المساعد الشخصي الرقمي

مشاهدة النسخة كاملة : ناقش العضو اللى بعدك


قموره
09-08-2012, 02:23 AM
آلســلآم عليكم ورحمة الله ..
الموضوع عجبني ونقلته لكم

" نطــرح سؤآل قآبل للنقآش "

مثلاً , يأتي عضو ويقولـ :>
* هل يعــود آلزمن للورآء لنصحح أخطآء آلمــآضي ؟!!!!



و يأتي عضو آخر و ينآقشه ويقول :>- " لآ آلزمن يسير للأمــآم ولن يعوود للخلف نهآئياً , فيجب علينآ آلتفكير في آلمستقبل فقط مع أخذ آلحذر من أخطآء آلمآضي "





::::



::::


وبعد آلإنتهآء من آلإجــآبة يكتب سؤآل نقآشي لمن يأتي بعدهّـ ...



آلسؤآل يكون للنقآش .. مش بس سؤآل وجوآب

اتمنى ان تكوون الفكره وضحت
قموره
09-08-2012, 02:24 AM
انا ابدا:
هــل النــآس .. تغيــرت ولآآآ الــزمـن إلي تغ’ـــير ..؟!
ahmedabdelziem
09-08-2012, 02:54 AM
طبعا الناس بس هى اتغيرت بسبب ضغوط الحياه
وتغير الاوضاع من حولهم

سؤالى للى بعدى
تفتكر ان الثوره حققت اى انجاز ؟
fagrmasr01
09-08-2012, 11:14 AM
قناعتى الشخصية ان الانجازات لم تبدأ حتى الان
لأن الثورة تمت سرقتها بمجرد تغيير رأس النظام

سؤالى
ازاى نقدر نطور قسم ابداعات الأعضاء ونزود الإهتمام بالشعر فى المنتدى
lionking
09-08-2012, 02:13 PM
سؤالى
ازاى نقدر نطور قسم ابداعات الأعضاء ونزود الإهتمام بالشعر فى المنتدى



سؤال تعجيزى جداااااا

الابداعات عندنا كبشر لن تتطور الا بالغوص فى بحر القراءة والتمعن فيها ومحاولة اخراج ما فى داخلنا عن طريق الكتابة
احنا بعدنا عن القراءة وبقينا بنستسهل كل حاجة



سؤالى للعضو اللى والدته داعياله
ياترى ميييييييييين
ههههههههههههههه

هل من المنطقى بسبب خوف من الاخوان ان ترتمى فى احضان العسكر ؟؟ وهل تؤيد العوكش فى تفكيره ؟؟
احمد 300
09-08-2012, 05:25 PM
انا شايف ان العسكر هما ال حافظو على البلد وهما ال رفعو راسكم فوق وخلوكم احرار والى ملهوش خير فى تاريخه مالهوش خير فى حاضره وبكره الاخوان هيرجعوكم لا ايام ابوجهل العبد والجاريه يا ريت بدل ما نفكر فى العسكر نفكر فى الاخوان
وال ما بيعرفش انجاذات العسكر يبقى يفرجنى على انجاذات الاخوان


سؤالى هل تريد مصر بلا جيش ولماذا تكره العسكر؟
قموره
10-08-2012, 05:06 AM
[QUOTE=احمد 300;204929]ا


سؤالى هل تريد مصر بلا جيش ولماذا تكره العسكر؟

لا طبعا مصر بدون جيش ولا حاجه والحمد لله قدر يحفظ لنا مصر الى حد ما فى ظل الفوضى اللى كنا فيها ولكن على المجلس العسكرى شويه تحفظات وتصرفات مستفزه بعض الشئ ولكنها لم تصل للكراهيه

سؤالى
بيتقال فى ثوره يوم 24\ 8 هل تعتقد هتسفر عن تنحى مرسى ووقوغ الجيش بجانب الشعب مره اخرى وياترى لو ده حصل من يصلح لرئاسه مصر فى هذا الوقت
fagrmasr01
12-08-2012, 07:30 AM
مع غياب القدوة عن الساحة
ومع استمرار حالة فقدان الوعى التى يعيشها شعبنا
فلا يمكن ان تنجح اى ثورة فى الوقت الحالى

انا لست محبطاً ولا متشلئماً .. لكن فعلا يجب ان ينتبه المثقفين الى ان مصر بتضيع
فى وقت يزداد فيه غموض كل المعطيات

احنا الشعب اللى شتمنا البرادعى فى مجلس الشعب .. وطراطير المجلس صقفوا للى بيشتم القدوة
بعد ان قاد البرادعى التغيير الذى تم لأول مرة بصورة علنية فى وقت كان جبروت مبارك والوريث يتحدى كل من يفتح فمه
بعد ان قاد الرجل مهمة ايقاظ الوعى الوطنى .. تحالف الاقزام عليه وشتموه .. فاضطر ان يبتعد عندما رأى ان الساحة لا تحكمها العقول

لن ينجح 24 اغسطس .. ولا يوجد ضمير حى مستيقظ فيكى با مصر .. فى الوقت الحالى

أتمنى عودة حقيقية للبرادعى وان يلتف حوله اصحاب العقول والضمائر .. من أجلك يا مصر

سؤالى
تنصح شعبنا بايه .. من أجل عودة يقظة الضمير الوطنى
lionking
12-08-2012, 03:29 PM
تنصح شعبنا بايه .. من أجل عودة يقظة الضمير الوطنى

سؤال حلو اوى اووووى
شعبنا عشان ضميره الوطنى يصحي ويفوق من كومة السكر اللى جاتله دى لازم ندوس على كل الخلافات اللى اتزرعت بينا كلنا
لازم نرجع كلنا ايد واحده
ايام الثورة كنا كده ... الشعب كله مسلميه ومسيحييه كانوا ايد واحدة
لكن نجح المجلس والاخوان والنخب العرر فى تفريقنا تانى

سؤالى
ممكن تعمل ايه لاخماد نار الفتنة بين المسلمين والمسيحيين ومين المسئول عنها ؟؟؟