زهقت من الخضوع

[fagrmasr01]

http://89.img.v4.skyrock.net/89c/taldjigt-n-dades/pics/2961692129_1_5_6yfnRWsa.jpg

انا المصرى الحزين تعبت من الخضوع
زهقت من صحبتى ويا المرض والجوع
كرهت انا الأحزاب اللى شعارها خنوع
مخنوق من الشعارات ومن علم مرفوع

علم بيقول انه شايل على ايده الخير لمصر
وعلم تانى بيرفع على جثتى رايات النصر
راية خضرة أو سودة .. او الرايات الصُفر
رصيدهم بالمليارات ورصيدى بلادى صفر

وزهقت من اللى بيهتف
فوق قلبى ودمى بينزف
وعلى دم ولادى بيحلف
ومع ألف يمين وبيخلف

حرام عليكوا كفاية .. وصلنا للنهاية
زهقنا من الشعارات وكشفنا الحكاية
ياطامعين فى الحكم شرع الله البداية
نخضع لحكم الله ونعود الى الهداية

بصوا لحال الشعب .. شوفوا رغيف العيش
الوضع اصبح صعب .. نفسى ياخلق أعيش
عمرى اصبح مرار .. وانا كل حاجة مفيش
مرض وفقر وجهاله .. وزهقنا من التهميش

يامثقفين .. الجوع بياكل بطون الناس
ياشبعانين ارحمونا واتعلموا الاحساس
انا باموت يا مصر مع ان انا الأساس
طالبين ياخلق نعيش .. بنعمل التماس

زهقنا م المظاهرة .. زهقنا م الهتاف
ومن كل واحد فيكم نشيله ع الأكتاف
الشعب بطل ينافق وبطل كمان يخاف
مصرنا تستاهل الخير وأهلها أشراف

[خلود]

اه والله زهقنا ياجمال خلاص

قول وقول كمان اننا اشراف ومنسحقش نتهان ابدا

رائعه كلماتك ياجمال ودائما تمتعنا بابداعاتك الجميله

[قموره]

http://im12.gulfup.com/2012-04-15/1334511070446.gif

جميله كلماتك كالورد نستنشقه باجمل المشاعر والاحاسيس

سلمت اناملك وابداعاتك
http://up.graaam.com/uploads/imag-6/uploadf0b34a2133.gif

[ahmedabdelziem]

انا م النهارده حزين على كل روح راحت
شايفها عيون تنزف وعيون كتير راحت
شايف صاحبهم فى سجن مرمين
عشان على حقهم قالوا مش ساكتين
حالمين بدوله بتنصر المساكين
بشعب عايش فى ملكه مش ساكنين
شعب يشوف مصر كامله مش نصين
دلوقتى لسه الشعب الساكت المتهان
من الفقر ساكت وبالصبر متكتف
لكن فى يوم صرخه شهيد من قبره راح تخرج
تهز كل الكون تحرق جنود فرعون
تدى لكل اللى اتظلم حقه
تاخد من كل خاين دمه ورقبته
تحلف ماترجع قبرها
غير والثوره جواه الناس
والناس تجيب للشهيد حقه
وتكون عيون الحريه رمز ثورتنا
ونرجع ساعتها بجد من غير هتاف ولا شد
نقول لبعض والصوت يشد الصوت
احنا اللى بايدينا راح تانى نبنى المجد

[قموره]

[QUOTE=ahmedabdelziem;206261]
انا م النهارده حزين على كل روح راحت
شايفها عيون تنزف وعيون كتير راحت
شايف صاحبهم فى سجن مرمين
عشان على حقهم قالوا مش ساكتين
حالمين بدوله بتنصر المساكين
بشعب عايش فى ملكه مش ساكنين
شعب يشوف مصر كامله مش نصين
دلوقتى لسه الشعب الساكت المتهان
من الفقر ساكت وبالصبر متكتف
لكن فى يوم صرخه شهيد من قبره راح تخرج
تهز كل الكون تحرق جنود فرعون
تدى لكل اللى اتظلم حقه
تاخد من كل خاين دمه ورقبته
تحلف ماترجع قبرها
غير والثوره جواه الناس
والناس تجيب للشهيد حقه
وتكون عيون الحريه رمز ثورتنا
ونرجع ساعتها بجد من غير هتاف ولا شد
نقول لبعض والصوت يشد الصوت
احنا اللى بايدينا راح تانى نبنى المجد

معقوله دى من ابداعاتك يااحمد

روعه روعه جدا

طيب ليه حارمنا من الكلام الجميل ده

حلوه اوى اوى يااحمد

[فريد]

دائما و ابدا انت المبدع
انت تصاحب الكلامات
او الكلامات تصاحبك
دائما و ابدا لكى منى ومن قلبى التحية

[مصطفى مامون]

كُتبت بقلب وليست بقلم فظهرت الكلمات رائعه والاحساس اروع بما كتبت تقبل تحياتى على مابه شدوت ا/جمال

[lionking]

مفيش اى تعليق ممكن اقوله بعد كل الناس الجميله دى ما تفضلت وقالت رايها

روعة يا جمال وكمان احمد

رووووووووووعة

وانت فين بأه يا زعيم مش بتكتب حاجة ليه

[fagrmasr01]

اشكركم على حسن التجاوب وعلى تكريمى بردودكم الاكثر من رائعة على احساساتى وكلماتى التى هى بلا شك تتواضع أمام روعة تواجدكم
وأتمنى ان يشملنا الله مصر والمصريين برحمته ورعايته
أحبكم جميعا فى الله