احلى اسرة واجمل منتدى

[هاني عبد المنعم]

الله يرحمك يا جمال كل مدخل موضوع من موضوعاتك اتحسر اني معرفتكش من زمان
كنت انسان جميل انسان طاهر وبريء زي الاطفال لك قلب اصفى من الصباح وارق من النسيم
قلب حب الخير والحب والجمال
الله يرحمك يا جمال الله يرحمك يا حبيبي
*****
كنت بينهم اب ليهم اخ ليهم
زي قلب يخاف عليهم

قلب اصفى من قلوب العاشقين من قلوب الطيبين

دا انت كل العاشقين
يا ابن السنين المجروحين
يا ابن الليالي الغدارين

اللي ساب في قلوبنا ذكرى احلى ذكرى
اوعى حد يقولي مات دللي مات
اللي اصله من سكات
وانت معرفتش سكات

لسه صوتك بين ضلوعنا حبو بعض
ايد تطبطب فوق جراحنا ااوعو يوم تبعدكو ارض
عاش جمال كل الجمال
اللي سايب في القلوب دي حب عايش من سنين
سابها غارقه في الحنين
لليالي المسروقين

كنت دنيا من الامان
كنت بحر من الحنان
لما يعلى الموج عليهم كنت ام وكنت اب
كنت فجر ابيض وحب
كنت نور لما ليل الدنيا يقسى
لما نتجرح بقسوة
لما ليل الغربه طال
الله يرحمك يا جمال
*****
عايز كمان اقول ان المتتدى ده فيه ناس كتير زي جمال بﻻش نضيعهم
القلب الكبير خلود
الانسان اللي بيحب كل الناس محمد المصري
الفنان اللي كله رقه وتواضع حاتم
فراشة الفجر الجميله قمورة
دنيا الفن والخيال اللي طايرة في السما نوران
الشاعرة الثائرة
ليون المميزة في كل شيء
اميرة حبي انا اللي صوتها بينا صوت جميل
شعراءنا الكبار
شاعراتنا الجمال
اعضاء المنتدى اللي غايبين
قريت كتير في المنتدى قبل مكتب اي حاجة لقيت اسرة جميله وناس طيبه
ندمت اني معرفتهمش من زمان بس يللا اللي جاي ان شاء الله احلى من اللي راح

[خلود]

https://encrypted-tbn3.gstatic.com/images?q=tbn:ANd9GcRLX4b3n6KOYeuWaO_PH0FhgOqssyRig 9zqXARdBdNOeSKExVVr
بدايه قويه جدا لك بقصيده عجبتنا كلنا

ودلوقتى وبسرعه جميله قدرت تعرف كل اعضاء المنتدى وتحبهم كمان

اما قصيدتك عن جمال فهى مش عارفه اوصفه ازاى ومافيش اصلا كلام ييوفيك حقك ابدا

بجد حسيت انى عايزه ابكى من حلاوه كلامك ياهانى

كأنك عشت معانا وعرفته هو كان كده فعلا اب وام واخت وصديق غالى

الله يرحمه ويجعل مثواه الجنه

قد ايه محتاجينه الايام دى فعلا

اشكرك على كلامك الجميل عننا كلنا ويارب تتجدد الايام الحلوه معاك ومع باقى اعضاءنا اللى بتمنى ميغيبوش عننا ابدا


http://imagecache.te3p.com/imgcache/da8c497b787147f4e7990ed50f6bf403.gif

[خلود]

ولانه من كتاباتك يااستاذ هانى اسمح لى انقل موضوعك لقسم بقلم الاعضاء

تحياتى لك

[يسرى السيد]

رحمة الله على رجل يعيش فينا
بكل كلمه كتبها

[lionking]

الله يرحمك يا جمال

تسلم ايدك يا هاني

كلمات جميله ورائعه فعلا كانك كنت عايش معانا وعرفتنا عن قرب

لو كنت عرفت جمال كنت هتبدع وتقول اكتر واكتر

بجد تسلم ايديك وعايزين ابداعات اكتر منك ان شاء الله

[قموره]

الله يرحمك يااحلى واجمل اب واخ لنا كلنا

اكيد كلامك مظبوط ياليون

لو كان عرفه كان حبه اكتر من كده بكتير

لمسه وفاء من صديق جديد علينا فى المنتدى ولكنه بحاسه الشعر لديه استشعر مكانه جمال بداخلنا

اشكرك استاذ هانى واتمنى ان نرى منك الجديد دائما

[هاني عبد المنعم]

https://encrypted-tbn3.gstatic.com/images?q=tbn:ANd9GcRLX4b3n6KOYeuWaO_PH0FhgOqssyRig 9zqXARdBdNOeSKExVVr
بدايه قويه جدا لك بقصيده عجبتنا كلنا

ودلوقتى وبسرعه جميله قدرت تعرف كل اعضاء المنتدى وتحبهم كمان

اما قصيدتك عن جمال فهى مش عارفه اوصفه ازاى ومافيش اصلا كلام ييوفيك حقك ابدا

بجد حسيت انى عايزه ابكى من حلاوه كلامك ياهانى

كأنك عشت معانا وعرفته هو كان كده فعلا اب وام واخت وصديق غالى

الله يرحمه ويجعل مثواه الجنه

قد ايه محتاجينه الايام دى فعلا

اشكرك على كلامك الجميل عننا كلنا ويارب تتجدد الايام الحلوه معاك ومع باقى اعضاءنا اللى بتمنى ميغيبوش عننا ابدا


http://imagecache.te3p.com/imgcache/da8c497b787147f4e7990ed50f6bf403.gif




متشكر يا خلود كلك زوق ورقة بصراحة انا قريت حاجات كتير في المنتدى لناس كتير هنا حسيت بجو الاسرة والحب والناس المحترمة عشان كده قدرت اكون صورة شبه حقيقية عن الناس هنا وحبيتهم كلهم ونفسي اكون واحد منهم ربنا يقدرني يا رب
وعلى فكرة دي اول مرة اكتب فيها شعر عاميه يا رب يعجبكو

[هاني عبد المنعم]

ولانه من كتاباتك يااستاذ هانى اسمح لى انقل موضوعك لقسم بقلم الاعضاء

تحياتى لك



بصراحة يا خلود زوقك بيخليكي من النوع اللي الواحد يقلها اعملي اللي انتي عاوزاه هههه

[هاني عبد المنعم]

رحمة الله على رجل يعيش فينا
بكل كلمه كتبها




الله يرحمه وحبكم ليه يا فندم دليل انه من اهل الجنه شرفتي جدا ا. يسري

[هاني عبد المنعم]

الله يرحمك يا جمال

تسلم ايدك يا هاني

كلمات جميله ورائعه فعلا كانك كنت عايش معانا وعرفتنا عن قرب

لو كنت عرفت جمال كنت هتبدع وتقول اكتر واكتر

بجد تسلم ايديك وعايزين ابداعات اكتر منك ان شاء الله



متشكر يا ليون فرحان جدا ان كلامي عجبك واللي يعرفكو يحس انه يعرفكم من سنين يا ليون كلكم زي الكتاب المفتوح وقلوبكم بتنشروها بين حروفكم
عشان كده حبيت المكان ده وربنا يقدرني

[هاني عبد المنعم]

الله يرحمك يااحلى واجمل اب واخ لنا كلنا

اكيد كلامك مظبوط ياليون

لو كان عرفه كان حبه اكتر من كده بكتير

لمسه وفاء من صديق جديد علينا فى المنتدى ولكنه بحاسه الشعر لديه استشعر مكانه جمال بداخلنا

اشكرك استاذ هانى واتمنى ان نرى منك الجديد دائما




الله يرحمه يا قمورة
انا متاكد اني كنت هحبه اكتر وندمت اني ملحقتوش انا فعلا دورت عليه جوا كل قلب وبين كل حرف وده دليل الوفاء والطيبه فيكم يا قمورة
وانا متاكد ان ربنا هيرحمه بسبب حبكم ليه
مرور اقدره يا قمورة
متشكر

[محمد المصري]

الابداع له عنوان

وانت ابدعت قلت كلام جميل كان نفسنا نقولة ومش عارفين

بجد تسلم ايدك استاذ هانى

واتمنى متزهقش مننا وتسيبنا بعد شوية

[خلود]

ههههههههههههههههههههه

اه والله يامحمد

ربنا يستر وميزهقش مننا

بجد ياهانى وجودك اشاع جو جميل جدا داخل المنتدى فى فتره كنا كلنا محتاجين للجو ده

[حاتم جلال]

ايه ياعم هانى الداخله الجامده علينا دى

يابختك ياسيدى كل المديرين داخلين يشكروا فيك اهو

جتنا نيله فى حظنا الهباب

موضوعك تحفه ومستنى الاتحف والاجمل

[هاني عبد المنعم]

الابداع له عنوان

وانت ابدعت قلت كلام جميل كان نفسنا نقولة ومش عارفين

بجد تسلم ايدك استاذ هانى

واتمنى متزهقش مننا وتسيبنا بعد شوية





شكرا لمرورك الرائع ا. محمد
واللي يعرفكو بجد مش ممكن يمشي من هنا
ربنا يديم المودة والمعروف يارب

[هاني عبد المنعم]

ههههههههههههههههههههه

اه والله يامحمد

ربنا يستر وميزهقش مننا

بجد ياهانى وجودك اشاع جو جميل جدا داخل المنتدى فى فتره كنا كلنا محتاجين للجو ده


المكان اللي يجمع الناس المحترمة دول مش ممكن حد يزهق منه
شكرا يا خلود

[هاني عبد المنعم]

ايه ياعم هانى الداخله الجامده علينا دى

يابختك ياسيدى كل المديرين داخلين يشكروا فيك اهو

جتنا نيله فى حظنا الهباب

موضوعك تحفه ومستنى الاتحف والاجمل

اشطة يا عم حاتم كمان كلمتين حلوين زي دوله ويطردوني من المنتدى هههههههههههه
منور يا معلم والله