المساعد الشخصي الرقمي

مشاهدة النسخة كاملة : عضو جديد بنادي 6 أكتوبر


محمد كمال
12-03-2010, 03:00 PM
انا مشترك جديد بنادي 6 اكتوبر

ممكن احد اعضاء النادي الافاضل

يقول لي افضل استفادة من النادي

ممكن تكون ازاي واعمل ايه علشان

اتعرف على النادي بشكل عام لأني

سألت عن كتاب استرشادي يشرح

اقسام النادي وكيفية الأشتراك والرسوم

فلم اجد اي شيئ وتوقعت عند سداد الرسوم

اني الاقي اي ارشادات اي تعريف بالنادي لكني

فوجئت بأني سددت الإشتراك واخدت كارنية

بدون ما اعرف اي معلومات عن النادي من الداخل

وخاصة ان عندي اطفال وبجد مش عارف اعمل

ايه يا ريت احد الأعضاء القدامى يفيدنا في هذا الأمر


و اشكركم على افتتاح هذا القسم الجديد في المنتدى
وليد عبد الحميد
12-03-2010, 04:16 PM
نشكر الاستاذ محمد كمال لاستخدانة منتدي النادي
و نتمنى ان نجيبه عن سؤاله
بالنادي العديد من الالعاب اهمها و الاكثر اقبال من الاعضاء
السباحة - الكاراتيه - كرة القدم - ثم يوجد بالنادي العاب - الجمباز - الخماسي الحديث - كرة السلة - كرة السرعة - الكنغو فو - التنس - تنس الطاولة - شطرنج - العاب القوى - ركوب الدراجات - الباتيناج - كرة اليد - الرياضة للجميع
يمكن لاطفال حضرتك الاشتراك في اي لعبة من هذه الالعاب
يوجد مدارس و اشتراكها تقريباً 50 جنيه او 70 جنيه في الشهر 8 حصص حسب اللعبة و يوجد برايفت او اكاديميات و ده ب 300 جنيه في الشهر 8 حصص
يوجد بالنادي نادي صحي و جيم للرجال و السيدات مواعيد حمام السباحة من 11 ص الى 4 م فقط للاعضاء و يوم الاحد و الثلاثاء للسيدات
وليد عبد الحميد
12-03-2010, 04:19 PM
اسف نسيت
يوجد بالنادي فروسية
بس معرفش عنها حاجة علشان كل شوية يتغير المسئول عنه بس اعتقد انها ب 350ج في الشهر 6 حصص تقريباً
و يوجد ايضاً اسكواش
و برده
معرفش عنه حاجة
محمد كمال
12-03-2010, 04:41 PM
شكراً لحضرتك استاذ وليد

بس في الحقيقة انا بعد

ما اشتركت حسيت بنوع

من التقصير تجاه الاعضاء

الجدد وكان واجب على

ادارة النادي انها تعمل كتيب

صغير للأعضاء الجدد تعرفهم

فيه حقوقهم وواجباتهم وانشطة

النادي بالتفصيل وكيفية الإشتراك

فيها ورسومها وكل المعلومات

عن نادي 6 أكتوبر واشكرك مرة تانية
وليد عبد الحميد
12-03-2010, 11:12 PM
انا بصراحة مش عايز اصدمك
بس مين اللي شار عليك بالنادي دة؟؟
عموماً هو مش بيهتم بالاعضاء الجدد زي ما حضرتك قلت
و ايضاً لا يهتم بالاعضاء القدامي
حضرتك بتتكلم عن كتيب او معلومات ؟؟
هما عايزين حضرتك تتعرف بالنادي لوحدك :50 (8):
عموما لو احتجت اي حاجة انا تحت امرك
محمد كمال
13-03-2010, 12:55 AM
اشكرك على اهتمامك يا استاذ وليد
عادل ادريس
13-03-2010, 01:41 AM
ألأستاذ محمد كمال
أولآ مبروك علينا انضمامك الى أسرة نادى 6 اكتوبر واتشرف ان اضيف على ماقاله ألأخ وليد عبد الحميد
اذا كان اطفالك سنهم فى حدود العشر سنوات او اقل من الممكن ان تشترك لهم فى اى لعبه رياضيه لأستنفاذ طاقاتهم بالمفيد لهم
اما اذا كنت تحب المشاركه الفعاله فيمكنك ألأشتراك فى أحدى لجان النادى وهى على سبيل المثال اللجنه ألأجتماعيه واللجنه الثقافيه ولجنة الشباب واللجان الرياضيه بمختلف انواعها وكذلك يمكنك ألأشتراك مع فريق الرياضه للجميع لمن يكون عمره فوق ال35 سنه وألأشتراك فيها مجانى ونرحب بك لنلتقى معآ على تراث المبنى ألأجتماعى يوم الخميس من الساعه الثامنه حتى الحاديه عشركل اسبوع لتعرف الكثير عن أنشطة النادى وللتعارف واخيرآ لك تحياتى . عادل إدريس م/ 0126497650
محمد كمال
13-03-2010, 02:10 AM
ألأستاذ محمد كمال
أولآ مبروك علينا انضمامك الى أسرة نادى 6 اكتوبر واتشرف ان اضيف على ماقاله ألأخ وليد عبد الحميد
اذا كان اطفالك سنهم فى حدود العشر سنوات او اقل من الممكن ان تشترك لهم فى اى لعبه رياضيه لأستنفاذ طاقاتهم بالمفيد لهم
اما اذا كنت تحب المشاركه الفعاله فيمكنك ألأشتراك فى أحدى لجان النادى وهى على سبيل المثال اللجنه ألأجتماعيه واللجنه الثقافيه ولجنة الشباب واللجان الرياضيه بمختلف انواعها وكذلك يمكنك ألأشتراك مع فريق الرياضه للجميع لمن يكون عمره فوق ال35 سنه وألأشتراك فيها مجانى ونرحب بك لنلتقى معآ على تراث المبنى ألأجتماعى يوم الخميس من الساعه الثامنه حتى الحاديه عشركل اسبوع لتعرف الكثير عن أنشطة النادى وللتعارف واخيرآ لك تحياتى . عادل إدريس م/ 0126497650


أشكرك يا أستاذ / عادل

ويشرفني التعرف على حضرتك

وان شاء الله هكون موجود في النادي يوم الخميس الساعة 8 مساءاً

وهسجل تليفون حضرتك وباذن الله يكون في بينا اتصال قبل الخميس
وليد عبد الحميد
13-03-2010, 09:52 AM
اهلاً بالاستاذ عادل ادريس العضو النشط بالنادي
و اتمنى ان يفيدنا بالتعليق و ابداء الراي
م. صبري النجار
17-03-2010, 09:28 PM
الأستاذ / محمد كمال
مرحباً بك معنا في نادي مدينة 6 أكتوبر
مما يدعو إلى السرور أن نادينا هذا شهد اجتماعات لأعضاء أندية اخرى مثل الأهلي، وقد عبروا عن إعجابهم بمساحة النادي وحدائق النادي وتنسيق النادي

ولكني أرى أنه لايزال في حاجة إلى تطوير ، وإن شاء الله بتوفيق الله ثم بجهد اعضاء الجدد الممتلئين بالحماس للنادي، سينصلح حاله
مهندس / صبري النجار
محمد كمال
17-03-2010, 10:53 PM
اشكرك يا استاذ / صبري

على ترحيبك بي كعضو جديد في النادي

وان شاء الله يسعدنا التعرف على حضرتك

ونتمنى للنادي وللمدينة بشكل عام مزيد من التطور والرقي
محمد كمال
18-03-2010, 04:50 PM
الموضوع يحتاج الى دعوى امام مجلس الدولة
eng_elm
30-04-2010, 03:27 PM
الساده الاعضاء الافاضل كنت عاوز اعرف اشتراك النادي كام و ايه شروطه ؟؟؟؟؟؟؟؟؟؟؟؟؟؟؟
وليد عبد الحميد
30-04-2010, 09:34 PM
اشتراك النادي الان ب 45000 جنيه للمؤهل العالي و سوف يكون 60000 العام القادم
و مفيش شروط على ما اعتقد
حضرتك بتشتري استمارة و تملاها و تدفع يا باشا
و فيه تقسيط لو تحب
بسكوتة بالعسل
10-06-2010, 03:31 PM
السلام عليكم و رحمة الله
انا عضوة جديدة في النادي من شهر يناير تقريبا
النادي ظريف مش وحش علما باني مشتركة في نادي الزمالك و بالمقارنة فنادي 6 اكتوبر يعتبر جيد جدا
يمكن عشان انا جديدة أكون مش فاهمة حاجة ؟؟؟؟
بس انا حاسة انك يا استاذ وليد متحامل شوية ع النادي
انا و جوزي بندخل النادي بعربيتنا الفخمة و محدش بيفتح الباب على مصراعيه زي ما قلت بالعكس
لازم نستنى لما نطلع الكارنيه كمان اولادي 5 و7 سنين بيسألوا عن كارنيهتهم
و خاصة لما بندخل البسين
الامن في كل مكان في النادي و ده بيخليني مطمنة على ولادي مش عشان خايفة يتوهوا ولا حاجة لا عشان امانهم الشخصي
ولادي مشتركين في السباحة و الكباتن معاهم كويسيين و بيراعوا ربنا في التدريب
يعني انا حاسة اني مش عايزة حاجة اكتر من مكان نضيف و كويس ولادي يقدروا يلعبوا فيه فالبتالي شايفة انه كويس
الحاجة اللي مضيقاني شوية انه فيه مستويات تحت الطبقة المتوسطة بلاقيهم هناك فالبتالي باقول يا ريتني
كنت اشتركت في نادي دريم أحسن لأنه تقريبا بنفس السعر بس لما رحت دريم حسيت ان الناس متكلفة زيادة عن اللزوم
لدرجة انها هتفرقع من كتر التكلف و انا مش عاوزة ولادي يحتكوا بالمستوى ده
و اخيراانا حاسة ان النادي ظريف لاني عارفة انا عايزة ايه من النادي و بالتالي باحصل عليه
اما الحفلات -( فالحمد لله _شفينا من هذا المرض ) -و الجوايز و الذي منه فمش بيهموني في شئ
محمود التهامي
10-06-2010, 07:52 PM
النادي ظريف مش وحش علما باني مشتركة في نادي الزمالك و بالمقارنة فنادي 6 اكتوبر يعتبر جيد جدا


ملاحظة ع السريع

اعتقد ان اي نادي او مركز شباب او حتى ساحه شعبية
هتكون احسن من نادي الزمالك
حتى مركز شباب زينهم
ههههههههههههههههههههه
بسكوتة بالعسل
10-06-2010, 08:15 PM
أكيد عندك حق
بس ده ما كنش حاله زمان
محمد كمال
10-06-2010, 10:37 PM
أكيد عندك حق
بس ده ما كنش حاله زمان


نورتي النادي يا بسكوتة العسل

و فعلا نادي 6 أكتوبر نادي رائع

و يتميز بالطابع الإجتماعي و الأولاد بيكونوا في امان

و متوافر فيه تقريباً كل الألعاب الرياضية

و ان شاء يكون في تطور اكبر في المرحله القادمة
بسكوتة بالعسل
13-06-2010, 12:36 AM
شكرا يا استاذ محمد ع الترحيب
زهرة الياسمين
20-10-2010, 07:34 AM
أنا عضوة جديدة من سنتين فى النادى والحقيقة انا بحب النادى جدا

ولقيت فيه متنفس حقيقى لى ولجوزى وللولاد

كفاية قعدة بليل وسماع ام كلثوم فى الهوا

أنا خارج مصر وباجى شهر واحد فى السنة

والحقيقة طول الشهر ده بكون فى النادي هو محتاج بس شوية اهتمام وتطوير وهيبقى تمام

تحياتى لكم جميعا
lionking
20-10-2010, 04:17 PM
أنا عضوة جديدة من سنتين فى النادى والحقيقة انا بحب النادى جدا

ولقيت فيه متنفس حقيقى لى ولجوزى وللولاد

كفاية قعدة بليل وسماع ام كلثوم فى الهوا

أنا خارج مصر وباجى شهر واحد فى السنة

والحقيقة طول الشهر ده بكون فى النادي هو محتاج بس شوية اهتمام وتطوير وهيبقى تمام

تحياتى لكم جميعا



فعلا زهرة الياسمين
النادى محتاج شوية اهتام وهيكون تحفة
وبجد انتى منورة المنتدى والنادى
زهرة الياسمين
20-10-2010, 07:55 PM
أشكرك يالاين ده بس من ذوقك ورقتك
محمد كمال
26-10-2010, 11:53 PM
انتي نورتي المنتدي
و نورتي الموضوع يا زهرة الياسمين
النادي فعلاً روعه كمكان وموقع
لكنه زي كل حاجة في مصر
عايز ناس تحب البلد وتشتغل صح
وان شاء الله النادي مستقبله رائع
خاصة لو انضمت ليه قطعة الأرض المتنازع عليها
زهرة الياسمين
27-10-2010, 07:57 AM
[QUOTE=محمد كمال;71255]
انتي نورتي المنتدي
و نورتي الموضوع يا زهرة الياسمين
النادي فعلاً روعه كمكان وموقع
لكنه زي كل حاجة في مصر
عايز ناس تحب البلد وتشتغل صح
وان شاء الله النادي مستقبله رائع
خاصة لو انضمت ليه قطعة الأرض المتنازع عليها
[/QUOT


أشكرك أستاذ محمد
فعلا موقعه مميز جدا أنا ساكنة قريب منه
والقعدة بليل تحفة مع صوت ام كلثوم والطرب الجميل

ومستنيين إنه يبقى أكبر وأجمل لأنه متنفس جميل