والله حرااااااااااااااااام

[lionking]

حرام ولا مش حراااااااام
كل اسبوع الميه تقطع يومين
:1 (12): :1 (12):
واهى قاطعة من امبارح بعد الفطار لغاية دلوقتى
:1 (7): :1 (7): :1 (7):
ولما سالت 125 قالولى ماسورة رئيسية بتاعت كل مرة وبرده اتكسرت وبيصلحوا فيها من امبارح


حــــــــــــــــــــســـــــــــبى الله ونعـــــــــــــــــم الوكيــــــــــــــــــــــــل

[اميرة حبى انا]

يا بنتى الحاجات دى بقت عادى
هى المشكلة كبرت وخلاص مش عارفين يحلوها
مبقاش ليها حل غير قطع المية والنور كل يوم
يمكن تتحل
وابقوا قابلونى

[محمود التهامي]

ولما سالت 125 قالولى ماسورة رئيسية بتاعت كل مرة وبرده اتكسرت وبيصلحوا فيها من امبارح



ماسورة ايه بس
الناس دي مش هتبطل تشتغلنا بقااااااا
على فكرة المية مقطوعة في السادس كمان بس من قبل الفجر
يعني لو ماسورة زي ما بيقولو
كانت قطعت في السادس الأول وبعدين الخامس ثم الرابع
وهكذا لحد السابع والثامن اخيرا
لان منطقة الحي السادس والـ 12 والمناطق الصناعية مرتفعة عن باقي الاحياء
فبديهي جدا ان المية متوصلش هناك بسهولة وتقطع قبل باقي الاحياء

لكن الواضح ان السادة المسؤولين عن المدينة
زعلو قوي من قرار الوقف المؤقت للعبة توزيع الأحمال
وفكرو في حاجة جديدة يخنقو بيها عالناس
وللا يعني هيبقا عندنا مية وكهربا وكمان بدون انقطاع
دا ايه الدلع دا
تبقا مشكلة لو اتعودنا على كدا

[إبراهيم البشبيشي]

في سؤال لأحد موظفي الشركة القابضة لمرفق مياه الشرب والصرف الصحي عن ما إذا كانت الميه هاتنقطع بعد كده بشكل دوري في اكتوبر أفاد بأن الميه من ساعة ما اتخصخصت وهي بقت خاضعة تماما لتوجيهات الشركة القابضة وهي حرة بقى تقطعها يومين في الاسبوع ماتقطعهاش خالص براحتها ولأنها شركة خاصة وما يفرقش معاها غير الربح فماتحاولش تشتكي أو تستفسر عن الموضوع لأنك مش هاتوصل لنتيجة .

وده كان كلام الموظف أما كلامي ( حسبي الله ونعم الوكيل )

[محمود التهامي]

الجديد بقا ال ايه
الماسورة الرئيسية لأكتوبر ومش عارف فين تاني كدا - كرداسة باين - اتكسرت
بس مش دا الغريب
لكن الغريب انها اتكسرت من شدة الاستهلاك
والكلام دا امتى
مساء رمضان
هو فيه حد بيقوم من مكانه اساسا عشان يستهلك مياه زيادة عن اللازم
لأ واللي يضحك كمان
ان السادة المسؤولين بيقولو
انهم اصلحوا الخلل في وقت قياسي
اللي هو زي ماكلنا عارفين 24 ساعه
اربعه وعشرين ساعه بس لتصليح ماسورة مية

[محمد المصري]

ياجدعان الموضوع مش موضوع ماسورة مياة

ماتخلونا نرجع لورا شوية

لما كانت المياة تابعة لجهاز المدينة

مكنش فية الكلام دا

هو الجهاز كان بيستوردلنا مية من الصين ولا اية

من ساعة الشركة القابضة ما اتنقلت لها تبعية المياة والحال اتغير وبقينا نشتكى من المياة

لازم وقفة للموضوع دا

[محمود التهامي]

لازم وقفة للموضوع دا



تفتكر وقفة وللا عيد حتى هتنفع معاهم
منك لله يا حكومة ياللي حكمتيهم علينا

[googleok]

كل واحد يخللي باله من حنفيته

[lionking]

انا اتعقد خلاص

من اخر مرة الميه قطعت وانا ماليه كل حاجة ممكن نملاها ميه وبصراحة حاجة تخنق

ده احنا ولا اللى عايشين فى غزة وتحت الحصار


حسبى الله ونعم الوكيل

[nogafoda]

والله عندك حق يا ليون
ده حتي اخوانا في غزه بيلاقو حد يتعاطف معاهم
لكن احنا مش فارق معاهم اننا صايمين ولا ساكنين في الدور الرابع
ولا حتي تعبانين ومنقدرش نشيل حاجه تقيله
بس افتكرت اول كلمه قالهالنا عميد كليه التجاره في اول يوم دراسه
لمادخل المدرج وملقاش مكان يقعد فيه
فكان رده علينا"انه عارف ان ده صعب عليكم لكن علي كل حال انتم ارحم من ضحايا البوسنه"

[محمود التهامي]

ههههههههههههههههه

شر البلية ما يضحك

بس الحالة اللي بقينا فيها تهلك من الضحك

للاسف هي دي الشعوب الوحيدة اللي بقا ينفع نتقارن بيها
البوسنة , غزة , مقديشيو
ويمكن حكومتنا الرشيدة المباركة تنجح في ان تدخلنا المقارنات مع اقليم دارفور وكابول وأفغانستان