لااخوان ولا مسلمين

[خلود]

اى حاجه ضد مصر بيعملوها..
اى كلمه تهز مصر يصدقوها..
اى كذبه تضر مصر بينشروها..
اى نار تحرق ف مصر يولعوها..
اى كارثه تأذى مصر يروجوها..
اى دوله تسب مصر بيعشقوها..
واللى بتساعد ف مصر بيشتموها..
واللى بتهاجم ف مصر يأيدوها..
اى ثروه ملك مصر بيسرقوها..
واى هيئه بأسم مصر بيحرقوها..
والاثار من كل عصر بينهبوها..
والحاجات النادره فيها بيخطفوها..
حتى مصر واللى فيها دمروها..
لما فشلوا يبقوا سلطه و يحكموها..
الفراعنه جملوها..
خططوها واسسوها..
ويا مينا.. وحدوها..
والحضاره شيدوها..
واعتدى الهكسوس عليها..
يومها احمس خد ايديها..
والتتار زمان سابوها..
لما فشلوا يدخلوها..
واما ريتشارد غار عليها..
كان صلاح الدين حاميها..
واما لويس استهزاء بيها..
المنصوره سجنوه فيها..
الانجليز كام عاشوا فيها..بس يوم رحلوا وفاتوها..
لما ناصر شب بيها..يومها ناس مصر افتدوها..
واليهود لما اغتالوها..
كت جنودهم اسرى فيها..
وانتوا جايين تخدعوها..
تقسموها وتبيعوها..
ياللا دى يلعن ابوها..
دى غنيمه..حللوها..
وهبه ياللى تشتروها..
انتوا ايه يامظلمين..
انتوا ايه يامجرمين..
ملكوش ابدا مله ودين..
ولا اخوان..
ولا مسلمين

[يسرى السيد]

الله عليكى ياخلود

بس عايز اقولك
لايدمروها ولايحرقوها
دى جماعه ارهابيه ملعون ابوها
مصر مناره للامم
والامم موجوده اسالوها
لا اخوان ولا خرفان
هيقدروا يهزوها
دا ربى حافظها
وفيها رجاله يحموها

[خلود]

اكيد فيها رجاله زيك يايسرى يحموها ويدافعوا عنها ويوهبوها حياتهم

يارب عدى محنتنا على خير

شكرا لوجودك فى الموضوع يايسرى ويارب دايما الاقيك

[nouran_111]

تسلم ايديكى خلود
انا تعبت أقول نفس الكلام
اقرأو يا التاريخ يا بشر تعرفوا مصر هى أيه
هى مقبرة للظالمين
2502

[حاتم جلال]

هما لا اخوان ولا مسلمين ولا يعرفوا من الاسلام حاجه خالص

جميله جدا وجميله اضافه وتعليق استاذ يسرى

والاخت نوران

سعدت بروعه اختيارك

[محمد المصري]

من هنا من قلب مصر

فى كل يوم وفى كل عصر

لا عمركم هتعرفوا تدمروها

مصر ليها اهل اصل

مصر دى ام البلاد

ولا عمركم هتعرفوا تدمروها