المساعد الشخصي الرقمي

مشاهدة النسخة كاملة : دعوى للم الشمل من جديد


ابو اسامه
14-09-2012, 03:47 PM
أحبائى : أنا جتنى فكره لو نعملها تبقى جميلة جدا ... عاوزين كل واحد وواحدة فى المنتدى يجيب معاه ضيف جديد فى خلال 3 أيام من السبت الى الاثنين .. يعنى قدامكم 3 أيام كل واحد مهمته يجيب حد جديد علشان نكبر المنتدى ونرجعوا أحسن من زمان ونبقى عيله كبيرة وهقولكم على فكرة جميلة جدا لو كل واحد من اللى موجودين فى المنتدى أخد رقم زى لعيبة الكورة والارقام دى تكون مسئولة من حد مثلا تكون مسئولة من الاستاذه خلود هى اللى تحط الارقام للاعضاء .. وعاوزين الخطوة الثانية لو وافقتوا عليها وهى كل عضو يسطب عنده أسكاى بى ونعمل اجتماع كل اسبوع كل الاعضاء مع بعض على الاسكاى أنا أقدر أجمع الكل على الاسكاى ونتكلم مع بعض ونعمل الاجتماع لمدة ساعة أو حسب ما نتفق عليه .. هيكون فيه حاجات جميلة جدا اللى عنده مشكلة ولا فكره يطرحا علينا وكل الاعضاء هيبقى سامعين .. ايه رأيكم .. ؟؟ أنا مستنى تعليقاتكم وردودكم .. مع أجمل التحيه والتوفيق .... أخوكم / أبو اسامه / عيسى الغندور ...
lionking
14-09-2012, 10:43 PM
والله الفكره مبدئيا كويسه بس مش عارفه امكانية تنفسذها

بس لابد من المحاولة طبعااااا
ابو اسامه
15-09-2012, 12:18 AM
والله مدام قولتى مبدئيا كويسه يبقى هتنجح الفكرة ولازم نحاول وان شاء الله هتنجح .. شكرا على مرورك الكريم .
ahmedabdelziem
15-09-2012, 01:42 AM
والله فكره جميله جدا
وانا عن نفسى موافق عليها
خلود
15-09-2012, 01:56 AM
هى اول الفكره جميله ياابو اسامه

اننا نجيب معانا ضيوف للمنتدى يزوروه يمكن يبقوا اعضاء ويانا

لكن النص التانى الخاص بالاسكاى بى بالنسبه لى احنا عندنا فى الصفحه الرئيسيه للمنتدى شات يمكن يغنينا عن الاسكاى واهو نتابع المنتدى واحنا بندردش

ممكن نتفق ونعمل برضو عليه اجماع كل يوم ونحدد ساعه معينه نتقابل فيها يوميا ولو نص ساعه وده بعد ما نخلص مشاركاتنا فى المنتدى من مواضيع وردود

ده رايى ولكم طبعا حريه قبوله او رفضه

واشكرك على اقتراحاتك واهتمامك بالمنتدى ياابو اسامه وانتظر اهتمام اكثر واكثر
ahmedabdelziem
15-09-2012, 02:04 AM
لا انا بقا عايز موضوع الاسكا بى ده
انا رخم وقفلت معايا
عموما برضو اقتراح خلود الخاص بالجزء التانى
افضل بصراحه منه هنتقابل مع بعض
وفى نفس الوقت هنكون فعلا بنتابع المنتدى
ابو اسامه
15-09-2012, 02:09 AM
شكرا على مرورك الجميل وعلى ردك .. وهذه مجرد فكرة وانا قولت الاسكاى علشان ممكن نعمل فيه محادثة جماعيه والكل يسمع بعضه صوت ويرد عليه وكل الاعضاء سامعين وكل واحد يقول مقترح مثلا وناقشه مع بعض . مجرد فكره .. شكرا على مرورك العطر ...
ابو اسامه
15-09-2012, 02:19 AM
شكرا على مرورك الجميل وعلى ردك .. وهذه مجرد فكرة وانا قولت الاسكاى علشان ممكن نعمل فيه محادثة جماعيه والكل يسمع بعضه صوت ويرد عليه وكل الاعضاء سامعين وكل واحد يقول مقترح مثلا وناقشه مع بعض . مجرد فكره .. شكرا على مرورك العطر ...
fagrmasr01
15-09-2012, 09:18 AM
التنشيط طبعا جميل ومطلوب
الافكار الحلوة ماشاء الله طيبة
لكن انا مش حابب فكرة الاسكاى بى ولا الشات كمان الا فى اضيق الحدود لان المنتدى بيفقد جزء كبير من اعضائه ومن تركيزهم
رأيى ان المنتدى فعلا ماشاء الله عليه جميل باعضائه اللى فعلا ماشاء الله كلهم عمالقة .. والهدوء احيانا بييجى من ظروف شخصية لبعضنا .. لكنه زى بيت العيلة اللى كلنا بنحبه
حاتم جلال
15-09-2012, 01:03 PM
فكره اللمه نفسها حلوه وجميله ولو هنبقى كلنا مع بعض فى اى مكان بس نكون نفس المجموعه دى

انا دايس معاكم فى اى حاجه وفى اى حته

اعملوا حسابى ومتنسونيش