المساعد الشخصي الرقمي

مشاهدة النسخة كاملة : سكودا أوكتافيا A4 1.6L 8v A/T 2006


Bahi2
07-08-2010, 01:00 PM
ا. محمود

أشتريت السيارة الأسبوع الماضى بحالة ممتازة عاملة 58500 كم تقريبا فى أربع سنوات بعد أوبل فيكترا B المانى موديل 1996 كانت معايا من سنين. بجهز نفسى لصيانة ال60000 كم وأتصدمت بأرتوك أوتو بيقولوا لى من 4000 - 5000 جنيةعلشان يعملوا الصيانة العادية وعبارة عن:


تغيير زيت وفلتر محرك

تغيير زيت وفلتر جيربوكس (أوتوماتيك)

تغيير فلاتر بنزين وهواء وتكييف

تغيير طقم تيل فرامل أمامى وخلفى والكشف على الطنابير

تغيير شداد وسير الكاتينة والدينامو

تنظيف سيرود فلف (!!!)

كشف كهرباء وأنوار

تربيط عفشة
مراجعة مستوى السوائل
ممكن تنصحنى بأفضل وسيلة للمحافظة على العربية من غير التكلفة الجنونية دى وأعمل الصيانة الدورية فين؟ على فكرة أنا أصلا من اسكندرية وعايش فى 6 أكتوبر من 8 سنين وبروح اسكندرية مرة كل شهر تقريبا يعنى ممكن أعمل الصيانة فى القاهرة أو اسكندرية.

للأسف المالك السابق ضيع Owner's Manual وServices Manual ومش لاقيهم على الانترنت على موقع الشركة أو أى موقع تانى. :ل ما أدور الاقى بتوع A5 و Fantasia لكن مش لاقى بتوع عربيتى فى أى حتة. ممكن أعرف الاقيهم فين؟

مع الشكر

هشام باهى
Bahi2
07-08-2010, 05:07 PM
سألت عن أسعار قطع الغيار فى طريقى للبيت عند محل واحد (بدون بحث ومقارنات) وعرفت أنها:
شداد كاتينة..........................320 جنية
شداد دينامو.........................350 جنية
سير كاتينة..........................150 جنية
سير دينامو..........................110 جنية
تيل فرامل أمامى.....................350 جنية
تيل فرامل خلفى......................280 جنية
فلتر زيت موتور......................50 جنية
فلتر زيت جيربوكس (أوتوماتيك)........70 جنية
فلتر بنزين...........................60 جنية
فلتر هواء...........................70 جنية
فلتر تكييف..........................60 جنية

المفروض كلها أصلى ما عدا فلتر التكييف تركى. يبقى مجموع قطع الغيار تقريبا 1870 جنية وطبعا لسة زيت المحرك (موبيل 1) وزيت الأوتوماتيك والمصنعيات.
محمود عبد الله
07-08-2010, 06:48 PM
بص يا استاذنا

اولا انت مجبر على الصيانة فى التوكيل خلال فتره الضمان بس
يبقا طالما انت خارج الضمان ممكن تعملها بره عند ميكانيكى متخصص اسكودا

هتلافى منهم كتير فى الحرفيين و المصنعية مش هتتعدى 300 جنيه و انا كدة ببالغ

احسن واحد للسكودا فى الحرفيين هجيبلك رقمة و مكانه فى الحرفيين يوم الاثنين لما اروح هناك

طبعا انت هتشترى قطع الغيار اللى قولت انت عليها

اما عن دليل المستخدم ف ممكن ادورلك عليه انا على النت

اما عن دليل الخدمة فا ده انت مش محتاجه الا اذا كان ده مجالك اصلا عشان تفهم ايه اللى مكتوب فيه

عموما اللى هلاقيه فيهم هبعتهولك على الميل بتاعك اللى انت هتسيبهولى فى الرد الجاى

طلب اخير ابقا وضح انك حاطط سؤال فى عنوان الموضوع

شكرا لتواصلك و اتمنى اكون فيدتك
Bahi2
07-08-2010, 07:28 PM
شكرا يا أستاذ محمود
Bahi2
07-08-2010, 08:18 PM
شكرا يا أستاذ/ محمود على المساعدة وأتمنى أن الميكانيكى يكون فعلا كويس لأنى دخت عقبال ما لقيت ميكانيكى وكهربائى عدل يفهم فى الأوبل لما كانت معايا. كل واحد أشتغل فى التوكيل كام شهر ولا سنة يقولك "أنا خبير الأوبل" ويفتح ورشة ولا مركز خدمة صغير ولما تتعامل معاة يوديلك العربية فى خبر كان ويسرقك بكل الطرق الممكنة. بصراحة الصنايعية فى اسكندرية أحسن وأأمن وأرخص مليون مرة ولكن المشكلة أنى لما بنزل هناك مبيكونش عندى وقت لأنى يدوبك بشوف أهلى فى ويك أند واحد كل شهر.


الأيميل هو [email protected] ([email protected])
محمود عبد الله
10-08-2010, 12:36 AM
بص يا مان بعد التقصى الدقيق

اجمع معظم الناس فى الحرفيين على و احد اسمه
يا خبر اسوح نسيت اسمه

عموما هوا عند الكنيسة ميكانيكى اللمانى و عنده شغل فتايس كمان

هفتكرلك اسمه و ابعتهولك
Bahi2
10-08-2010, 10:13 AM
باشمهندس/ محمود

أشكرك على محاولة مساعدتى بخصوص مركز صيانة سكودا ودليل المستخدم.

لقد بحثت أيضا فى الانترنت ووجدت أن أوكتافيا صنفت كأحسن سيارة فى بريطانيا للسنوات الأخيرة متفوقة على كل من ليكسز (RX) وهوندا (S2000 / Civic / Accord) وبى أم دبليو (3 & 5 Series) ومازدا (3 & 6) وتويوتا (Corolla / Rav4) وفولكس فاجن (Golf) ومرسيدس (E-Class) وروفر (75) وأودى (A6) وفورد (Focus) الذين جاءوا لاحقا بنفس الترتيب السابق وذلك من حيث تكاليف التشغيل ودرجة الأمان وقلة المشاكل والأعطال ودرجة التحمل.

الوكيل فى بريطانيا لا يجبر مالكى سيارات أوكتافيا القيام بالصيانة المنتظمة كل 10000 ميل (16000 كم تقريبا) -كما هو مقترح من قبلهم وليس كل 10000 كم كما يجبر اتوكيل فى مصر مالكى السيارات- ولكن عندما تحتاج السيارة للصيانة طبقا لكمبيوتر الأعطال بالسيارة نفسها وهذا لا يسقط الضمان. ويمكن للمالك شراء قطع الغيار الأصلية من أى مكان والقيام بالصيانة بالتوكيل للحصول على الختم لعدم سقوط الضمان ويحاسب مالك السيارة بالساعة بأجر معقول ودون المبالغة فى عدد الساعات (مثال: زيت موتور وجيربوكس وفلاتر زيوت وبنزين وهواء وطقم سيور وتربيط عفشة والكشف العام وغسيل السيارة يستغرق ساعة واحدة فقط فى التوكيل أو مركز الخدمة المعتمد ويتكلف 75 أسترلينى = 685 جنية مصرى تقريبا).

عند استلام الأوكتافيا زيرو يسلمها المصنع بزيت محرك Fully Synthetic مثل Mobil1 والذى نغيرة فى مصر على 10000 كم بالرغم من أن شركة موبيل تعلن أن الحد الأدنى لاستخدامة تحت أقصى ظروف التشغيل هو 15000 كم وأصدقائى العاملين بشركة موبيل فى مصر تغيرة لهم الشركة فى السيارات الحديثة مثل الفولكس فاجن باسات كل 25000 كم أو سنة أيهما أقرب.

بحثت فى كل مكان وجدتة عن دليل المستخدم لمعرفة جدول الصيانة المقترح ولكنى لم أنجح. اذا كنت سأقوم بالصيانة خارج التوكيل -كما أنوى- فسيكون هذا الجدول فى قمة الأهمية بالنسبة لى حيث لا أستطيع تحت أى ظروف الثقة بأى مركز أو ورشة خارجية.

أتمنى أن تستطيع مساعدتى قريبا بالنسبة لدليل المستخدم/جدول الصيانة المقترح لسيارتى وتفاصيل مركز الصيانة/الورشة المقترحة.

مع الشكر الجزيل

هشام باهى
محمود عبد الله
10-08-2010, 01:29 PM
هيحصل انشاء الله و هجيبلك الجدول
محمود عبد الله
10-08-2010, 11:07 PM
باشا الراجل اسمو مهدى
Bahi2
11-08-2010, 09:47 AM
رمضان كريم وكل عام وأنتم أقرب الى الله

يبقى أسأل فى الحرفيين على مهدى بتاع الأسكودا اللى جنب الكنيسة. شكرا على مجهودك يا باشمهندس.

يا ترى لقيتلى دليل المستخدم وجدول الصيانة؟
Bahi2
16-08-2010, 01:36 PM
اية الحكاية يا باشمهندس محمود ... غلب حمارك ولا دة تأثير أول أسبوع صيام؟ ما شوفناش لا دليل مستخدم ولا جدول صيانة يعنى!

كل سنة وأنت طيب!!!
محمود عبد الله
17-08-2010, 03:04 AM
noooooooooooooooooooo
متقولش كدة انا عندى فرصة اخيره

هظبطهالك

هصورلك الجدول اللى انت عايزه و اى جزء من الدليل
و هرفعهولك
بس انت قول يا رب
Bahi2
17-08-2010, 11:52 AM
noooooooooooooooooooo
متقولش كدة انا عندى فرصة اخيره

هظبطهالك

هصورلك الجدول اللى انت عايزه و اى جزء من الدليل
و هرفعهولك
بس انت قول يا رب


يا كريم يا رب

أوعى تزعل أنا بهزر معاك ... كفاية محاولة المساعدة ... كتر الف خيرك ودايما موفق باذن الله تعالى
Bahi2
01-09-2010, 06:30 PM
باشمهندس محمود والأعضاء الأعزاء - خلاصة الخلاصة كالتالى:

مرفق جدول الصيانة للسيارات أوكتافيا A4 وA5 وFabia من التوكيل

غيرت زيوت وفلاتر برة التوكيل:
- 5 لتر موبيل1 (استخدام 4.5 لتر بالفلتر)............... .............325 جنية
- فلتر زيت موتور المانى............................................ .50 جنية
- مصنعية تغيير زيت وفلتر موتور فى محطة موبيل.......................5 جنية

- 4 لتر زيت جيربوكس أوتوماتيك سكودا أصلى.........................540 جنية (135 جنية/لتر)
- فلتر جيربوكس سكودا أصلى........................................240 جنية (يوجد فلاتر المانى ب70 جنية و85 جنية)
- مصنعية تغيير زيت وفلتر جيربوكس أوتوماتيك ........................70 جنية (+10 جنية اكرامية) عند ميكانيكى محترم جدا

تكملة الصيانة بالتوكيل:

أولا: قطع الغيار (قبل ضريبة المبيعات)
- فلتر بنزين............................................. ..........78.00 جنية (المانى برة 60.00التوكيل جنية شامل ضريبة المبيعات)
- سير كاتينة............................................ ...........252.00 جنية (145.00 جنية)
- سير دينامو............................................ ...........255.00 جنية (110.00 جنية)
- بلية كاتينة............................................ ............329.00 جنية (195.00 جنية)
- طقم بوجيهات 3 شمعة.............................................1 80.00 جنية (اختار النوع اللى يعجبك برة)
- شدادة سير دينامو............................................ ......329.00 جنية (270.00 جنية)
- جالون مياة دورة التبريد حمراء (موبيل)..............................53.00 جنية (أسأل فى محطة موبيل أو هاتلك كانزاية مركز أخضر ب8.50 جنية)
- طقم طنابير أمامى............................................. ....381.00 جنية (مفاجأة أثناء الصيانة - لم أسأل برة)
- طقم تيل فرامل أمامى............................................. .493.00 جنية (350.00 جنية)
_ طقم تيل فرامل خلفى.............................................. 595.00 جنية (280.00 جنية)
_ عدد 2 لمبة تابلوة بدون كعب 5 وات................................8.00 جنية (الثلاثة ب1 جنية)
- عدد 10 حزام بلاستيك للطاسات....................................5 جنية

ثانيا: المصنعيات (قبل ضريبة المبيعات)
- سرفيس شامل.............................................. ......105.00 جنية
- قراءة نظام ومسح أخطاء بجهاز الكمبيوتر.............................80.00 جنية (جهاز VAS)
- تغيير فلتر بنزين............................................. .....35.00 جنية
فك وتركيب بوجيهات........................................... .....80.00 جنية
تغيير كاتينة مع حل وش التقسيمة الأمامى...............................450.00 جنية
- فك وتركيب بلية شداد وسير دينامو...................................58.00 جنية
- تغيير مياة دورة التبريد + استنزاف هواء.............................35.00 جنية
- فك وتركيب ديسكات فرامل أمامية وتغيير تيل..........................160.00 جنية
- فك وتركيب تيل فرامل خلفى........................................80.00 جنية
- مراجعة الأنوار والفيوزات......................................... .30.00 جنية
- أعمال خراطة نتيجة خطأفى فك مسمار قاعدة شداد الكاتينة................70.00 جنية

اجمالى قطع الغيار 2958.00 جنية + اجمالى المصنعية 1183.00 جنية + ضريبة مبيعات 414.10 جنية + اكراميات 45.00 جنية =

اجمالى مصاريف صيانة 60000 كم بالتوكيل 5000.10 جنية
بدون زيوت وفلاتر زيوت
+
زيوت فلاتر خارج التوكيل 1240.00 جنية =


اجمالى مصاريف صيانة ال60000 كم للسيارة الأوكتافيا A4
6240.10 جنية مصرى