المساعد الشخصي الرقمي

مشاهدة النسخة كاملة : رحــــلــــتـــــى الـــى افريكــــــــــــــــا بــــــــــــارك



lionking
12-08-2010, 01:17 PM
السلام عليكم ورحمة الله وبركاته

النهاردة يا احلى اعضاء هقولكم على رحلة جمييييييييييييلة جداااااا رحتها من حوالى اسبوعين

الرحلة دى لمكان اسمه

أفــــــــــــــــريــــــــــــــــكا بــــــــــــــــــــارك

المكان ده موجود على طريق مصر اسكندرية الصحراوى واحنا راجعين من اسكندرية ,,,, مساحة البارك حوالى 200 فدان


سعر الدخول للبارك 200 جنيه للسيارة ايا كان عدد الموجودين فيها لان البارك لازم نلف فيه بالعربية الا فى بعض اماكن بيكون مسموح لينا بالنزول من العربية وعلى فكرة المبلغ ده شامل السفارى تور اللى بالعربية ومدتها على حسب كيف السادة القرود والضباع وتقريبا ساعتين الا ربع وفى كمان river tour

وفى مكان هناك اسمه الكهف بندخله برده وبنتفرج

وانا هحكيلكوا عن كل حاجة

اول ما بندخل البارك بنلاقى نفسنا ماشين ورا بعض كلنا فى ممر رملى يدوب بياخد عربية واحدة وعلى الصفين فى اراضى خضراء ونباتات طويييييييييييلة مش عارفة اسمها ايه عشان محدش يسالني

واحنا ماشين اول حاجة بنقابلها هيا النمر على ايدنا الشمال يعنى ناحية اللى بيسوق وهيكون بعيد شوية بس اللى عايز ينزل عشان يتصور مفيش مشكلة انا بئه كنت لسة مش فاهمة ان فى هنا حاجة فمنزلناش

وبعد كده لقينا اللاما وطبعا موجوده فى مكان جميل كله خضار وهنا ممكن ننزل ونلعب معاها ونتصور كمان

وبعد اللاما الجميلة هنوصل للست نعامة ومجموعة من الغزلان وبرده مسموح لنا اننا ننزل ونصور ونلعب شوية


وبنكمل المشوار وهنلاقى فى الطريق جزيرة وسط المية فيها حاجة صخرية والحاجة دى فيها شوية قرود كبيرة بعد القرود دول هنمشى وهنقابل وحيد القرن وعلى فكرة اسمها اميرة وعلطول فاتحة بؤها واحنا نرمى الاكل يمكن تشبع


بعد وحيد القرن هنكمل لف بالعربية وهندخل على مكان جميل اوى هتقف العربيات فى مكان محاط بالاسلاك العالية ومليان قرود صغننة وهيبدا الموظف يحطلهم اكل على العربية وهما يتنططوا على كل العربيات

بعد القرود اللى بتتنطط هندخل على طريق طويل هنشوف فيه القرود بتتمشى وقرود بيبى على ظهر مامتها وحاجات جميلة كده

ونيجى بئه للحيوان المفترس اللى هو الضبع
ولازم ولازمن ولابد وحتما ازاز العربية مقفوووووووووووووول وهتلاقى الضبع طيب وكميل خاااااااااااااالص الراجل بيطبطب عليه كانه قطة والله

:D:D

وبعد ما نخرج بالسلامة هنلاقى مكان جمييييييييييل مليان بغبغانات ملونة وجميلة وبرده مسموح انك تتصور وتهيص معاهم

ونكمل المشوار و هندخل على مكان للاسود ولازم نقفل ازاز العربية ونمشى على مهلنا عشان ميزعلوش مننا ويهجموا علينا وتقلب بغم وبعد الاسود دول هنلاقى فهد صغنن ( بيبى يعنى ) ممكن نشيله ونتصور معاه احلى صور

ولما نخرج من هنا هنمشى مشوار حلو نوصل منه على مكان عالى وموجود فيه بس على تحت دبتين اسمهم
ادهم ورشا

طبعا مفيش صور لانهم بعيد اوى بس احنا ممكن نحدفلهم اتا عارفينها طبعا ع العموم الراجل المسئول بيديك الاكل وانت ترميه

دى كانت السفارى اللى بالعربية
هرفع الصور عشان تشوفوها

محمود التهامي
12-08-2010, 01:26 PM
شكرا يا ليون ع الرحلة الممتعه دي

المكان باين عليه فعلا جميل جدا
وحلوة قوي فكرة ان العربية كلها 200 جنيه
على كدا الواحد يجيب ميني باص وياخد معاه كل العيلة
ههههههههههههههههههههههههه

مستنيين الصور متتأخريش بقا

lionking
12-08-2010, 01:36 PM
شكرا يا ليون ع الرحلة الممتعه دي

المكان باين عليه فعلا جميل جدا
وحلوة قوي فكرة ان العربية كلها 200 جنيه
على كدا الواحد يجيب ميني باص وياخد معاه كل العيلة
ههههههههههههههههههههههههه

مستنيين الصور متتأخريش بقا







خد ميكروباص وعيش يا عم بس ابقى قسم المبلغ ع اللى جايييييييييييين

:o :o

الصور بئه بعد ما اشوف هناكل ايه النهاردة

ههههههههههههههههههههه

:50 (19): :36_1_57[1]: :36_1_57[1]:

محمود عبد الله
12-08-2010, 01:40 PM
ايوه طبعا لازم الصور
بسرعة

اميرة حبى انا
12-08-2010, 02:05 PM
حلو المكان جدا يا ليون
والوصف الدقيق ده
انا كمان مستنية اشوف الصور
متتأخريش بقى
اه بالمناسبة
قررتوا تاكلو ايه
هههههههههههههههه

إبراهيم البشبيشي
12-08-2010, 02:20 PM
واضح انها رحلة روووووووووووعة

ثانكث يا ليون على الموضوع العثل ده

إلا ثحيح فين الثور .. هوه انت لثه ماثوفتبث أكل النهاردة ايه ؟

ربنا معاكي يا ثيخة

haytham69
12-08-2010, 02:49 PM
فتحتي نفسي ازور البارك ده لأني افتكر من فترة و يمكن هنا بالمنتدى ان واحد قال ان البارك ده مفيهوش غير شوية كلاب و ميستاهلش ينراح. أشكرك مرة تانية و مستنين الصور.

lionking
13-08-2010, 02:05 AM
ههههههههههههههههههههه

والله عاملين زى ولادى بالضبط زن زن زنننننننننننننن أول ما يسمعوا ان فى حاجة هتحصل

لا اله الا الله

خدوا الصور وبطلوا زن



http://www.vb.6ocity.net/imgcache/5928.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12816535882.jpg)



http://www.vb.6ocity.net/imgcache/5929.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12816535883.jpg)


http://www.vb.6ocity.net/imgcache/5930.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12816535894.jpg)


http://www.vb.6ocity.net/imgcache/5931.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12816537161.jpg)


http://www.vb.6ocity.net/imgcache/5932.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12816537521.jpg)


http://www.vb.6ocity.net/imgcache/5933.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12816537851.jpg)


http://www.vb.6ocity.net/imgcache/5934.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12816538411.jpg)



http://www.vb.6ocity.net/imgcache/5936.imgcache (http://www.vb.6ocity.net/redirector.php?url=http%3A%2F%2Fwww.6october.info% 2Fup%2Fdownload.php%3Fimgf%3D6october.info-12816541552.jpg)

محمود التهامي
13-08-2010, 07:20 AM
اييييييييييييييه ده
هي الحاجات دي عندنا بجد !!!

وصفك كان حلو اه
بس متوقعتش كدا بصراحة

متشكرين جدا يا ليون ع الرحلة الجميلة والصور الروعه
وكدا بقا اروح ادور ع الميني باص


ها يا أميرة اعمل حسابك في كام تذكرة ؟؟؟
ههههههههههه

اميرة حبى انا
13-08-2010, 01:40 PM
كام تذكرة ليه
مش قالتلك العربية ب 200 جنيه
هاتها وقسمها علينا
شكرا يا ليون بجد صور تفتح النفس فعلا
يا رب نرووووووووووح

محمود التهامي
13-08-2010, 02:03 PM
كام تذكرة ليه
مش قالتلك العربية ب 200 جنيه
هاتها وقسمها علينا




قسمها ايه يا ابلة
بصيلي هنا حضرتك
الخطة هتكون كتاتي قصدي كالتالي
انا هجيب العربية
وهدقع التذكرة
لكن مفيش تقسيم ولا كلام من ده
يعني هي التذكرة خمسين جنيه

هاااااا
احجزلك كام تذكرة بقا
هههههههههههههههههههههههههه

اه صحيح يا ليون
ايه اخبار الاكل والشرب
نجيب اكلنا معانا
وللا ممنوع
ولو ممنوع ايه النظام هناك
الاسعار كويسة وللا ادفع انا التذكرة
وادبس اميرة في الأكل

اميرة حبى انا
13-08-2010, 02:09 PM
يعني هي التذكرة خمسين جنيه
مش لاعبة
ده افترى ده

lionking
13-08-2010, 03:10 PM
هههههههههههههههههههههه

انتوا بتتخانقوا قبا ما تروحوا
:storm_6014232031094:storm_6014232031094
بص يا عم محمود

احنا ماكلناش هناك واعتقد انك ممكن تاخد اكلك لان محدش سال ع الموضوع ده ولا حتى مكتوب اى حاجة عن الموضوع ده

احنا بئه عقبال عندك كده بعد ما خلصنا التور دى طلعنا على قرية الاسد ( عارفها ) اتغدينا هناك

ابقى اعمل كده ههههههههههههههههه وهتدعيلى

هبقى احكيلكوا على قؤية الاسد دى بعدين

ما المية تييجى عشان انا مخنوقة دلوقتى

:1::1 (16)::1::1 (16):

lionking
13-08-2010, 03:13 PM
يعني هي التذكرة خمسين جنيه
مش لاعبة
ده افترى ده




50 جنيه حلوين يا اميرة....... انتى عايزة ايه بئه ..... :storm_6014232031094:storm_6014232031094الراجل هيجيب الميكروباص

بس اعتقد ان ممنوع دخول الميكروباصات

هههههههههه سيبيه هياخد بمبه

اميرة حبى انا
13-08-2010, 09:04 PM
50 جنيه حلوين ازاى
احنا اربعة
ادفعله 200 جنيه
حق العربية باللى فيها
اييييييييييييه ده

fagrmasr01
14-08-2010, 12:35 AM
رحلة طبعا جميلة وتستاهل فعلا
الله ينور عليكى ف الوصف والصور الجميلة يا ليون