ِAhmed Hassan
20-06-2010, 12:12 AM
شكرا مبارك ..... والله بدون مبالغة انا كنت بفكر اعمل يافطة قماش واكتب فيها العبارة دى ....وكانت الدنيا وردى وبهجة وتفائل التفائل ده ابتدى يقل واحدة واحدة من ساعة ما ابتديت اروح الجهاز عشان اعمل الرخصة وسط اللخبطة وعدم النظام اللى احنا كمصريين مشهورين بيه . وطاوابير وخناقات ع الشبابيك مع الموظفين ......الخ بس كنت بقول برده العيب فينا احنا وسلوكنا الغير منضبط والموظفيين دول برده مصريين زيينا وسلوك معظمنا واحد . الى ان انتهيت م الرخصة بعد شوية مشاكل بسيطة عادية . وتفائلت خير ببداية الشغل وكانت الضربة القاضية للاحلام الوردية ...
مش هطول عليكوا بتفاصيل اللى حصل معايا واللى لقيته هناك مع اول يوم شغل بس محصلة اللى صدمنى باختصار:
حبيت اجيب المنسوب الصفرى اللى هابتدى احفر واشتغل عليه رحت الاول الجهاز قالوا لى المهندسين فى الكرفانات اللى فى الموقع . روحت لمهندسين المقاولون العرب اللى قاعدين فى الكرفانات المكيفة ودخلت اطلب حد منهم ييجى معايا يحدد لى المنسوب لاقيتهم قاعديين بيلعبوا زوما ( اللعبة الشهيرة) وقالوا لى بغلاسة وقلة زوق ممنوع حد مننا ييجى معاك قولتلهم طب يعنى اشتغل ازاى ف ردوا لو قدامك بلاعة صرف احسب حساباتك عليها . رحت الموقع وانا مخنوق من الرد والمعاملة ولاقيت فعلا البلاعات بس فيه بلاعات منخفضة وشوية اعلى وبعضهم بغطاء وبعضهم لا وفضلت اروح واجى شوية حلوين لحد ما قبلت مقاول هناك شغال بالخبرة وقاللى اعمل ايه بعيد عنهم . مرت مشكلة المنسوب والله اعلم نصيحة الحاج ده صح ولا لاء لانه طبعا مش مسئول او على الاقل كلامه مش موثق ولاقيت حاجات كتير جابت لى احباط من اول يوم شغل زى مثلا الالوان كل واحد مديها لون على مزاجه اصفر فاقع فى اخضر واحمر شوية فى بيج وبنى على لبنى وازرق ومنظر مؤذى واللى جنبه درجة لون مختلفة والوان عجيبة وبيئة طحن والناس حفرت ورمت ناتج الحفر ع اللى جانبها واللى يقلق كمان لسة مفيش مرافق لا ميه ولا كهربا ولا رصف ولا اطرق ممهدة زى ما اتقال فى الاول من قبل المسئوليين فى وسائل الاعلام المختلفة ولا عارفين جدول زمنى معيين لدخول المرافق دى ومحدش عارف حاجة كله بيبنى وخلاص اهم حاجة المقاسات عشان الدعم وبس ده بخلاف الدعم اللى لما سالت جيرانى اللى سبقونى قالوا انه بيتاخر بالثلاث اربع شهور بعد المعاينة ولازم اتابع الشغل بنفسى عشان المقاولين والشركات اللى بتسرق وتنصب وانا ما افهمش حاجة فى المعمار..... واسف انى طولت عليكوا بس ده لسة فى حاجات كتير تعكنن انا اختصرتها من الحوار . المهم انى زعلان عشان انا مش هاعمل اليافطة اللى كنت ناوى اعملها وكان نفسى بجد والله اعملها
مش هطول عليكوا بتفاصيل اللى حصل معايا واللى لقيته هناك مع اول يوم شغل بس محصلة اللى صدمنى باختصار:
حبيت اجيب المنسوب الصفرى اللى هابتدى احفر واشتغل عليه رحت الاول الجهاز قالوا لى المهندسين فى الكرفانات اللى فى الموقع . روحت لمهندسين المقاولون العرب اللى قاعدين فى الكرفانات المكيفة ودخلت اطلب حد منهم ييجى معايا يحدد لى المنسوب لاقيتهم قاعديين بيلعبوا زوما ( اللعبة الشهيرة) وقالوا لى بغلاسة وقلة زوق ممنوع حد مننا ييجى معاك قولتلهم طب يعنى اشتغل ازاى ف ردوا لو قدامك بلاعة صرف احسب حساباتك عليها . رحت الموقع وانا مخنوق من الرد والمعاملة ولاقيت فعلا البلاعات بس فيه بلاعات منخفضة وشوية اعلى وبعضهم بغطاء وبعضهم لا وفضلت اروح واجى شوية حلوين لحد ما قبلت مقاول هناك شغال بالخبرة وقاللى اعمل ايه بعيد عنهم . مرت مشكلة المنسوب والله اعلم نصيحة الحاج ده صح ولا لاء لانه طبعا مش مسئول او على الاقل كلامه مش موثق ولاقيت حاجات كتير جابت لى احباط من اول يوم شغل زى مثلا الالوان كل واحد مديها لون على مزاجه اصفر فاقع فى اخضر واحمر شوية فى بيج وبنى على لبنى وازرق ومنظر مؤذى واللى جنبه درجة لون مختلفة والوان عجيبة وبيئة طحن والناس حفرت ورمت ناتج الحفر ع اللى جانبها واللى يقلق كمان لسة مفيش مرافق لا ميه ولا كهربا ولا رصف ولا اطرق ممهدة زى ما اتقال فى الاول من قبل المسئوليين فى وسائل الاعلام المختلفة ولا عارفين جدول زمنى معيين لدخول المرافق دى ومحدش عارف حاجة كله بيبنى وخلاص اهم حاجة المقاسات عشان الدعم وبس ده بخلاف الدعم اللى لما سالت جيرانى اللى سبقونى قالوا انه بيتاخر بالثلاث اربع شهور بعد المعاينة ولازم اتابع الشغل بنفسى عشان المقاولين والشركات اللى بتسرق وتنصب وانا ما افهمش حاجة فى المعمار..... واسف انى طولت عليكوا بس ده لسة فى حاجات كتير تعكنن انا اختصرتها من الحوار . المهم انى زعلان عشان انا مش هاعمل اليافطة اللى كنت ناوى اعملها وكان نفسى بجد والله اعملها