يوميات نصحى الفاكيك (كاريوكا)

[مصطفى مامون]

انا مش من هواة المسلسلات ممكن لظروف شغلى او لانى مش بحب ارتبط بشىء يحبسنى كل يوم فى البيت عشان اتابعه لكن شدنى جدا عنوان لمسلسل اسمه كاريوكا وافتكرت فى اول الامر انه بيتكلم عن نشأه المروحه الكاريوكا وتاريخ تطورها ووجودها بمصر وسبب تسميتها للاسم وبعدين قلت فى بالى ياواد ياناصح يافكيك دا بالتأكيد مسلسل يابانى او صينى هيعلمنا لعبه فى الكاراتيه اقدر ادافع بيها عن نفسى وانا سايق التوكتوك ويحمينى من بتاع الكارته وصممت انى اتابع المسلسل ولو حلقه يمكن اتعلم حركه والا اتنين وبعد ماخلص الفاصل الاعلانى الممل بدأ المسلسل وكانت المفاجأه انى اكتشفت ان كاريوكا دى تبقى تحيه الرقاصه واتعلمت حاجات كتيره من المسلسل ده اللى بيحكى السيره الذاتيه لعملاقه الرقص كاريوكا وانها اول من ادخل الرقصه الحلزونيه مصر واول من اخترع لفه الدوران الخلفى والشقلباظ الكرتونى ويرجع تسميه المروحه الكاريوكا نسبه اليها لانها اول من رقصت على السقف وعرفت انها عانت كتير جدا علشان توصل للمكانه اللى هى فيها قبل موتها وشحططتها فى الكازينوهات وانها تحدت جميع راقصات مصر فى حركه رعشه البطن اللى تفوقت عليهم فيها بعد تدريبات شاقه على انغام اغنيه اتقدم اتقدم وهى الاساس الحقيقى للتت فى مصر والتاتو وتعتبر كاريوكا من مؤسسى مدرسه الهزات الارضيه
فعلا استفدت !!!!1

[lionking]

هههههههههههههههههههههههههههههه

[ahmedabdelziem]

تحيه كاريوكا تابت قبل موتها بفتره كبيره
اتمنا ندعيلها بالرحمه بدل من استخدام اسمها
للتريقه وتذكر ماضيها لعلها عند الله الان
افضل من كثيرا منا

[مصطفى مامون]

تحيه كاريوكا تابت قبل موتها بفتره كبيره
اتمنا ندعيلها بالرحمه بدل من استخدام اسمها
للتريقه وتذكر ماضيها لعلها عند الله الان
افضل من كثيرا منا
اللهم قوى ايمانك بس انا مسمعتش حاجه عن توبتها اللى بتتكلم عنها وياريت تنفعنا بالموضوع ده علشان نستفيد وحتى لو تابت اعتقد ان فيه غيرها يستحق يتعمله مسلسلات وخدم الوطن افضل منها فى الدين والعلم والسياسه واغفلهم الاعلام والا حضرتك ليك رأى تانى

[مصطفى مامون]

تحية كاريوكا


ارتدت تحية الحجاب في أوائل التسعينات واعتزلت الفن. لم تكن تحية كاريوكا بعد حجابها تندم على تاريخها السينمائي بل كانت تفتخر بفنها وبعلاقاتها الفنية، وكانت تسعد عندما تتذكر أحد أزواجها كالفنان رشدي أباظة. __________________
منقول عنها *********** واعتقد ان من اوائل شروط التوبه الندم على الفعل نفسه واخيرا اللهم اغفر لها ولى ولك ولجميع المسلمين وانا لم يكن المقصود من حديثى هو التعرض لحياتها بقدر التعرض لاعلامنا الذى جعل من هؤلاء رموزا لهم تاريخ يُسرد كان غيرهم احق بها وما رأيك اخى العزيز فيما قلته موافق ام مُعارض

[خلود]

مصطفى انا مشفش المسلسل ولكن زملائى فى الشغل كانوا بيحكوا عنها ومحدش هاجم المسلسل مش علشان هما مش مؤدبين وبيحبوا يتفرجوا على الرقص والبدل والحاجات دى

لكن اللى حكوه عن المسلسل ان تحيه كاريوكا كان لها تاريخ سياسى لا يستهان به وياريت لا نغفل دور الفن فى السياسه ومننساش فنانين كتير اسهموا بعطائهم فى الاعمال الوطنيه ونضالهم فى السياسه وارجو عدم التهكم لانهم لهم رساله فى اعتقادهم حابين يوصلوها

وبالفعل اواخر ايامهم بيقربوا لربنا ويتوبوا وربنا برضو بيغفر لعبده الائب النادم لان الله غفور رحيم

[مصطفى مامون]

يعنى اذا كان ادامنا تحيه كاريوكا وصفيه زغلول نعمل لمين

[ahmedabdelziem]

تحيه كاريوكا تابت قبل موتها بفتره كبيره
اتمنا ندعيلها بالرحمه بدل من استخدام اسمها
للتريقه وتذكر ماضيها لعلها عند الله الان
افضل من كثيرا منا
اللهم قوى ايمانك بس انا مسمعتش حاجه عن توبتها اللى بتتكلم عنها وياريت تنفعنا بالموضوع ده علشان نستفيد وحتى لو تابت اعتقد ان فيه غيرها يستحق يتعمله مسلسلات وخدم الوطن افضل منها فى الدين والعلم والسياسه واغفلهم الاعلام والا حضرتك ليك رأى تانى

يارب ياستاذ مصطفى يقوى ايمانى
انت مسمتعش عن توبتها عشان انت ممكن تكون بتشغل بالك بسماع حاجات تانيه
انما ان فى ناس خدمه الوطن والدين والعلم الخ ومتعملش ليهم اعمال فنيه
ديه تلوم فيها وزاره الاعلام مش تقعد تتكلم على الشخصيه اللى اتقدمت وتنسى المسئول

[ahmedabdelziem]

طيب ايه وجه المقارنه بينهم يامصطفى
مش عارف بصراحه بحس انك بتحب
تثير حفيظه اللى قدامك باسئله غريبه
ايه هى القواسم بين الاتنين عشان افاضل بينهم
ديه تاريخ سياسى وديه تاريخ فنى

[مصطفى مامون]

كاريوكا يااحمد تاريخ فنى غريبه والله والله ماكنتش اعرف
يااحمد هو انا معترض على القيم الفنيه امثال عبد الوهاب والسنباطى وفاتن حمامه
انما كاريوكا قيمه فنيه متهيألى صعبه اوى دى وبعدين هى ملهاش ذنب يااحمد العيب على الاعلام وانا نقدت الاعلام اللى جاب مسلسل ليها انما هى ربنا اعلم بتوبتها رغم انى جبت تصريح ليها مش انا اللى كتبته انها فخوره بتاريخها ودا حقها وحقى انا انى انقد وحقك انت انك تتناقش وحقنا مع بعض اذا وصلنا لنقطه عدم التقاء فى الموضوع اننا نقفله ونغير الموضوع ولاحظ دايما انى فى نهايه كل حوار معاك ببعتلك التحيه والسلام دليل على انى حريص عليها معاك مش مقصود انى اثير حفيظتك او اثارتك ولك منى التحيه صديقى احمد

[ahmedabdelziem]

على فكره يامصطفى انا بعتز بيك
وبعتز بناقشى معاك انت وفريد
لاننا بالرغم من اختلافنا الدائم
الا اننا احنا التلاته دايما بنحافظ على صوره اللى بناقشه
لك منى كل احترام وتقدير اى ان كان الاختلافات بينا
وانا هفضل على كده دايما
وهفضل دايما مش بزعل من ناقشى معاكم
وهفضل احترمكم

[مصطفى مامون]

احمد عبد العظيم
لا يسعنى الا ان اقول انك محترم ويارب تدوم علاقتنا ونقاشاتنا واختلافاتنا بس تدوم اكتر مودتنا اقفل موضوع تحيه كاريوكا وتابع يومياتى وانقدها كعادتك الجميله