انت انسان بارد على فكره

[خلود]

في موضوع كده يعتبر ظاهرة السنتين دول السنه اللي فات و السنه دي
ربنا يكرمنا ونقدر نحقق كل حاجه مقدرناش نحققها قبل كده
الناس المحترمه اللي بيكونوا راكبين معانا المواصلات سواء كانت :
مترو - مكروباص - اتوبيس - توك توك اي حاجه
تيجي تركب المواصله بتاعتك سواء كنت رايح شغلك مدرستك جامعتك معهدك
تلاقي واحد كده واقف ومشغل اغاني والعده صيني او نوكيا خصوصا n73 او اي عده تاني
صوتها عالي ويقعد يسمعك اغاني وحاجه تقرف اغاني غريبه اووووي ابص لروحي فجاه - وجوجوجوجو
واه يانا تعبانه والاغنيه الكبره شربت سيجاره بنى حاسس انى دماغى بتاكلنى قاعد فى الحاره بسقط والغسيل عمال بينقط
حاجات متتسمعش

هــــــــو حضـــــــــرتـــــــك فـــــاكــــــــر انـــــــــــ ده حقــــــــك

انك تفرض علينا نسمع الحاجات دي وتصدعنا اكتر ما احنا مصدعين
طب افرض ان في ناس مش بتسمع اغاني وناس تعبانه ومصدعه من الشغل او الدراسه
واللي العن وادل انك لو جيت تكلمه بيقولك
بـــــــرحـــــــتــــــي
انا حـــــــــر

لالالالالا يا بيه انت مش برحتك ولا انت حر الكلام ده في بيتك اعمل اللي انت عاوزه
بس انت برضو مجبر تحترم وجود الجيران اللي جنبك زي ما هما محترمين وجودك
ومجبر تحترم وجود الناس اللي راكبه معاك برضو زي ما هما محترمين وجودك
لان حضرتك مش عايش لوحدك ومش راكب المواصله لوحدك

الموبيلات الصيني دي مش عارف ايه حكايتها
في كل حتة هي الصين دي عاوزاه مننا ايه
بتصدر لنا المنتجات
والناس اللي بتبعها
ده ناقص يجيبوه الناس اللي هتشتري بالمره
ولا انتو ايه رائيكم فى الحوار ده
ولا يمكن فى حد فيكم بيحب الكلام ده وبيعمل كدا
بجد هو الانسان الى بيعمل كدا حقه
ومؤضوع الصين ده ليه قصه تانى فى مؤضوع حصرى نجيب فيه كل منتجاتهم
مستنيه رائيكم
وخصوصا رائيك انت يالى بتعمل كدا

[اميرة حبى انا]

طب تقولى ايه لو اللى بيعملوا كده جيران مش حد قابلتيه صدفة فى مواصلة وخلاص
لا صوتهم عالى علطول كأنهم قاعدين معاكى فى شقتك ولحد بعد الفجر
ولا حول ولا قوة الا بالله

[محمود التهامي]

يا خلوووووووووووووود
انتي كاتبة الكلام دا لمين بس
ماتقلبيش علينا المواجع بقا
دا المسكن بقا في جيبي قبل الفلوس
عشان صداع التوكتوك والميكروباص
الناس دي لو كانت بتدخل منتديات وللا اساسا بتعرف تقرا مكنش بقا حالها
يبقا سيبينا ساكتين بقا عشان ميبقاش صداع وحرقة دم
هنقعد هنا نتكلم ونتكلم وهما شغالين زي ما هم في الشوارع

[lionking]

يا خلوووووووووووووود
انتي كاتبة الكلام دا لمين بس
ماتقلبيش علينا المواجع بقا
دا المسكن بقا في جيبي قبل الفلوس
عشان صداع التوكتوك والميكروباص
الناس دي لو كانت بتدخل منتديات وللا اساسا بتعرف تقرا مكنش بقا حالها
يبقا سيبينا ساكتين بقا عشان ميبقاش صداع وحرقة دم
هنقعد هنا نتكلم ونتكلم وهما شغالين زي ما هم في الشوارع







هههههههههههههههههههه
يا عينى ع الناس اللى فاهمة ومش بتضيع وقت دى

ايوه كده يا وديع اصدى يا محمود


صلى ع النبى يا خلود وروقى كده

[محمود التهامي]

ايوه كده يا وديع اصدى يا محمود


وديع مين ده
انا التهامي باشا
مش واخده بالك وللا ايه
هههههههههههههههههههههه

[haytham69]

أوافقك الرأي و أحب أضيف مظهر أخر غير حضاري الا و هو لما يجي يتكلم الشخص في الموبايل..تحسي انه بيكلم المريخ و الصوت بيكون مزعج جدا و لا بيهمه مين قاعد. صراحة بعض الناس عايزة تتأهل في التعامل كبشر مع البشر!

[DMR]

اوافقك الراي يا خلود
دي فعلا حاجة مزعجة اوي و كانه عايش لوحده في الدنيا دي

[خلود]

اشكرك يااميره على ردك واما بالنسبه لو انهم جيران يبقى لازم توجهى نظرهم اولا لان مفروض ان يراعوا جيرانهم هما مش فى الشارع

ثانيا دول قاعدين لك على طول مش مجرد توك توك راكباه رايحه بيه مشوار وهتنزلى بعد 10 دقيق مثلا

يعنى الصداع هيبقى عرض مستمر

محمود الف سلامه عليك من المسكن ومعلشى بقى كل واحد وعلامه ومعظم سواقى التوك توك مظنش معاهم شهادات خالص وحاضر ياليون هروق واسكت ومش هعمل شقاوه تانى

صديقى هيثم عندك حق موضوع مكالمات الموبايل دى كمان حكايه وتلاقيه بيزعق وهو سامه كويس جدا

هههههههههههه

حاجه غريبه بجد

دى دى

الاغرب هو انهم مش حاسين انهم كده بيضايقونا ويسببوا لنا ازعاج

عجبنى ردك والاحلى وجودك اصلا فى الموضوع

اشكركم على رودوكم الجميله

[إبراهيم البشبيشي]

بمناسبة السيجارة البني أحب افكر معاكوا يمكن اثبت اني لسه موجود
هي مش السيجارة البني دي لا مؤاخذة معناها سيجارة الحشيش ولا انا بس اللي واخد بالي من الموضوع ده .؟
وبمناسبة الاغاني الشعبي هو فيه حد في مصر فاهم يعني ايه جوجوجوجوجوجو أو كوكوكوكوكوكو أو ايا كان النطق حد واصل له المعنى أو المغزى اللي كان في بطن الشاعر قبل ما يستفرغه على وداننا . ؟
وبمناسبة القيء السمعي اللي بيعذبونا بيه زي ما كانوا بيعذبوا الاسرى الامريكان في حرب فيتنام هوه فيه حد ملاحظ مرحلة القيء الفكري اللي مصر والدول العربية والدول اللي مش عربية عايشينها بقى لنا سنين لدرجة ان واحد مجنون اسمه هنتجتنتون يصحي مبدأ في علم الاجتماع وهو مبدأ صراع الحضارات ويعمل اسقاط للمبدأ على الاسلام ويكون المسلمين ضحية ممتازة كل همها انها تثبت للجزار وبالدليل القاطع انها أمة السلام وكما قال الشاعر بالسلام احنا بدينا بالسلام وسلم لي على عزة ؟

[DMR]

كلام منطقي جدا و الله
و بعدين ايه اللي بيغني كمان شربت حجرين على الشيشة !!!!!!
بجد حاجات عجيبة و غريبة بتظهر اليومين دول
ربنا يهدي الناس
و يطور من فكر المصريين شوية

[lionking]

بمناسبة السيجارة البني أحب افكر معاكوا يمكن اثبت اني لسه موجود

لالالالا اطمن انت لسة موجود

هي مش السيجارة البني دي لا مؤاخذة معناها سيجارة الحشيش ولا انا بس اللي واخد بالي من الموضوع ده .؟
صح يا بيه وصح الصح كمان

وبمناسبة الاغاني الشعبي هو فيه حد في مصر فاهم يعني ايه جوجوجوجوجوجو أو كوكوكوكوكوكو أو ايا كان النطق حد واصل له المعنى أو المغزى اللي كان في بطن الشاعر قبل ما يستفرغه على وداننا . ؟

ههههههههههههه
طبعا وبالقطع محدش فاهم حاجة
وبمناسبة القيء السمعي اللي بيعذبونا بيه زي ما كانوا بيعذبوا الاسرى الامريكان في حرب فيتنام هوه فيه حد ملاحظ مرحلة القيء الفكري اللي مصر والدول العربية والدول اللي مش عربية عايشينها بقى لنا سنين لدرجة ان واحد مجنون اسمه هنتجتنتون يصحي مبدأ في علم الاجتماع وهو مبدأ صراع الحضارات ويعمل اسقاط للمبدأ على الاسلام ويكون المسلمين ضحية ممتازة كل همها انها تثبت للجزار وبالدليل القاطع انها أمة السلام وكما قال الشاعر بالسلام احنا بدينا بالسلام وسلم لي على عزة ؟




ههههههههههههههههههههه

مش ممكن بجد اسلوبك الساخر يا ابراهيم
بس من عنينا نسلملك على غزة والعراق وافغانستان ومصر قبلهم كوووووووووووولهم

[خلود]

ابراهيم البشبيشى

نورت ياحاج واهلا وسهلا بيك من تانى بعد غياب

ويسعدنى تواجدك الجميل وسخريتك الفظيعه دى

وبعدين هو نفسه يقول جوجوجوجوجوجوجو

عاجباه الكلمه ونفسه يحفظها

هههههههههههه

ابراهيم مين عزه دى اللى عايزنا نبلغها سلامك:50 (3):

شكرا ليون ودى دى وياريت نستمر بلا توقف فى المناقشه

[إبراهيم البشبيشي]

أولا
مشَّكريـن يا خلود هانم علىالموضوع المفيد ده وشكرا على اهتمامك بالرد

ثانيا

أنا أقصد بـ ( عزة ) مصر ومش غزة ولا غيرها من الدول والاشخاص والملل والنحل

ثالثا

اذا كانت السخرية هاتفيد او هاتطلعنا لقدام سنتيمتر واحد يبقى فرض عين علينا نبقى كلنا بيرم التونسي نجيب سرور وأمل دنقل وعادل امام عشان نسخر من الدنيا وما فيها ومن فيها يمكن في يوم تطلع لنا شمس وتجيب معاها أمل في عيشة هنية حتى لو كانت لأحفاد أحفادنا

[إبراهيم البشبيشي]

وبالمناسبة

عنوان الموضوع جامد طحن

[خلود]

ميرثى ابراهيم

واهلا بعودتك ومناقشاتك الجميله

بس يارب ميكونش يومين كده وترجع تختفى تانى وتكون

دى نفحه من نفحات رمضان اللى بنشوفها كل سنه مره

[fagrmasr01]

موضوع فعلا له قيمة كبيرة لان بصراحة مش بس المستوى الفنى اللى هابط ومتدنى لحد الاسفاف .. لا لا لا .. كمان مستوى اخلاق التعامل واحترام البنى ادم
.. واوافقك الراي يا خلود
فعلا برود
إنما المزعج فى الموضوع مش التدنى الحاصل ف الاخلاق وبس... الأعنف منه هو حالة اللا مبالاة الموجودة عند المثقفين وعند الناس عموما ... كل واحد بيستنكر بينه وبين نفسه وكله بيخشى المواجهة
لو واجهنا الغلط .. مش هايستمر ولا هايزيد
الخيبة ان الناس بقت بتخاف تواجه وكل واحد بيؤثر السلامة وعدم الصداع .. بالتالى بيزيد العبط والهبالة بتنتشر ...
اعتقد ان دور كل مثقف وكل واعى هو انه يواجه .. وميخافش من العواقب .... قل لن يصيبنا الا ما كتب الله لنا ..

بلاش كل المنكر نقابله بس بأضعف الإيمان

طبعا مش تهور .. ولا هى شجاعة زايدة
برغم ضعف صحتى وكبر سنى .. لكن ارفض انى اخضع لهذا الهبل وباواجهه
واتمنى الكل يصحصح ويواجهه

[إبراهيم البشبيشي]

لا طبعا ودي تيجي برضه .. قال نفحة قال .

دي مجرد مشاكل وعقبات ومعوقات هانتخلص منها قريب عشان ابقى معاكم على طول الخط .

ويجعله عامر

[خلود]

عمنا جمال استاذ الحوارات والمناقشات

احنا هنروح منك فين بس

هقولك حاجه صغيره كله بقى يشترى دماغه وبيبعد عن المشاكل ويقولك ابعد عن الشر وغنيله

الناس بقى عندها لا مبالاه فظيعه

اشكرك على حوارك الجميل ومناقشتك البناءه

ابراهيم

اتمنى تخلص كل العقبات وتفضل ويانا على طووووووووووووول