ايه الحل فى موضوع التحرش

[lionking]

بسم الله الرحمن الرحيم

موضوع عايزين نتكلم فيه منغير شعارات وكلمات رنانة جوفاء لا تمت للواقع بصله

التحرش الجنسي

التحرش مش شرط يكون بمد الايد او اللمس ولكن مجرد الكلام والنظرات تعتبر تحرش

لو سالت ليه بيحصل التحرش ده

هلاقى الناس بتلقى باللوم على البنات وعلى السيدات محجبات او مش محجبات

وحتى المنتقبات


محدش فكر يقول ان المتحرش ده انسان مش متربى ولا عنده اهله يعلموه الادب والرقى وكيفية التعامل مع الانثى


كلنا بنتعاكس فى الشارع ومابقيتش بتفرق اذا كنت بنت صغيره او فى الجامعة او ام

مجرد نزول الانثى للشارع الكل بيبص عليها ومش عارفه ليه



ليه التفكير عند البعض متركز على الشهوة والجنس فقط


واللى هيقول لبس البنات وشكلهم ياريت يرحمنى من تعليقه ده لانى مش هقبله

كتير مننا مش بتلبس البادى ع الجينز ولا يتعمل الربطات العجيبه وبرضو مش بنترحم من الكلام ولا النظرات


والظريف باه وده اللى بيحصل معايا

وده برضو مش تعميم

واحد قاعد فى النادى مع المدام والحمد لله ربنا انعم عليه باللحيه وزوجته منتقبه ولكن للاسف يختلس النظرات


انا قلت انه مش تعميم لكن موجود وكتير منهم بياخد اللحيه ساتر


ما علينا من دول خلونا فى الشباب الصغير

انا لاحظت ان اللى بيعمل الحاجات دى هم من سكان المناطق الشعبيه واللى مش متعلمين

بس ده برضو مش مبرر



بصراحة ماشوفتش من الشباب الممتعلم واللى مرمى على ابواب الجامعات وفى النادى بيعمل مصيبة التحرش دى

ممكن يكون بيعاكس بطريقة تانية وده بنتى بتحكيهولى من اللى بتشوفوا بس مافيش حتة التحرش دى


عايزة اعرف ايه الحل من وجهة نظركم وازاى نتفادى القرف ده


ومنغير القاء اللوم على طرف وغض البصر عن طرف اخر


الكل بيتعرض للقرف ده بنوته وشابه وام ومحجبه حجاب محترم وغير محترم ومنتقبه


ايه الحل

[M.Khalifa]

الله تعالى الذي أمر المرأة بالحجاب هو أيضا الذي أمر الرجل بغض البصر
فإن كان الحجاب فريضة فغض البصر أيضا فريضة
لا أبيح للنساء العري أو التبرج ولكنني لا أبريء للرجل أن يطلق بصره
كلنا عليه دور ( الدولة - الأسرة - المسجد - المدرسة - ... الخ )
فأنا مثلا أتعجب حين أجد مجتمعا سلبيا يرى المنكر أمامه ولا يحاول أن يغيره ويقول أنا مالي
فترى مجموعة من المنحرفين قليلون يتحرشون مثلا بفتاة والناس حولهم بالمئات والآلاف وتراهم فقط يشاهدون ويمصمصوا شفايفهم .. ماهذه السلبية ؟! أما يوجد أحد يقول لهم كفوا يردعهم ...