مطلوب بيت ابنى بيتك فى المنطقة الاولى او الثانية

[خالد السيد 2003]

مطلوب بيت ابنى بيتك فى المنطقة الاولى او الثانية بشرط ان يكون كامل البناء ليتم عمل التسجيل فى الجهاز
الرجاء عدم المغالاة فى الاسعار
0124748821

[علاء عثمان عقل]

للبيع قطعة 180 متر ناصية بـ 120 الف نهائي (http://www.vb.6ocity.net/showthread.php?t=12079)


قطعة 180 متر
علي ناصية
بالقطاع م
بالمنطقة 7
أمام جامعة نوال الدجوي
مطلوب نهائي (http://www.vb.6ocity.net/showthread.php?t=12079)120جم
والوسطاء يمتنعون

[علاء عثمان عقل]

عذرا 120 الف

[خالد السيد 2003]

شكر ارضك غالية قوى انا شارى فى المنطقة السادسة قطعة على ناصية على شارعين تسليم الثلاث مراحل مع السور والباب لسة الشهر دة على 110 والبائع برضة كان كسبان وبارك لية
بس حاليا انا عايز بيت مبنى ثلاث ادوار فى المنطقة الاولى او الثانية وجاهز على التسليم بالجهاز وسعر السوق

[elmasri]

الاخ خالد السيد انا مش عارف اشتريت ازاي بالسعر دة . انا البناء مكلفني 85 الف وبرضة ناصية تمن الارض 10.500 و خمس الاف جنية جسات علي تراخيص علي شوية تحابيش يبقي المجموع 100 الف تيجي ازاي ابيعها ب110 الف زي مانت قلت
كان صاحبها بانيها بورق جرايد ولا اية دة انا ياراجل اخدت اجازات بالعبيط من شركتي علشان اتابع البناء لحد ماكانو هايرفدوني وبعدين جهاز 6 اكتوبر مسعر الاراضي الجديدة ب1000 جنية المتر في ازبل منطقة ارجو الرد يا بية

[خالد السيد 2003]

السلام عليكم فى بداية الحديث ادعوا الله لك بالتوفيق بالسعر الا تريدة
اما بخصوص كلامى عن المنزل الا اشتريتة فعلا دة سعرة وفى منازل غيرة كثير بالسعر دة وارخص وموجودة فى مواقع كثيرة بالنت ادخل واعمل بحث فى جوجل وهتلاقى اسعار اقل بكثير ومتر اية الا بألف وجهاز اية الا مسعرة هوة رغيف عيش علشان الجهاز يسعرة ؟؟؟؟ البيع والشراء عرض وطلب وكل واحد يبيع بالسعر الا هوة عايزة والمشترى برضة عندة حرية الموافقة بالسعر او رفضة لان فلوسة فى جيبة ويشترى فى اى مكان اخر اما تكاليف البناء الا بتتكلم عنها واسعارها خاصة بيك انت وليس السعر العام
وفية واحد يكلف البناء كثيير وفية واحد بيبنى عادى بسعر اقل بكثير وفى النهاية ربنا يوفقك يا اخ علاء
اما بخصوصى انا بعمل صحفى وليس لى المعمار انا فقط بشترى للأولادى للاستثمار البعيد وربنا يوفق الجميع

[علاء عثمان عقل]

الأخ والأستاذ الفاضل/ خالد السيد.

السلام عليكم ورحمة الله وبركاته



أولا وقبل كل شيء ، أتمني لك كل توفيق

لتأمين مستقبل أبناء حضرتك بإذن الله





ثانيا: الحمد لله إن حضرتك مشتري مش سمسار

يعني الحوار والنقاش هيكون محترم ، مفهوش شتم وسب وتكفير

لمجرد الاختلاف في الرأي.

فإذا اضفنا إلي ذلك مهنة حضرتك العظيمة

يبقي أكيد الحوار هيزداد رقي.



وللاستفادة ومنعا للتكرار

أرجو من حضرتك قبل الرد أن ترجع لقراءة هذا الرابط

http://www.vb.6ocity.net/showthread.php?t=11721&page=1 (http://www.vb.6ocity.net/showthread.php?t=11721&page=1)





وهو موضوع باسم (نصيحة) علي قسم ابني بيتك

أتمني أن تقرئه للنهاية هو عبارة عن 9 صفحات

لكن فيه كل اللي ممكن حضرتك تقوله وأنا كمان





وبعيدا عن المقدمة

حضرتك قلت :

(وفى النهاية ربنا يوفقك يا اخ علاء )



يا باشا اللي كلم حضرتك الاخ/ المصري ، مش علاء

والله العظيم مش أنا



لذا أرجو من حضرتك التوضيح :

هل سبب إقحامي في الموضوع ، لان ذهن حضرتك مشغول بيا أنا ؟؟طيب وليه ؟؟

أم لاعتقاد حضرتك بأن الأخ المصري هو أنا أيضا ؟؟





وحضرتك قلت أيضا:

(ومتر اية الا بألف وجهاز اية الا مسعرة هوة رغيف عيش علشان الجهاز يسعرة ؟؟؟؟)



يا استأذنا الفاضل

اللي عايش في البلد دي

واللي ليه علاقة بالأراضي بتاعة الدولة

أكيد فاهم وعارف يعني أي الدولة مسعرة المتر في مدينة 6 اكتوبر



مسعرها معناها طبعا

إنها لما بتعرض أرضها للبيع بتحدد سعر للمتر

الكلام ده فيه إي مشكلة !!!!



وده بيكون في صورة

الأراضي اللي الدولة بتنزلها في القرعة غالبا

اعتقد الكلام سهل خالص

ومكنش المفروض يكون محور اهتمام

لان ثقافتنا وخبرتنا من هذا المشروع تتعدي ذلك بكثير





وفي هذا الصدد

اختلف مع الأخ المصري في المعلومة اللي ذكرها بخصوص سعر الأرض

وهذا الاختلاف يا أخ خالد



اكبر دليل

علي أنني لست الاخ الفاضل/ المصري



لإن الاخ المصري قد جانبه الصواب في هذه المعلومة

فسعر المتر الجهاز نزله في أخر قرعة في مدينة 6 أكتوبر



وتقدر تقرأ هذا الرابط

http://www.rosaonline.net/Daily/News.asp?id=66504 (http://www.rosaonline.net/Daily/News.asp?id=66504)



وفي النهاية نتمني لحضرتك التوفيق بإذن الله

[علاء عثمان عقل]

عذرا للاستكمال

بالنسبة لسعر المتر كان في القرعة 2500 جم بلا مرافق

بالنسبة للرابط علشان فيه مشكلة فهذا الخبر كان علي جريدة روزاليوسف ، وتقدر حضرتك تنسخ الرابط وتلصقه في صفحة برنامج المتصفح.
وللتسيهل فهذا هو الخبر:


إقتصاد (http://www.rosaonline.net/Daily/Category.asp?id=330) > أسعار أراضي قرعة الإسكان السابعة.. نار
كتب طه النجار (http://www.rosaonline.net/Daily/Author.asp?ID=291)

العدد 1505 - الجمعه - 4 يونيو 2010 (http://www.rosaonline.net/Daily/Issue.asp?date=6/4/2010)

لم يمنع الارتفاع الجنوني في أسعار القرعة السابعة للإسكان «فيللات - عمارات - شاليهات» التي طرحتها وزارة الإسكان في 7 مدن جديدة مؤخراً الأثرياء من التقدم للقرعة حيث شهدت فروع بنك الإسكان والتعمير زحاماً شديداً خلال الأيام الثلاثة الماضية هي موعد فتح باب الحجز وبلغ عدد المتقدمين عشرات الآلاف وفق تقدير البنك.

وكانت الوزارة قد طرحت 246 قطعة أرض متميزة منها 181 قطعة فيللات و65 عمارات و15 شاليها بـ7 مدن جديدة هي القاهرة الجديدة وأكتوبر والشيخ زايد والعبور وبدر والشروق ودمياط الجديدة الشهر الماضي وفتحت باب الحجز للتقديم بفروع بنك التعمير والإسكان اعتباراً من يوم الثلاثاء الماضي يونيه 2010 ولمدة شهر.

وكشفت مصادر مطلعة بوزارة الإسكان أنه سيتم إجراء قرعة علنية يدوية لتحديد الفائزين بعد عيد الفطر المبارك باستاد المقاولون العرب، فيما كشفت مصادر ببنك التعمير والإسكان أن يحصل البنك نحو 7 مليارات جنيه من هذه القرعة كجدية حجز من المتقدمين نظراً لارتفاع الأسعار الجنوني للأراضي والعدد الكبير المتوقع للمتقدمين الذي يقدر بأكثر من مائة ألف حاجز.

محدودو الدخل

وأكد المهندس أحمد المغربي وزير الإسكان والمرافق والتنمية العمرانية أن طرح هذه الأراضي يأتي في إطار حرص الوزارة علي تلبية طلبات جميع الفئات في الحصول علي قطع أراض بالمدن الجديدة وذلك عن طريق وسائل تحقق العدالة والشفافية، مشيراً إلي أن الوزارة تقوم بتوجيه عائد هذه الأراضي المميزة لتوصيل المرافق لعدد من قع الأراضي الأخري التي يستفيد بها محدود والدخل وأبناء الطبقة المتوسطة بأسعار مدعومة من الدولة.

في الإطار نفسه أكد اللواء عادل نجيب نائب أول وزير الإسكان لشئون هيئة المجتمعات العمرانية الجديدة أنه علي المتقدم سداد جدية الحجز للدخول في القرعة العلنية في أي فرع من فروع البنك وذلك للحجز في أي مدينة من المدن المعلن عنها وسيتم إجراء القرعة يدويا وعلنيا بحضور مسئولي جهاز المدينة ومسئولي بنك التعمير والإسكان والمواطنين المتقدمين للقرعة ومندوبي مجلس أمناء المدينة نيابة عن المواطنين الذين لم يتواجدوا وقت القرعة.

المقدمات

وأضاف نجيب: يتم رد مقدم الحجز للمتقدمين للقرعة ولم يقع عليهم الاختيار بعد إعلان نتيجة القرعة مضافا إليه الفوائد المقررة من خلال بنك التعمير والإسكان ومن يتم اختيارهم من خلال بنك التعمير والإسكان فعليهم استكمال سداد 10% مقدم حجز و1% مصاريف إدارية بالإضافة 1% لصالح مجلس أمناء المدينة من إجمالي ثمن الأرض وذلك خلال شهر من تاريخ إجراء القرعة أما باقي ثمن الأرض فيسدد خلال فترة لا تزيد علي 3 شهور من تاريخ إجراء القرعة وفي حالة عدم السداد في المواعيد المحددة يتم إلغاء الحجز نهائيا.

وعن المهلة المحددة للانتهاء من تنفيذ كامل أعمال البناء أكد النائب الأول لوزير الإسكان ضرورة تقديم المستندات اللازمة للحصول علي ترخيص البناء مستوفاة خلال 8 أشهر كحد أقصي من تاريخ استلام الأرض بينما يتم الانتهاء من الهيكل الخرساني خلال 18 شهرا من تاريخ صدور تراخيص البناء، أما الانتهاء من أعمال التشطيبات فيتم خلال الاثني عشر شهرا التالية من تاريخ انتهاء الهيكل الخرساني.

وقال نجيب: الأراضي المطروحة في القرعة كلها بمناطق مميزة فعلي سبيل المثال في مدينة القاهرة الجديدة توجد قطع بمناطق غرب الجولف والنرجس والبنفسج وزهرة اللوتس والتقسيم الجديد «غرب أرابيلا» وفي الشيخ زايد يوجد بالأحياء السابع والتاسع والحادي عشر بينما الأراضي المطروحة بمدينة العبور في مناطق التبة والحيين السادس والسابع أما في مدينة 6 أكتوبر فالمطروح أراض بمناطق غرب سوميد والحي المتميز والتوسعات السياحية الشمالية وفي مدينة الشروق بمنطقة حي نادي هليوبوليس.

الأسعار

وكشفت كراسات الشروط التي طرحها بنك التعمير والإسكان التي حصلت «روزاليوسف» علي نسخة منها احتلال مدينة القاهرة الجديدة لقائمة المدن الـ7 الأعلي سعراً حيث وصل سعر المتر فيها لبعض القطع إلي 5500 جنيه وذلك بسبب تميز القطع المعروضة لجوارها إلي مناطق النخبة والصفوة.

وجاءت مدينتا 6 أكتوبر ودمياط الجديدة في المركز الثاني بسعر 2500 جنيه وذلك لتميز القطع المعروضة بـ6 أكتوبر بجوارها إلي مناطق النخبة والصفوة أيضا في حين يرجع ذلك إلي ندرة الأراضي في دمياط الجديدة باعتبارها من أوائل المدن التي تم إنشاؤها في نهاية السبعينيات.

واحتلت الشيخ زايد المركز الثالث بسعر 2100 جنيه للمتر تلتها العبور بسعر 1400 جنيه للمتر ثم الشروق 1300 جنيه واحتلت مدينة بدر المركز الأخير لسعر المتر في المدن السبعة المطروحة بها الأراضي بسعر 600 جنيه للمتر.

[خالد السيد 2003]

يا استاذ علاء كلنا عارفين كويس كلام الصحافة فية فرقعة صحفية لتضخيم المواضيع انا عندما احب اشترى بنزل ارض الواقع واشوف المكان بكافة ظروفة وووسطة وبالسعر المتداول فى السوق وبعدين من حكم فى مالة ماظلم انت حر تبيع بالسعر الا انت عايزة لكن المشترى لة الحرية ان يشترى فى المكان الكويس والسعر الكويس وليس لك حكم على المشترى او البائع انت عايز تبيع خلاص انت حر فى السعر الا انت شايفة من وجهة نظرك وربنا يوفقك
فية والمشترى حر ايضا وصدقنى الا بيحاول يضمع اكثر من اللازم فى السعر عمرة ما هيبيع ولا حد هيشترى منة عايز تكسب انت حر اتركها 5او 10 سنوات بطبيعة الحال هيزيد سعرها زبها زى اى حاجة ثانية
وخلى بالك من نقطة مهمة الاسعار لن ترتفع اكثر من ذلك ولمدة طويلة لان العقار ارتفع اكثر من مرتين فى اربع سنوات وتضاعف سعرة وكل سنة وانت طيب
مصر والحمد الله فيها الوف العمارات والشقق الخالية فى جميع انحاء مصر وانشاء الله مش هتتباع من طمع التجار والمقاولين والبقاء للاصلح والاجود والارخص
واهم هدف فى الضريبة العقارية هية على الشقق والعمارات الخالية الا اصحابها بيعملو لها تسقيع خلاص يا اخ علاء احنا اسعارنا حاليا وصلت اعلى حد
واعلى من كدة لاحد هيشترى ولا حد هيبيع
ودة رأيي الشخصى
والتوفيق للجميع

ملحوظة القرعة الاخيرة لم يشترى فيها احد ودية حقيقة وانا واحد من الناس اشتريت كراسة الشروط ورمتها فى الزبالة لان سعر السوق كان ارخص بكثير
وكان شغل استهبال علشان يلمو 50 جنية على الكراسة شوف كم كراسة اتباعت

[خالد السيد 2003]

العرض مازال قائم مطلوب بيت مبنى ثلاث ادوار فى المنطقة الاولى او الثانيى
0124748832

[خالد السيد 2003]

وطبعا دة عرض من العروض الا على النت ولكن طبعا سعرة غالى

اللهم استرنا فوق الارض وتحت الارض ويوم العرض عليك


فرصة رائعة لن تتكرر بارقى مواقع ابنى بيتك بالمنطقة الثانية قطاع ج قطعة رقم 828


بجوار حى الاشجار والفردوس وبجوار المتحف الكبير



منزل مساحة 150م مبنى ارضى واول نصف تشطيب


امامها منطقة خدمات بموقع ممتاز والسعر لا يصدق 160000نهائى


نحن نتميز فى عروضنا عن الاخرين
واسعارنا بلا منافس


لمزيد من التفاصيل يرجى الاتصال على الارقام التالية


38308664/0185010285/0118762624


او التواصل معنا على /[email protected]


وسوف يقوم بالرد على حضراتكم ا /محمد حسن


مقر الشركة /الحى السادس شارع الاخبار ع 2 اتش


شعارنا صدق فى الكلمة امانة فى المعاملة


مع تحيات شركة الصفوة للتسويق العقارى

[خالد السيد 2003]

وطبعا لو عايز اجيبلك عروض باسعار اقل بكثير
او ارسل ليك عقد البيت الا اشتريتة من قبل
انا فى الخدمة
ولما احب ابيع بينى يوما ما لازم اراعى كل شىء من المنطقة واسمها ومكانها ومساحة الشقة الا يدوبك تكفى بالقوة حجرة وصالة صغيرة واراعى الا بتسمى جنينة وماهى الا ممر
لازم نكون واقعين فى البيع والشراء
الا بيشترى البيت بيحسبها 3 شقق بدون تشطيب المساحة 75 فى منطقة اقتصادية
شوف تسوى كام الشقة وتشطيبها بكام
وانا انصحك بعدم البيع قبل 5سنين على الاقل علشان تحصل الثمن
ولا يمنع ان بعض الشباب الا بيهرج ويقول القطعة ب600 و500الف طبعا ولا حد بيعبرهم الا اذا كان انسان مش طبيعى اى متخلف علشان يرد حتى عليهم
السوق لايحب الخيال والمزاح لازم الواقعية علشان تتم عملية الشراء والبيع للعايز يبيع فعلا يكون واقعى
اما تقول المتر ب 1000 اى متر المبنى ولا الجنينة الاجبارية الا عاملة كأنها ممر صدقنى انا فعلا عندى بيت
وعايز اشترى 2 كمان لاولادى لاستثمار عشرة 15 سنة لان اولادى مازالو فى ابتدائى والله اعلم بالزمن ولكن احسن من فوائد البنك لاننى حاج بيت الله واخاف احسن يكون فيها نوعا من الربا الله اعلم
والله بدعيلك من قلبى يوفقك انت وجميع الشباب فى هذا الزمن الصعب ؟؟؟؟؟

[elmasri]

السيد الفاضل الصحفي معاك اخوك المصري
اول حاجة انا مصدقك في السعر اللي انت قلت علية ودة اسمة سعر الحريق لان فية سعرين للارض الاول وهو السعر الحقيقي
واللي شوية شوية بيظهر وهايستقر مع دخول الخدمات ولازلت اقول ان مترة يبدء من الف جنية والثاني سعر الحريق اللي بعض الناس دخلت المشروع بغرض بيعها من الاول باي سعر تحت شعار اي حاجة وهو انا شاريها اصلا او انا وش اراضي وبكرة يندم علي بيعها. تعالي بقي نتكلم عن السعر الاصلي لوسيادتك مشيت لحد مشروع دجلة بالمز اللي في المنطقة السادسة وسئلت عن الشقة هاتلاقي الشقة ال64 متر ب110 الف جنية (وال103 اللي بيقولو بتبدء منة دة اخر دور في اخر عمارة في المشروع) يعني معمار المرشدي مغفل لما يسعر الشقة باكتر من البيت دة كانت الناس مشيت زي مانت مشيت ويشتري لة بيت ملك لة احسن 100 مرة من الشقة اللي جيران الهنا هايسكونو معاه ويقرفوه في عيشتة في دفع الكهرباء والمياه و.. و.. .
انا معاك ان السعر في الاول كان غريب انا لما قدمت في المشروع واول ماارسلو لي جواب التخصيص لقيت السماسرة اتصلو بيا وعاوزين يشترو الارض مني بسعر 15 الف جنية تحت بند انت لسة هاتبني دة صحراء هانجيب الفلوس لحد عنك وانا مش عارف جابو التلفون منين .
بالنسبة للبناء انت مش عاجبك السعر اللي انا بنيت بية مع اني اصلا باشتغل في شركة مقاولات واي سعر يقل عن65 الف جنية(ليس ناصية ) يكون فية غش وادخل علي اليو تيوب واكتب سرقة مشروع ابني بيتك واتفرج علي تزريع العواميد والقواعد الفاضية والخرسانة البيضاء وكل دة تصوير فيديو واخيرا التوفيق للجميع

[MANOL]

شكرا
شقق للبيع (http://www.shof3qar.com)