أنا زهقت من السياسة! أقدم لكم طريقة عمل سلطة الفواكه

[خلود]

لا حديث يعلو فوق صوت الدستور الجديد وال 100 يوم ومشروع النهضه و مناوشات هنا وتهديدات متبادلة هنا وصراخ في الفضائيات يقابلها تحليلات استراتيجية ونقاشات حادة بين كل الناس وكله مضروب في الخلاط والناس في الشارع واقفة تضرب كف بكف فالأزمات كثيرة تحتاج للعمل وليس للخناق فالوضع الاقتصادي لا يخفى على أحد حتى لو كان هشام قنديل وعد ينورها لنا فالشعب يخرج من جوحضيرة البنزين لينغمس في البلطجية ولا يعرف كيف يهرب لأن النقل العام فيه إضراب والعربيات ما فيهاش بنزين ومظاهرات هنا واعتصامات هناك اطباء ومستشارى قضايا الدوله ومعلمين ومحدش عارف مين رايح فين.

https://lh5.googleusercontent.com/-eA2vt183QIY/T2q0Xry4DQI/AAAAAAAA0eI/XlCC7TRouL4/w236/how%2Bis%2Bit.gif

لذا قررت أن أترك كل تلك الضغوطات قررت التوقف عن الحديث عن أحوال البلد لأنكم باين عليكم زهقتم من كتر المشاكل لذا قررنا نحن في يومه وتاريخه تغيير الصنف "صنف الكتابة يعني http://www.ikhwan.net/forum/images/smilies/biggrin2.gif" لأقدم لكم أحلى وصفة لعمل سلطة فواكه تضم جميع أطياف الفواكه دون استثناء بس توزيع "نسب" الفواكه لازم تكون على حسب "مزاج" صاحب القرار الأصلي يعني واحد نفسه تكون السلطة كلها موز موز موز أطلع أنا أقول له لأ خليها كلها برتقال برتقال برتقال خلاص الرأي واضح ومش محتاج حد يغير رأيه.


المهم عشان تكون السلطة طويلة العمر يجب اختيار الفواكه اللي أنت عاوزها بعناية شديدة عشان تكون متوافقة مع بعضها عشان ما تطلعش سلطة نشاز وبالتالي المستقبل هيكون سواد وهتقلب بإسهال مما يفقد الجسد الكثير من موارده التي يحتاج لها حيث قد تضطرب المعدة ويعلن القولون الإضراب لحين الحصول على حقه في الأنتينال مما قد يؤدي للجسد بالمرض الشديد.

https://lh4.googleusercontent.com/-cpXWaGPAZPM/T2-5QQK7OcI/AAAAAAAAO4M/P2__Y55P3ak/w384/35.gif

بعد اختيار الفواكه توضع الفواكه بعد تقطيعها في طبق واسع كبير ليس عليه قيود تمنع من تهوية السلطة وفي النفس الوقت به من سبل الحماية السلطة من أي شخص يحاول إضافة بعض الفواكه على حسب مزاجه سواء من باب الرخامة أو طمعان في السلطة فالسلطة ملك لك وحدك ولو لقيت اللي عاوز ياخدها منك قل بأعلى صوت

http://4.bp.blogspot.com/-Cuu9JFOPutw/TW-pQIt28YI/AAAAAAAAAJc/z68G7PmWCHk/s1600/shout.jpg

"ما باتهددش"

https://lh6.googleusercontent.com/-tI26hJlmOb4/T2a1z0ugoNI/AAAAAAAAzoE/hBsPHGYZP8s/w326/nice%2Bkick.............gif