14-08-2010, 02:48 PM
السلام عليكم،

ممكن حد يدلني على مكان الشهر العقاري اللي أقدر أسجل فيه شقتي و لو ممكن كمان يقولي الااوراق المطلوبة و الخطوات. شكرا.
محمود التهامي
14-08-2010, 03:05 PM
الشهر العقاري موجود بالحي السادس قبل شارع الأخبار بعمارتين على طول
يعني وانت جاي كدا على المحور المركزي تخلي النجدة على يمينك والبنزينة على شمالك
وبعدي تعدي ميدان فودافون وبعدين ميدان ليلة القدر - وتلف شمال - بس مفيش تيرن دلوقتي عشان قفلوه
فهتلف وترجع مع الميدان يمين
ويبقا السنترال على شمالك والمنطقة الصناعية والموقف على يمينك
هتلاقي عمارات لونها أبيض × وردي هي دي اللي فيها الشهر العقاري

اما المستندات فأكيد هتكون كل مستندات الملكية ورخص البناء لو كان عقار خاص مثلا
وهناك هتعرف معلومات أكتر
haytham69
14-08-2010, 03:11 PM
شكرا. عرفت الطريق خلاص لأني في الرابع يعني قريب.
haytham69
16-08-2010, 03:37 PM
طلع الشهلا العقاري ده لعمل توكيلات بس المهم وصفولي واحد تاني في ال11 و لكن فوجئت بشرط غريب عشان أسجل شقتي..لازم العمارة تكون مسجلة لديهم..طيب انا ذنبي ايه؟ كيف أضمن حقوق شقتي اذا لم تسجل؟ عملت لها صحة توقيع و لكن لا يؤخذ به في الكهرباء و الدوائر المشابهه..فيه حل أضمن به ملكيتي لشقتي؟
محمود التهامي
16-08-2010, 04:36 PM
والله يا استاذ هيثم دي فعلا مشكلة
لكنها مش عند حضرتك بس
مثلا عندك سنتر الأمريكية اللي جمب جامعه 6 أكتوبر
السنتر كله غير مسجل ومحلاته موقوف تسجيلها برضه
والمشكلة الأكبر
ان السنتر كله مش متوافق عليه من الدفاع المدني
يعني عمره ما هيتسجل
ورغم كدا
زي ما حضرتك اكيد شوفت
فهو يعتبر من اكبر المراكز التجارية في المدينة
وفيه مطاعم ومحلات كتير كبيرة ومشهورة
haytham69
16-08-2010, 07:34 PM
ربنا يستر بقى و شكرا على المتابعة.