المساعد الشخصي الرقمي

مشاهدة النسخة كاملة : وقف التوقيت الصيفي في رمضان



اميرة حبى انا
08-08-2010, 12:31 AM
وقف التوقيت الصيفي في رمضان




يبدأ منتصف ليلة الأربعاء المقبل ـ المحتمل غرة شهر رمضان المبارك ـ وقف العمل بالتوقيت الصيفي‏,‏ وبدء العمل بالتوقيت الشتوي بتأخير الساعة لمدة ساعة‏,‏ http://www.vb.6ocity.net/imgcache/5841.imgcache.jpg

ويستمر ذلك طوال شهر رمضان أعاده الله علي الجميع بالخير والبركات‏.‏
وسوف يستأنف العمل بالتوقيت الصيفي مرة أخري بعد انتهاء رمضان‏,‏ بتقديم الساعة لمدة ساعة مع بداية يوم الجمعة العاشر من سبتمبر وحتي نهاية الخميس الثلاثين من سبتمبر‏,‏ ليعود العمل بالتوقيت الشتوي يوم الجمعة أول أكتوبر المقبل‏.‏

fagrmasr01
08-08-2010, 01:17 PM
كل عام وانتم جميعا بخير وصحة وسعادة
كل سنة وانتم طيبين

إبراهيم البشبيشي
08-08-2010, 03:48 PM
ولو انني انسان يحيا بمبدأ دع الخلق للخالق

إلا ان الحكومة مصرة على استفزازنا بشتى الطرق وآخرها

حكاية التوقيت الصيفي الذي سيصبح شتوي فقط ليمر علينا

رمضان ولا عزاء للنظم أو الأعراف أو القواعد علما بأن غالبية الناس

حقا وليس استنتاجا لا تدري فائدة لموضوع التوقيت صيفه من شتاؤه

و و و يجعله عامر

DMR
08-08-2010, 04:13 PM
ده فعلا موضوع مستفز جدا
الانسان يكون لسة مظبط نفسه على التوقيت الجديد يغيروه تاني
و الواحد فعلا مش عارف ايه الفايدة في كده ........ هي لخبطة في الوقت و خلاص
و ده طبعا بيدل على غباء و تخلف الحكومة المصرية
و بصراحة مصر عمرها ما هتتقدم طول ما الافكار الرجعية و القرارات الغبية دي موجودة

محمود التهامي
08-08-2010, 05:55 PM
والله انا اتلخبطت ومابقتش عارف صيفي من شتوي

انهي واحد فيهم طيب اللي بيفرقنا عن جرينتش بساعتين ؟؟
عشان المفروض ان هو دا الاصح

لكن العك اللي عبد الناصر بلانا بيه ده كان زمن وولى
والعمل بيه لحد دلوقتي
هو اكبر مثال للروتين والتخلف والبيروقراطية الحكومية

بس هقول ايه
ربنا يخليلنا الريس

اميرة حبى انا
08-08-2010, 07:34 PM
انتوا زعلانين
دول عايزينكوا تفطروا بدرى
عشان نبقى احنا الشعب المتميز اللى بيمشى الساعة على كيفه
ويفطر وقت ماهو عايز
ههههههههههههههه

محمود التهامي
08-08-2010, 08:02 PM
المشكلة مش في اننا نفطر بدري وللا متأخر
دا اساسا ضحك ع الدقون زي ما بيقولو
يعني احنا ولا هنفطر بدري ولا حاجه
لكن كل الموضوع اننا هنصحى متأخر ويوم العمل يبتدي متأخر
مع العلم ان التأخير ده هم اساسا اللي حاطينه
يعني هم اللي مأخرينا اساسا
بس صعبنا عليهم في رمضان فهيرجعونا للطبيعي

الفكرة الغبية بقا بتاعه التوقيت الصيفي
عشان الناس تبتدي شغلها بدري معادتش تنفع دلوقتي
لانه بدري وللا متأخر الناس بقت شغاله
كل الشغل دلوقتي 12 ساعه
وكل حاجه دلوقتي بقت شغاله اربعه وعشرين ساعه
يعني الهدف اللي اخترعو فكرة التوقيت الصيفي عشانه بقت من الزمن السحيق
يبقا ايه لزمته بقا اصلا يعني
بس نقول ايه
أنترك ما اخترعه آباءنا الأولون !!!

DMR
08-08-2010, 08:36 PM
و لا هنفطر بدري ولا حاجة
هتفضل هي هي ساعات الصوم اللي بنصومها
و من غير الساعة اساسا
احنا بنصوم من الفجر لحد غروب الشمس
يعني هي هي مفيش فرق
لخبطة في الوقت و خلاص

محمود التهامي
08-08-2010, 09:13 PM
و لا هنفطر بدري ولا حاجة
هتفضل هي هي ساعات الصوم اللي بنصومها


بالظبط كدا يا ديدي
كل الموضوع ان الصيام بدل ماهو من 5 لحد 8 هيبقا من 4 لحد 7
فرقت في ايه بقااااا ؟؟؟

كل الفرق انهم عاملين حسابهم اننا مش بنصلي الفجر وبنفضل نايمين
فاللي بيصحى 8 مثلا يبقا كدا بقاله اربع ساعات صايم - وهو نايم طبعا -
وبكدا تبقا مدة الصوم بالنسباله قلت

لكن بالنسبة للناس اللي بتصحى بدري او مش بتنام بعد الفجر
تبقا ولا هتفرق ثانية واحده