المشاركة 555 أحتاج للتقييم

[fagrmasr01]

فى خلال شهر اشتركت بهذا المنتدى بالمصادفة
كنت أبحث عمن يساعد فى إظهار نتائج منتصف العام لمدارس قرية بشتيل مدينة أوسيم محافظة أكتوبر
وبحب منكم وبكرم وإكرام جميل وجدتنى مشتركاً بكتابات لخواطرى .. أغلبها كتبتها ارتجالاً من وحى المواقف التى أمر بها بينكم او من خلال أحاسيس أحياها بداخل نفسى
استجابات مدراء المنتدى تجذب الانتباه
والمشرفين كلهم أحباب
والمشاركين على درجة جميلة من الوعى
وصلت الان الى المشاركة التى تحمل ثلاث خمسات
البعض اتهمنى بالمجاملة
والبعض وصفنى بالمبالغة
والبعض شجعنى
والبعض لم يمر على اى مما كتبت
فهل لى أن أتقدم برجاء الحصول على تقييم صريح
للكتابات التى أسميها خواطر .. ولمشاركاتى وردودى
ان كنت قد أسعدتنى بمرورك فان تقييمك ونقدك لى يسعد خاطرى

وسوف أتوقف لمراجعة ما حدث خلال الشهر الماضى ، وخلال فترة توقفى .. هدنة أنتظر فيها تقييمكم
وأعاهدكم اننى لن تجرحنى كلمات النقد بل هى تبنى فى داخلى قدرات أحتاج اليها بكل تأكيد
و .. رحم الله من أهدى الى عيوبى

وخلال فترة الهدنة والتوقف .. أرجو منكم أن تسامحونى
إن كنت قد ضايقت أى منكم
أو إن كنت أسأت بقصد او بغير إنتباه الى أحد منكم
أو أن كنت قد سببت بكلماتى جرح او ألم او إحراج
جمال

[اميرة حبى انا]

استاذ جمال
معتقدش ابدا ان حضرتك محتاج تقييم من حد
ده بعد اذن الادارة اللى اكيد هتوافقنى على الكلام ده
حضرتك لو لاحظت هتلاقى اول مادخلت المنتدى كان تحت اسمك
عضو جديد
وبعدها
عضو نشيط
وبعدها عضو مميز
وده راجع لمواضيعك وعدد مشاركاتك
ومعتقدش برضو ان حد اتضايق من حضرتك ولا حضرتك زعلت حد
وبالتالى مالوش لزمة ابدا التوقف او الهدنة
اللى هتحرمنا من ابداعاتك
وبرضو معتقدش ان حد فى المنتدى له راى تانى غير كده

[الباشا تلميذ]

فعلا عندك حق يأميره ....
استذنا الفاضل فعلا حضرتك مش محتاج تقييم من أحد
ده بعد إذن الاداره طبعا
لأنك فعلا عضو فعال ومواضعيك مميزه جدا
وردودك طبعا لن نستطيع الاستغناء عنها
فأرجوا منك أن لاتحرمنا من مشاركتك معنا http://up.arab-x.com/pic/pvn72790.gif http://up.arab-x.com/pic/pvn72790.gif http://up.arab-x.com/pic/pvn72790.gif

[fagrmasr01]

أميرة .. الأميرة فعلاً
والباشا .. الأخ الطيب
شكراً جزيلا على رقة مشاعركم
وجزاكم الله عنى خيراً

[خلود]

rصلا مافيش هدنه ولا غيره

انت ترجعنى للمنتدى وتتوقف انت مش مسموح لك بحرمانا من ابداعاتك

ثم انت مش محتاج تقييم ولا نقد وده بشهاده الجميع وطبعا بعد اذن الاداره

يبقى مافيش كلام من ده خالص ومافيش توقف ولا هدنه وعايزين كل الخواطر والابداعات تنهال علينا


مفهوم جمال بيه ولا نقول كماااااااااااااان

[fagrmasr01]

خلود الرائعة
طبعاً متشكر اوى جدا خالص
ولكن

طيب ايه رأيك يا رائعة المنتدى انى مفهمتش
يللا بقى قولى كمان
أظن من حقى انى اطمع بعد الكلام الحلو دا
وهستنى اما اشوف هتقولى ايه كمان

[خلود]

هقول انا عن نفسى لقيت لى اخ كبير هنا بتعجبنى اراؤه وكتاباته وخواطره واشعاره

وبيفض اى اشتباكات بين الاخوات هنا ومش هقول اعضاء لاننا هنا كلنا اخوات

يبقى ينفع تسيب اخواتك كده وتاخد هدنه

مظنش هينفع واحنا متمسكين بيك ومش متنازبين عن مشاركاتك وردودك وبس خلاص

[fagrmasr01]

ربنا يخليكى يا خلود
بصراحة .. أخجلتمونى .. ربنا يخليكوا لبعض ويخليكوا ليا
وربنا يكرمكوا ويبارك فيكوا ويحميكوا آمين

[محمود التهامي]

استاذ جمال

بجد حضرتك افضل وأجمل اضافة حصلت لموقعنا

اعذرنا وسامحنا لانشغالنا لكننا بنحاول نطور الموقع قدر استطاعتنا

حضرتك قيمة عالية وغالية قوي علينا

ارجو الا تحرمنا من وجودك معنا

[fagrmasr01]

بارك الله فيك وجزاك عنى خير الجزاء
انت بتميز أخلاقك وكرمك
ومنتداك القيم المنتظم الملتزم
ومشرفينك الرائعين ذوى النشاط والهمة وذوى الأخلاق الرايعة
وأعضاء منتداك المتميزين الطيبين ومواضيعهم المتميزة
انتم الذين أكرمتمونى
ولا أملك الا ان ادعو الله العلى القدير ان يبارك لكم جميعا
كنت احتاج فعليا الى من يقيم مشاركاتى
وخاصة اننى وصلت الى رقم عالى 555
والمشكلة اننى وجدت نفسى مندفعاً أرتجل خواطرى فى سياسة او دين او حب او هجر واحزان
وأصارح سيادتك .. اننى فجأة وجدت عدم إقبال على ما أكتب
لست طبعاً أطالب بالإقبال على ما قد لا يعجب المشاركين
ولكنها وقفة ضرورية لمراجعة النفس بناء على تقييم الغير
وأنا شخصياً أؤمن بأسلوب التقييم وانه يجب ان يشارك فيه أكبر عدد ممكن وبغير مجاملة
وذلك إبتغاء الوصول الى الحقيقة
ومن يتم تقييمه هو المستفيد
وفى مجال تخصصى اؤمن ان لكل انسان نقاط قوة يمكنه أن يبنى عليها
ونقاط تميز يمكنه ان ينميها
ونقاط او مجالات يمكنه ان يقوم بتحسين نفسه فيها
والتى يسميها البعض نقاط ضعف ونسميها المجالات التى يمكن فيها التحسن
وكل ذلك يتم بناء على النقد الذى يوجه اليه
اسف للاطالة والازعاج
واشكر لك ولزملائك الروح الطيبة
واركز على تقديم أفضل التهنئة على كل جديد قدمتموه لنا
وباذن الله دائماً فى تطور وتقدم وتميز وامتياز
وفى طاعة الله بفضل الله
آمين
أخوك .. جمال