المساعد الشخصي الرقمي

مشاهدة النسخة كاملة : مفيش دليل ؟؟


ابو اسامه
15-10-2012, 12:27 AM
مفيش دليل ؟؟
القاضي قال مفيش دليل
أنا الدليل ..


أنا الدليل ..
أنا الدم اللى سال ع الأرض
ما استكفِـت ..
أنا العين اللى صابها الغدر
و اتصفِّـت ..
أنا الأم اللى حرقوا فؤادها ع الغالى
و لبست شال محنِّى بدمه و اتدفِّـت ..

أنا الدليل ..
أنا المخنوق ب سم الغاز على الكوبرى ..
أنا المضروب ب مِية خرطوش على ضهرى ..
أنا اللى العمر راح محنة ورا محنة ..
و قلت شاريكى ولا مرة نفَد صبرى ..

أنا المجنى عليه و اليوم بقيت جانى ..
واللى قتلنى برئ و عيونه ناكرانى ..
خرجوا الديابة من القفص أحرااااار ...
و انا اللى لسه سجين محبوس ف أكفانى ..

يا نكسة كات ف التاريخ و اليوم بقِت وكسة ..
يا قلوب و متلونة بالغدر و الخِســة ..
لو كنتوا فاكرين حلمنا ممكن يموت ..
متفرحووووووووووش متفرحوش ..
نار القصاص والدم هيشتعل لسه
خلود
15-10-2012, 01:40 AM
كل ده ومافيش دليل

حاجه بجد تجنن والله ياابو اسامه

تسلم اختياراتك الجميله

وحشتنا اشعارك ووجودك فى المنتدى
fagrmasr01
15-10-2012, 04:03 PM
تسلم اختياراتك الجميله

روعة ياابو اسامه