المساعد الشخصي الرقمي

مشاهدة النسخة كاملة : مطلوب معلومات وتقييم لنانو ايجيبت


محمود التهامي
02-08-2010, 09:57 PM
ازيك يا باشمهندس

سمعت كتير قوي عن عربية مصري اسمها نانو ايجيبت
والكلام المكتوب عنها بصراحة جميل جدا
فكنت عايز حضرتك تكلمنا عنها وتقيمها من وجهة نظرك
وتشرحلنا كل حاجة متاحه عنها ورأيك فيها

العربية سعرها 25000 جنيه
واحلى حاجه فيها ان استهلاكها للبنزين 3 لتر لكل 100 كيلو
يعني يدوووووب بتشمه

بس هي واحد سلندر وسرعتها اقل من 100 كيلو

كمل انت بقا وقوللنا رأيك

وثانك يو مقدما
محمود عبد الله
04-08-2010, 08:14 PM
بص يا عمنا

السياره دى سرعتها القصوى 120 مش اقل من 100

المحرك بتاها 600 سى سى يعنى اقل من الموتوسيكل الجاوا بتاع اللبن

العجيب بقا يا مديرى انهم بيقولو ان العربية دى فيها كاوتش مش بتخرم
بؤلك بيلحم نفسه بنفسه

انا مش مطمنلها بصراحة و انا اصلا مش بحب العربيات اللى بالحجم ده
و لو هيا صناعة مصرية 100% فعلا يبقا ال 25000ج كتيير جدا عليها

الوكلاء بتوعها فى طنطا و الاسكندرية

انا اول ما اشوفها فى القاهره اوعدك اجيبلك بيانات مفصله عنها

و شكرا
محمود التهامي
04-08-2010, 11:42 PM
شكرا يا باشا على اهتمامك

وبالنسبة للكاوتش فالنوع ده كنت قريت عنه من زمان

اللي هو ده بيبقا جواه مادة اول ما يتخرم تروح تسد الخرم بسرعه
نفس فكرة الصفائح الدموية عند جرح الانسان

وعلى فكرة هي مش صناعة مصرية لكن على حد علمي برضه
هي اختراع او ابتكار وتصميم مصري وتصنيع وتنفيذ صيني

وهي فعلا موجودة في القاهرة بس مش فاكر العنوان اول لما افتكر هقولك
محمود عبد الله
05-08-2010, 11:47 AM
ولو ولو

برضو غالية جدا على الخامات اللى فيها و حجمها و جودتها

دى توبها 6000ج مش اكتر
محمود التهامي
05-08-2010, 11:54 AM
ياباشا ستة ازاي بس اذا كان التوكتوك بـ 18

اعتبرها توكتوك طيب
ويادوب ال7 الباقيين تمن التقفيل والعجلة الزيادة والرخصة
هههههههههههههههه
محمود عبد الله
05-08-2010, 11:57 AM
انت فاكر ان ال18 دول حق التوكتوك

لا د احنا مختومين على تيييييييييييييت فيه

و غير كدة التجار داخل مصر خاتمين المستهلكين على تييييييييييت هما كمان

مفيش حاجة بتمنا يا استاذ

و بعدين التصنيع المحلى لازم يكون موفر فى خامات كتير
و منغير جمارك كمان
محمود التهامي
05-08-2010, 12:05 PM
ههههههههههههههههه

طيب بص
انا جبتلك العنوان اهو
روح بقا جربها وقولنا



المصرية للاستيراد الوكيل الوحيد للسيارة نانو ايجيبت
العنوان : 54 ش عرفات - حدائق القبة - القاهرة






صور العربية اهي
مش احسن من التوكتوك بقا

تبقا جامده لو اشتغلت تاكسي
ههههههههههههههه

هيبقا اكبر مشوار بخمسة جنيه




http://www.vb.6ocity.net/imgcache/5735.imgcache.jpg



http://www.vb.6ocity.net/imgcache/5736.imgcache.jpg (http://www.vb.6ocity.net/redirector.php?url=http%3A%2F%2F1.bp.blogspot.com% 2F_df39PvD_YOM%2FSxwtJK9iOiI%2FAAAAAAAAABw%2FSNXYo w9sGRE%2Fs1600-h%2FA16951_006.jpg)
محمود عبد الله
05-08-2010, 12:12 PM
ده جمبى
و انا اصلا نازل كمان شوية

بس انا مش هجربها انا هروح اتأكد انها زبالة الزبالة بس