ما هو أقدم شي تحتفظ به الى الان؟؟؟؟؟

[قموره]

http://www.arabsgate.com/eduimages/images3/forum17/basmla.gif



بسم الله الرحمن الرحيم
اخواااني.....اخواااتي
اعضاء منتدى 6 اكتوبر
السلام عليكم ورحمة الله وبركاته
كل واحد منا له ذكرياته الجميلة.......و مواقفه الحلوة
وبعضها اشياء صغيرة ..يمكن ما تكون في قيمتها المادية .....شي يذكر .. ولكنها بقيمتها لنا
شئ كبير وغالي .......
بما فيها من ذكرى لنا تشكل اهم الاشياء ونحتفظ بها يوم بعد يوم ..سنة ورا سنة ..كلما
نظرنا لها تتجدد الذكريات وتحرك المشاعر ........
يمكن تكون رسالة....... او ساعة ........او قلم ....... او ميداليه نقش عليها حرف غالي ........او ورد..............او.....
تتعدد اشياءنا الصغيره في حجمها .......الكبيره في قيمتها لارواحنا وحياتنا ......
سؤالي لكم ؟
ما هو أقدم شي تحتفظ به الى الان؟؟؟؟؟

اتمنى منكم المشاركه

[خلود]

موضوع ظريف وجميل اوى

انا عندى حاجات كتيره شايلها وانا صغيره

من ضمن الحاجات دى كراسه رسم كبيره كنت بقطع صور محمود الخطيب ( بيبو ) كنت بحبه اوى وكنت بلزق كل صوره فى الكراسه دى ومعروفه دى لبيبو وبس

وكمان فى اتوجراف مسجله فيه لزمايلى فى ابتدائى كل واحد صفحه كاتب لى فيها كلمه للذكرى كل كام شهر كده اطلعه واقعد اقراه واوريه لبناتى واحكى لهم ذكريات كل صفحه فيهم

[lionking]

موضوعك لذيذ اوى يا قمورة

بصي يا قمر انا بحاول ارفعلك صور للحاجات الاثرية اللى عندى بس اتخنقت الصراحه

http://www6.0zz0.com/2012/08/09/11/395386434.jpg (http://www.0zz0.com)

دى عروسه كانت خالتى الله يرحمها جايبهالى فى عيد ميلادى وكانت على قاعده مدوره وبتلف وبتعمل موسيقى تجنن


فى كمان اوتوجراف وانا فى الثانوى وكل صديقاتى كاتبينلى فيها حاجات تجنن

ايه ده بس تصدقى

كلهم بيقولوا عليا بحب الرخامة والمناقره

ههههههههههههههه

ده الظاهر انى من يومى كده مناكفه

يلا الحمد لله

المهم يعنى ان عندى حاجات كتير اوى برغم مرور الزمن عليها الا انى مش قادرة اتخلص منها

وانتى دلوقتى فكرتيني بحاجات وايام جميلة جداااا

[خلود]

اه والله ايام لا تعوض ياليون

بقعد افتكرها وبتوحشنى اوى وببقى نفسى ارجع لها تانى

كنا فيها لا شايلين هم ولا مسئوليه

كانت ايام جميله جدااااااااااااااا

[قموره]

احلى واجمل ردين

تسلموا ياقمرات ومين تانى هيجى يقول محتفظ بايه لسه من زمااااااااااااان

[احمد 300]

احلى واجمل ردين

تسلموا ياقمرات ومين تانى هيجى يقول محتفظ بايه لسه من زمااااااااااااان

دا على اساس انكم 3 قمرات لاكن لو راجل رد اكيد مش هيكون من فصيله القمر


ما بحبش احتفظ بشئ قديم بحب التجديد
ههههههههههههههههه

محتفظ بشويه صور وبصراحه علبه الادوات الهندسيه
البرجل والمنقله والمثلث بصراحه كنت بحبهم اما علبه الالوان
كانت دايما بتعمل مشاكل بينى وبين ماما وانتم عرفين وخلو
الطابق مستور