تجمع أولياء أمور القومية للغات 6 أكتوبر

[mamet jana]

صباح الخير عليكو جميعا

انا لاحظت ان في اولياء امور كتير جدا بيدخلوا هنا أولادهم في مد\رسة القومية للغات 6 أكتوبر ياريت هنا نتناقش في اي حاجة خاصة بالمدرسة من حيث المستوي المصاريف والمدرسين والأدارة واي حاجة نتابع مع بعض ان شاء الله

[mayoy]

انا ابنى فى القوميه يريت نتجمع غى موضوع واحد شكرا" ليكى يا جمييييل

[lionking]

حلو اوى الموضوع
والاحلى اننا نتجمع مع بعض هنا

انا ولادى الاتنين فى القومية
:50 (33): :50 (33):
عندى اولى اعدادى ورابعة ابتدائى

ياريت بئه لو حد عرف حاجة عن المصاريف يقول يا جماعة

؟؟؟؟؟؟؟؟؟؟؟؟؟
؟؟؟؟؟؟؟؟
؟؟؟؟
؟

[fagrmasr01]

اسمحولى ان احيى تجمعكم اللى باذن الله هايكون مفيد ليكم وممكن يكون كمان مفيد لباقى الاعضاء وتكون تجربة باذن الله يتم تعميمها ... ربنا يوفقكم ويوفق ولادكم وبناتكم وينجحهم باذن الله
جمال - فجر مصر
من المهتمين بالتعليم
لكن ولادى مش ف القومية

[mamet jana]

انا ابني رايح KG2 ان شاء الله انا كلمت استاذ حمدي سألتة علي المصاريف قالي 3700 وياريت تدفعيهم دفعة واحدة تحت الحساب استغربت جدا لأن كلامي معاهم السنة اللي فاتت اتفقنا انة علي قسطين ياريت يا جماعة تفيدوني اية نظام دفع المصاريف لأن في KGأخدو المصاريف دفعة واحدة وقالو دي بس علشان أول سنة؟؟؟؟؟؟؟؟؟

[nogafoda]

السلام عليكم ورحمه الله وبركاته
انا كمان ولادي 2 في القوميه اول سنه السنه دي
لكن انا دفعت5000 جنيه بس للاثنين والباقي في اول المدارس ان شاء الله
وكلمت الاداره من حوالي اسبوع وقالولي ان الزي والكتب ممكن يكونوا متوفرين
خلال ايام
ان شاء الله تكون سنه سعيده لينا كلنا يارب
وينجح ولادنا جميعا

[lionking]

انا ابني رايح KG2 ان شاء الله انا كلمت استاذ حمدي سألتة علي المصاريف قالي 3700 وياريت تدفعيهم دفعة واحدة تحت الحساب استغربت جدا لأن كلامي معاهم السنة اللي فاتت اتفقنا انة علي قسطين ياريت يا جماعة تفيدوني اية نظام دفع المصاريف لأن في KGأخدو المصاريف دفعة واحدة وقالو دي بس علشان أول سنة؟؟؟؟؟؟؟؟؟



ازيك يا مامت جنة
بصى يا ستى
انا شخصيا مش بدفع كل المصاريف مرة واحدة
انا بدفع 4000 للاتنين وبطنشهم طول السنة وبسيبهم يبعتوا ورق المصاريف عادى جدااااا
وكانى مش شايفة ولا سامعة

جربى تعملى كده السنة دى يعنى ادفعى جزء يشبعهم وخلاص على كده

[lionking]

السلام عليكم ورحمه الله وبركاته
انا كمان ولادي 2 في القوميه اول سنه السنه دي
لكن انا دفعت5000 جنيه بس للاثنين والباقي في اول المدارس ان شاء الله
وكلمت الاداره من حوالي اسبوع وقالولي ان الزي والكتب ممكن يكونوا متوفرين
خلال ايام
ان شاء الله تكون سنه سعيده لينا كلنا يارب
وينجح ولادنا جميعا


ازيك يا نوجااا

انتى دفعتى خلاص ؟؟

ادعيلى انا بئه اروح ادفع احسن مكسلة جدااا

بس قوليلى بئه

اليونيفورم هيكون موجود فين متعرفيش؟؟؟

[nogafoda]

الحمد لله يا ليون
انا بصراحه لسه مش عارفه لاني كنت في اسكندريه ولسه جايه امبارح
بس ان شاء الله هتصل بكره واقولك

[nogafoda]

السلام عليكم ورحمه الله وبركاته
انا اتصلت انهارده وعرفت ان الزي موجود في محل دريم
عند جامعه مصر
بس بصراحه لسه مرحتش وشفت
ان شاء الله هعرف في صلاه التراويح وابقي اقولكم
لكن بالنسبه للكتب في اول الدراسه ان شاء الله

[mamet jana]

انا مبسوطة جدا من تفاعلنا جدا مع بعض ياريت نكمل كدة طول السنة ان شاء الله وياريت يا جماعة نصر السنة دي انة يبقي في أجتماع اولياء امور ضروري جدايعقد مرة كل شهر لأني اعتقد اني ولا مرة تم في حد راح قبل كدة؟

[mamet jana]

ازيك يا مامت جنة
بصى يا ستى
انا شخصيا مش بدفع كل المصاريف مرة واحدة
انا بدفع 4000 للاتنين وبطنشهم طول السنة وبسيبهم يبعتوا ورق المصاريف عادى جدااااا
وكانى مش شايفة ولا سامعة

جربى تعملى كده السنة دى يعنى ادفعى جزء يشبعهم وخلاص على كده


واضح ان اولادك بقالهم اكتر منسنة هناك يا تري مستواهم التعليمي ايةبجد مش قادرة احكم عليهم لآن ابني دفعت المصاريف ومرحش السنة اللي فاتت الأ شهرين تلاتة بس

[lionking]

انا مبسوطة جدا من تفاعلنا جدا مع بعض ياريت نكمل كدة طول السنة ان شاء الله وياريت يا جماعة نصر السنة دي انة يبقي في أجتماع اولياء امور ضروري جدايعقد مرة كل شهر لأني اعتقد اني ولا مرة تم في حد راح قبل كدة؟


واضح ان اولادك بقالهم اكتر منسنة هناك يا تري مستواهم التعليمي ايةبجد مش قادرة احكم عليهم لآن ابني دفعت المصاريف ومرحش السنة اللي فاتت الأ شهرين تلاتة بس


انا كمان مامت جنة مبسوطة جدا من التفاعل القائم ده

بصى يا ستى انا ولادى بقالهم سنتين فى المدرسة يعنى احنا كنا اول دفعة فيها والسنة الجاية دى التالتة ان شاء الله

بالنسبة لاجتماع اولياء الامور حصل مرة واحدة وحضرته وده كان اول سنة لكن السنة اللى فاتت محضرتوش

بس هما دايما فى اول السنة بيوزعوا ورقة فيها اليوم المسموح لينا فيه بالتوجه للمدرسة ومقابلة المدرسين واعتقد على ما اتذكر الابتدائى كنا يوم الثلاثاء

بس عايزة اقولك حاجة انا كنت بروح اى يوم على حسب ظروفى وبالفعل كنت بقابل المدرس المتاح فى الوقت ده يعنى هيا الحكاية بالتفاهم متقلقيش خالص
وبعدين المشكلة مش فى تحديد موعد الاجتماع المشكلة ان الامهات معندهاش عربيات والمدرسة بعيدة والواحد بيفكر مليون مرة هينزل ازاى ويرجع ازاى

وعلى فكرة مش كل اولياء الامور زينا بيهتموا بموضوع المقابلة ده

بالنسبة للمستوى
المستوى كويس جدا وفيه مدرسين فوق الوصف بس برده فى مدرسين قله مش اد كده

وانا اتعرضت للمدرس ده
كان مدرس ماث بس بسبب الحاح اولياء الامور وشكوى الطلاب
المدرس ده مشى

متقلقيش خالص
الادارة متعاونة جدا

[mamet jana]

شكرا لرد السريع والتفاعل ما بينا وكل سنة وانتم طيبين

[lionking]

مفيش اخبار عن اليونيفورم يا شباب

[nogafoda]

السلام عليكم
مفيش اخبار عن اليونيفورم يا شباب


ورحمه الله وبركاته
انا اتصلت انهارده وعرفت ان الزي موجود في محل دريم
عند جامعه مصر
بس بصراحه لسه مرحتش وشفت
ان شاء الله هعرف في صلاه التراويح وابقي اقولكم
لكن بالنسبه للكتب في اول الدراسه ان شاء الله

[lionking]

شكرا يا نوجا على ردك

وانا ان شاء الله هنزل بالليل اشوف ولو ربنا اراد اكيد هبلغكم بالاسعار

بس المشكلة انى لسة مش عارفة دريم ده فين اساسا

[gigi29]

انا بصراحه بنتي كانت في القوميه وحولتها السنه دي لمدرسه رويال الدوليه بس للاسف انا مرتحتش ابدا في القوميه وكنت وقت التحويل شايفه اولياء امور كتير محولين اولادهم من القوميه لمدارس تانيه وكانو مستائين منها بس انا عن نفسي مانصحش اي حد يودي ولادو فيها عموما في الاول وفي الاخير هي وجهة نظر شخصيه

[lionking]

انا بصراحه بنتي كانت في القوميه وحولتها السنه دي لمدرسه رويال الدوليه بس للاسف انا مرتحتش ابدا في القوميه وكنت وقت التحويل شايفه اولياء امور كتير محولين اولادهم من القوميه لمدارس تانيه وكانو مستائين منها بس انا عن نفسي مانصحش اي حد يودي ولادو فيها عموما في الاول وفي الاخير هي وجهة نظر شخصيه


وجهة نظر تحترم طبعا وزى ما فى ناس حولت من القومية لمدرسة رويال فى برده من رويال ومن جيل 2000 راحوا القومية

وعلى فكرة مفيش مدرسة كاملة بحكم خبرتى فى مدارس كتير ابتداءا من المصرية الرائدة للغات اللى فى السابع

وع العموم ربنا يوفقك ويوفق بنتك ويكون اختيارك فى محله

[nogafoda]

السلام عليكم ورحمه الله وبركاته
كنت عايزه اسالكم علي حاجه مهمه ويا ريت الاقي حد يساعدني
انا سبق وسالتكم علي السفر لسوريا ورديتم عليا
بس انا دلوقت واقعه في مشكله
انا قلتلكم اني دفعت لولادي5000في المدرسه
لكن احتمال السفر قبل الدراسه لسه قائم وكنت عايزه اعرف
هل يمكن استرداد هذا المبلغ مره اخري ؟ام لا؟
واذا كان ممكن ده لحد امتي بالظبط؟
يا ريت لو حد يعرف يقولي
وشكراااااااااااااااااااا

[mamet jana]

انا بصراحه بنتي كانت في القوميه وحولتها السنه دي لمدرسه رويال الدوليه بس للاسف انا مرتحتش ابدا في القوميه وكنت وقت التحويل شايفه اولياء امور كتير محولين اولادهم من القوميه لمدارس تانيه وكانو مستائين منها بس انا عن نفسي مانصحش اي حد يودي ولادو فيها عموما في الاول وفي الاخير هي وجهة نظر شخصيه

طب يا تري اية نقط اعتراضك عليها ؟ اية السلبيات اللي شوفتيها فيها . وطبعا مدرسة رويال مدرسة كل الناس بتشكر فيها بس سعرها عالي عن القومية

[mayoy]

مشاء الله متجمعين على خير ديما" يا رب اخررررررررررر الاخبار الوزير شال مدير المدرسه و مش عرفه مين المدير الجديد و الkg الدخول يوم 27 او 28 بكره ان شاء الله حروح واجيب التفاصيل بالنسبه للرويل مستواها بدء يئل كتير عن ابل كده ناس كتير سبتها السنه دى و ربنا يوفق فى الاداره القادمه للقوميه و كل سنه وانتم طيبين

[zayyoda]

و انا كمان معاكو انا ابني رايح 2 ابتدائي و دي اول مرة اروح المدرسة دي بس سمعت عنها كلام حلو دعواتكم

[zayyoda]

ازيك يا نوجااا

انتى دفعتى خلاص ؟؟

ادعيلى انا بئه اروح ادفع احسن مكسلة جدااا

بس قوليلى بئه

اليونيفورم هيكون موجود فين متعرفيش؟؟؟


من محل دريم في سنتر جمجوم الحي المتميز جنب جاد
انا لسه جاباه قبل العيد

[mayoy]

انا كمان جبت البس من محل دريم الى فى سنتر جمجوم

[lionking]

ازيكم يا شباب

انا جاتلى ماسيج من المدرسة النهاردة ان المرحلة الاعدادية والثانوية هتبدا يوم 21\9

لكن الابتدائى ان شاء الله يوم الاحد

بالتوفيق ان شاء الله للجميع

[lionking]

ازيكم يا شباب

انا جاتلى ماسيج من المدرسة النهاردة ان المرحلة الاعدادية والثانوية هتبدا يوم 21\9

لكن الابتدائى ان شاء الله يوم الاحد

بالتوفيق ان شاء الله للجميع




بما انى بحاول اعمل تعديل من الساعة 4 لغاية دلوقتى

قررت انى اكتب المواعيد تانى بعد التعديل

الابتدائى ان شاء الله يوم الاتنين
والاعدادى يوم الثلاثاء
وطبعا المواعيد دى بناءا على الماسيج اللى جتلى من المدرسة