حكايتك مع المرض

[خلود]

http://www.ahl-alsonah.com/up/upfiles/yX031832.gif
أيها المريض على السرير العريض.. طهور ما أصابك وكفارة ما نابك والله قد أجابك..


http://i151.photobucket.com/albums/s160/mohkamal/DSC00064.jpgده سرير المرض
اكيد اكيد معظمنا مر بحاله مرضيه او اجرى عمليه جراجيه ويارب يعافى الجميع ويبعد عننا المرض يارب دلوقتى بقى انا هقترح عليكم اقتراح اننا هنيجى هنا نقول حكايتنا ايه مع المرض ومع سرير المرض شعوره كان ايه واحساسه باللى حواليه كان ازاى وكل حاجه كل حاجه بقى مش هوصيكم بالتفاصيل معلشى انا بحب التفاصيل جدا مستنياكم كلكم

[fagrmasr01]

اللهم لك الحمد والشكر على عطاياك كلها خير
المريض فى عندية الله
((لو زرته لوجدتنى عنده))

والله هى المنحة .. هى العطية .. هى النفحات الربانية الجميلة .. هو المرض الذى يدعم أهم الجوانب فى الانسان .. الجانب الايمانى
جانب الرضاء بقدر الله
ففيه الاحساس برحمة الله العظيم .. فى كل لحظات المرض اجد نفسى مشغولا بذكر الله طالبا رحمته وعفوه .,. داعيا مبتهلا... راضيا شاكرا ..
ولى مع هذه النفحات الجميلة وقفات جميلة متكررة
بدأت الرحلة باانزلاق غضروفى اصابنى بشلل فى الساقين لفترة اقعدتنى سنتين .. منذ حوالى 25 سنة .. وشفانى الله عز وجل برحمته .. وكانت الرحمة والمنح الربانية فى مرضى وشفائى تشبه المعجزة ..
فمن الشلل وهبنى الله التحدى والرحمة وحولت مساار عملى الى عمل ادارى .. بدأت معه انطلاقتى الى عالم التدريب والتوظيف ونجومية بفضل الله فى عالم الموارد البشرية

اعتذر عن الاطالة .. برغم اننى اختصرت الكثير

ولمرضى الثانى مع السرطان قصة اخرى

[خلود]

شفاك الله وعافاك ياجمال

فمن خلال معرفتى بك اجدك من الصابرين الحامديه له فى السراء والضراء وعلى المرض وعلى الفرح اجدك متماسكا ضاحكا باسما

بالفعل انت من الشخصيات التى تستهين بالمرض لكى تواصل فلو احزنك مرضك واستسلمت له من الجائز ما كنت بيننا الان

انتظر باقى حكايتك ولا تختصر فنحن لا نمل من الاطاله ونعشق كل التفاصيل

[خلود]

انا ايضا لى حكايات مع المرض سوف اتى اليكم واحكيها قريبا جدا وانتظر مشار كه كل الاعضاء

[lionking]

شافاك الله وعافاك يا جمال

وان شاء الله ربنا يتم شفاك على خييييييير

[lionking]

ده احنا هنقول قواله فى الموضوع ده

هههههههههههههههههههههههه


ممكن ابدأ بحكايه بسيطه جداا عن تعب ابنى لما وقع فى الملعب من على العقله اللى فى التراك من على ارتفاع 2 متر والحمد لله نزل على راسه

جابوهولي ماشي على رجليه ومسكته لقيته بيقول انه دايخ ...... طلعت بيه ع العياده فى النادى قالولى عادى هيبقى كويس الا لو رجع تطلعى بسرعه ع المستشفى

وحصل فعلااا ورجع

جريت ع المستشفي وعملوا اللازم وقالولى عنده شرخ فى الجمجمه وارتجاج

طب يا جماعه ايه الحل ؟؟؟

يتحجز فى المستشفى

وفعلا اتحجز فى المستشفى ويا قلبى لا بيتكلم ولا بيتحرك

وكانت ليله صعبه عليا اوى لانى طبعا قضيتها معاه وكنت هتجنن كل ما اشوفه ثابت كده ومش بيتحرك ولا بيتكلم

بس الحمد لله عدت على خير واطمنا عليه وخرجنا بالسلامه

ربنا يبعد عنهم المرض يااااااااااارب ويشفى مرضانا جميعا

[خلود]

ربنا يسلمه من كل شر ويبعد عنه المرض ياليون ويخليه لك

الف سلامه عليه يارب

ولسه فى حكايات مستنين تحكيها ياحاجه

بلاش كروته

مش قلت لك بنحب التفاصيل

[lionking]

ههههههههههههههه

طب يا قمر انتى يلا احكيلنا انتى كمان حكايه من حكاياتك

بسرعه متتاخريش احسنلك

[خلود]

ااااااااااااااه ياليون انا الحمد لله لى حكاوى كتيره

الحمد لله على كل شئ

هحكى لك ياستى وبالتفاصيل كمان

[خلود]

بصى ياستى وانا لسه يادوبك 18 سنه ولى بنت اخت يجى 5 سنين كده وبنتمشى على كوبرى قصر النيل ومعانا مامتها ولانى كنت بحب البنت دى اوى هى بتجرى ونزلت من على الرصيف والعربيات بقى رايحه وجايه من خوفى جريت الحقها اتكعبلت معرفش فى ايه وقعت على ايدى اليمين اللى فيها العمليه الاخيره دى وجرينا على المستشفى وكانت ليله يابنتى

ياختتتتتتتتتتتتتتتتتتتى

تحاليل واشعات ولازم ولابد من شريحه

يادى الخيبه شريحه ومسامير

وعملت عمليه كانت فى ايدى بعد الكف بشويه

وكانت اول مره ادخل غرفه العمليات وربنا ما يورى حد

انهيار عصبى بقى وعياط ومولد ولميت على المستشفى كلها

هههههههه

وعملت العمليه وخرجت وبعد كده بابا جاب لى حد عمل لى علاج طبيعى فى البيت والحمد لله

كانت تجربه صعبه اوى ياليون

حقيقى المرض وحش جدا ربنا ما يورى حد


بس لقيت كل اصحابى واخواتى وقرايبى زعلانين علشانى اوووى لانهم تقريبا كده بيحبونى اووووووى

هههههههههه
راجعه لك بقى مع اخر عمليه فى نفس الايد

بس بعد شويتين كده

بس حد يجى يعمل فاصل ويحكى

[حاتم جلال]

شفاكم الله وعافاكم جميعا

موضوع جميل ولكنه مليان ذكريات مؤلمه

متعكم الله بالصحه والعافيه

[fagrmasr01]

والله برغم الالم .. الأمل موجود دايما فى فرج الله .. ودايما لازم يكون مزروع جوانا الأمل .. مهما كان حجم الألم .. وصدقونى والله مع التفاؤل والتمسك بالأمل بكون الفرج قريب اوى حتى لو كنا احنا شايفينه بعيد
أجمل دعاء مجربه انا والله للشفاء
رب انى مسنى الضر وأنت أرحم الراحمين

[قموره]

رب انى مسنى الضر وأنت أرحم الراحمين

جميل اوى دعاءك ياجمال وتفاءلك وكميه الامل بداخلك فى مكنتهى الروعه

يارب متعنا جميعا بالصحه والعافيه

[fagrmasr01]

ربنا يخليكى ويبارك لك يا قممورة ويمتعك دايما بكل الصحة والسعادة

[ام الاء]

شفاكم الله وعافاكم جميعا

متعكم الله بالصحه والعافيه