اتكلم انت

[خلود]

http://smiles.al-wed.com/smiles/42/100zz.gif
ح اسكت.. مقدرش اقول كل اللى ف نفسى عليك..

ح اسكت..واتكلم انت ..وقول اللى انا شيفاه ف عينيك..

يمكن كان متهيألى..ان انت وبس لايق لى..

يمكن احساسى خلق لى..اوهام بتطيّر عقلى..

واللى انا حساه مش حب..ولاشوق ولا فرحة قلب..

اتكلم انت وحدد..ليه قلبى عليك اتعود..

اتكلم..
وانا ح اسكت..



ليه اتغيرت ومش حاسه ولا بتأثر غير بيك..

وبقيت قلقانه ومش عارفه ليه دايما افكر فيك..

من بين الناس مش شايفه..
غير رسمك وبقيت خايفه..

تفضحنى اللهفه عليك..ويبان من شوقى اليك..

واصرخ باللى انا حساه..واقول عاشقه وعايزاه..

ليه ببكى كل ماتبعد..
ليه قلبى عليك اتعود..

اتكلم..
وانا ح اسكت..



ح اسكت مش خوف م الناس..
اصل اتأكدت خلاص..

وعرفت انا حسه بأيه..

مين بيدارى الاحساس..



والخطوه الجايه عليك..

لو غاليه.. وليا فيك..

كلمنى كتير عن قلبك..واحكيلى ايه جواه..

كلمنى لانى بحبك..وانا قلبى مش لقياه..

انا ح اسكت وانت اتكلم..
يمكن منك اتعلم..

واعرف اجى اقابلك امتى..
والقاسى.. انا ولا انت..

ح اسكت..
واتكلم انت

[nouran_111]

الله الله الله
الله عليك خلود سلمت يمناك2500

[حاتم جلال]

وانا كمان هسكت لان بعد كلامك ده مافيش كلام خالص

جميله اوى يااستاذه

تسلم اختياراتك

[محمد المصري]

جامدة جدااااااااااااااااااااااااااااااااااااا

الله عليكى ياخلود

تسلم ايدك على كل حرف من هذة الكلمات

[خلود]

http://t2.gstatic.com/images?q=tbn:ANd9GcTmP1KKDYIMEpoRu6jNwy5k-unEc4BvHaW8DXkl8w5kX80X6s2Z



ربنا ما يحرمنى من ردودكم

ويخليكم لى كلكم

[هاني عبد المنعم]

الله على الجمال والرقه يا خلود
لما انتي تسكتي مين هيتكلم

[قموره]

جميله جدا جدا

يسلم النقل الجميل