المساعد الشخصي الرقمي

مشاهدة النسخة كاملة : يوم من ايام المدرسة



DMR
14-07-2010, 12:47 PM
بسم الله الرحمن الرحيم
السلام عليكم و رحمة الله و بركاته



انا حبيت اكتب الموضوع ده لأني لاقته أثر في اوي
نبدأ بسم الله

انا روحت المدرسة في يوم زي اي يوم
و بعد ما وصلت
لاقيت انا و اصاحبي المدرسين كلهم زعلنين جدا و مش بيكلمو حد خالص و في حاجة غريبة فيهم

و بعد الطابور ما خلص و طلعنا الفصول كانت علينا مدرسة العربي
سألناها في ايه .... ليه المدرسين زعلنين كده
قالت لنا و دي كانت المفاجأة
ان في مدرس من المدرسة اتقتل ..!!!!!!!!!!
كلنا طبعا استغربنا و قولنالها ازاي ؟؟!!!!
قالت انه كان في خلافات بينه و بين جاره
و في يوم جاره ده قطع له سلك الرسيفر فالمدرس بص من الشباك لفوق علشان يشوف ايه اللي حصل
راح لقى جاره ده بيبص له و قاله اطلع لي
فالمدرس طلع له يشوف هو عايز ايه و ليه عمل كده
و هو طالع على السلم جاره دلق عليه بنزين و رمى عليه عود كبريت !!!!!!!!!!!!
طبعا خلاص الراجل ولع و نقلوه للمستشفى كان في غيبوبة و بعدها بيوم مات !!
و متجوز عنده 3 عيال اكبرهم في اولى او تانية اعدادي

تخيلو يا جماعة حكايه زي دي تحصل لمجرد خلافات بين جيران بجد حاجة صعبة اوي و ان الواحد يموت بالشكل ده

يا رب اغفر له و ارحمه

خلود
14-07-2010, 03:12 PM
بصى يادى دى دى علامه مش كويسه خالص من علامات قيام الساعه

الناس نسيوا دينهم ونسيوا وصيه رسولنا الكريم على الجار

وياما كلام كتير اتقال ( اسال عن الجار قبل الدار )

انعدام روح الاخوه والمحبه بين الجيران وبعضهم

زمان كان الجار بيخاف على جاره وبيعتبره زى اخوه ولكن دلوقتى خلاص

ربنا يرحمنا برحمته ويهدينا اجمعين

فى انتظارك دى دى من تانى

اميرة حبى انا
14-07-2010, 03:46 PM
لا حول ولا قوة الا بالله
مهما كان سبب الخلاف ازاى يعمل كده فى انسان حتى لو مش جاره
حتى من كلامك ان المدرس مكنش عارف حتى الراجل زعلان ليه ولا عمل كده ليه
لا حول ولا قوة الا بالله

DMR
14-07-2010, 06:18 PM
شكرا لمروركم و ردكم
و ربنا يرحمنا كلنا و يرحم المسلمين

fagrmasr01
16-07-2010, 07:52 AM
لا حول ولا قوة الا بالله
العنف والتشنج والعصبية فى التعامل
أصبحوا سمة من سمات المجتمع المصرى
الغلاء والديكتاتورية والكبت الفظيع اللى بيمر بيه المجتمع من سنين طويلة غيروا قيم كتير اوى فى مجتمعنا
مع الاسف نسينا قيم التسامح والعفو... كلنا اصبحنا عصبيين .. وكل واحد بيقدر يعمل اى شئ بيعمله من غير ما يخاف ولا حتى من رب العباد
المدرس مات . واولاده اصبحوا ايتام .. لمجرد خلاف مهما كان حجمه كان ممكن يتم احتوائه
حسبنا الله ونعم الوكيل .. لا حول ولا قوة الا بالله العلى العظيم .. ربنا يحفظنا

DMR
17-07-2010, 04:34 PM
شكرا استاذ جمال على مرورك و ردك

هشام التونسى
29-07-2010, 01:26 AM
الله يرحمه كنت اعرف اخوه وللاسف اخوه مات بعده بوقت قليل وعلى فكرة فى اعتقادى ان اللى بيقتل انسان متعمد اصلا مش انسان