كنت بتخاف من إيه وأنت صغير؟!

[اميرة حبى انا]

كنت بتخاف من إيه وأنت صغير؟!

أى حد فينا وهو صغير كانت عنده حاجة بيخاف منها وبيعمل لها ألف حساب، سواء كانت الحاجة دى حقيقة وموجود فعلا زى العسكرى أو الراجل المجنون أبو شعر منكوش، أو حاجة وهمية زى أم الشخاليل والعفريت الكبّار وحاجات تانية كتير،. إيه رأيكم لو تشاركونا الفكرة.وكل واحد/ة يقول كان بيخاف من ايه وهو صغير

http://www.vb.6ocity.net/imgcache/5951.imgcache.jpg

[محمود التهامي]

فكرة حلوة يا اميرة
خصوصا ان الحاجه اللي بخاف منها لسة مخوفاني وانا جاي دلوقتي
وهي الكلاب
مبحبهمش وبتخنق منهم وبخاف منهم جداااااااااااااااا

[اميرة حبى انا]

ناس كتير بتخاف من الكلاب على فكرة
وانا كمان كنت بخاف منهم حتى اصغر كلب كنت بترعب منه
بس لما عرفت انهم بيشموا ريحة خوفنا وعشان كده بيحس انه سبع
مبقتش اخاف ولقيت فرق
وهو انهم بيخافوا مننا اكتر ما بنخاف منهم

[إبراهيم البشبيشي]

طب واللي مابيخافش يعمل ايه :50 (12):

[DMR]

انا بخاف من الظلام
بس دلوقتي اقوم على تحدي خوفي
و في تقدم الحمد لله http://www.vb.6ocity.net/images/smilies/50%20(12).gif

[اميرة حبى انا]

طب واللي مابيخافش يعمل ايه :50 (12):
يدور على حاجة تخوفه عشان يكتبها
هههههههههههه

[اميرة حبى انا]

برافو عليكى يا دى دى
انا كمان وانا صغيرة كنت بخاف من الضلمة
ويالهوى بقى لو النور قطع
رعشة وفيلم رعب شغال
بس دلوقتى مع الايام وانى المفروض ابقى شجاعة قدام ولادى بقى

[خلود]

اللى مبيخافش ده يبقى حاجه استثناء كده علشان مافيش حد مش بيخاف

وبعدين ياابراهيم اشمعنى انت يعنى مش بتخاف

غريبه دى

بصى بقى يااميره

انا بقى بخاف من القطط جدا ومش بحبهم خالص مالص

اما الكلاب دى اللى بتخوفكم مش حسيت ابدا بالخوف منهم

لانى اعرف انك اول ما تقولى له هش هيتهش على طول

موضوع ظريف جدا ياحاجه

[إبراهيم البشبيشي]

أنا بصراحة بخاف أحسن اموت وانا نايم .. عايز اموت وانا صاحي ومركز واقول الشهادتين واتوب قبل ما اموت على طول :36_1_6[1]:

[lionking]

انا بئه بخاف من الحشرات جداااااا وبقرف منها كمان

[fagrmasr01]

باحاول اشوف فى الذاكرة ... لكن بصراحة مش لاقى حاجة كانت بتخوفنى
الحمد لله